Friday

تاج الجزيرة

التاج دا جالي من نسرين بسيوني, قمر اسكندرية
هل توافق على حزف خانة الديانة من البطاقة الشخصية ؟

نعم, أوافق جدا. الجهات الحكومية مش المفروض تضع الدين في الاعتبار وهي بتتعامل مع المواطن. يعني لو أنا عايزة أطلع رخصة قيادة, تفرق انا ديني إيه, ولا أنا بعرف أسوق ولا لأ؟ وموضوع الجواز دا بقى مسخرة الصراحة.. تخيلوا واحدة بتتجوز واحد مش عارفة ديانته إيه ومستنية تشوف البطاقة. مش مهم اللي ف البطاقة دا مطابق للواقع ولا لأ, المهم اللي مكتوب ف الورق. يعني لو هو بوذي وكاتب مسلم متفرقش. إيه الكلام دا؟

ما رأيك فى المثليين ؟ هل هى حرية شخصية ؟ هل توافق على الإعتراف بالمثليين ؟ هل لديك أصدقاء من المثليين ؟

عايزة أعرف الأخ السخيف اللي مألف الأسئلة السخيفة دي علشان أحييه بمعرفتي. رأيي انهم بشر. بدل مفيش اغتصاب أو تحرش أو محاولة تبرير أو ضغط على الآخرين يبقوا هما حرين. احنا مالنا الناس بتعمل ايه ف أوض نومها نفسي أفهم. ويعني ايه نعترف بيهم؟ هو احنا لو معترفناش يبقوا مش موجودين؟ اتمحوا من الوجود خلاص علشان احنا مش عايزين نعترف؟ عننا ما أعترفنا. احنا اللي خسرانين. خلوا الناس دي تتعقد نفسيا ويتحرشوا بولادكم ويتجوزوا بناتكم وولادكم برضه. يعني هما هيخسروا إيه زيادة؟ ماليش اصدقاء مثليين, أو ممكن يكون فيه منهم مثليين وأنا ماعرفش. هو حد منهم هيقولي يعني؟

هل تعتقد بوجود إضطهاد للمسيحين فى مصر ؟

أيوة فيه ويخرم عين التخين. ومحاولات التجميل والتخفيف والتقليل من حجم الموضوع هتخليه يكبر أكتر. أنا سمعت كلام فارغ من ناس كتير مايصحش يتقال عن زمايلهم المسيحيين. وشوفت ناس بتعمل تكتلات ضدهم بعيني, وفيه منهم اللي حاولوا يضموني للتكتلات دي كمان. الساكت عن الحق شيطان أخرس

من هو الشخص الذى تختارة لرئاسة مصر ؟

فيه كتير.. علماء وادباء ومفكرين وسياسيين.. مصر فيها ناس كتير عظماء. وبالمناسبة فيه منهم مسيحيين. وفي حالة لو كان فيه انتخابات بين الشخصيات دي كلها (ف المشمش طبعا) أدي صوتي لرشيد محمد رشيد

أذا قمت بتأسيس حزب سياسى .. من هم الأشخاص الذين ستقوم بضمهم فى الحزب ليشاركوك فى حكم مصر حال فوزك فى الإنتخابات؟

أولا لو أسست حزب هيكون حزب ليبرالي بمعنى الكلمة. ومش هختار ف الحالة دي غير رئيس الوزرا بس, والباقي يتم انتخابهم من قائمة مرشحين من داخل الحزب وخارجه. مين يكون رئيس الوزرا؟ ممممم.. ايجي اناتوميست

فى رأيك الشخصى .. ما هى أفضل مدونة على بلوجر قمت بزيارتها ؟

صعبة دي.. الافضلية ف المطلق كدة ما تنفعش
ممكن نقول فيه كتيبة من المدونات بتكمل بعض
مثلا تبهرني موهبة أسامة ياسين, وجرأة حسن الهلالي, وتحليل أناتوميست, وسعة معرفة د. اياد, واقتحام ايجبت روز, وسهولة عمق نسرين, وجمال منطق مروة رخا, وتفرد هرطقة, واحتراف مصطفى فتحي, ورؤية تامر, وجنون ألين, وشياكة عقل على باب الله, وفلسفة انوسنت, ونظريات عمرو الابيض, وتنظيم افكار د. ضياء, وثقافة اليكزاندريان, وطروحات دروبس, ونقاء ذهن أبو فارس, وتنوع موضوعات ايمي وكوكا, وصراحة حنين, وكتابة اسلام ايجيبت, وما زلت أكتشف اخرون

هل توافقين على الزواج من رجل مطلق ؟

أكيد اللي عمل التاج دا مطلق! ايه والنبي السؤال ده؟ دا مش عنصر ف الاختيار اساسا. ممكن اوافق أو لأ

اذا تزوجت وأنجبت ولدين وبنتين .. أى الأسماء تحب أن تسمى ؟

حد يقدر يجيب اربع عيال ف الزمان ده؟ ع العموم: آدم, نديم, لجينة, منيرفا

هل تعتقد أن توريث الحكم فى مصر . . سيتم فعلا أم لا ؟

مفيش حاجة اسمها توريث حكم ف الدستور المصري. لو الناس مش عايزة جمال مش هيجي. لكن لو ناس راحت انتخبته علشان كيس مكرونة وازازة زيت تبقى دي رغبتهم, ودا سقف طموحهم


فى رأيك الشخصى : ماهو أفضل إنجاز لحكومة مبارك ؟ وما هو أسوأ عمل قامت به؟

أفضل انجاز هو عدم الزج بمصر في صراعات خارجية أو القيام بمخاطرة غير محسوبة. أسوأ عمل هو تدمير نظام التعليم, الذي هو سبب اساسي في تفشي الفقر والبطالة

أهدي هذا التاج الفذ الى
the alien
haneen
emy&coca
صيدلي مطحون
egypt rose
اجندا حمرا
egyptiana

52 comments:

Unknown said...

عسل يا فانتا و دي احلي اجابات شفتها للتاج

بس ربنا يخليكي اديني اي وزاره بالكوسه كده

عجبتني اوي ردودك علي خانة الدين و الاعتراف بالمثليين

مستنيه بوست جديد يا فانتا

Coca said...

فانتا القمر

هي ايمي لازم تاخد اول تعليق امسحيه بقي علشان ابقي مجتش متاخر

تحياتي واحتراني علي اجاباتك الجميله

حسيت فيها بانصاف لفئات مهدور حقهم مبني ادمين

اللي عمل التاج احمد الصباغ
ههههههههه الل ياعدتي تشكري في اسئلته
تحياتي يا جميله

Coca said...

نسيت اقولك ان اجابتك علي اخر سؤال متفقه معاكي فيها لان موضوع التعليم دا شاغل بالي كل ما احاول اشوف حل لموضوع الاقيكي بدون التعليم والتطبيق مفيش فايده

مهم اوي اوي اننا نكون متعلمين مثقفين

تحياتي

احساس لسه حى said...

عزيزتى
انتى ليه بتفكرى انى مش بقرا البوست بتاعك كويس

انا بس بركز على نقطه فيه ممكن بس

واكتبى اللى انتى عوزاه بس من حقى اقول مش معنا بتكتبى عن حق دول وتنسى حق ناس تانى ليه مهتمين بعدم دخول ناس كافيه ومش مهتمين بمنع ناس تانيه عن عمل هى دى النقطه

ردك على اضطهاد المسحين اسالك هو فى مين فى مصر مش مضطهد سواء مسلمين او مسحين وموضوع التكتلات دى اللى شوفتيها موجوده من الجانبين ومش لازم مسيحى ومسلم بس
تلاقى فلاحين وصعايده مثلا

النتى بتزعلى لما باجى اعلق عندك ولا ايه

سلام

Drop of the Ocean said...

التاج ده تعبنى نفسيا

بس ماتعملى حزب بجد :):)
انا نفسى حد يعمل حزب له لازمة بقىىىى ، انا مش لاقية حزب ادخل فيه
:(
:(
الاضطهاد ضد المسيحين مش رسمى فى الاساس ، يعنى مش المشكلة الاساسية فى مواد القانون والافلام دى ، اد ما المشكلة للاسف جاية من تمييز الناس اللى عندهم خلل فى فكرهم ، عايز تشوف الاضطهاد ، عد كام مرة سمعت كلمة "عشان هو مسيحى" من وانت صغير ،انا شخصيا سمعتها كتييييير .
انا مش بهدى النفوس بس بقول اللى بيحصل ، حتى ان صديق ليا فى نشاط تطوعى بيحكيلى ان شخص طلب منه يتصرفله ف حد يتبرع بالدم لواحد يعرفه ، وهو بيطلب منه كده قاله بتردد :".. بس هو مسيحى"-شايف العقول النضيفة !!!!!- صاحبى ده قاله :"انت بتقولى كده ليه !!!...مش هو انسان؟؟" ، صاحبى ده طيب زيادة عن اللازم ، انا لو مكانه كنت اضربه :):)

فى عقول كتير محتاجة حملة تنضيف واعادة تشغيل ، وهما دول سبب التمييز الطائفى وهما موجودين ف كل مكان.
ده مينفيش اللى بيسمهوها "حساسية الاقلية" فى مجتمع نظرته كلية ومش فاهم معنى الفردية زى مجتمعنا.

بس سياسة مصر الخارجية فى "عهد مبارك" مش بحبها بردو ، ومش لاقية حاجة احبها غير مترو الانفاااااق
:)

تحياتى

egy anatomist said...

شخصية جديرة بالاهتمام المستمر .. وكلما تعمق التوغل في طبقات عقلك المتوقد ارتفعت معدلات التقدير والاعجاب

شكرا لتكرمك بذكري

..

تحياتي واحترامي

Hoda said...

عزيزتى فانتا

ايه الدماغ دى يا عم فعلاً اجابات ذكيه وعميقه بس كان لى تعقيب على حاجه واحده بس فى اجاباتك هو على نيلة ايه يعنى بتختارى رشيد محمد رشيد رئيس الجمهوريه دا على اساس انه بيضحك على طول يعنى ولا ايه هو احنا يا فانتا ناقصين بقره ضاحكه تانيه دا اجنا هنكون مصدقنا خلصنا لا بجد والله نفسى اعرف ايه وجهة نظرك يعنى انك تختارى دا بالذات يمكن عنده حاجات انا ما اعرفهاش ولا حاجه

اشكرك على انك باصيتيلى التاج دا مع انى اجاباتى عليه لو بالصراحه ممكن يعتقلونى مدى الحياه لانى حقول كلام ممكن ما يعجبشى حد بس هحاول هديه مقبوله يا فانتا مع انى لولا انى عارفه سلامة نواياكى كنت قلت انك بتورطينى علشان اتفتح فى الكلام


سلام يا قمر

Fantasia said...

ايمي العسل

الله يخليكي يا قمر, دا بس من ذوقك
لو عايزاها كوسة انصحك ماتخديش وزارة
على ايه وجه القلب والشتيمة ف الجرايد كل يوم ع الريق؟
دا غير النكت ودعا الناس على الوزير ليل نهار
انا اخليكي محافظ البنك المركزي
ايه رأيك؟

خالص تحياتي يا جميل

Fantasia said...

