أنا عايزة اتوجه بالتحية الى ايجيبشيانا علي البوست بتاعها اللي الهمني كتير خصوصا إنه جه بعد ما أنا كتبت عن كافيه صبابا. ف البوست بتاعها، ايجيبشيانا بتطرح أسئلة كتيرة أثناء محاولتها إيجاد تعليق مناسب علي صورة لبنتين بيتمشوا ع البحر, واحدة منهم لابسة مايوه بكيني والتانية لابسة جلابية وحجاب
أنا كنت ناوية أكتب عن موضوع تصنيف المرأة ف مجتمعنا، وإزاي التصنيف دا بياخد شكل التضاد او القطبية. يعني الستات بيتشافوا يا أبيض يا اسود، مفيش إختيار تاني. لو الست مش بينطبق عليها تعريف المجتمع "للأبيض" يبقي هي أكيد "اسود". مفيش أي وجود لإحتمالات تانية أو حتي لون "رمادي". الست يا تكون قديسة يا تكون عاهرة .. يا تكوني زوجة يا تكوني بتدوري علي زوج .. ياتكوني خجولة يا تكوني بجحة .. يا تكوني ملاك يا تكوني شطان .. إلي أخر قايمة الحاجات المتضادة
أشهر مثال علي التقسيم القطبي دا للستات اللي بقي منتشر جدا اليومين دول، هو اللي بيفترض إن البنات اللي مش محجبات البديل الوحيد ليهم هو إنهم يلبسوا بكيني! .. متستغربيش لما تسمعي التفكير المشوه دا. ف الحقيقة محدش بيخجل لما بيعلنوا بكل فخر إن المتناقضات دي هي الإختيارات الوحيدة المتاحة للستات .. يا الحجاب يا البكيني. عشان كدا لما تيجي تناقشي حرية إختيار المرأة في لبس الحجاب، ف الغالب هتلاقي حد بيسأل بكل ثقة: "يعني إنتي عايزة إيه؟ عايزة الستات يلبسوا بكيني؟
بالنسبة لناس الموضوع ممكن يكون كوميدي .. نكتة سخيفة. أو إن اللي بيقول الكلام دا مش بيتكلم جد. بس تقدروا تتخيلوا إن ناس كتير مصدقين إن دا كلام جد جدا! مش بس كدا .. الإعتقاد دا هو اللي كون الصورة العامة للمرأة في مصر. ف الحقيقة، السبب ورا الزيادة الكبيرة في أعداد المحجبات ف مصر، مش زي أغلب الناس ما فاكرة، ف الواقع هو له دوافع بتربطها علاقة بالطبيعة الإجتماعية أكتر من كونه دافع ديني. اكيد طبعا فيه بنات كتير مقتنعين بالحجاب كنوع من الالتزام الديني وبيقرروا يلبسوه لاسباب ذاتية مش مظهرية, لكن برضه فيه كتير (أنا بقول كتير) من البنات الصغيرين اللي بيلبسوا الحجاب مش ملتزمين بالصلاة اليومية (اللي هي تاني ركن من اركان الإسلام، في حين إن الحجاب اللي هو غطاء الرأس ذكر في حديث واحد فقط وهو حديث ضعيف). طب ازاي يبقى الحجاب أهم من الصلاة؟ السبب هو ان الستات المسلمات بيصلوا ف البيت .. نادرا لما تلاقي واحدة بتصلي ف الجامع. الصلاة حاجة شخصية بين البنت وخالقها .. بتمارس بعيد عن عيون الناس .. لكن الحجاب هو ممارسة عامة، بيعلن للمجتمع إن البنت اللي بتلبسه بتنتمي لمجموعة اللون "اﻷبيض". والإنتماء للمجموعة ذات اللون اﻷبيض ليه مميزات كتيرة. من غير ما أفسر اكتر، أقوى ميزة هي إنك تبعدي عن المجموعة التانية ف النظام القطبي, البلاك ليست, بإنك تعلني للناس انك ملاك طاهر. ودا مش عيب.. إنتي بتحمي صورتك العامة قدام الناس .. بتبعتي رسالة واضحة إنك مش من ضمن المجموعة التانية .. إنك مش العاهرة اللي بتلبس البكيني. دا ف حد ذاته ميزة وفايدة عظيمة. فيه بقى مميزات ثانوية زي: القبول والإحترام ف المجتمع، هتكسبي إعجاب الرجالة، هتزودي فرصك في سوق الجواز، هتكسبي ثقة عيلتك، نسبيا هيكون عندك حرية أكبر، هتكوني منسجمة مع المجتمع النسائي العام ... الخ
