Wednesday

القوة والسلطة والجنس

الظلم وباء كوني. فيه دول إستعمارية وجائرة.. بينما فيه دول تانية فقيرة وضعيفة. الدكتاتور, اينما وجد, بيستغل نفوذه وسلطته جوه بلده. بنفس الطريقة نقدر نشوف العلاقة بين الرجالة والستات.. لانهم بينطبق عليهم نفس القاعدة وبيدخلوا نفس الدايرة. محدش يقدر يحدد مين السبب ف الخلخل: هل ضعف الضعيف هو اللي بيخلي القوي يتحكم؟ ولا القوة المطلقة ف إيد القوي هي السبب إن الأخرين يخضعوا ف خوف؟
بغض النظر عن السبب إذا كان دا أو دا، الدول الديمقراطية إخترعت نظام بيساعد على منع إستغلال السلطة والنفوذ. عملوا نظام بيمكن الشعب إنه يراقب ويشرف علي أداء الحكام, وكمان إداهم حق المشاركة في صنع القرار. كمان إخترعوا حاجة اسمها انتخابات، عشان يضمنوا إن اللي يوصل للحكم لازم يكون عن طريق موافقة الشعب.

مع ذلك كل دا مقدرش يمنع الدكتاتوريين من إنهم يوصلوا للحكم ويستمروا ف بلادهم. الإنتخابات عندهم مزورة. البرلمان مجرد ديكور. الإعلام تحت سيطرتهم. قوانينهم بتسمحلهم يعملوا أبشع الجرايم بشكل قانوني. عشان كدا الناس ف البلاد دي عايشين ف موقف ضعيف جدا, لدرجة إنهم مش عارفين حقوقهم من الأصل عشان يطالبوا بيها.

البلاد القوية بتعمل نفس الحاجة مع البلاد النامية, وحتي الغير نامية. بيدوهم اﻷوامر وف الضرورة بيجبروهم ينفذوها. بيستغلوا الفقر والضعف ف البلاد دي لمصلحتهم هما. مش بيشغلوا بالهم بالكلام الكبير زي "حقوق الإنسان"، "المساواة"، "العدالة"، "السلام العالمي"، ... الخ. طول ما إستغلال وقمع الدول اﻷضعف بيحفظلهم تفوقهم يبقي مفيش حاجة هتقف ف طريق وصولهم لأهدافهم. اﻷمم المتحدة تحت سيطرتهم. عندهم حق الفيتو.وكمان يقدروا على تحدي القرارات الدولية زي ما حصل ف حرب أمريكا علي العراق. مين يقدر يعمل حاجة؟ المجتمع الدولي ميقدرش يعمل حاجة، حد عنده القوة عشان يقدر يمنع أمريكا؟

الناس زي الدول، ممكن السلطة المطلقة تغيبهم عن وعيهم. إحنا عايشين ف مجتمع بيحط كل السلطة ف يد جنس واحد. فنقدر نقول ان ف مجتمعنا الرجالة بيمثلوا إسرائيل والستات بيمثلوا العرب. كل يوم إسرائيل بتاخد أرض أكبر من العرب. إسرائيل تقدر تقتل الفلسطينين وتهد بيوتهم ف أي وقت, وكل اللي بيعمله العرب إنهم يصرخوا و يجعجعوا ويولولوا.. يقعدوا كده يتنططوا, بس إيه اللي يقدروا يعملوه؟ هيروحوا مجلس اﻷمن؟ إيه اللي هيحصل؟ ولا حاجة. رئيس وزراء إسرائيل السابق مناحم بيجن مرة قال: " طول ما العرب متعلموش يقفوا ف طابور، يبقوا مش بيمثلوا أي تهديد علينا". معني دا إن العرب عمرهم ما بيشوفوا السبب الحقيقي ل ضعفهم. مش قادرين يشوفوا إن ضعفهم سببه إنهم مش بيشتغلوا عشان يطوروا نفسهم. كل اللي بيعملوه إنهم بيشحتوا العدل من الدول القوية. بيعبدوا القادة بتوعهم رغم إنهم بيذلوهم ويقمعوهم. مش بيقدروا قيمة الوقت أو العمل. بعاد تماما عن التفكير العلمي والعمل المنظم. الناس دي ممكن يفضلوا مستنيين كده ألاف السنين, مستنيين معجزة تحررهم وتديهم حقوقهم، ومش قدرين يشوفوا انهم حتي ميستاهلوش المعجزة دي.

الستات كمان مش هيتحرروا من اللي بيقمعوهم واللي بيكسبوا من ورا نهب حقوقهم طول ما كل القوة والسلطة متسابة ف إيد جنس واحد. عمرالرجالة ما هيتنازلوا عن أي جزء من المميزات دي، بالعكس هيحاولوا يزودوها أكتر وأكتر لأن ده ف مصلحتهم. إذا الستات موقفوش علي رجليهم، وحددوا أسباب ضعفهم وحاولوا يحسنوا أوضاعهم، عمرهم ما هياخدوا أي حاجة من حقوقهم. إننا نشحت حقوقنا ونستعطفهم عليها مش هيفيد ومش هيوصلنا لأي حاجة .هقول تاني, العبيد هما اللي حرروا العبيد, والستات بس هما اللي هيحرروا الستات. مفيش حد هيحس بيكي غير ست زيك. لكن إنتظار معجزة مش هتيجي .. إنتظار الرجالة يتغيروا .. إنتظار المجتمع يتغير .. إنتظار مساعدة من فوق طول الوقت .. الإنتظار، الإنتظار، الإنتظار هيخلينا أضعف وهيخلينا نفقد إحترام المجتمع لينا. هل إنتوا سعدا بالوضع اللي إنتوا فيه؟ لو ﻷ، يبقي قوموا وأعملوا حاجة، إصحوا ياستات! .. إحنا اتأخرنا أوي!