الغالية كوكا
اوببااااااا.. والله ما كنت أعرف مين اللي مألف الاسئلة
يا ريتك ما كنتي قولتيلي يا شيخة
كدا بقى احراج علني
بس أنا مكنتش أعرف
أنا بحكم على الاسئلة, ماليش دعوة

وايمي يا ستي طلعت بتحب الكوسة
فاعتقد انها ممكن تتنازلك عن أول تعليق من غير ما نمسحه ولا حاجة

سعيدة ان الاجابات عجبتك, مع اني صريحة ومدب طول عمري
ههههههه

تحياتي يا قمر

Fantasia said...

احساس لسة حي

يا سيدي علق براحتك اهلا وسهلا

بخصوص الموضوع اللي فات فانا نصحتك تقراه كويس لاني كنت بطرح وجهة نظر عامة شاملة.. يعني مالهاش علاقة باللي انت كنت بتعلق عليه
وع العموم حصل خير

اما بالنسبة للمسيحيين, فمعلش نورني اكتر
انا ماشفتش تكتلات ضد الفلاحين والصعايدة
ولا شفت حد كفرهم
ولا شفت حد بيرفض يسلم عليهم
ولا شفت حد بيتريق على دينهم

وبعدين التفرقة على اساس الدين تختلف اختلاف تام عن التفرقة على اي اساس تاني. انت تحب حد يرفض يشغلك علشان انت مسلم؟ وحط ف بالك ان الافتراض لازم يكون على اساس انك ف بلد معظم سكانها مش مسلمين
ايه رأيك لو كل يوم ف البلد دي تسمع اللي بيقول عليك عضمة زرقا؟
ايه رأيك لو كل يوم والتاني تلاقي قسيس أو هاخام بيكفرك ف الجرايد؟
ايه رأيك لو زمايلك ف الشغل قاعدين يخططوا ضدك من وراك؟
ايه رأيك لما تسمع واحد معدي على جامع بعد الصلاة وبيقول بصوت عالي ربنا يقل منكم؟
ايه رأيك لو مش مسموحلك تشتغل ف وظايف معينة من أصله؟
ايه رأيك لو فيه ناس بينادوا انك تبقى مواطن درجة تانية؟ وبيقولوا انك لازم تدفع فلوس علشان تعيش ف البلد لو هما مسكوا الحكم؟
طب ايه رأيك لو البلد دي بلدك؟ ايه رأيك لو جدود جدودك هما اللي بنوها؟
والنبي بس بلاش الكلام المرسل بتاع فض المجالس ده. دا أنا عيطت بالدموع لما واحدة صحبتي مسيحية كانت قاعدة جنبي ف ندوة والبهيمة اللي بيتكلم ولا على بال أهله ان الناس اللي قاعدة ممكن يكون بينهم مسيحيين. وهاتك يا تجريح وكلام عن ان المسيحيين اعداء للمسلمين وان احنا اللي المفروض نحكمهم, قال ايه علشان احنا مؤمنين بسيدنا عيسى, لكن هما مش مؤمنين بسيدنا محمد. بذمتك لو الكلام دا اتقال عليك هتحس بايه؟
وبعدين هل ايماننا بسيدنا عيسى والديانة المسيحية يتفق مع معاملتنا لاخواتنا المسيحيين ف الواقع؟

خلينا نتكلم بصراحة لو عايزين فعلا الامور تتحل

تحياتي

Anonymous said...

صح

Anonymous said...

صح

Fantasia said...

drops from the ocean

كلامك سليم ومنطقي واحييكي عليه بجد

المشكلة الاساسية في تعصب الافراد
حتى لو المنظر في بعض الحالات, زي القضايا اللي بتنظرها المحاكم, يوحي انها مشكلة قوانين

لأ دي مشكلة ضمير وعقل مغيب.. لأن القانون اللي بينفذه بشر
ومفيش قانون ينفع يكون ضد الدستور

الدستور المصري مش بيفرق بين مسلم ومسيحي. ف لو فيه قانون ضد البند ده, يبقى قانون غير دستوري ولاغي. لكن البشر المتعصبين هما المشكلة

يعني لما ألاقي حد يقوللي خللي بالك دا فلان دا كوفتس!.. كوفتس؟.. يعني ايه كوفتس؟ وليه ميقولش مسيحي؟ والمفروض أخلي بالي من ايه؟ اني مقولش كلمة كوفتس قدامه مثلا؟ طب ما انا مش ممكن اقول كلمة زي دي من اصله.. لكن شوفي الدماغ. قال يعني لما يقوللي كدة المفروض اضحك واقوله كفك يا سيدي! دا مرض.. واللي بيتكلم كدة التعصب عاميه.. مش مخليه يعرف يشوف الأرف اللي هو فيه والقبح اللي ف كلامه

احنا مكناش كدة ابدا.. منهم لله اللي زرعوا الفتنة وسطينا
على رأيك فيه عقول كتير محتاجة تنضف
لكن القلوب لازم تنضف قبل العقول

ومترو الأنفاق طبعا انجاز عظيم. بس اصل انا موضوع المترو والكباري دا معقدني الصراحة. كل ما نقول للحكومة تعمل حاجة يقولونا شوفوا المترو, شوفوا الكوبري, شوفوا الصرف الصحي.. لما عقدوني ف عيشتي. هو المفروض بلد بحجم مصر تفضل 27 سنة من غير لا كوبري ولا مترو ولا صرف صحي؟
بيجبولي نقطة الصراحة
علشان كدة تلاقيني كل ما امشي على كوبري ف عز الزحمة, أو اركب مترو ف عز الزنقة, أقول ايه الهنا اللي انا فيه ده

تحياتي يا قمر

Fantasia said...

الاستاذ الفاضل ايجي اناتوميست

سعدت بكلماتك المختصرة المؤثرة سعادة بالغة. وهذه الاشادة هي شهادة كبيرة في حقي, اشكرك عليها
يجب ان اذكرك سيدي الفاضل, فوجودك وسط المدونين هو اضافة كبيرة وشرف عظيم

خالص تحياتي

احساس لسه حى said...

عزيزتى
الحمد الله لسه بتقولى علق برحتك
ده اللى بتمناه انك متخديش كلامى حتى لو نقد كانه عداوة ليكى وتكرهى وجودى وتعليقى عندك

انا بقولك انا بقرا الموضوع كويس بس بركز فى نقطه معينه فى تعليقى

زى ما انتى عملتى عندى وسبتى البوست كله ومسكتى فى نقطه بس فى تعليقك ولا نسيتى

شوفى خلينا واضحيين المسلم بيشوق المسيحى مش على حق والمسيحى بيشوف المسلم ملهوش اى دين اساسا
وانتى ممكن علشان فى دوله اسلاميه بتشوفى تكتلات كتيرة مسلمه بس رغم كده فى تكتلات كتيرة مسيحية وزى ما فى مسلم بيكفر المسيحى فى مسيحى بيكفر المسلم ولا مشفتيش

ومش معنا انك شوفتى حد اتريق او رفض يسلم عليهم ان فى تكتل لان فى غيره الف بتتعامل معاهم وبتسلم عليهم

وزى ما فى واحد بيرفض يشغل المسيحى وانتى فى بلد مسلم فى اعمال مش بيشتغل فيها المسلم الملتحى او المحجبة ايه رائيك مش ده اضطهاد لمسلم فى بلد اسلامى

اما موضوع فى بلد تانى انتى باين مش عارفه المسلمين بيعانوا ازاى فى كل البلاد التانيه بسبب انهم مسلمين تحبى امثله اجبلك بس معناه اضعاف اللى بتقولى عليه

وزى ما بقولك فى مسلم علشان ملتزم بيترفض فى اعمال وشغل

وسيبك من اللى بينادوا شوفى الواقع واحكمى عليه ومش كل كلمههه يقولها مسلم يبقا المسلمين بيقولوا

وكلامى واضح وبجبلك امثله دايمن بحب اصل احدد كلامى على طول

وكنتى فى ندوه عن ايه علشان يتكلم فى الدين ومسيحية موجودة مش عارف ممكن اعرف

وانتى بتشوفى ان معاملة المسيحين فى مصر اوحش من معاملة المسلمين الامريكان فى امريكا مثلا

وعلشان انهى كلامى ونكون صرحه هقولك حاجه تبين ان المسيحين فى مصر واخدين حقهم تالت ومتلت كمان

عارفه مستوى معيشة المسيحين فى مصر ضعف مستوى معيشة المسلمين دى دراسة والمسحين فى مصر مالكين 30%من اقتصاد البلد

جبيلى بقه اى بلد فى العالم واتحداكى فى كده يكون فيها اقليه مسلمه ضعف دخلها اهل الدين الاصلى للبلد

مش عارف انا طول عمرى بتعامل مع مسيحين عمرى ما شوفت حد اضهد مسيحى يمكن اه فى قلة محبة نحيتهم من بعض الناس لاكن كشئ عام واحساس عام محستهوش

وتصدقى بشوف ناس مسلمة بتكره اللى بيربوا ذقنهم ومش بتحبهم يبقا فيه اضطهاد لمطلقى اللحية

وشوفت ناس بتكره....وكمان.......وكمان........وكمان.....

كل دول مضطهدين مع انهم مسلمين

المشكله لو حد محبش مسيحى ادامك بتشوفيه اطهاد بس لو محبش مسلم بتشوفيه شئ عادى من حقه هو حر

طولت معلش
اتمنا تردى على كل نقطه اثرتها بموضوعية
شكرا على ذوقك وهدوءك وتفهمك

سلام

Fantasia said...

العزيزة جدا حنين

شوفي يا قمر انا اصلي اغيظ في مقدرتي على الفصل بين الاشياء, علشان كدة ساعات كتير مواقفي مش بتكون مفهومة
دا حتى أهلي اللي جابوني الدنيا وربوني وعارفني وحافظني, ساعات مش بيفهموني
ووالدي دايما بيتغاظ مني ف مواضيع من النوع ده.. مش لازم رشيد يعني.. لكن ف حاجات كتير بنتناقش فيها

رشيد مش وزير سيء.. انا عارفة ان الحكومة كلها على بعضها بتتاخد شروة واحدة.. لكن انا شايفة اننا طول ما بنعمل كدة مش هيكون فيه اي حافز للحكومة انها تحسن نفسها

يعني لو الوزير من أول يوم ليه ف الوزارة عارف انه كدة كدة مكروه, وكدة كدة هيتشتم, وكدة كدة مفيش أي حاجة هيعملها هتتقدر, يبقى ايه اللي هيخليه يشتغل ويحل مشاكل وزارته ويشيل بلاويها المتلتلة؟

معظم الوزرا سيئين فعلا. لكن انا شايفة ان مجلس الوزرا الحالي فيه كذا وزير مش بطالين. واذا قارناهم باللي كانوا قبلهم هنشوف الفرق كويس. لكن دا مش سبب برضه اننا نقول عليهم كويسين. لاننا كدا نبقى ماشيين على طريقة نص العمى ولا العمى كله. بس لازم يكون عندنا شجاعة اننا لما نشوف حاجة ايجابية بيعملها حد ف الحكومة نعترف انها كانت كويسة

السبب ان انا اخترت رشيد هو انه في رأيي الخاص أحسن وزير مسك وزارة الصناعة والتجارة ف عهد مبارك. وهو الوزير الوحيد اللي بيشتغل باسلوب علمي وقدر يطور وزارته ف وقت قياسي. وبرضه شايفة ان الوزارة دي رغم انها مختصة بشئون حيوية جدا كانت مهملة ومالهاش أي انجازات, بالرغم من انها قبل رشيد كانت وزاتين.. يعني الراجل بيشتغل مكان وزيرين كانوا قبليه ومعملوش حاجة. ويا ريتهم معملوش حاجة وبس, لأ دول خربوا الوزارتين كمان