لما الستات بتتجاوب بالطريقة دي نتيجة للضغط من مجتمعنا الأبوي اللي بيحاول يفرض نظام أخلاقي بيعتمد علي النظرة الاحادية والمظهر الخارجي , هما ف الواقع بيدوا النظام دا مصداقية كبيرة .. أو أقدر أقول إنهم هما اللي صنعوا النظام دا وحولوه لواقع. بعد كدا ستات أكتر وأكتر بيبلعوا الطعم .. وأكتر بيبقوا مجبرين علي الإلتزام بالنظام. لغاية ما صحينا ف يوم، ولأول مرة ف تاريخنا، عشان نلاقي البنات الصغيرين.. اﻷطفال.. لابسين حجاب!! طفلة لابسة حجاب؟
ليه طفلة تتحجب؟ وليه فيه ناس بترحب بالحكاية دي وبيعتبروها حاجة إيجابية؟ لأ وفيه اللي بيخلوا اطفالهم يلبسوا نقاب كمان!! هو دا مش إغتيال لبراءة الأطفال؟ مش دا فيه اعلان ضمني إن اﻷطفال يعتبروا مصدر إغراء؟ ليه بعد كدا الناس دي بتستغرب لما بيحصل إعتداءات وتحرشات جنسية علي اﻷطفال (ومن الجنسين)؟ هما اللي عملوا كدا .. هما دخلوا الأطفال وسط نظام الكبار. هما مش زعلوا لما وزير التعليم حاول يحط قانون لمنع حجاب البنات ف المدراس الإبتدائية! هل الكبار دول فاكرين إنهم هما بس اللي شايفين طفلة ف ابتدائي مغرية جنسيا؟ .. أكيد ﻷ .. فيه المرضى اللي بتدعمهم الممارسات الملتوية دي. اللي بيعتدوا علي اﻷطفال اكيد سعداء جدا بطريقة تفكير الاهالي دول .. لان دا بيديهم عذر لمرضهم. أدي أهل البنت العيلة الصغيرة بيعلنوا إن بنتهم مغرية! ليه بعد كدا مش بيعتبروا المعتدين والمتحرشين دول ضحايا, مقدروش يقاوموا الإغراء اللي ف اﻷطفال دول؟ ليه مش بيعتبروا دا عذر ليهم، زي ما بيدوروا علي تبريرات وأعذار للرجالة اللي بيغتصبوا الستات؟
إستنوا لسه فيه كمان .. خلوني أحكيلكوا قصة مأساوية تانية. من مدة إتصدمت لما شفت بنات من اللي شاركوا ف اﻷولمبياد الخاصة اللي فاتت وكانوا لابسين الحجاب!! أيوة والله كدة.. بنت معاقة ذهنيا, يعني ساقط عنها التكليف, ولابسة حجاب. أنا إنزعجت جدا ومكنتش مصدقة عيني .. إيه اللي بيحصل دا؟ دول بنات ربنا نفسه إستثناهم من كل فروض الدين. دول مش بيقدروا يحددوا أي حاجة لنفسهم، يبقي أكيد مش هما اللي قرروا يلبسوا الحجاب. دا تعدي واضح علي حقوق الإنسان! إزاي حد يقدر يشوف حاجة زي كدا وميتضايقش؟ هل منطقي إن البنات اللي بيتولدوا بمرض داون يتحملوا مسؤلية عدم تغطية شعرهم؟ هل المفروض يتم إعتبارهم مصدر إغراء؟ هل الناس هتعتبرهم مسؤلين لو إتعرضوا لتحرشات جنسية؟ وهل الحجاب دا هيحميهم من حد معندوش أي رحمة ولا تقدير لحالتهم؟ اللي هيغتصب واحدة معاقة ذهنيا ده, هتمنعه حتة قماش؟ حد يجاوبني قبل ما أتجنن؟ إيه اللي بيحصل دا؟ .. ليه دماغ الناس وصلت للمرحلة البشعة دي؟
كل دا دليل علي إن فكرة النظام القطبي بقت هي القاعدة العامة ف التعامل مع المرأة بالنسبة لأغلب الناس. عشان كدا أنا مثلا مش بقدر أشتري ملابس لنفسي ف موسم الصيف .. تعرفوا ليه؟ عشان كل لبس البنات الموجود مخصص للمحجبات أو لعكسهم .. للبنات اللي بتمشي ف الشارع بالبكيني! واضح إن مصممين اﻷزياء إلتزموا بالنظام وهما بيصمموا ملابس الستات. دا اللي حصل معايا لما نزلت أشتري لبس ف الصيف ولمدة 3 سنين متتالية. أول سنة، 3/4 من اللبس المعروض طويل وبأكمام طويلة. تاني سنة، حوالي 90% من اللبس للمحجبات. تالت سنة، ملقتش ولا حاجة واحدة بكم قصير
