Wednesday

الكثير من الحب سوف يقتلك


أغنية جميلة لفرقة كوين .. بفتكرها دايما كل ما أنسي نفسي وأنا بعمل حاجة بحبها. أنا مدمنة شغل، وعلي عكس الناس اللي فاكرة إنها حاجة لازم الواحدة تفتخر بيها، أنا بحاول أتعالج من الموضوع دا. أنا عايزة يكون لي حياة إجتماعية .. عايزة أخرج أكتر مع أصحابي .. عايز أنزل أتسوق وأستمتع بالحاجات الصغيرة ف الحياة .. عايزة أتمشي .. عايزة أقرا روايات أكتر .. عايزة أعمل حاجات كتير بس دايما بخليهم يجو بعد الشغل.


كفاية كلام عن اﻷمنيات .. السبب اللي خلاني أختار اﻷغنية دي كعنوان للبوست هو إني بشوف بنات كتير صغيرين ممكن يوصل بيهم الحال إنهم يدمروا حياتهم تحت اسم الحب. أنا مش ضد الحب، أنا حتي مش ضد الحب المجنون أو الحب الرومانسي الفظيع .. سميه زي ما تحبي .. اللي أنا ضده هو الفهم الغلط للحب، الحب المدمر اللي بيشقلب حياتك وإنتي بتطاردي وهم.


خليني أوضح أكتر شوية، أكيد أغلبنا مرينا بالتجربة اللي بنسميها "الحب اﻷول"، لما كنتي ف سن المراهقة ولقيتي نفسك من غير تفسير وقعتي ف واحد عكسك تماما ف كل حاجة، فاكرة؟ بتقضي شهور وممكن سنين ف العلاقة دي عشان بس تكتشفي إنها كانت كلام فارغ .. مجرد تدريب لمشاعرك الجديدة .. حاجة كدا عشان تأهلك انك تبدأي حياة فيها طرف آخر. إنتي كنتي بس عايزة تعرفي الدنيا بتبقي عاملة إذاي وإنتي ف علاقة حب. الشخص اللي كنتي بتشوفيه زي الملاك اللي نقصه جناحين، دلوقتي إكتشفتي إنه حد تافه، حد عمرك ما هتنجذبيله دلوقتي لما يحصل إيه. غريب جدا إن اللي كنتي فاكره إنه أصدق إحساس يتحول ويتكشف إنه مجرد وهم. حتي معاناتك من جرحك بعد الفراق, دلوقتي بقيت حاجة سخيفة، حاجة تضحكي عليها مش تأسفي ليها.


كتير بتقري ف الجرايد عن بنات بتهرب مع البوي فرندز، أو بنات بتتجوز بحتة ورقة أو ياخدو عهد علي بعض ف السر. البنات دول إتحبسوا ف التجربة دي ومش قادرين يشوفوا أي حاجة بعدها. ف الغالب البنات دول تربيتهم كانت ظالمة وقاسية، اهاليهم ميقدروش يتخيلوا إن بنتهم الصغيرة ممكن تكون بتحب ولد حتي ف أحلامها. البنات دول، مشاعرهم المكبوتة مع غياب التوجيه والظهور المفاجئ للمشاعر اللي بيحصل ف السن دي، كل دا بيكون السبب في وجود تركيبة سامة بتسمم عقولهم وبتخليهم ياخدوا القرارات القاسية دي من غير حساب للعواقب. طبعا ملوش لزمة نتكلم ف تفاصيل اللي بيحصل بعد كدا عشان كلنا عارفين.


مع ذلك، مش بس البنات المراهقات هما اللي بيقعوا ف الفخ بالطريقة دي .. ساعات بنشوف ستات ناضجين بس مش ناضجين لما الموضوع يبقي ليه علاقة بالقلب : ستات تلاقيهم على علاقة برجالة أقل منهم بكتير، ستات بيعملوا حاجات غبية بسبب الحب، بيبقوا عارفين إن الراجل بيلعب ويتسلي ومع ذلك تلاقيهم مصرين يكملوا ف العلاقة، ممكن يوصل بيهم الحال إنهم يفقدوا شخصيتهم عشان اللي بيحبوه، مستعدين يضحوا بكل حاجة في مقابل ولا حاجة، ستات مستعدين يتحملوا المسؤلية كاملة (بما فيها المسؤليات المادية ف حالات كتير) عشان الحب، ستات بيخرجوا ويقابلوا رجالة متجوزين، بيتحجبوا من أجل الحب(أنا بشوف منهم كتير اليويمن دول)،بيسيبوا شغلهم عشان يبسطوا اللي بيحبوهم، ستات بيسيبوا نفسهم للاستغلال باسم الحب .. لسته ملهاش أخر.