رشيد قبل ما يكون وزير كان رئيس مجلس ادارة مجموعة شركات ضخمة وناجحة. يعني الراجل لا طمعان ف منصب ولا فيه سبب يرميه على الهم ووجع القلب ده. لكنه فعلا لقاها فرصة انه يصلح كل السلبيات اللي كان بيعاني منها باعتباره رجل صناعة وتجارة. ولو تفتكري وقت لما اجتمع بيه نظيف علشان يعرض عليه المنصب, كان اخر وزير يعلن موافقته. لان القرار بالنسباله كان فعلا صعب. مش سهل انه يسيب ادارة شركاته ويروح يمسك وزارة مخروبة

رشيد مسك الوزارة ف 2004, ومع ذلك عمل ثورة متعملتش ف الوزارتين ف ال 25 سنة. صادرات مصر لأول مرة تزيد وتوصل 22 مليار دولار! والمعجزة ان لأول مرة 12 مليار منهم صادرات بجد.. يعني مش بترول وبس
الراجل جه ف وقت حرج جدا.. خلي بالك ان خطة الخصخصة كانت خلاص اتوضعت وبتتنفذ. يعني ما ينفعش نحمله ذنب الخصخصة

دا غير انه طور الوزارة من الداخل, وعمل ثورة في نظام العمل واجهزة الكمبيوتر.. ولأول مرة بقت الوزارة بتعتمد على اساليب علمية ودراسات واقعية. دا غير اتفاقات الشراكة التجارية الكتير اللي نجح انه يعملها ف زمن قياسي, وكان كتير منها متجمد من سنين, أو مجرد حلم. وكمان سفره المستمر علشان يتعرف على الاساليب اللي استخدمتها دول كانت ظروفها قريبة من ظروفنا حاليا وعملت طفرة في مجال التجارة.. زي المكسيك مثلا.. وحاجات تانية كتير لو قعدت اقولها هتفتكري اني بعمل دعاية للحكومة.. مع اني مش بكره حاجة ف حياتي قد نعر الحكومة.. لكن ف الواقع الراجل دا عمل معجزة ف وزارته

ارجوكي ادخلي على موقع وزارة التجارة والصناعة
http://www.tpegypt.gov.eg/ArDefault.aspx
وقوليلي بالحق احنا كنا نحلم نشوف دا من 3 سنين بس؟

انا عارفة ان اجاباتك هتكون قوية وجامدة موت.. ربنا يستر.. عارفاكي صريحة ودوغري زي حالاتي. لكن ولا يهمك

تحياتي يا احلى حنين

Hoda said...

عزيزتى قوى فانتا

يا فانتا انتى برضه بتصدقى كلام المواقع الالكترونيه دى بتاعت الوزارات يا حبيبة قلبى الكلام دا كله تأليف علشان النظام لما يلاقيهم حققوا كل الانجازات دى يخليهم فى وزاراتهم ويبقوا الوزاره اللى مش من المغضوب عليهم وبيتألشوا فى اول تغيير وزارى وما تقوليليش انه مش محتاج الوزاره له مشاريعه واعماله دا كلام ما يدخلشى العقل اى انسان بيتمنى طبعا انه يبقى وزير عن انه يبقى مجرد رجل اعمال او غيره ومن ورا المنصب دا كلهم دون استثناء ميمارسوا اعمالهم برضه يا حبيبتى يا طيبه ووزارة رجال الاعمال اللى موجوده دلوقتى دى اثبتت فشلها الذريع من اول يوم مسكت فيه بتقولى انه زود الواردات وان دا اكبر انجاز تم فى الوزرتين من ساعة ما اتعمله ومش هعقب على موضوع البترول والخصخصه دا لانه محتاج كلام كتيير قوى وانا مخصصاله بوست دسم قريب انشاء الله وهوريكى ايه اللى بيحصل فى وزارات مصر ومنهم للاسف الوزاره اللى انا بشتغل فيها نرجع لموضوعنا الزياده بقى اللى حققها دى والمؤشرات اللى ارتفعت فى عصره دى بقى عملت ايه لينا احنا الشعب والمواطنين الغلابه كان بان علينا وربنا داحنا حالنا يقرف الكلب وعمل ايه بقى بسلامته قدر يوقف اغراق المنتجات الصينيه فى الاسواق والبيوت المصريه قدر يعمل حاجه للحيتان الكبيره اللى محتكرين الحديد والاسمنت قدر يمنع التلوث البيئى اللى بتعمله المصانع فى الجو والميه اللى بنشربها قدر يزود المصانع والصناعات دا من ساعة ما مسك عارفه باع كام شركة نسيج ومصانع غزل ومؤسسات عريقه فى البلد وبرخص التراب وما مش معروف لحد دلوقتى الفلوس دى راحت فين قدر يمنع بلاش يمنع يخفف معدلات البطاله ويرفع اجور العمال المهنيين دا الاضراب والاعتصامات والمظاهرات شغاله على ودنه من ساعة ما مسكوا العصابه دى البلد زيادات معدلات سيادته رخصت السلع الاستهلاكيه والاجهزه والصناعات البسيطه دا واحد عاش طول عمره باشا عمره ما حس بالفقر ولا معاناة الناس ولا شاف مشاكل مولود فى بقه معلقه دهب ويحقق مليارات قاموا قالوله تعالى منظر كده وبرستيج علشان شكلك حلو وبتضحك على طول ولا عارف يعمل حاجه ومحتاس لانه من قلب الوزاره دى ولا يعرف حاجه فيها لازم يا فانتا لو عايزه تتكلمى عن وزاره وانجازتها الفعليه تدخليها وتقعدى مع موظفينها يا فرحتى ظبط وزارته ودخل فيها نظام الحاسب الالى ونظام الشبكات وبيضها بالمره كل دى سبوبه للسرقه للناس اللى فيها وعلشان منظره هو والبيزنس بتاعه احنا اخدنا ايه بقى يا فانتا احنا عايزين واحد مننا حاسس بينا اتمرمط واتبهدل فى البلد دى علشان يحس بالناس البسطاء واحد شايف الناس المطحونين اللى مش عارفين يتكلموا وبيداسوا بالجزم واحد حس بالجوع وظلم رؤسائه من الناس اللى حقها ضايع وحقوقها منهوبه وساكته ... يا فانتا لو عايزه تاخدى احصائيات سليمه وصح خديها من الجهاز المركزى للمحاسبات هو دا مكان الثقه علشان كده الحكومه عايزه تلغيه بعد اما كشف وساختهم كلهم وعراهم قدام الناس الرجل الشجاع جودت الملط شوفتى مواجهته للحكومه بالارقام بكره تسمعى انهم لبسوه تهمه هو كمان وآدى دقنى ان ماعملوهاش يا فانتا اسمحى لى انى اقولك نظرتك ما زالت ورديه وبريئه للحياه وعندك ثقه وحسن ظن غريبين وبتصدقى كل اللى بيتقال عايزه تدوسى شويه فى الدنيا وارض الواقع انا الحياه علمتنى افترض سوء النيه وعدم الثقه الى ان يتضح لى عكس ذلك اصل الواحد ما شفشى شويه وما اتعلمشى ببلاش

اسفه جداً انى طولت بس كان عندى شوية كلام محشورين فى زورى قلتهم عندك

خالص تحياتى

Unknown said...

بصرف النظر عن اتفاقي او اختلافي مع اجاباتك
الا اني ابدي اعجابي بقوتها ووضوحها

Fantasia said...

anonymous
هو خير الكلام ما قل ودل.. بس مش للدرجادي. ع العموم كويس انه صح. شاكلي كدة خدت فول مارك

تحياتي

Anonymous said...

كلة يوسع سولا عبرت القارات و جت عند فانتاو يالا انجليزى باة عشان صعب اوي عليا اكتب عربي:
if u dont mind im gonna tell u what i think about each answer u said
1-about relegion do u belive that we r in teh ony country wich put tis kind of details in everything even in the passport,i saw the usa passport and the mexecan passport also they didnt mentien anything about relegioen evenn in the id or driver licende alla my papers here didnt mention my relegion ad it didnt mension the nationaity also so i think that u r right no need to mention the releion in these paper coz it wont make any diffrent
2-about gays and lesbians well yes we r humans,and we can do whatever we wanna do in our bed rooms but there is somethig missing u didnt mention dear the thing is an a frind said this word to me.she told me tht no body is straight 1005 and nobody is gay 100% bcoz its all about feeling no matter how the look wether u have boobs or menies it doesnt matter bcoz when love come it just come ,and et me tell u smthing god didnt cereate us lesbians i think we choosed it with our mind and actually we loved the feelings a female can give 2 a female as its a very strong feeling sometimes its too much that human can stand,and i dint think that we r aniumals 2 do harrastment for other ppl i think tht lesbians an gays have better thinking and eduaction and they wanna succed more than straight ppls to prove ourself more and if u realize most of us r realy secedeed ppl
may e im not ur friend but ma be we can be friends somday so let me tell u that im lesbain so u know a lesbian person now
lol
3-i have no comment about what u sai about whats going on between muslims and chrestians ut let me tell u somthing i dont hate chrestamd actually i dont care at all,but belive me the cotic her in the state hatte muslims 2 much may be mor than egypt kamana
3-who i rased mohamed rashed,dah beta3 7alawet el rashedy el mezan wala 2eh belzabt,anyway let me tell u a secret i said it 2 my mam couple of days ago and i told her that im gonna be the menester of eduaction after 7 years from now and im gonna change the eduaction system in egypt as i think that i have a good experienc in that now
4-are u lebraleyah?????
and why u choosed to be lebraeyah
i donmt know how 2 write it in english by te way s srry about that
5-ana kont fakrah eny mn 2a7san el modawanat.yalla mesh moshkelah ba2a :)
6 and 7- no comment but i like ur four kids names
8-remeber that they can channde el dostour as what they did in syria and lik what they didabout ramy laka7.
9-to my i think mobarakdidnt did anything good he belongs totaly 2usa and he do what they want hijm 2 do
yall salam ya gameil
o 2eb2y foty keda zay ama ana 3abart el qarat o geet yemke akoon mn 2a7san el modawanat wenty mesh wa7'dah balek
hahahaha
:)\
salam ba2a

Fantasia said...