...................................................................................

البوست بالانجليزية:



ترجمة The Alien

27 comments:

Innocent said...

قد يكون التشبيه قريب من الواقع في بعض نواحيه، ولكن ثمة ناحية للأختلاف وهي مصدر أمل للكثيرات. هذه الناحية هي أن الدول القوية قوية اقتصاديا وعلميا أما الرجل في مجتمعنا فمازال يحيا زمن الجمع والالتقاط حيث قوته في زراعه وفخره في فحولته. أنه اضعف من ان نعتد به. ولكن المرأة أيضا أضعف من ضعفه. كما قلت سابقا هي تحتاج لمزيد من الثقة بنفسها
تحياتي

Anonymous said...

اتفق معك

osama said...

بين ظلم واقع من الأنظمة/ الدول
كشخص معنوي ، وظلم واقع من الرجل كشخص طبيعي ، كان الربط

بين حاكم يستعبد الجميع رجلاً وانثى
ورجل يستعبد المرأة كطرف اضعف...

واذا كان الحل ان تثور الثانية فإني ارى ان ثورة الأول لابد ان تقوم هي الأخرى ... فلا حقوق بغير تغيير هذا التغير لابد ان يكون شاملاً فيتنفس الجميع الحرية .. وقتئذ ستتبدل العقليه ذاتها / من عقلية شمولية مغلقة/ الى عقلية حرة ترى في الاختلاف امرا من نواميس الكون ... حينها تستطيع ان تطلب المرأة ما تريد فيسمع الرجل / او بفرض انه لم يسمع / فسيسمع عبر القنوات الشرعيه رغم انفه...
يقولون ان اكبر اعداء المراة هي المرأة ذاتها ....
موضوعك يمسك بأطراف عدة ، ويتميز بالسلاسة والطلاقة .. وان كان يمس بعض ما تبقى في من عقلية ذكورية عبر الموروث الذي لا ينفك يطل فارغاً فاه لي الا اني معك قلباً وقالباً ...
وهناك في الخلفية قضية لابد ان تلتحم مع قضية المرأة فهي تصب في ذات الخانه قضية الانسانية / ان يكون السلوك انساني دافئ من الطرفين ولكل العالم.. حين ذاك وهذا الكلام وان كان طوبوي على نحو ما الا ان الدعوة ليه ولو اثمرت فردا واحداً فقد اصبح في العالم انسان

...
دمت بكل ود..
خالص تحياتي

EmY said...

ماتأخرتش المرد دي و طبعا كالعاده بوست جميل يا فانتا كل بوست ليكي بيكون جميل و مهم و بسيط

الظالم لازم حد يساعده علي ظلمه و الحاكم المفتري لازم حد يشجعه علي الافترا و الظلم

السكوت عن الحق و الخوف و الضعف و الخضوع و الجهل و الفقر كل دي عوامل بتساعد و تشجع علي الظلم و اكل الحقوق

لو كل واحد عرف حقوقه و طالب بيها و اتمسك بحقه في حياه كريمه الظالم هايرتدع او علي الاقل يفكر قبل مايظلم

المرأه نفس الشيء سابت حقوقها و حسست الرجل انه بيمن عليها انه بيسيبها تتعلم و تشتغل زي ما يكون ده فضل منه مش حق ليها

ياريت الكل يعرف ايه حقوقه و واجباته و لا يتنازل عن اي حق ليه

تحياتي ليكي يا احلي فانتا

a Dreamer with feet on the Floor said...

dear...IBn Khaldoun had noticed 4 many centuaries that basic role..( living Creatures R exactly like Countries) have same behaviour.....born...get Power and B youth...get old and die..
But Ur Comparison...is not right in all the sides...
though I am so liberal one...democracy some time in some historic points had choosen dictatores ..who killed democracy that brought them 2 the lead...Like hitler...
2nd.. women in Our arabic world...R not better or softer...as if they role they will solve all the issues..
as in fact most of Our Countries R indeed roled by women who stand behind Courtains..and move the political decissions the way they want..
look at tunis..and >..and..
so ..there is no such ..women Paradise..
ask the english about Tatcher...
accept my deep appreciation..

احساس لسه حى said...