دايما بسأل ليه؟ كل ما أشوف واحدة من البنات الحلوين المتعلمين كويس وألاقيها فجأة إتعمت وعلى علاقة بحد واضح جدا إنه غير مناسب، دايما أسأل ليه؟ أنا سمعت قصص كتير عن الموضوع دا من ستات بتحاول تفسر اللي هما فاكرينه السبب (ف الغالب لما الموضوع ينتهي)، بس عمري ما إقتنعت. أغلبهم هيرمولك المثل المشهور "الحب أعمي" وكإنه شارح نفسه. كتير منهم بيقولوا "إنا كنت منجذبة للشخص ده جدا, لدرجة إني كنت فاكرة اني مقدرش أعيش من غيره". وكتير بيقولوا إنهم إتخدعوا لإنه كان ممثل هايل. ستات تانية بيقولوا إنهم بذلوا مجهود ووقت وإستثمروا كتير ف العلاقة ودا خلاهم يقاوموا فكرة إنهم ينهوها (دول نوعا ما صرحا مع نفسهم)، وساعات كتير بتسمع حاجة ساذجة زي "أنا كنت فاكراه بيحبني، هو قال إنه بيحبني، ايه اللي يخليه يكدب؟".


علي فكرة، أنا بقرا العيون كويس جدا. هو أنا مقلتلكوش علي الموضوع دا قبل كدا؟ طيب .. عشان بس تسجلوها عندكوا، أنا جامدة جدا ف الموضوع دا.


اللي أنا شفته ف عنين الستات دول كان قلة ثقة بالنفس. هو دا السبب، مفيش غيره. بس هما مش بيحاولوا يبذلوا المجهود ويفتشوا جواهم عشان يعرفوا فين المشكلة. عشان كدا دايما تلاقيهم بيكرروا نفس الغلطة وكإنهم متعلموش أي حاجة من تجاربهم القديمة. دايما بيكرروها ويقولوا لنفسهم "الشخص دا مختلف"، ولما يتكرر نفس السيناريو تلاقي البنت بتقول "أنا حظي كده, دايما أقع ف الشخص الغلط"، مش بيقدروا يعترفوا لنفسهم إن عندهم مشكلة. رغم كل صفاتهم الهايلة بيسمحوا انهم يتخدعوا .. طبعا مش بطريقة مباشرة بس عن طريق إنهم يعيشوا ف الوهم وينكروا الحقيقة.


أغلبنا إتربينا بطريقة خليتنا منحسش بالإمان. لو فعلا مهتمين إننا نلاقي حل يبقي لازم مننكرش إن فيه عندنا مشكلة. التربية والمعاملة اللي أخدناها من المجتمع عملت فراغ جوانا. إحنا بنحاول نعالج الفراغ دا بإننا بنثبت إن عندنا كتير نقدمه، حتي لو هنقدمه للشخص الغلط. بنضعف قوي لما حد يبين إنه مهتم بينا، خصوصا لو عنده شوية مقومات تخليه جذاب: إنه يكون وسيم، غني، ناجح، دمه خفيف .. حاجات من دي. الصورة الإجتماعية للمرأة اللي دايما بيحطوهالنا هي إنك عشان تبقي مكتملة لازم يكون فيه راجل جنبك. أغلبنا هيبالغوا ف بذل المجهود عشان يحافظوا علي الراجل دا. أغلب البنات بيعتبروا الراجل اللي بيحبهم (أو اللي بيدعي إنه بيحبهم) هو أحسن راجل ف العالم، عشان كدا تلاقي البنت بترضي ومش بتسعي لأي شئ أفضل. مش بتهتم إنها تختبره، مش بتاخد وقت لغاية ما تحلل وتفهم تصرفاته وكلامه. هو أحسن راجل أدام هو بين إنه مهتم بي. دا اللي بيخلي البنت تنيم كل مخاوفها. كل همها بيبقى إنها تكسبه ليها، تلبس الدبلة بتاعته.