الاستاذ احساس

واضح ان حضرتك نسيت احنا كنا بنتكلم ف ايه
السؤال كان: هل فيه اضطهاد للمسيحيين في مصر؟
يعني لا جاب سيرة مسلمين ولا امريكا
افرض يا عم ان المسلمين بيضطهدوا ف امريكا, هل دا يبرر اضطهاد المسيحيين ف مصر؟ اشمعنى دي اللي المسلمين بيقتدوا فيها بامريكا؟

وبعدين عايز تعرف موضوع الندوة اللي كنا فيها ليه؟ عايز تبقى تيجي معانا؟ دا فضول مثلا ولا بتتهمني اني بألف كلام ما حصلش؟
يا عم كانت عن صراع الحضارات
استريحت؟
يعني مكانتش ندوة دينية.. بس واحد مخفي من اللي اتكلموا قلبهالك محدتة عن الاعداء المسيحيين
شوفت جليطة وقلة ادب اكتر من كدة؟

وايه حكاية المسلم الملتزم دي؟ هي الكلمة دي بقت موضة؟ ما كلنا ملتزمين يا عم.. انت شايفنا ذنادقة؟
لو سمحت وضح يعني ايه مسلم ملتزم.. بيبقى عامل ازاي يعني؟ وازاي حد بيعرف انه ملتزم عشان يمنعه او مايمنعوش انه يشتغل.. هو أي كلام وخلاص؟

نازل نق ع المسيحيين وفلوسهم.. انت جبت الارقام المضروبة دي منين لمؤاخذة؟ اوعى تكون هي كمان من كتاب حواء والقرد, لحسن ازعل اوي
وبعدين هما كانوا خدوا الفلوس دي من حضرتك؟ حد منهم حط ايده ف جيبك؟ هي دي مش فلوسهم؟ ولا عايزنا علشان دولة اسلامية زي ما بتقول نأمم ممتلكاتهم مثلا؟ أنا بجد مش فاهماك
انت عايز بالظبط؟

انا نفسي افهم انت بتتكلم بالنيابة عني بمناسبة ايه؟ ايه هو دا اللي بتشوفي ومابتشوفيش؟ مين قال الكلام ده؟ وبعدين اللي مربي دقنه ده حد هيروح يضربه بمطوة ولا يولع ف بيته عشان مربيها؟ انت بتتكلم ف ايه اساسا؟

يا عم ركز شوية وشوف انت بتقول ايه
انا صحيح قولتلك علق براحتك, من ذوقي يعني.. بس مش معناها ضيعلي وقتي ف أي كلام

تحياتي

Fantasia said...

عزيزتي حنين

شوفي انا والله مقدرة جدا اللي انتي حاسة بيه.. وصدقيني انا ممكن اضيف عليه اضعاف. وكويس ان انتي قولتي كل اللي ف نفسك. خليني بس اوضح اني محترمة وجهة نظرك جدا.. وعندك حق ما تصدقيش. انا نفسي صدقت بالعافية

تعالي بقى بشويش و واحدة واحدة كدة. انا طبعا عارفة اني الوحيدة ف مصر اللي ممكن تدي صوتها لرشيد. يعني ما تخافيش عمره ما هيبقى ريس

خلينا بقى نفك الخيوط المتشابكة. شيلي موضوع البيئة بعيد خالص, لان دا تبع وزارة البيئة. وزي ما قولتلك برضه, موضوع الخصخصة كان فعلا بيحصل قبل ما رشيد يمسك الوزارة. تعالي بقى لموضوع الاسعار, وده بيحكمه عوامل كتير, مش كلها داخلية. معظمها خارجية, لاننا بنستود معظم السلع, حتى اتفها. ودي مشكلة من قديم الازل, مش ممكن تتحل ف 3 سنين. الشق الداخلي بيخش فيه عوامل كتير, منها قوة الاقتصاد ككل. يعني ايه. يعني الاسعار ف امريكا أغلى من مصر بكتير, لكن المواطن الامريكي مش بيعاني من الاسعار زي المواطن المصري. ليه؟ لأن معاه تمن السلع الغالية دي. يعني لو احنا مثلا عملتنا السحتوت.. ورغيف العيش بألفين سحتوت, وكل واحد منا داخله 4 مليون سحتوت, هل هنعتبر رغيف العيش غالي؟ لأ.. مع انه بألفين.. لكن انتي ف جيبك 4 مليون, يبقى زيادة السعر مش مشكلة

طيب نيجي لحاجة تانية.. احنا بنستورد معظم السلع باي عملة؟ بالدولار.. طيب لو الدولار يساوي ألف سحتوت؟ يبقى انتي ف جيبك 4000 دولار.. طيب لو الدولار بيساوي 10000 سحتوت؟ يبقى كل اللي معاكي 400 دولار.. تمام؟ هما هما ال 4 مليون سحتوت.. لكن انتي مربوطة باقتصاد عالمي, بيحدد قيمة الورق البنكوت بقوته الشرائية, اللي مرتبطة بالسوق العالمي ككل

يعني لو الاسعار عند الامريكاني زادت دولار, هتزيد عندك 10000 سحتوت.. دول فلوس راحوا ف الهوا, اتحرقوا خلاص.. لان نفس السلعة اللي كنتي بتجيبيها بما يوازي 3 دولار, بقت باربعة

طيب ليه العملة بتاعتنا ما بتزدش مع الدولار؟ لأن الاقبال على شراها أقل كتييييييييييير من الاقبال على الدولار. الناس مش هتحتاج السحتوت الا علشان تستورد منك سلعة. وانتي ماعندكيش سلع. يبقى عملتك هتفضل هي هي. والموضوع دا مش شرط يكون مصيبة. لان فيه دول زي الصين مش راضية تزود سعر عملتها بالرغم من الضغوط اللي عليها. تخيلي؟ دولة العالم بيقولها ابوس ايدك ارفعي سعر عملتك يا شيخة.. وهي اللي مش راضية. ليه؟ لانها بتستفيد اكتر من سعر عملتها المنخفض. لانها بتصنع كميات مهولة.. وعشان تبيع كل انتاجها لازم تكون اسعارها ارخص اسعار عشان تعرف تنافس منتجات الدول المتقدمة اللي جودة منتجاتها أعلى من منتجات الصين. يعني لو الصين رفعت عملتها, بكرة الصبح هيتكوم عندها خطوط انتاج بالهبل مش هتعرف تصرفها. مين هيشتري عربية صيني وفرق السعر بينها وبين الكوري ملاليم, او مفيش فرق سعر من اصله؟ طب ما اشتري العربية الاحسن

طيب.. نيجي للسؤال المهم.. ليه الشعب مش حاسس بالتحسن اللي حصل ف الاقتصاد المصري اللي حقق طفرة وتخطى حاجز 7% نمو؟ والمفاجأة ان الارقام دي مش من مصر.. دي الارقام العالمية. والمفاجأة الاكبر ان الجبراء الاقتصاديين ف العالم بيرجحوا ان مصر ممكن تستمر في تحقيق نفس نسبة النمو لمدة كام سنة قدام بشرط المحافظة على استقرارها الداخلي

امال احنا مش حاسين ليه؟؟.. عشان دورة الاقتصاد محتاجة وقت لما توصل للطبقات اللي ملهاش علاقة مباشرة بحركة التجارة. يعني ايه الكلام ده؟ يعني انا مثلا عندي مصنع ملابس جاهزة.. لو انا انتاجي كويس وصالح للتصدير, هكسب واجيب فلوس اكتر انتج بيها اكتر. ساعتها اقدر ازود مرتبات كل الناس اللي شغالين معايا علشان احفزهم يشتغلوا اكتر.. طالما فيه مكسب هيعود عليا, فمن مصلحتي اني انتج اكتر واطور الانتاج بتاعي. لكن لو الاقتصاد نايم؟ مش هعمل حاجة, عشان محدش بيشتري اللي بانتجه اصلا. طيب لو انا عندي محل ملابس راقية.. هكسب برضه.. لان زباين المحل بتاعي من الطبقة اللي استفادت من حركة الرواج وزيادة التصدير.. ولو ببيع ملابس شعبية, برضه هكسب, لان العمال اللي ف المصنع مرتبتهم زادت. لكن لو انا موظفة ف الحكومة, هل هحس بأي فرق؟ لأ.. خالص
طيب امتى احس بفرق؟ لما دورة الاقتصاد تبتدي توسع وتشمل دواير اكبر وتتيح فرص احسن.. يعني اللي عنده مصنع, هيفتح اتنين, والمهندس اللي ماكنش لاقي شغل هيشتغل, واللي كان مرتبه صغير هيرتفع.. والانتاج هيزيد, فيحصل نشاط اقتصادي..فوحصيلة الضرايب والجمارك تزيد, فالحكومة ترفع مرتبات الموظفين

دي دورة الاقتصاد العادية اللي ف كل الدنيا. مفيش دولة ف العالم التالت مش بتعاني من نفس المشاكل. مش بين يوم وليلة هوب هنتنغنغ. طب شوفي بقى رشيد عمل ايه غير التصدير.. قالك طب ما التجار اول ما المرتبات تزيد هيرفعوا الاسعار, ومفيش رقابة كويسة على الاسواق. عمل مشروع جديد لحماية المستهلك, اللي انتي بتشوفي اعلانه دلوقتي ف التليفزيون, وبيقولك بلغي لو حد رفع السعر او مارضاش يرجع بضاعة فيها عيب او يديكي فاتورة

مش كدة وبس.. قالك طب ما ممكن المنتجين والتجار يتفقوا مع بعض ويرفعوا كلهم الاسعار مع بعض, يعني تلاقي السلعة ف كل مكان بنفس السعر الزيادة.. كدة مش هتقدري تثبتي حقك عند التاجر, لانه مش لواحده. راح عمل مشروع تجديد لقانون منع الاحتكار, وشدد الرقابة عليه.. واظن شوفتي اللي حصل ف موضوع الاسمنت.. وفعلا طلع فيه ممارسة احتكارية ف القطاع ده.. وحاليا بيفتحوا كمان ملف الحديد.. والعقوبة هتتشدد جدا ف القانون الجديد. لان القانون القديم كان بيفرض غرامة 5 مليون بس. يعني يبقى المحتكر كسبان 200 مليون ويدفع منهم 5 غرامة! طبعا كلام اهبل. لأ دلوقتي هتتحدد بنسبة كبيرة من اللي كسبه من العملية اللي يثبت فيها ممارسته الاحتكار

صدقيني فيه حاجات كتير بتحصل لاول مرة.. مش ذنب الراجل انه مسك وزارة خربانة.. يعني كان يسيبها أحسن؟ وهما اللي مسكوا وزارة الصناعة والتجارة قبله كانوا رجال اعمال؟ ماهم كانوا مننا.. كانوا موظفين.. ميعرفوش الا البيروقراطية والمنظرة والمريسة والقاعدة ع الكرسي, لغاية لما خربوها
الحكومة تستاهل طبعا السمعة الزفت اللي بقت لازقة فيها مهما عملت.. ماهو كله من عملهم الاسود. هما يعني الوزرا اللي فاتوا كانوا جم قعدوا ف الوزارة من نفسهم؟ ماهو هو نفس النظام. وانا معاكي ان الوجوه الجديدة اللي ف الوزارة جايبهم النظام عشان يحاول يبيض وشه, مش عشان سواد عيوننا.. لكن فيه ناس واخدة الموضوع جد.. ومنهم رشيد.. روحي الوزارة بنفسك وشوفي واسألي

الراجل ده بيحاول.. بس المصيبة اللي فوق راسه تهد جبل. والناس يأست, وجابت اخرها.. محدش قادر يصدق او يصبر أو يتعاون أو يحاول يجرب يشوف اذا كان الموضوع جد ولا لأ

ع العموم دي وجهة نظري الشخصية, بس حبيت اطرح اسبابي بوضوح اكتر, وكويس ان الفرصة جت عشان اقول الكلام ده. أوعي تزعلي مني. انا هكتبلك بوست مخصوص انتقاد ف الحكومة يا ستي.. واللي يستاهل فيهم البهدلة بجد مش هاعتقه.. وما اكترهم.. شوفي عندنا كام وزارة ومحافظة وهيئة ومجلس محلي.. يا لهوي. دا الواحد ممكن يضيع عمره ف انه يمسك المؤسسات دي واحدة واحدة ويقول البلاوي اللي فيها.. بس ابقي قوليلي الوزارة بتاعتك ايه عشان مخبطش فيها
:)

تحياتي يا قمر

Anonymous said...

im sorry comming agin is just i wana som tuff ckear 2 hossam:
1st ya hossam u aid hat muslims treate bad in some countriees and that u have exampls,do u mind tellin me an example,by the way i live in usa now andi've been 2 holland and england each for 2 days and then jordan for lik a month and nobody cae about my relegion only rabs bcoz of the stupid way of thinking they have and the wired thing is that arabs dont love themselves 2 love other nationalities
2n ya 7osam,the is a law said that in every company or fatory thy must hire 25% fro the employees chrestians if its a uslim company and 25% MUSLIMS if its a chrestian cimpany may b u dont kno about it so uneed to read mor y hon b4 fighting with everybody without enought knoledge
3rd well the chresians in egypt r rich bco of many things,one of them is that they do all what qur2an ai in basics and dealing with ppl,they do thiere jub so good he r loyal they never cheat u they work hard and they dont life but wesay that w r muslims but we dont do any thing in qr2an so thas why thy haveoney bcozthey wrkrd hard 4 itmdo u kno what when i was in hight school i sed 2 take private lessons with chrestins teachers bco 3andohom dameer aktar mn el moslmeeen bkteeer
\anyway ya hossa plz try 2 read more ad open ur mindfor othrs ideas and im sure that u'll gan and u wont loose
soryfanta isjust i felkt that he dontr kw and i have 2 tell u may thinbgs
sorry again
salam

Fantasia said...