عزيزتى
انا طبعا بعلق لانك مردتيش على تعليقى وقولتى مسموح اعلق ولا غير مسموح
شوفى بخصوص الظلم بين الدول الكبرى والصغرى وبين الرجل والمراه الدول لما بتظلم اة تفرض ان تامر او تعمل اى شئ بتكون طمع ومصلحه وخوف على مصالحها واكيد مش بتحبها
لاكن الرجل لو ظلم امراه ببعض القهر ليها اكيد فيه منهم بيكون خوف عليها وحب ليها وفاكر انها مصلحه ليها يبقا فرض الاراده نوعين نوع للمصلحه ونوع للحب زى الاب اللى بيخاف على ابنه ويمنعه عن اشياء كتيره ممكن يكون بيتعبه نفسيا لاكن هو مقصدش ذلك ابدا
واكيد فى سنساء كتير مش حسه ان ده قهر ليها وحسه انه خوف عليها وحب وغيره
ومعلش تمثليك للرجال باسرائيلا والنساء بالعرب لان اسرائيل بتاخد ارض كل يوم غلط لان العكس هو اللى بيحصل الرجاله هما اللى كانوا مالكين كل شئ ومع الوقت الستات عماله تاخد من ارضهم اللى كانوا ملكها مع الفراق طبعا ان فى ستات بتاخد حقوق ضيعه منها وده حقها الطبيعى وحق كل ست وفى ستات عاوزه تاخد حاجه مش مهمه قووووى ما تهمش الا الست دى او قليل من النساء ومتهمش كل النساء
واكيد النهارده امريكا هى كل شئ الامم المتحده ومجلس الامن وفى غزو العراق كانت اكبر مثال لكده وشوفى الاف المدنيين اللى قتلوهم الجنود الامريكان فى العراق وافغانستان حد يقدر يقول على الجنود الامريكان ارهابين طيب اقولك شئ غريب لما انسان بيفجر نفسه فى جنود ويموت مدنيين نقول ده غلط طيب لما بيعرفوا فى بيت فيه ارهابى فى العراق مش بيهمهم فيه اطفال او نساء طياره بسرعه تقصف البيت
وعندى فليم عن معركة الفلوجه فيه بلاوى عن قتل المدنيين باسلحه المفروض محرمه دوليا بس باين مش كل الناس
اكيد الناس زى الدول كل الناس درجات
بس اكيد الدرجات دى مش فى ايد جنس علشان لو نشوف اى رجل وست متجوزيين ساعة يكون الرجل هو امريكا وساعات الست هى امريكا وبالعكس اصبح الستات معظمهم امريكا بس سواء الرجل او المراه صاحبة السلطه بينهم موده ورحمه اكيد وحب انا بشوف حلويه اسر كتير واكون عاوز اعرف مييين اللى ممشى البيت وصاحب الراى فيه معرفتش احدد بالعكس لقيت معظم البيوت بينهم تكافؤ فى الراى والراى الاخر
شوفى ده الاسر اللى تعرفيها واعملى من قرايب واصحاب شباب وكبار السن وقولى بين العشرة اسر بتحسى كام منهم السلطه مطلقه للرجل فيه وكام للست وكام متوزنه وانا هعمل كده برضوا
شضوفى موضوع العرب والغرب اظن المشكله بس فى الديمقراطيه وده مش محتاج الاف السنين واظن فى الالف سنه اللى فات الجغرفيا اتغيرت ميت مره ومش العرب بس فى تخلف عن الغرب بلاد فى افريقيا وامريكا الجنوبيه واسيا موجود فيها التخلف ده واكتر منه يعنى ده مرحله بس واكيد هتتغير فى يوم
الستات مش هيتحرروا اظن هما كده متحررين وزى الفل ايه ناقص اى ست بتتعلم زى الرجل بتشتغل زيه ولو ادينه اى سلطه هى اللى بتدهاله بمزجها وبتكون سعيده انها مدهاله
عجبنى اوى راىosama لانها وضحت ان لما المجتمع كله يتحرر سواء رجل او امراه كل شئ ممكن يتحرر ويكون واضح للجميع
وزى ما قالت اكبر اعداء المراه هى المراه نفسها وانا كاتب موضوع اسمه يا ايها النساء ارحموا النساء
على العموم الاف النساء مش عاوزين يتحرروا من سلطة الرجل حتى لو كانت عضوة فى مجلس الشعب برضوا هى امراه
قبل ما تفكرر تحرر من الرجل لازم تتحرر ماديا لان الماده اكبر عقبه قصاد تحرر اى انسان
طولت معلش
تحياتى
سلام

Fantasia said...

innocent,
a7la efteta7yah lelta3lee2at :) ana ma3ak en elragel fi mogtama3na mesh 2ad kedda ya3ni, 3alashan zoroof elbalad k kol.. bas howa b elfe3l aqwa eqtesadyan w 3lemeyan mn elmar2ah. nesbet tawzee3 elda7'l bt2ool en elragel aqwa eqtesadyan kteer mn elmar2ah. 7asab e7sa2yat 2004: motawaset da7'l elmar2ah el3amelah f el3asemah= 1588$, bynama da7'l elragol=6817$.. adef 2ela dah en 30% bas mn elsetat homa elli bya3malo fi wazayef leeha da7'l sabet (reef + 7adar).
f elta3leem.. 7asab e7sa2yat 2006: nesbet el2omyah been elregala= 29%, baynama elsetat 49%
atafeq ma3ak tamaman en elmar2ah ta7tag lmazeed mn eltheqqah b nafsaha. howa da kol elli ba7lam beeh. ashkorak 3ala moroorak elkareem w mosharketak.