يابنات، لو فاكرين إن الحظ هو دايما السبب ف إنكم تقعوا مع الرجل الغير مناسب، من فضلكوا فكروا تاني. لو فاكرة إن الحب أعمي وإن الطريقة الوحيدة إنك تحبي واحد هو إنك تخسري حبك لنفسك، ف إنتي غلطانة. الحب زيه زي أي مشاركة، خد وهات. لو الحب من طرف واحد، حد دايما بيدي وحد دايما بياخد، يبقي دا مش حب, دا فشل. خليكي غالية عند نفسك ومترضيش أبدا بأقل من اللي تستحقيه. دي حياتك
إنتي, متضيعيهاش.
البوست بالانجليزية
Translated by The Alien

21 comments:

Unknown said...

بس متنسيش ضغط المجتمع علي البنت و ان لو هي مش مرتبطه لازم الناس تعاملها زي ما يكون فيها حاجه غلط

كمان في بنات بسبب البيت و الاهل و المعامله تصدق اي واحد يقولها كلمه حلوه و تحس انه المنقذ ليها من الي هي فيه

المشكله زي ما انتي قلتي مش في الحب المشكله لما نلغي عقلنا و نخلي حد يسلب شخصيتنا

دايما مواضيعك مميزه

Coca said...

مش دايما الحب الاول بيكون غلطه او تنفيس عن المشاعر ومش قضيه الحب اعمي
لكن مفيش حد فينا وحش بس وحد كويس بس
في اننا ممكن نستحمل عيوب اللي بنحبه
ممكن يتغير فعلا لو بيحبنا

اه كتير بيكون مفيش توافق بين اتنين
وبيكون في رجاله كتيره بيدعي الحب
بس الحب مشاعر لازم الواحد يعشها ويتعلم منها
تحيتي البوست جميل

الربان said...

تحياتي

موضوع مهم...و شكرا لك انك فتحتيه.

في رأيي ان الموضوع بيبدأ من البيت..من الاسرة التي تري تحول الابنه الي مراهقة ...هذه المرحلة من أخطر ما يكون...لابد للام و الاب علي وجه الخصوص التقرب الي الابنه..و إشعارها بالحب و الحنان و الاهتمام...و أيضا بعض النصائح و التوجيهات غير المباشرة.

الحقيقة...الحب اعمي فعلا... لان معظمنا بيحب بقلبه فقط...و يهمل عقله...
هي او هو يروا الاشياء التي يحبوا ان يروها في الاخر...و يتغاضو عن الاشياء الاخري...
و لكن بمرور الوقت...تتضح لهم مساويء و عيوب الاخر...و التي غالبا ما لا يستطيعوا ان يغيروها...
هنا خضعت المشاعر للعقل ..و بدأ التفكير و إعمال العقل.

بالمناسبة كانت هناك مقالة في الاهرام للاستاذ الدكتور زغلول النجار عن العقل و القلب...و ثبت علميا ان للقلب مراكز كتلك الموجودة بالعقل..مثل الذاكرة و خلافه...و قد
كتبت هذا المقال بنصه في موقع البلوج الخاص بي.

تحياتي و تمنياتي...و دائما بالتوفيق

goodman said...

مع ان الموضوع بناتى اوى
بس انا برضة هاقول ان فى كتير لم يمروا حتى بمرحلة الحب الاول هذا او حتى حب تحت الصفر
مثلى انا
ما رايك

Anonymous said...

طول عمري وانا متخيل ان الحب الحقيقي بيجي زي الموت المفاجيء يعني بدون ترتيب ولا معايير ولا مواصفات محددة مسبقا...
بس مخبيش عليكي انا وصلت لنتيجة ان الحب اللي بالشكل ده لا وجود له في الواقع....
ومن الآخر انا شايف انه مفيش حاجة اسمها حب اساسا...