دمعاتي

اشكرك سيدي الفاضل جزيل الشكر

خالص تحياتي

Fantasia said...

Dear Sola,

was so happy to receive your detailed comment. i believe i must forward this tag to you, so that you can publish all those views. consider yourself tagged my dear.

i believe we agree on most issues here. and certainly you being a lesbian is totally your private business. nobody has the right to know this bit about yourself, except if someone proposed to you for example. but other than that, there is absolutely no point for others to know whether you are hetero, bi or homosexual. what difference will it make?

and why would you wait seven years to become the minister of education? go ahead.. we need somebody to fill this position instead of the current loser who holds it.

as for me being liberal, i hate to be labelled. the word liberal alone does not realy describe my views. besides, there are many trends within liberalism. there are also rightists and leftists with it. and there is also libertarism, which also is divided into wings. but all in all, it is not a false statement if you said "fanta believes in liberalism"

will sure visit your blog. i am just too busy nowadays, that's why you may not see me commenting much on other blogs as i used to do. bas ha3bor elqarat 3alashan khatrek :)

Hoda said...

عزيزتى فانتا

واضح انك عندك رؤيه مستقبليه او مكشوف عنك الحجاب وهيطلع كلامك ودفاعك عن الراجل دا صح تصدقى النهارده بالصدفه وصلت لنا معلومات ان فى تغيير وزارى خلال الايام القادمه وهيتشال حولى 5 وزراء وعلى رأسهم الوزير بتاعى ياللا فى داهيه عقبال الباقى مش دى المشكله دلوقتى بس المفاجأه ان عمو رشيد مرشح بنسبة 90% انه هو اللى يخلف نظيف ويكون هو رئيس الوزراء المنتظر وكأنك بتقرى الطالع ياللا يا ستى افرحى ويا ريت يطلع توقعاتك فى محلها ويعمل حاجه بسلامته يعنى احنا عايزين ايه غير ان احنا نزذهر ونتقدم بس للاسف اسمى مش موجود بين الترشيحات ياللا بقى نستنى الخمس سنين اللى جايه
:)
واكيد طبعاً هقولك على اسم وزارتى بس انتى عارفه يا فانتا ان الجبن سيد الاخلاق علشان اعرف اشتم فيهم براحتى وما اترفدشى وكده ويقبضوا عليا داخل مكتبى واقول والله مش انا يا بيه واتسحب من قفايا يعنى مش هتبقى ظريفه انا هبقى اقولك فى الخباثه بس براحتك اشتمى فى ام الوزارات كلها ولو قدرتى تولعى فيهم اكون شاكره لكى هذا العمل الجليل . وبعدين انا برضه ازعل منك انتى يا قمر دا انت الغاليه انا اللى بطلب منك نفس الطلب انك تستحملى غلاستى ولو اونكل رشيد ليكى معاه كلام بعد اما يبقى رئيس الوزراء يبقى تقوليله بوقين كده عن صحبتك علشان انتى تبقى نائب رئيس الوزراء وانا دراعه وانا المستشاره بتاعته ماشى

سلام يا قمر

على باب الله said...

العزيزة فانتازيا

إجاباتك علي التاج كانت كلها في الصميم

إجابات تدل علي شخصية متزنة عقلانية و مثقفة

رغم أني أكره التيجان جداً و لا أحب فكرتها .. إلا أن إجاباتك علي الأسئلة كانت جميلة حقيقي

---

و دي فعلاً أحلي أجابات قريتها للتاج ده

---

خالص تحياتي

احساس لسه حى said...

عزيزتى

انا لما جبت سيرة امريكا علشان اقولك ان معنى الاضطهاد اكبر من الحاجات اللى قولتى عليها يعنى مفيش سياسى يقدر يعمل فليم يحرق فيه الانجيل هتتقلب الدنيا عليه اما هولندا سياسى عامل فليم يحرق فيه القران وده اللينك انتى مش بتصدقنى دايمن

http://www.masrawy.com/News/Arts/AFP/2008/January/27/406491.aspx#AddCo

وانا عمرى ما ابرر اضطهاد اى حد بس لما يكون فيه اضطهاد

وانا قوتلك الملتحى اللى بيترفض يشتغل فى اعمال كتير بسبب لحيته او المحجبه مش ده اسمه اضطهاد برضوا ولا معنى كلمة اضطهاد يمشى على ناس وناس

وده لينك تانى ولو تحبى مية اجبلك لاعمال تتسمى اضطهاد

http://www.masrawy.com/News/Egypt/Politics/2008/february/6/visa.aspx

اللى اقصده لو سميتى الكلام اللى بتقوليه اضطهاد يبقا كل الدول بتضطهد المسلمين وكمان منها دول اسلامية بتضطهدهم زى تركيا اللى منعه الحجاب فى الجامعه وبلاش اقولك تونس

انا كنت عاوز اعرف موضوع الندوة علشان بكذبك وليه هتكدبى لاكن لو ندوة دينيه اكيد لما يتكلم عن الاديان الاخرى مش هيشكر فيها

اما زى ما بتقولى كده ندوة عن صراح الحضارات يبقا المفروض يراعى دين اللى موجودين لان اى مواطن بيتاثر مثلا باللى بتعمله امريكا سواء مسلم او مسيحى وضحت الاسباب

وكان ممكن انتى او صحبتك تقومى تعترضى ساعاتها ليه سكتى

اه فى مسلم ملتزم ومسلم متشدد ومسلم متطرف ومسلم ميعرفش من اسلامه اى شئ وبرضوا فى اى دين فى اللى متطرف واللى ما بيعرفش ايه معنى دينه

ومعنا الالنزام الدينى ان الانسان ينفذ تعاليم دينه بقدر المستطاع

وبقولك فى ناس ملتحية بتمنع من اعمال كتيرة كان الملتحى بقه ارهابى خلاص

سميلى ده فى رائيك اسمه ايه

شوفى انا مش نازل نق على حد ربنا يزيدهم مش من كتاب حواء والقرد جبتى القرد ده منين اسمه حواء والخطيئه واظن كل كلامك من كتب برضوا ومحدش اخد فلوسى لانى مفلس خلقه بس حبيت اوضحلك ان اى فئه مضطهده فى العالم بتكون اقل مستوى زى سكان الضواحى فى فرنسا

لاكن تكون الفئه المضهده مسنوى المعيشة بتعتها اعلى يبقا اضطهاد ايه ده

والارقام دى مش فاكر يمكن من مصراوى دراسة فيه

ومكنش قصد نامم ممتلكات حد انا بقول الاضطهاد ليه اثار مش شايفها

هو انا طلبت شئ علشان تقولى عاوز ايه انا بتناقش معاكى بس فى كلاامك

وانا بقولك بس لما تشوفى موقف قرنيه بمواقف تانيه علشان تسميه باسمه الحقيقى

ووتقصدى مين اللى بيضرب بمطواه واللى بيولع فى بيته

انتى بتتكلمى عن الشيشان شكلك مش مصر

وقوليلى كام واحد بيموت فى مصر بسبب حوادث الاضطهاد دى بالارقام علشان نعرف هو اضطهاد ولا لا

اظن مش هيكون اكتر من اللى بيموتوا فى المعتقالات من قئات تانية وده فى نظرك مش اضطهاد

ومعلش انتى شايفه انى بضيع وقتك فى اى كلام لاكن انا مش شايف كده وانك لا تهدى من احببت الله يهدى من يشاء

وربنا يهدى الغلطان مننا فى ارائه

متنسيش تخشى اللينكات وتقولى ده اضطهاد ولا اسمه ايه ولو تحبى الف غيره ابعتلك عينية

تحياتى
سلام

hartaka said...

ازيك يا فانتازيا

انا مش شايف ان عدم الزج بمصر في صراعات خارجية أو القيام بمخاطرة غير محسوبة
دة
مش انجاز خالص دة تقزيم دور مصر فى انها يبقى ليها دور فى المنطقة

ومتشكرين على التفرد
:)

Anonymous said...

hey
i changed the link of my blog,this is the new link,

http://egyptiangirl-1981.blogspot.com

chao

Fantasia said...

الجميلة حنين

دي ايه الاخبار الحلوة دي؟ بقى مصر تكسب كوت ديفوار 4/1 ورشيد يبقى رئيس وزرا كمان؟ لأ لأ كدة كتير عليا

تصدقي لو بقى رئيس وزرا بجد هازعل.. علشان اللي عمله في وزارته مجرد بداية, ولازم يفضل علشان يكمل المشوار.. لكن لو بقى رئيس وزرا, يبقى وزارة الصناعة والتجارة دي هتتطربأ وهترجع خرابة تاني.. وكأنك يا أبو زيد ما غزيت.. أصل الراجل دا فلتة.. احتمال تكرار صدفة ان حد زيه يمسك الوزارة لا يتعدى الواحد ف الألف! ويمكن موضوع رئاسة الوزرا دا يكون مؤامرة عشان يقضوا ع الانجازات اللي عملها.. قالولك اشمعنى دا اللي فالح يعني؟ دا كدة بيحرج زمايله.. شيله يا عم.. مش هو شاطر؟ شيلوه البلد كلها خليه يورينا شطارته

يا ريتني اعرفه والله يا حنين.. هاوصيه عليكي طبعا, لكن كمان كنت قولتله أوعى تقبل منصب تاني, انت هايل في مكانك

مفيش حد ابن حلال يبعتله عنوان البلوج عشان يوصللوا البقين دول؟ هههه

بس عندك حق يا حنين انك ما تقوليش الوزارة بتاعتك.. المدونات يا اوختشي ليها ودان. وانتي عارفة مكافأة حرية الرأي عندنا.. مفيش ياما ارحميني

خالص تحياتي يا قمر

Fantasia said...