Fantasia said...

anonymous,
ashkorak aw ashkorek.. argo dawam elmotaba3ah.

Fantasia said...

osama,
elkalam dah mygeesh 2ela mn ensan b 7a2.. kalam 3ameeq b kol ma ya7taweeh mn manteq w 2osloob motamayez f el3ard, k 3adatak da2eman ya osama.
ashkor tawagodak elgameel, w tar7ak elra2e3 lelmawdoo3 b kalemat wageeza laken shamela lkol elma3any elli 2aradt tawseelha f elpost.
a7eb bas adeef lkalamak en elmar2ah lazem ykoon leeha dor f ta7reer elwatan, l2nha 1/2 haza elwatan. w lazem ykoon feeh ro2ya towageh elmar2ah w twa3eeha b dorha elwatany w elmogtama3y, 3lashan te2dar t2oom b dorha lama teegy elforsa.
t7yaty lfekrak elmostaneer w kalematak elbalee3'ah.

Fantasia said...

a7la emy,
rabenna mye7remneesh mn ta3lee2atek elgameela ya 2amar. kalamek sa7 w tamam eltamam.. bas ya reet 7ad yesma3 w yefham. elda3f w el2esteslam byzawedo elzolm w by2awooh. elset lazem te3raf 7o2oo2ha 3alashan te2dar tetaleb beeha. lazem yeb2a 3andha theqqah akbar f nafsaha, w tekteshef qodretha 3ala elfe3l w elta2seer. lazem tnammy nafsaha w tkoon tamoo7ah. lazem ykoon dayman 3andaha a7daf b tas3a lta72e2ha. lazem te3raf eldoor elli matloob menha 3alashan tanmeyet elmogtama3 w elbalad kolaha. elmar2ah hya nos taqet el3amal w el2ebda3. ezay n7ot nos taqetna f talagah w mnestafedsh beeha? elmar2ah ensan, lazem ye7a2a2 zatoh w y3eesh 7ayah feeha engaz w naga7. 3alashan dah ye7sal, 3ayzeen nerfa3 2eed elzolm w elqhr 3anha.
a7ayeeky 3ala gomletek elhayla:
المرأه سابت حقوقها و حسست الرجل انه بيمن عليها انه بيسيبها تتعلم و تشتغل زي ما يكون ده فضل منه مش حق ليها
lel2asaf howa da elwaqe3.. zy m elsha3b 3andena byesh7at 7o2oo2oh mn el7akem!
teslamy ya emy.. ta7yaty

Desert cat said...

للاسف احنا اللى بندى فرصة للظالم انه يظلمنا
عارفه ليه
لان كل واحد بيستهين بحقوقه
ويقول معلشى مجتش على دى
لحد ما الظالم يوصل لاعلى الدرجات فى ظلمه ما هو مفيش اليه رادع
فالطبيعى انه بيزيد فى طغيانه
دائما ما ضاع حق ورائه مطالب
مودتى

Fantasia said...

dreamer,
welcome, and thanks for your comment. you are free to comment in whichever language. yet i prefer that comments in english would be published on the english blog, so that all visitors here can read the comments in arabic (although i use latin letters).
ibn khaldoun's theory is a bit similar to mine, but my application is original and i keep copy rights :)
concerning democracy, i have explained that dictators always have their ways. laws and systems do not work on their own.. they depend on the people. what i was trying to say in my post is that if citizens are not able to protect their rights, no laws or rules can help them. laws and systems of governance are practiced by people who care to take part in deciding the future of their country, and those who are involved in the political scene. for this to happen, citizens should have a degree of awareness and a desire in active participation. that's why democracy works in countries where people go to the polls and vote.
i am not asking women to rule their countries.. i am asking them to become concerned citizens and start acting positively to improve their conditions. as i believe that unless they are ready to fight for their rights, they will never have them.
i didn't understand the relation between margaret thatcher and women in tunisia! what's wrong with tunisian women? and who are the women who lead from behind curtains? if you are talking about first ladies, then let me tell you that these are all rumors which have absolutely nothing to do with reality. and never have i suggested at any point the existence of a "women's paradise". all i know of that exists for certain is "women's hell".

Fantasia said...