Fantasia said...

emy,
bakoon dayman sa3eeda bmoshrakatek. ana m2darsh ensa elda3't el2egtema3y tab3an. omal ana bhaty f eih?:) elda3't el2egtema3y mesh hyzool, l2en nos elmogtama3 el2aqwa mostafeed 3ala 7esab elkol. yeb2a 3al 2a2al mnedeesh sabab lelmogtama3 enoh ymares do3'ot bda3wa enena naqesat 3a2l.
lazem nefoo2, wne3raf eih howa el7ob wezay ne7eb.
t7yaty leeki.

Fantasia said...

coca,
shokran geddan 3alashan edeteeny forsa arod 3al no2ta di. sa7ee7 kol elnas feeha 3oyoob, we sa7ee7 en 7ob 3'reeza fel ensan. laken zy 2y 3'reeza mn 3'eer ta7akom el3a2l btkoon moseeba.
elmoshkella mesh fel wogood 3oyoob felsha7's (ella eza kan 3eeb a7'laqy masalan) laken fi 3adam elnodg fel3elaqah elli by7'ally banat keteer mt2adarsh el7agm elsa7ee7 l3yoob eltaraf eltany. elmoshkella fel banat elli bte3kes soret fata a7lamha 3ala ay wa7ed y2olaha kelma 7elwa.
wsada2eeny, mafeesh 7ad byet3'yar 3alashan 7ad, mahma kan by7eboh. 3omry ma shoft 7ad et3'ayar. el7ob zy 3a2d mesh maktoob, aham 7aga feeh enek t2baly eltaraf eltany zy ma howa. maho law enty 3ayzah yet3'yar yeb2a enty mbt7ebehoosh howa, teb2y bt7eby wa7ed tani fi 7'ayalek w3ayzah yet3'ayar 3alashan ykoon howa el sha7's elli fi 7'ayalek dah.
ta3lee2ek mohem fe3lan. ashkorek 3aleeh. bayen 3aleeki romansya awi ya coca.

Fantasia said...

elroban,
ahlan beek. shokran 3al ta3lee2 elgameel. sa7ee7 el2osrah hya el2asas. eltanshe2ah elsa7 elli mafeehash la ta7'weef wala estehtar. lel2saf, mawdoo3 maseery zy elgawaz w engab el2tfal bnet3amel ma3ah fi mogtama3na bsazagah 3'reeba. mafeesh ta2heel nafsy lelmoraheq 3alashan ye3raf ya3ni eih engezab lelgens el2a7'ar, aw ya3ni eih 3elaqah 3atefyah, ya3ni eih mas2olyah.. mafeesh.. kolo mashy belbarakah.
shraftny, w ya reet ashoof ta3lee2atak dayman. t7yaty.

Fantasia said...

goodman,
elmawdoo3 mesh banaty wala 7aga. elmoshrakat lelgamee3. lazem ne3raf ra2yokom tab3an. wlazem te3rafo mashakelna 3alashan ne2dar natawasal bshakl afdal. wala eih?
ama mawdoo3 el7ob ta7t elsefr dah ba2a fmawdoo3 kbeer awi.
ezay ya3ni? wala 7ata 7ob mn taraf wa7ed? mesh momken! law mesh 3ayez t2ool tafaseel tab3an ana mo7tarema 7'ososeyetak geddan. laken law mafeesh 7arag, ya reet t2olena 7'alfeyet elmawdoo3 b2e7'tesar.
shokran lelmotab3ah. sa3eeda btshareefak lya dayman.

Fantasia said...

anonymous,
awalan ahlan wsahlan beek. ya reet te7'tar ay esm 3alashan a3rafak beeh.
ana motafeqa ma3ak felgoz2 el2awal, en el7ob foga2y, byeegy mn 3'eer ma3ad. wtabee3y enak t7eb elsha7's elli shayef feeh sefat bt7ebaha. law ba2a 7asal wektashaft en 7okmak 3al sha7's dah kan 3'alat, mesh lazem t3'amy 3eneek wtewham nafsak en dah qada2 wqadar welkalam dah. howa dah dor el3a2l felmawdoo3. mesh 7'etat wtarteeb wala 7aga.
laken mawdoo3 en mafeesh 7ob mn asasoh da mesh sa7ee7. feeh 7ob tab3an. laken mo3zam elnas mesh 3arfa el7ob howa eih aslan.
t7yaty. shraft elmodawanah.