العزيز على باب الله

ومين سمعك؟ انا كمان باكره التاجز كره العمى.. لكن اسئلة التاج ده استفزتني بصراحة.. قولت وماله؟ اديها تاج

اشكرك جدا يا عزيزي, وسعيدة ان اجاباتي نالت اعجابك.. كمان البقين اللي قولتهم في حقي يعني خلوني اجيب ألوان.. اخجلتم تواضعنا

خالص تحياتي

Fantasia said...

احساس لسة حي

يعني احنا بنتكلم دلوقتي في فكرة الاضطهاد بشكل عام.. بس دا مكنشي السؤال اللي ف التاج يا استاذ.. السؤال كان عن الاقباط في مصر

اكيد فيه اضطهاد ف العالم كله.. وليه اشكال وانواع كتير.. هي دي محتاجة يعني اني اشوف لينكات؟ وفيه اضطهاد للمرأة.. امال انا عاملة المدونة دي ليه؟

بالمناسبة اللينكات غلط, مش شغالة

وبعدين هو الاسلام بقى حجاب ولحية خلاص؟ هو ده الالتزام بقى اللي حضرتك كان قصدك عليه؟ طب انا راضية زمتك, الناس اللي بتسيب دقنها منتفة وطالعة زي المقشة دي, تنفع تكون واجهة كويسة لمكان رزق؟ يعني ما يربي دقنه يساويها ويخلي شكلها كويس ويلبس كويس, هو لازم يبقى مبهدل عشان يبقى مسلم؟ هو المنظر بتاع القاعدة وطالبان بقى هو الاسلام خلاص؟ ما ربنا امرنا بحسن المظهر, اشمعنى دي اللي نسيناها؟
والمحجبة يا سيدي لو حسنة المظهر برضه بتشتغل ف احسن اماكن.. انا ليا واحدة قريبتي محجبة بتشتغل في شركة عالمية وف العلاقات العامة كمان, يعني هي واجهة الشركة قدام العملاء.. لكنها مهتمة بمظهرها ومجتهدة ومتعلمة كويس وخدت كورسات كمبيوتر ولغات
انما دلوقتي كل واحدة فاشلة تقولك دول مارضيوش يشغلوني عشان محجبة.. يا سلام! والملايين المحجبات دول بيشتغلوا ازاي؟

بالنسبة للندوة كويس انك اعترفت ان الموضوع ملهوش أي علاقة بالدين, وان الشخص اللي قال كدة ده معدوم الاحساس يا استاذ احساس.. لكن مين قالك بقى اننا سكتنا؟ ما سكتناش ولا حاجة.. صاحبتي رفعت ايدها بكل ذوق والراجل فضل متجاهلها لغاية لما خلص كلام وقال كل اللي ف نفسه.. بعد كدة قالها اتفضلي.. قالتله بكل ذوق أنا مسيحية والكلام اللي حضرتك قولته غلط وما يصحش, احنا كلنا اخوات وعمر ما مسيحي كفر مسلم لاننا كلنا بنعبد إله واحد, فازاي حضرتك بتقول ان كل المسيحيين بيقولوا ع المسلمين كفرة؟

تفتكر قالها إيه؟ راح ساكت شوية كدة ووشه جاب ألوان, وسأل الحاضرين "فيه حد مسيحي تاني هنا؟" وبعدين قالها بس انتوا مش بتؤمنوا بالاسلام.. تخيل؟ قومتله أنا بقى.. واديته اللي فيه القسمة وخدتها من ايدها ومشينا

انا نفسي افهم انت بتجيب الكلام دا منين؟ يا عم الارقام المضروبة اللي انت جبتها مالهاش دعوة بنصيب المواطن المسيحي من الدخل القومي.. انا اخر تقرير شوفته كان بتاع 2005 على ما أظن, وكان بيقول ان نصيب الاقباط من الدخل القومي هو 3% مع انهم 9% من السكان.. يعني بياخدوا تلت نصيبهم من الدخل القومي.. انت عارف الصعيد فيه كام مسيحي؟ انت فاكر كل المسيحيين عايشين ف القاهرة؟ مفيش قرى ونجوع فيها مسيحيين؟ يا عم لو مش مقتنع انهم مضطهدين انت حر.. لكن الارقام والوقائع وتقارير حقوق الانسان وحقوق الاقليات كلها بتقول غير كدة

بتسأل عن عدد الاقباط اللي ماتوا ف احداث طائفية.. ايه رأيك لو عرفت ان من ساعة احداث الخانكة ف 72 لغاية انهاردة فيه حولي 4000 مسيحي اتقتلوا بسبب العنف الطائفي؟ الرقم دا اتسجل بعد رصد 120 حادثة اعمال عنف طائفي على مستوى الجمهورية, يقدر عدد الضحايا الاقباط فيهم بناءا على البيانات الموثقة في المستشفيات واقسام الشرطة.. ومعظم الحوادث دي حصلت يوم جمعة.. تفتكر ليه؟

يا ريت بس لو مش مقتنع برضه ما تقوليش فيه اضطهاد ف الواق الواق.. ولا اصل اللي بيلبس جلباب قصير بيضطهد

وموضوع ربنا يهدي دا يعني لمؤاخذة ما يصحش.. يعني ايه ربنا يهدي الغلطان؟ هو احنا بنغلط ف ايه؟ دي مناقشة يا ابني.. عارف يعني ايه مناقشه؟ يعني اراء واسباب.. محدش بيكفر عشان قال رأيه.. بلاش الاسلوب ده
يا تكون قد الموضوع اللي بتتكلم فيه, يا قلة الكلام احسن

Fantasia said...

الاستاذ هرطقة

يا عزيزي أنا مكنتش اقصد الشق الدبلوماسي.. أنا كنت اقصد صراعات على الارض, تهور غير محسوب.. لكن التقصير ف الدور السياسي الخارجي دا شيء تاني

وبعدين يعني انتوا مستكترين ع الراجل انجاز واحد؟ دا كل الناس اللي جاوبوا قالوا ملوش انجازات.. ولا حتى كوبري

انا شخصيا شايفة ان مصر لو عاشت في وهم قوة زائفة وانساقت ورا الناس بتوع الشعارات والانفعالات العاطفية هنروح كلنا ف داهية زي ما حصل قبل كدة

خالص تحياتي

Fantasia said...

العزيزة سولا

ماشي يا ستي.. مبروك العنوان الجديد

احساس لسه حى said...

عزيزتى
انا عارف اننا مش بنتكلم عن فكرة الاضطهاد بشكل عام بس انا بقولك على بلاد بيحصل فيها اكتر من اللى بتقوليه ومش بيقولوا عليه اضطهاد

الاضطهاد ده يبقا شكل منهجى مش حوادث فرديه او حتى جماعية من ناس

يعنى التفرقة العنصرية اللى كانت فى امريكا ده اضطهاد للسود لانه كان القانون بيحميه

لاكن لما سود يتخنقوا مع بيض ويموت ناس هنا وهنا يبقا مش اضطهاد

ومين قال الاسلام لحية وحجاب بس

بس على الاقل نسيب اللى تتحجب تتحجب واللى يربى لحيته يربيها براحته ما نضيقهوش

وانتى شايفه اللى بيربوا لحيتهم كلهم شكلهم مش كويس اكيد حسب الشخص واكيد فى ناس حلقها وشكلهم زبالة برضوا يعنى اللحية مش هى المشكلة ولا الحجاب فى نظافة ومظهر الشخص

وانا عارف ان فيه مليون واحده محجبة مش بتشتغل بس لو منعوا واحده من شغل علشان حجبها ده اضطهاد ليها

ولو منعوا مسيحيه علشان دينها برضوا اضطهاد ليها

واحب اجبلك اعمال ممنوعة للمحجبات بس مش ممنوعة للمسيحيات يبقا فين الاضطهاد بقه

فى دولة فى العالم كده اه تركيا ممكن

طيب شوفتى بقه ان مفيش اضطهاد ادى صحبتك قدرت ترد عليه وانتى رديتى عليه ومعرفش يتكلم يعنى شكله كان غلطان

ومش معقول الغلطان نقيس عليه البلد

شوفى الارقام هحاول اجبلك مصدرها كلها ودايمن هحاول اجبهالك بلينك يشتغل برضوا

وهشوف التقرير اللى بتقولى عليه بتاع الدخل

نيجى بقه لاهم شئ من سنه1972 يعنى من 35سنة عدد اللى ماتوا 4000بسبب العنف الطائفى

رقم واحد

انتى مجبتيش طبعا عدد المسلمين اللى ماتوا فى الاحداث دى ممكن اعرف بما ان التقرير عندك

رقم اتنين

انتى عارفة عدد اللى ماتوا فى حناقات بين المسلمين وبعضهم كام من سنة1972 مسلم مع مسلم

الناس بتتخانق علشان ارض ويموت بينهم عدد وبيتخنقوا علشان فلوس وبيموت بينهم عدد الدين واختلاف الدين مش عاوزه اى خناق بينهم فى بلد بالعدد بتاعنا ده

انتى بتتكلمى عن مصر ولا الجنه عن ناس ولا ملايكة

ردك على واحد واتنين مهمين ليه للمعرفة وخدى ثواب فيه وهاتى الاعداد

لا مش هقولك الواق واق هفولك انجلترا

احمد حسام لاعب مصر المسلم بيتعرض لهتافات عنصرية

فى مصر عمر ما حد هتف ضد مسيحى علشان دينه

ولو على كلامك ده والحوادث دى يبقا العالم كله بيضهد فى بعضه ومفيش دولة من غير اضطهاد ىالا الواق واق

معلش انا محددتش مين الغلطان زعلتى ليه والمناقشة مش فيها حد صح وحد غلط ولا الاتنين صح والاتنين غلط

وانا مش بكفرك لما بقول ربنا يهدينا للثواب
خلتينى بضطهدك فى لحظه وبكفرك كمان

اوك بلاش اعى بصوت عالى هدعى بينى وبين نفسى يا ستى
كده احسن ولا تزعلى

اظن انا قد الموضوع وبتكلم بموضوعيه بس بلاش تتحفزى وانا بتقريلى ولا تحبى اخش باسم تانى وتقرى كلامى بهدوء اكتر

تحياتى ليكى

سلام

Fantasia said...

يا عم احساس كلامك بيتعرف من اول سطر
حتى لو دخلتلي وانتا متنكر
انتا ماشي باسلوب خالف تعرف, مش عايز توصل لحاجة
عايز لوك لوك لوك لوك وخلاص

ما انا كمان ممكن ادوخك السبع دوخات لو مش هاممني اننا نوصل لحاجة
عادي يعني ممكن ادخلك مليون موضوع في بعض ولما تجاوب عليهم افتحلك مليون غيرهم واقولك مثلا دول المسيحيين مضطهدين ف الفاتيكان والاورثودوكس مضطهدين ف الغرب والكاثيوليك مضطهدين ف الشرق ونفضل بقى نلف كدة
مش دا اللي انتا عايزه؟

اقولك ناس ماتوا ف احداث فتنة طائفية, تقولي مسلمين بيقتلوا بعض؟؟ احنا ف برنامج خلف الاسوار يا ابني؟ ما كل يوم فيه حد بيقتل حد
وبعدين لما القتل شيء عادي وسببه مالوش اهمية ف الموضوع, كنت بتسأل على عدد اللي ماتوا ليه؟ ومسلمين ايه اللي كام؟؟؟ اذا كانت الاحداث دي اللي قام بيها مسلمين؟ هي حرب يا ابني هنعد كام واحد مات من كل جيش؟

يا عم الله يكرمك.. المسيحيين زي الفل وعايشيين احسن عيشة, وكل التقارير والبيانات غلط.. انت بس اللي صح
ريحني بقى الله يرضى عليك

روح شوف يمكن فيه واحد مسلم صوباعه اتعور وانت عمال تكتبلي ومانتش داريان.. يا عم بلا هجوم طائفي بلا اضطهاد بلا بتاع
انت بتصدق الكلام ده؟
دي كلها اوشاعات.. سيبك انت
شوفت ماتش مصر مصر وكوت ديفوار؟ ايه رأيك ف الاجوان؟ انهي اكتر جون عجبك؟

احساس لسه حى said...