e7sas lessa 7ay,
ahlan beek tab3an.. mn 7ersak 3al ta3lee2 2a2dar astanteg en mesh kol kalamy fare3'. yeb2a momken ntna2esh eza kan feeh ay 2etar 3am motafeqeen 3aleeh. 3al 3omoom ta3lee2ak dah forsa kowyessa 3alashan kol elnas elli by2olo nafs el2afkar ye3rafo el7a2ee2a.
enta 2olt:
الرجل لو ظلم امراه ببعض القهر ليها اكيد فيه منهم بيكون خوف عليها وحب ليها وفاكر انها مصلحه ليها يبقا فرض الاراده نوعين نوع للمصلحه ونوع للحب زى الاب اللى بيخاف على ابنه ويمنعه عن اشياء كتيره ممكن يكون بيتعبه نفسيا لاكن هو مقصدش ذلك ابدا
واكيد فى سنساء كتير مش حسه ان ده قهر ليها وحسه انه خوف عليها وحب وغيره
kalamak nafso byefda7 elkomedya elli f elfekra di elli 3amaleen y3'anooha leel w nhar.. ya3ni eih ظلم امراه ببعض القهر ليها ?
howa ba3d elqahr dah 3ady ya3ni? showyet qahr 3al mashy? tayeb leeh myenfa3shy el7okooma teqharak ba3d elqahr 3al mashy bardo? mhoma 3ayzeen masla7tak ya mowaten, w by7ebook, w shayfeen enak enta elli mesh 3aref masla7tak. howa enta hte3raf aktar m el7okooma? feeha eih ba2a law tesebhom yeqharook showya? 3alashan te7es b 3'alawtak 3andohom? feeha eih lama tsebhom yemarso dorhom fi tarbeyet elsha3b, zy el2ab lama yewaggeh ebnoh? feeha eih lama yet3ebo elsha3b nafseyan talama myo2sodoosh dah abadan? leeh mntash 7ases ya mowaten en el7okooma bt7ebak w 7'ayfa 3aleek w 3ayza masla7tak? ya3ni enta akbar mn ra2ees elwozarrah? 3andak 7'ebra aktar menoh masalan? akeed howa 3aref masla7tak a7san m enta 3arefha? yeb2a lazem te7eb el7okooma.. w ted3elha leel nahar.. w temshy fi 7emaha w te7med rabenna 3alashan la2eet 7ad ya7'od baloh menak. ya 2ema teb2a naker lelgemeel, w elma3roof mtamarshy feek.. 3alashan akeed feeh mowateneen kteer mesh 7aseen en dah qahr, w 7aseen ennoh 7'oof 3aleehom w 3'eera 3ala masale7hom.
katar 7'eer el7okooma enha wa7'da balha mennena. homa wa7'deen menenna eih 3'eer elham w waga3 eldema3'? n2oom e7na kaman ntbatar 3al ne3ma? ya sater!

ya ostaz e7sas.. baba eih w masla7et eih?.. homa elsetat dol babyhat? wala nemowohom we2ef 3and saba3 seneen masalan?.. howa elbanat fi 3elet 7adretak byetgawezo w homa 3andohom kam sana? w elli byetgawezoohom dol akbar menhom bkam sana?.. ana mesh fahma ya3ni eih wa7ed mn senny wala akbar menny b 15 sannah 7ata yerabeeny wana f elsen dah?.. howa ana qaser? wala ma3aya shehadet mo3amlet atfal?
w ba3deen eshme3na howa elli ye3raf masla7ty? leih ana ma3rafshy masla7toh? balash.. leih ma3rfshy masla7et nafsy?
w leih mn 7a2oh yaqharny w yezlemny 3alashan masla7ty? tayeb ana masla7ty enny mtzelemshy wala 7ad yaqharny.. mafeesh masla7a f eldonya aham mn kedda. ya3ni el2ensan mn 3'eer karama yesawy eih?
ya reet bas teb2a te2ra elkalam 2abl m teb3atoh.. la7san 7aram no23od ntna2esh fi 7agat zy di.
ma3 ta7yaty leek w kol elsetat elli mesh 3ayzeen yet7araro.

Fantasia said...

desert cat,
a7eb ara7ab beeky w a3abar 3an sa3dty b tashreefek lmodawanty elmotwad3ah.
fe3lan ma da3 7aq wara2oh mataleb.. el2estehanah b el7a2, 7ata law kan baseet, by7awel ehdar el7a2 dah l 2amr waqe3.. w ma3a elwa2t byeb2a sa3b geddan esterdadoh. da 3'eer en sa7eb el7a2 byla2y nafsoh fi mawqef elmotaham, w lazem yesbet el2awel en elli 3ayez yastaredoh dah yeb2a 7a2oh fe3lan!
feeh f eldonya zolm aktar mn kedda?!
ashkor moroorek elkareem, w 3ala 2amal tekraroh f elqareeb.

احساس لسه حى said...