Coca said...

Fantasia
طيب كلامك جميل بس هل فكره التغيير في حد ذاته فكره مش صح
البني ادم طول عمره بيعيش بيتغير قد يكون من الاسوأ للأحسن او العكس
انتي تقبلي من تحبيه بعيوبه ما الغلط عندما تتمني ان تتحول العيوب الي محاسن
قد يكون حبك ليه هي العين التي تري ما بداخل من تحبيه فتعرفي انا بداخله شخص اجمل وارق ما هو عليه الان
علي فكره الحوار معاكي ممتعه جدا
تحياتي

ابو احمد said...

تحليل جميل وواقعى
ياريت كل البنات تقراه وتتعلم
الكبت وعدم تناول المسائل بالصراحه والوضوح ده هو السبب

شهرزاد said...

كلامك جميل
لغه العيون هى اصدق اللغات
الحب الاول يصبح ذكرى جميله
اذا لم يتخلف عنه كوارث
على فكره وحشتينى

Fantasia said...

coca,
elta3'yeer howa qanoon el7ayah. laken en wa7da tefteker enha momken t3'ayar wa7ed da sa3b geddan. 3alshan howa law kan 3ayez elta3'yeer dah kan 3amaloh mn 3'eer hya la tekteshef feeh 7aga kowyessa wala 7aga. el2ensan byetshakel 7asab be2toh wqana3atoh. elragel 7'osoosan bye3tebr ta3'eer nafsoh, 7ata law lel2afdal, 3alashan wa7dah feeh enteqas mn rogoltoh. 7ata law etzaher bel3aks, el2yam btesbet enoh mt3'ayarsh wala 7aga. hateeli wa7ed bas et3'yar 3alashan yerdi 7abebtoh. lel2asaf el3aks howa elli bye7sal.

Fantasia said...

abu a7mad,
ashkorak geddan. kalamak shaga3ny aktar enny awageh no2at elda3f elli mawgooda 3and elbanat fi mogtama3na. nefsy tkoon nazret elbanat lel7ayah waqe3yah aktar. sa3eeda dayman bwogoodak ma3ana.

Fantasia said...

sharzad,
ma3lesh mashoftesh elpost elgedeed lessa, hzoorek akeed 3alashan astamte3 bel7ewar elgameel. sa3eeda geddan bmotab3etek wta3le2ek. fe3lan el7ob el2awal momken yefdal zekrah gameela lmasha3er lessa btetfata7 3al 7ayah. laken lel2asaf 3'yab eltawgeeh welkabt momken y7awlooh lmoseeba kbeera.

اسامة يس said...

طب بس انت كده هتسببي في مشاكل كتير هههههههههههههههههه وخناقات لرب السما بين الحبايب ... ليه بس كده...

بعجبني ديما محاولة تفسيرك للظواهر والغور داخلها .. وتركيزك الدائم على ما نعانيه جميعا رجالا ونساء.. في مجتمعاتنا .... وتخصين بالذكر هنا المرأة فهي المقهور من المقهور من القاهر ... سلطة دين مزور مجتمع...
ربما اكون ابتعدت عن صلب الموضوع ...

دمت بكل ود...
خالص تحياتي

Fantasia said...

osama,
mbta3adtesh 3an elmawdoo3 wala 7aga. fe3lan elqahr howa solb elmawdoo3. hena btebda2 elmoshkella wtefdal tekbar. wfeeh nas fakra enha momken tenhy elmoshkella bmazeed mn elqahr.
ahlan beek dayman. washkorak 3ala tashgee3ak.

Unknown said...

فينك انا مستنيه البوست الجديد

Anonymous said...
This comment has been removed by a blog administrator.
Anonymous said...

Why you deleted my comment? wasn't it right. Wan't it fair?
I will say it again in a descent way
Love is really give and take as you said. However it is give love and take love. Give care and take care. Give honesty and take honesty NOT give sex and take marriage. You girls want it like that. AMRE