عزيزتى
كويس ان كلامى بيتعرف اصله مش بيتغير

وده لينك قولى يا رب يفتح او خشى مصراوى تلاقى الموضوع
بتاع حنان ترك اللى عملتوه اضطهاد برضوا للمسيحين والمنع كان على الكل لغير المحجبة بس من غير دين

http://www.masrawy.com/News/Arts/St
ars/2008/february/7/hananturk.aspx

انا مش بدوخك انا بقولك انتى شايفه ده اضطهاد قوليلى دولة مفهاش اضطهاد بمفهومك وتصورك

وقوليلى عما المسلمين مش مضطهدين برضوا فى مصر ولا مش واخده بالك ان الكل مضطهد وسواسية

انتى طنشتى ليه اعدام المسلمين اللى ماتوا فى الاحداث دى مش تعرضى الحقيقه كاملة برضوا ينفع اقولك 4000مسيحى مات ومقولش كام مسلم مات فى الاحداث علشان نشوف المقارنة بس والفرق

واحنا مش خلف الاسوار بس لما عليتين مسلمين يتخنقوا مع بعض تبقا خناقه وخلاص بس لو عليه مسيحية تبقا فتنه واضطهاد

يعنى انا لما اتخانف مع مسلم يبقا عادى ولو مسيحى يبقا اضطهاد بسالك ده كلام يعقل

وبكرر احسن مش لاقى الاحصائيه اللى فيها 4000مسيحى كنت بدور على اعدام المسلمين اللى ماتوا برضوا

اللينك لو عندك لينك ومصدر

وابعتى لينكات التقارير والبيانات دى ادرسها يمكن اعمل بوست عن اضطهاد المسيحين فى مصر برضوا لو عندك

واكيد كلها اشاعات زى اشعة الكافيه اللى عملتى عليه بوست

وبالمرة صحيح بيان مستوى المعيشة و3% اللى انتى بتقولى عليها

بجد عاوز استفاد من معلوماتك ولينكاتك وتقاريرك

وربنا يخليكى للدفاع عن المضطهدين فى مصر بس كلهم مش ناس وناس

ومتنسيش بتوع المحاكم العسكرية ولا ده مش اضطهاد

شوفت المتش عجبنى ادعلينا بقه مع الكاميرون ولا الكورة برضوا مفهاش دعاء

بجد مش بزعل من سخريتك بس بزعل لما اطلب لينك ولا رقم ومتعرفيش تجبهولى

تحياتى يا افندم
وسلام

Fantasia said...

احساس لسة حي

انا مش هدخل ف السكك دي اسمحلي

وبعدين هو انت كنت طلبت لينكات وانا رفضت؟ ايه الكدب ده؟ انت جاي تتبلى عليا؟

لو اديتك لينك بالانجليزي هتقعد تدوشلي دماغي.. يا عم الارقام دي مش سرية.. اعمل سيرش وشوف تقارير حقوق الانسان وحقوق الاقليات ف مصر وانت تشوف بعينك. كل التقارير ارقامها زي بعض

وبعدين الخناقة حاجة واللي بيقتل واحد عشان دينه حاجة تانية.. بلاش خلط الاوراق ده. اسلوبك الصراحة يكره الواحد ف المناقشة.. مفيش اصلا اي منطق يربط كلامك ببعضه, اي حاجة والسلام

لو هدفك تقرفني, فتعليقك الاخير فعلا جابلي قرف.. ارحمني بقى لوجه الله.. انا مش فاضيالك

اللي عايز يعرف حاجة هيعرفها, مش لازم عن طريقي يعني. و قولتلك مليون مرة بلاش تقتنع.. خليك ف اللي انت فيه.. ابعد اذاك عن الناس وبس

ذو النون المصري said...

في المدونه السابقه كان تعليقي فيها رقم اربعين و هنا ايضا اربعين
ما علينا
انا جاوبت علي التاج ده من كام يوم و فات خلاص
و فكرة التاجات عاجباني الصراحه لانها بتخلي الفرد يدلي ببعض الاراء التي من الممكن ان تفوت تدويناته دون ان تظهر هذه الاراء كما انها تجعل الادلاء بهذه الاراء في نفس القضايا يتم بصوره جماعيه لدي الكثير من المدونين و ممكن يتعمل منها استطلاع راي لولا ان الاسئله غالبا بتكون مش علي مستوي كافي من الجوده

احساس لسه حى said...

معلش يعنى
ما انا طلبتهم بعتيهم يعنى

كمان عملت سريش ملقتش الارقام دى واطن انك معندكيش لينكات ليها

ومعلش ما لازم فى اى بلد ناس تتقتل علشان دينها زى ما ناس بتتقتل علشان لونها وعرقها بس المهم النسبة اد ايه وشكله ايه حوادث فردية ولا اضطهاد من دين لدين او عرق لعرق

ومتزعليش يا ستى ولا اقرفك ولا تقرفينى كنت فكرك محترمة عن كدة

ومردتيش طبعا على لينك حنان ترك ولا هتعملى بوست تقولى انك ظلمتيها لانك اكيد عقلك بيدور على سكة واحدة

والحمد الله مش بدور على اذى حد بس على الاقل برد على اذى الناس مش بسكت

والحمد الله عمرى ما قولت كلامك جبلى القرف زيك حتى لو كنت شايفه غبى ومفهوش منطق ومنحاز لشئ على حساب شئ تانى

وخلاص مش هعلق عندك تانى
الا اذا بقه....وسبيها فاضية

Anonymous said...

يه كمية الموالاة للنظام الحاكم
يعنى مش عارفه إن جميع الإنتخابات و الإستفتاءات إللي حصلت في مصر في عهد هذا النظام كلها مزوره بما فيها إنتخاب رئيس الجمهورية
جراءة على الباطل تتحسدى عليها لما قلتى إن الناس لو مش عايزه جمال مش هيجي
الموضوع كله تزوير في تزوير و كل من شاهد الإنتخابات سواء كان مرشح حزب أو مستقل او ناخب أو قاضى أو ضابط شرطه كتب إعترافاته زي العميد محمود قطرى في كتابة إللي منعه النظام الحاكم لكن موجود على الإنترنت و كذلك منظمات المجتمع المدنى ... كل دول بيقولوا الإنتخابات غير نزيهه و مزوره و قذره
فجبتى منين إن جمال ممكن يجي لو الناس عايزاه و ميجيش لو الناس مش عايزاه

ابو احمد said...

العزيزه فانتازيا
المره دى عشان اشكرليكى سؤالك وعزائك الكريم وصادق مودتك دمتى بخير وحفظك الله من كل شر
تحياتى
مجدى

ألِف said...
This comment has been removed by the author.
ألِف said...

يا أستاذ إحساس، تبهرني فعلا قدرة أولئك الذين يمكنهم إراحة ضمائرهم بمجرد ذكر عبارات من نوعية "عارفه مستوى معيشة المسيحين فى مصر ضعف مستوى معيشة المسلمين دى دراسة والمسحين فى مصر مالكين 30%من اقتصاد البلد"!! شيء مذهل فعلا!!
لا أعرف مصدرا يشير إلى تقديرات توزيع الثروة في مصر، فمن أتيت بهذه الأرقام؟
غالبا أنا أعرف، أنت وزعت قيمة أملاك عائلة مثل ساويرس بالتساوي على تعداد المسيحين في مصر (ما هو، بالمناسبة؟) و تعلمنا بالنتيجة الحسابية الوهمية!

عن موضوع الاضطهاد في التوظيف، يحدث فعلا أن يرفض أرباب بعض الأعمال تشغيل المسلمين الملتحين أو المحجبات في وظائف معينة في شركاتهم، لكنك تغالط في تحليل المثال الذي أتيت به لأني أظنك تعلم أن سبب الرفض ليس دينيا و ليس لأن صاحب العمل يستنكف أن يشغل من هو على غير دينه أو أن يدفع مرتبا يستخسره في غير المسلمين كما يفعل أولئك الذين يرفضون تشغيل المسيحيين/المسلمين لأسباب عقائدية، إنما السبب في الحالات التي تشير إليها مرجعه وقوع تلك الشركات تحت تأثير نمط ثقافي غربي (يمكنك أن تسميه عولمي) يطالبهم بأن تكون السكريتيرة على شاكلة معينة و أن يبدو رجل البيع بمظهر معين، أو رجل الاستقبال في الفندق حليقا و ما إلى ذلك. فحتى لو كان الملتحي مسيحيا لما وظفوه. و هي ذات الثقافة التي تدفع مكاتب متواضعة و شركات ماشية بالستر تنشر إعلانات توظيف باللغة الإنجليزية و يصرون على أن يتظاهر موظفوهم بمعرفتها. نمط فاشل، أنا معك في هذا؛ لكن لا تخلط هذا بذاك.

مثالك عن المسلمين الأمريكان لا معنى له بتاتا في رأيي، و لا كل أمثلتك عن اضهاد المسلمين في العالم. أمريكا و غيرها بلد مهجر؛ و المسلمون هناك مهاجرون هربا من نماذج مجتمعية فاشلة في مواطنهم الأصلية، لكنهم لسبب يستعصي عليّ فهمه يصرون على إعادة إنتاج الظروف التي فروا منها هناك؛ من تفتيش في الضمائر و رفض لدين (الغير). و مع هذا كله فالذين يؤمنون بحرية العقيدة لا يقبلون تلك المعاملة التي تشير إليها؛ مع أننا نعلم أن المسلمين في مجتمعات كثيرة انغلقوا و رفضوا الاندماج في مجتمعات مَهاجرهم (ولا أعني تركهم دينهم، لأن جماعات دينية أخرى نجحت في الاندماج دون مشكلة، و كذلك نجح مسلمون عديدون، إنما أتكلم عن العُصابيين). أما المصريين المسيحيين في مصر فليسوا في بلد مهجر، و لا هم منغلقون على ذاك النحو.

و مع هذا، و بفرض وجود محارق للمسلمين في أوروبا، فما علاقة هذا بمعاملة المسيحيين المصريين في بلدهم؟! المسيحيون المصريون ليسوا مسؤولين عن تصرفات أي "زميل في الطائفة" كما يسميها صديق لي، و لا يوجد أي مبرر يجعلهم يتحملون تبعات تصرفات الأمريكان و الأوربيين في العالم.