عزيزتى
طبعا انتى سبتى التعليق الطويل العريض ومسكتى جمله واعدتى تتكلمى عنها فى كل تعليقك اوك هفسلك الجمله وقصدى بيها
الجمله بتقول
الرجل لو ظلم امراه ببعض القهر ليها اكيد فيه منهم بيكون خوف عليها وحب ليها وفاكر انها مصلحه ليها يبقا فرض الاراده نوعين نوع للمصلحه ونوع للحب زى الاب اللى بيخاف على ابنه ويمنعه عن اشياء كتيره ممكن يكون بيتعبه نفسيا لاكن هو مقصدش ذلك ابدا
واكيد فى سنساء كتير مش حسه ان ده قهر ليها وحسه انه خوف عليها وحب وغيره
شوفى نحلل الكلام كده مع بعض الرجل لو ظلم عارفه لو معناها ايه يعنى ممكن تكون نسبه 1%او 5%مش اكتر وكمان بقول ببعض القهر وبعض يعنى ممكن اشياء مش ليها تاثير على كيانها خالص
شوفى فرق بين منع الرجل والحكومه كبير
الرجل بيمنع حب للانسانه وخوف عليها الحكومة بتمنع خوف من الانسان وظلم ليه
يعنى لما تتاخر امراه بالليل وزوجها يرفض ده مش بيكون خوف انتى تسميه قهر لانه مش بيساويه بيه لانه بيرجع بالليل
الست لما تكون قاعدة فى البيت وتخرج وتستاذن من زوجها انتى شيفاه قهر وانا كمان بس قهر بخوف عليها
انتى طولتى اوى فى سرد قهر الحكومات على شعبها وقرنتيه بسلطة الاب والزوج بس فرق بين علاقه انسان بانسان بيحبه وممكن يكون من دمه وعلاقه ناس بناس عاوزن مصالح من بعض ناس اساسا مش هى اللى مختاره الحكومة دى
يعنى ممكن زوج واب يمنع بنته تشتغل ما انها ممكن تساعده بالدخل ده تفتكرى ده مش خوف وحب سواء غلط بقه او قهر بس ده بسميه رعايه لامراهلما يمنع اب شاب من لعب الكرة ممكن نسميه قهر لاكن انا بسميه حب وخوف على مستقبله قهر الحكومه طمع وجشع ومصلحه خاصه بيها
فمكنش ليه لازمه كل الكلام ده عن قهر الحكومه وتقرنيه بحب اب او زوج
والستات زيهم زى اى الرجاله بس هما كائن اجمل وارق واضعف من الرجاله
ودائمن بنخاف عليهم بس وبقول بعض الرجاله تحتها 500 خط وعلى العموم هحاول اقرا اى تعليق تانى بس اسالى نفسك انا بتعب نفسى ليه فى التعليقات دى وبرد عليكى واناقش
اكيد حبا فى النساء ومصلحة النساء
بس انا نظرتى اشمل على كل النساء
واولوياتى بتصب للاغلبيه بس
شكرا على كلامك اللى فى اول البوست
وزعلت من سخريتك اللى فى اخره
سلام

Misrdream said...

انا عاوز افهم انتى في ايه
ايه مشكلتك تانى اسرائيل والعرب
للدرجه دي الرجاله بقوا اسرائيل
والستات بقوا العرب
ههههههههههههههههههههههههههه
على فكره بقي الستات امريكا
والرجاله هما العرب
اجيبلك من الاخر لان انتى تعبتيني فعلا موش عاوزه تفهمي ساده ودانك على الاخر ومش بتسمعي الا صوتك بس
النتيجه = 0
بتناقشي وكده وبتاع بس البوست اللى بعده ترجعي لأول السطر تانى
انا فعلا مستغرب
واطالب باغلاق المدونه دي للابد

على باب الله said...

أنا مش عارف أعلق أقول أيه ؟

بوست جميل طبعاً ..

و أنا وصلتني الفكرة .. و التشبيهات الصادمة دي وصلتهالي كويس جداً

يا ريت الناس تفهم الفكرة

و ما تقفش كتير عند التشبيه ..

لأني خايف أن في ناس كتير ها تعمل هوليلة علي التشبيهات

و تنسي الجوهر ..

--
يا رب أكون غلطان و الناس كلها تفهم

Fantasia said...

e7sas lessa 7ay,
akshan tani marrah.. ana lam as7'ar menak tamaman!.. asta3geb geddan enak la tola7ez enny kont arod 3ala elmanteq elma3'loot fi kalamak.. feen elso7'rya di?.. w ba3deen el2e3teraf b el7a2 fadeela ya a7'y.. laken enta 3ayez t3ared w 7'alas.. kalamy wade7 geddan..
enta ba2a 3amalt zy elli geh yeka7alha 2am 3amaha.. 3amaha eih? danta 7'aza2t 3eneeha eletneen!!
ana nefsy afham, eih elgedeed fi kalamak dah?.. maho nafs elkalam elli ana radeet 3aleeh..
7ob eih w masla7et eih elli fi qahr ensan tani? meen mn 7a2o yeqhar ay 7ad ta7t ay da3wa?.. da zy el2este3bad ba2a!
w ba3deen el2amsela elli katabtaha ya3ni btesbet kalamy aktar.
la2 w shoof gomla zy di:
لما يمنع اب شاب من لعب الكرة ممكن نسميه قهر لاكن انا بسميه حب وخوف على مستقبله قهر الحكومه طمع وجشع ومصلحه خاصه بيها
la2 ba2a.. 2ab yemna3 shab da esmo qahr!! maloosh ay esm tani.. howa 3ayel? wala raye7 yel3ab belkabreet?.. da manteq? asta7lefak b ellah, da manteq??
w t2olly qahr el7okooma tama3 w gasha3?!.. leeh? hya el7okooma tam3ana f eih 3and syadtak?.. eish 3arafak enhom mesh 3ayzeen masla7tak enta?.. homa hytma3o feek leeh?.. danta elli tam3an feehom. 3ayez takol, w telbes, w tet3aleg, w tetwazaf, w terkab mwaslat, w mayyah, w kahraba, w balawi malhash 3adad.. enta ba2a el7okooma 3ayza menak eih???
la2 w bt2ool kaman:
بس انا نظرتى اشمل على كل النساء
واولوياتى بتصب للاغلبيه بس
gebt elkalam da mneen nefsy afham!! 3amalt e7sa2ya? wala bteshta3'al fi markaz elbo7oos? wala 3andak tawkeel mn 2a3'labyet elsetat?
ha2ool tany.. elsetat mesh 2ossar wala mota7'alefeen 3aqlyan 3alashan 7ad tani yeshoflohom masale7hom.. kol elli homa 3ayzeeno en elregala elli byfakaro zy 7adretak kedda, yeseebohom fi 7alhom.
mtez3alsh menny.. ana zy 2o7'tak elkbeera.. w 2alby 3ala masla7tak.