كل ما حد ينتقد مصيبة في البلد دي ييجي واحد يقول لك "أمريكا فيها أسوأ"! دا فعلا تحالف المحافظين العالمي. ما هو فيه ناس زيك كدا بالضبط في أمريكا بيقولوا على الملونين و غير البروتستانت أنهم واخدين كل المزايا و لازم لا يشتكوا و لا يفتحوا بقهم مهما حصل لهم.

و إن كان لا يوجد اضطهاد مقنن كتابة - و هذا أوافقك عليه و هو النقطة الرئيسية التي يدور حولها طرحك كله من بدايته - فهذا ليس معناه أنه لا توجد تفرقة على المستوى الشعبي و السلوكي في الشارع، تصل إلى ممارسات من ذوي سلطة و موظفين عموميين (ما هم هييجوا منين!) تحكمها أعراف غير مكتوبة. أتريد أمثلة؟

و لا تقل لي أنك لم تسمع أبدا من يلقي بتعليقات سمجة عن الرجل أو المرأة المسيحيين بمجرد مغادرتهم المكان، أو عن المسيحيين عامة في غيابهم، أو الموظف الذي يؤخر معاملة مواطن لأنه مسيحي و هو يظن أنه بهذا جاهد عظيما و جمع من الحسنات عديدا.

حضرتك ما سمعتش عن قرى في مصر حرق فيها المسلمون ديار جيرانهم المسيحيين أبدا! و هل ترى أن وقوع معارك أهلية بسبب بناء كنيسة هو مشجارة عادية ليس للدين دخل فيها؟ أولم تسمع أبدا إمام مسجد يسب غير المسلمين من المصريين علنا في الميكروفونات و يحض على عدم معاملتهم أو رد سلامهم و ما إلى ذلك مما يتردد منذ عقود على منابر و في شرائط النباح في الميكروباصات؟

مع احترامي، اضحكتني عبارتك "يعنى مفيش سياسى يقدر يعمل فليم يحرق فيه الانجيل هتتقلب الدنيا عليه اما هولندا سياسى عامل فليم يحرق فيه القران". لو دورت هتلاقي أفلام سكس يُمثَّل فيه المسيح في دور ذكر سلبي و قد تشرف على المشهد راهبة تنوء بحمل الصليب المتدلي من رقبتها؟ لا، مش هتتعب و لا حاجة، أصل فيه كثير قوي. رد الفعل الغالب في العالم الغربي يكون بأن يشجب الوعاظ ذلك و يمتنع المؤمنون عن مشاهدة الأفلام التي تردُ في قوائم خاصة يتداولونها، و قد يرفع أحد دعوى قانونية، و كذلك يصاب البعض بعقدة الاضطهاد و المؤامرة لكن هذا يكون هو الأقلية، و ليس الأكثرية. لا أقول أنك يجب أن تسكت، لكن أقول أنك يجب ألا تصاب بالهوس.

كما أضحكني كذلك ما كتبت "وده لينك قولى يا رب يفتح او خشى مصراوى تلاقى الموضوع
بتاع حنان ترك اللى عملتوه اضطهاد برضوا للمسيحين والمنع كان على الكل لغير المحجبة بس من غير دين
"

يا راجل! أنت بتتكلم جد! اضطهدت كل غير المحجبات لكن من غير ما تحدد المسيحيات تحديدا! شيء مذهل. أنت تتلمذت على الحاج فتحي سرور ولا إيه؟
طب أنا راضي ذمتك، البنت المسلمة العاصية الناقصة دين و لسة ربنا ما هدهاش للحجاب تتنبذ كدا على باب الكافيه و ما تدخلش تشرب لاتيه! و بعدين تروح ترتمي في أحضان الكافيهات المتربصة الثانية ال فيها شيشة بتاعت الناس الوحشين..كدا! بدل ما نحتضنها و نحببها في الإسلام و كافيهاته!

هل أنت فعلا موافق على أن يوجد تمييز في الأماكن العامة في بلدك من حيث المبدأ؟


كتبت كذلك "اه فى مسلم ملتزم ومسلم متشدد ومسلم متطرف ومسلم ميعرفش من اسلامه اى شئ وبرضوا فى اى دين فى اللى متطرف واللى ما بيعرفش ايه معنى دينه"

لأ أبدا، الموضوع نسبي، هات لي أي حد تراه مثالا للالتزام الديني و أنا أجيب لك حد شايفه ناقص دين أو كافر. بمن فيهم الشخصيات التاريخية من الأئمة ال يعتبروا أعمدة مذاهبهم. ال يزايد أكثر في العقائد هو الكسبان دايما، خصوصا بمنطقك دا.

و في النهاية يا عزيزي فسلامة اﻷقلية هي مسؤولية الأغلبية، لأنها الأقوى و "الأعمق استراتيجيا". أما الأغلبية التي تتصرف كأنها أقلية مذعورة فأكيد يوجد خطأ في تركيبتها النفسية.

سلامتك،


ملحوظة: كنت كتبت هذا التعليق ردا على أول تعليق لإحساس، ثم وجدت أن تعليقات فانتازيا بها كثير مما كتبت.

Fantasia said...

المجهول

الانتخابات تزور لان من يذهب لصناديق الانتخابات لا يتعدون ال20% من الشعب المصري, وهؤلاء الذين يذهبون يبيعون اصواتهم ليقبضوا ثمنها أو ليرضوا من حشدوهم واتوا بهم لاعطاء الاصوات
التقاعص عن المشاركة في الانتخابات هو دليل على رضاء المتقاعصون بالشخص الذي يتم التزوير من اجله واعلان فوزه مسبقا
اذا كنت لا تريد التزوير فاذهب وقل كلمتك, وإلا لا تلم الا نفسك. فالذي سيدلي بصوته نيابة عنك هو الذي سيقرر مصيرك, ولا يحق لك في هذه الحالة ان تعترض على اختياره

Fantasia said...

العزيز ابو احمد

لا شكر على واجب يا سيدي. اشكرك على دعائك وتمنياتك الطيبة

خالص تحياتي

Fantasia said...

الاستاذ العزيز ألف

اشكرك سيدي الفاضل على هذا التعقيب المفصل على تعليقات احساس لسة حي, وارجو ان يستفيد هو والجميع مما ورد به

خالص تحياتي

Fantasia said...

الاستاذ ألف

قام احساس لسة حي بالرد على حضرتك ولكنه لسبب ما قد ارسل الرد على تدوينتي الاخيرة
http://fantasiarabic.blogspot.com/2008/02/blog-post_14.html

خالص تحياتي

ألِف said...

طيب يا فانتازيا. "إحساس لسة حي" كان وضع التعليق ذاته في تدوينة في مدونتي ليست لها علاقة بموضوع النقاش و دخل آليا في طابور المراجعة (بسبب الروابط)، فكويس أنه نشره ثانية عندك و أنك ربطتي لتعليقه من التدوينة الموضوع لأني أفضل ألا أنشر ذاك التعليق في سياق لا يمت له بصله.

المشكلة أني مش عارف أرد فين دالوقت :) لكن الطبيعي أننا نواصل النقاش هنا.

Anonymous said...

شكرا على الردود الحلوة مع انى ليا تعليق بسيط

Anonymous said...

الوزير رشيد راجل انا بستريح له وبحس انه بيشتغل صح وان نتاج شغله لسه هتبان مع الايام
اما بقى موضوع الاضطهاد وفانا ليا كلام كتير فيه واعذرونى لو طولت فانا ساكن فى اكتر كحافظة فيها مسيحين فى مصر واكتر محافظة فيها كنايس فى (حوالى ثلت كنايس مصر حوالى 400 كنيسة) وامكن تستغرب تقول هى فى محافظة فى مصر فيها 400 كنيسة اقول ليهم ايوة يعنى مثلا الحى اللى انا ساكن فيه امكن 7 كنائس لكل الطوائف ومطرانية كمان وفى عندنا شوارع كاملة وقرى بالكامل سكانها كلهم مسيحين وانا ليا صحاب كتير ولاد وبنات مسيحين وبيحبونى جدا او ده اللى ظاهر وانا ليا بالظاهر وباخد عليه وفى ناس تقولى دول مش بيحبوك بس انا مشفتش منهم حاجة وحشة او كره بين ليا اكيد ما بتحبش المسيحين وفى ناس مسيحية بتكره المسلمين للدرجة انك لو قولته السلام عليكم يرد عليك ويقولك سام مش السلام وده علشان مش عايز يرد ومحدش بيجبره انه يرد بس لاما يرد كويس لاما ما يردش خالص وانا زرت كذا كنيسة وحضرت فيها افراح وجنائز وكمان روحت كذا دير وحضرت معاهم كذا احتفال دينى وكلت عندهم فى البيت وكنا بنفطر مع بعض فى رمضان مش من باب المنظرة والتصوير قدام التلفزيون لا ده علشان احنا صحاب والبنات المسيحين كنا بنخاف عليهم زى اخواتنا حتى لو كان فيه منهم متشددين خالص وبيخافوا من المسلمين او بمعنى اصح البنت بتخاف تحب ولاد مسلم حتى لو هو ما عملش حاجة قصده بيها انها تحبه بس الحب ده شعور انسانى وانا ليا راى فى الموضوع ده وفيه احترام كبير للديانات وهو انه مفيش حاجة فى الانجيل طبعا تمنع جواز مسيحية بمسلم وحتى لو اتجوزها مش من حقه انه يجبرها على تغير دينها وممكن يعيشوا حياة سعيدة مع بعض وفى نفس الوقت فى الاسلام هناك اللى يمنع جواز المسلمة بغير المسلم ولو المسلم احترم دينه والمسيحى التزم باللى مكتوب فى الانجيل مش هتحصل مشاكل واللى عنده ايه فى الانجيل تقول ممنوع جواز مسيحية بمسلم يبقى يبعتهالى
وحكاية الاضطهاد ده بس موجودة بس فى دماغ بعض المسيحين وبقيت عقدة يعنى لو حد رد عليك مش كويس يبقى بيكره المسيحين وهكذا
وانا اعتقد ان البابا والمجمع المقدس بتاعه ليهم ايد فى حاجات كتير من اللى بتحصل باعتبار انهم ممثلين للاقباط مش الحكومة
واطالب بنقل مسؤلية الكنائس للدولة زى المساجد
وان يكون للرئيس سلطة اختيار البابا بلاتفاق مع المجمع المقدس
واطالب الحكومة بمقاطعة اى احتفال دينى للاقباط لحين تغير ملابس الكهنة الى اللون الابيض او اى لون غير الاسود وكلنا عارفين ايه المقصود باللون الاسود (البابا كيرلس)
صورة المظلوم ده مش موجود بالشكل اللى هما بيوصوفه اه فى ناس مش بتحب تتعامل مع مسيحين بس دول قله وبالاخص للى ما اتعاملش مع مسيحين قبل كده ويبيقى واخد زى فكرة فى خياله بس وساعات كتير مش بيحاول يغيرها
الحكومة مطالبه بفرض سيطرتها على كل ارض مصر والاديرة والكنائس ليست سفارات لدول خارجية وكيف يسمح لمجموعة من الرهبان فى دير ابو فانا بمنع دخول لجان حكومية الى ارض الدير ولابد من معاقبتهم لانه لا يوجد احد فوق القانون حتى البابا نفسه (مع احترامنا لمكانته الدينة ) واخيرا
تحيا مصر لكل المصريين
والله يرحمك يا مصطفى كامل ويا سعد زعلول ويا احمد عرابى ويا مكرم عبيد باشا
ويا كل محب لتراب مصر