Fantasia said...

misrdream,
leeh kedda bas? tayeb badal m yet2efel elblog lel2abad, m balash te3asab nafsak w te2rah.
3eeb awy enak t2ool 3alaya sadda wedany felwa2t elli baseeb feeh ta3lee2at el2onfed bta3tak!! di gazaty?
w ba3deen ana shayfa eltashbeeh monaseb geddan.. w elfekra mn wara eltashbeeh wad7a. ya3ni homa elregala ne2es menhom 7etta lama shabehtohom b israel? bel3aks, tela2eehom far7aneen.. ya3ni enta faker enny law shabehtohom b el3arab hyefra7o? dol hye3tebroony bshtemhom w ba2ool 3aleehom enohom malhomshy lazma, wala byhesho wala bynesho..
ana btkalem 3an tawazon elqowa.. feeh belad ad3af mn belad, w feeh nas ad3af mn nas.. eih el3'alat f elkalam da 3ayza afham?!

Fantasia said...

3la bab 2allah,
ashkorak 3ala mosandetak lel7a2 w kalamak elmawdoo3y. w sa3eeda gedan en elmawdoo3 3agabak.
3ala fekra feeh nas bt7eb tnakef fya bsarf elnazar fahmeen elli ba2oolo wala la2.. 3ady ya3ni, mta7'odshy f balak.
ya3ni eltashbeeh wade7 wodoo7 elshams.. w zy m 7adretak mz3eltesh mennoh l2nak shayef ennoh by2arab elfekra, akeed ay 7ad mawdoo3y w mohtam belfekra el3amah mesh hyo2af 3and eltashbeeh.
a7eb a3abar 3an emtenany mn mawqefak w defa3ak 3an weghet elnazar ma7al eltar7. ta3lee2atak dayman monsefah w btodeef qeema lelneqash.

ملك الكبدة said...

ابتدى اعجابي بالبلوج يقل موش عارف ليه
بس نحاول نعرف

واضح ان البلوج بقى عنصري قوي

يتهيئلي لازم تركزي على ان المراة طرف فاعل في المجتمع و ممكن تجيبي امثلة سلبية من مصر و مقارنتها باخرى ايجابية في الخارج

بالنسبة لرايي في الموضوع ده
باب زمان الله يرحمه قاللي كلمة

الراجل مهما بلغ من القوة و الجبروت
لا يصمد امام ثلاث

النفووووووووووووووووووووذ


المااااااااااااااااااااااال

المرأة


اللي هما عنوان البوست بتاعك

ارجو ان تتذكري

الاختلاف في الراي لا يفسد للود قضية

تحياتي

احساس برضوا حى said...

عزيزتى
اول شئ انا مش زعلان منك خالص
وموضوع السخريه انا قولته لانك تتهمينى مش بقرا كلامى ومعنا زعلت ده اقرار بشئ حسيته ساعتها وخلاص
تانى شئ انا دعيتك تقرى موضوع عندى عن المراه وطنشتى وانا لما دعيتك مش علشان موضوعى بس لان اكيد المعلومات اللى فيه تعرفيها دعيتك علشان تشوفى تعليقات النساء ونظرتهم للكلام واحساسهم دلوقتى ايه بالقهر زى ما انتى شايفه ولا بالحريه المعقوله زى ما انا شايف انا مش هعلق على الكلام تانى علشان مندرش فى حلقه مغلقه
انا هستنا موضوع تانى ليكى يفتح حوار من نوع تانى
وهجى اقولك راى الستات ايه واحساس ايه فى ضوء البوست بتاعى اللى بيعلقوا عليه ستات برضوا
تحياتى يا افندم وليكى كل االاحترام والتقدير
سؤال معلش
هو حضرتك متضامنه مع ساويرس من اى جهه بالضبط هما ناويين يقدموه للمحاكمه العسكريه والتحفظ على امواله
سلااااااااااااااااااام

احساس برضوا حى said...

عزيزتى
معلش انا جريت يمكن تكونى موجود والحقك
المراجع مكتوبه تحب اللى جبت الكلام منها ولا انتى مكملتيش لاخر البوست
اتمنا افهم منك
سلام

Fantasia said...

malek elkebda,
la2 kolo 2ella kedda.. bas nefsy 7adretak twada7 aktar feen el3onsoryah elli la7eztaha f elmawdoo3.
b elnesba lnasee7et elwaled, 3ando 7a2 tab3an, w dah by2aked kalamy. elragel fe3lan da3eef 2odam el7agat di, 3alashan kedda mafeesh 7aga menhom btekfeeh.. dayman 3ayez aktar. w hya di bdayet elzolm w eldiktatoryah.
sa3eeda btashreefak lya dayman.. w kol 2ara2ak to7taram.

haneen said...

العزيزه/ فانتازيا
المرأه هى اللى بتعمل من الرجل هذا الدكتاتور القاهر حينما تخضع له وتتنازل عن كافة حقوقها وترضى بالذل وفى تلك اللحظه يكون الرجل معذور ازاى يلاقى الدلع وما يدلعشى دا حتى يبقى حرام عليه نحن من فعلنا هذا بانفسنا حينما سمحنا للرجل ان يكون المدار الفلكى الذى تدور حوله المرأه وحينما تبتعد تحترق حينما تحكم واستبد وقهرها ورضخت فالسبب دائما هى المرأه وبيدها الحل والخلاص ودايما بسال ليه المرأه المسلمه هى اللى مش من حقها تسافر الا بأذن زوجها طبعا دا واجب ولكن الرجل يتحكم حين يرى امرأته تقدمت وترقت وتريد السفر مثلا للعمل فيحرمها من اقل حقوقها بلاش دى ودايما بسأل نفسى ليه دايما الرجال بيمزجوا بين ان المرأه لو اختلت او سافرت لوحدها يبقى لازم تفجر وتفعل المعاصى وتفتن الرجال ليه دايما ملجمه مثل الخيل وان اصبحت وحدها واختلت برجل فهى تزنى مثلا دا حتى فروض ربنا الرجل حرمها منها ازاى ان لازم محرم ومسموح لها تحج ولكن لما تبلغ سن الشيخوخه المتقدمه اى حينما تصل الى سن اليأس وتبدأامراض هشاشة العظام والروماتيزم وضغط الدم طيب ازاى يا جماعه ما ينفعشى الحج الا لما يكون الواحد فى ريعان شبابه وقوته وصحته لو اتاخر عن كده ما ينفعشى ودى بقى اكتر حاجه بتستفزنى فى تحكم الرجل فى المراه وبكده يا عينى لو شابه عايزه تطلع واخوها او ابوها مش فاضيين يبقى تتنيل تستنى لما يجيلهم مزاجهم 000 ولا عزاء للسيدات 000 بحييكى بجد على ايمانك بقضايا المرأه ومعكى قلباً وقالباً واسفه اذا كنت طولت
خالص تحياتى

Fantasia said...

e7sas lessa w bardo 7ay,
shokran 3al da3wa elli ana estagabt leeha zy m enta 3aref.. laken kol mashoof
انا لما دعيتك مش علشان موضوعى بس لان
اكيد المعلومات اللى فيه تعرفيها
begad b7tar geddan!! enta kont btetkalem begad wala hezar? asl mesh momken tkoon faker en elshawshaw nawnaw elli enta katbo henak da "ma3lonat".. la2 w eih kaman? w akeed a3rafha!!
w ya seedy gomhoorak elnesa2y 3ala 3eeny w rasy kaman.. bas akeed 7adretak 3aref en feeh far2 kbeeeeeer awi beeny w benhom. w ana mesta3geba awi enak sayeb elnaga7 elsa7eq elli 3andak f elblog dah w gayyli hena!.. la2 w bt2awe7ny kaman!!
ana kont fakrak bt7eb tenakef w te3mel gaw w 7'alas.. laken danta tel3et 3ayez teqne3ny en nazreyet syadtak di leeh sanad 3elmy w taree7'y!! howa ana babee3 batee7' hena?.. enta fakerny 3amla blog tahreeg w bamasy 3al nas elli gayya w elli ray7a w 7'alas? wade7 ya3ni en mayenfa3sh 2osloobak da ma3aya 7'ales.
bayen 3aleek mohtam b mawdoo3 sawiris ldaraget enak mate3rafoosh.. aywa el7okooma eltama3a elgashe3a 3ayzeen yestawlo 3ala flosoh.. tam3aneen feeh 3alashan kedda qararo yeqharooh :D efra7 ba2a.

Fantasia said...

el3azeeza geddan haneen,
enty tetawelly zy manty 3ayza.
ma3lesh ya gama3a ana hakteb elta3lee2 dah b elingleezy 3alashan haneen te2rah b sohoola.
what you said is a typical example of the abuse of power. while setting civilian laws, women issues have been totally ignored. this however, didn't have to be a problem if men are as wise and ethical as Islam supposes them to be. some men as u said make use of these "rights" in a negative way.. like the very common example of banning a wife from travelling on a business trip.
as for why women are never trusted or allowed to stay alone, this should be discussed in a long post. there are many origins for this male anxiety, but none of them can be considered an acceptable reason.
then we come to hajj and the need for any woman (even old ones) to be accompanied by a man. this rule has been the same ever since people used to travel on camels. logically an old woman won't be able to handle such an effort of travelling for days in the desert.. so it was usually young women who were able to go to hajj. and because of the spiritual nature of the hajj, single unaccompanied women were not allowed to join hajj.. thinking that they might be a source of temptation for the male pilgrims. is it unjust that women nowadays are supposed to abide by the same rules? ofcourse it is.. but i'm afraid there's nothing to be done about it.
yes, dear.. women gave up so much.. until even the very little rights that they were allowed were wasted. but many women don't realize that they are actually the reason behind their bad conditions. social brainwash has made them think that this was a matter of fate and they just gave in to whatever is imposed on them.
awareness is the first step.. most women don't know what their rights are.. and until they do, nothing is expected to change.
thanks dear for being keen to interact and exchange thoughts. your presence always pleases me.