البياعة: أي خدمة يا أنسة؟
أنا: أيوة .. من فضلك، أنا بدور علي حاجة بأكمام قصيرة لو ممكن تساعديني؟
البياعة: أكمام قصيرة؟ .. أنا أسفة بس الموسم دا كل اللبس بأكمام طويلة
أنا: أيوة .. أنا وا
خدة بالي. وكمان القماشات كلها سميكة وتقيلة .. هو إحنا عايشين ف موسكو ولا إيه؟ ولا أنا الوحيدة اللي بحس بحر الصيف ف مصر؟
البياعة: أقولك .. أصل أغلب الزباين هنا محجبات .. بس إنتي ممكن تقصي الكمام لو تحبي
أنا: دا عشان أنا مش من الزباين بتوع المحل يعني، طب والقماش؟ ولا إستني .. أنا هخمن .. أكيد هتقوليلي أجيب القماش اللي أحبه وأفصله
أنا: أيوة .. من فضلك، أنا بدور علي حاجة بأكمام قصيرة لو ممكن تساعديني؟
البياعة: أكمام قصيرة؟ .. أنا أسفة بس الموسم دا كل اللبس بأكمام طويلة
أنا: أيوة .. أنا وا
خدة بالي. وكمان القماشات كلها سميكة وتقيلة .. هو إحنا عايشين ف موسكو ولا إيه؟ ولا أنا الوحيدة اللي بحس بحر الصيف ف مصر؟البياعة: أقولك .. أصل أغلب الزباين هنا محجبات .. بس إنتي ممكن تقصي الكمام لو تحبي
أنا: دا عشان أنا مش من الزباين بتوع المحل يعني، طب والقماش؟ ولا إستني .. أنا هخمن .. أكيد هتقوليلي أجيب القماش اللي أحبه وأفصله
البياعة: أنا أسفة يا أنسة، دا كل اللي موجود عندنا دلوقتي. بس فيه محل، مش بعيد عن هنا، ممكن تلاقي فيه اللي بتدوري عليه
أنا: أنا عارفة إنك ملكيش ذنب .. أنا بس عايزاكي تبلغي الإدارة إنهم خسروا واحدة من زباينهم النهاردة
أنا: أنا عارفة إنك ملكيش ذنب .. أنا بس عايزاكي تبلغي الإدارة إنهم خسروا واحدة من زباينهم النهاردة
رحت للمحل اللي قالتلي عليه. المعروضات شكلها غريب .. بس قولت أنا مش هخسر حاجة
أنا: مساء الخير .. أنا بدرو علي حاجة بكم قصير وتكون معاها جيب أو بنطلون
البياعة: تحت أمرك .. عندك المجموعة دي إختاري منها اللي يعجبك
(بعد ما قلبت الأرفف والشماعات وأنا حاسة بيأس)
أنا: لوسمحتي، أنا مش بدور علي لبس للبحر. أنا بدور علي حاجة للشغل. وكمان متهيألي مفيش حاجة من الحاجات دي مناسبة لأي ست ناضجة. ف الغالب دا مناسب للبنات المراهقين
البياعة: لا مش صحيح خالص يا أنسة .. دا فيه زباين محجبات بيشتروا اللبس دا
أنا: زباين محجبات؟ ليه، هما خلصوا كل المحلات التانية ف البلد؟ وإزاي يعني يلبسوا اللبس دا؟ بيلبسوه ف البيت؟
البياعة: ﻷ، بيلبسوه ف الشغل وف الجامعة ... ف كل حتة. أنا أفهمك.
(مسكت شماعة عليها حاجة عبارة عن توب بحمالات وجيب فوق الركبة بكتير)
شوفي؟ البنت المحجبة بتلبس دا وتحته بدي بكم طويل وبنطلون
أنا: #%*@**؟!!!! طب ليه التعب دا كله وفيه محلات كتير بتعرض لبس معمول مخصوص عشانهم؟
البياعة: فيه بنات صغيرين بيبقوا عايزين يلبسوا حاجات تحدد جسمهم، واللبس الواسع السميك مش بينفعهم
أنا: آه .. يعني هما عايزين يغطوا شعرهم وف نفس الوقت يلبسوا حاجة تحدد جسمهم .. إيه الجمال دا! .. طيب، اللي بقي عايزين يلبسوا حاجة معقولة؟ يروحوا فين؟
البياعة: ليه متجربيش.. (وشاورتلي علي المحل اللي كنت فيه من شوية
أنا: أنا كنت هناك وواحدة من البياعات اللي هناك هي اللي قالتلي علي المحل بتاعكوا. كل اللبس اللي هناك هو عكس اللبس اللي عندكوا تماما
البياعة: متهيألي اللي بتدوري عليه دا صعب تلاقيه
أنا: واضح!!!!!!! .. أنا بقالي اسبوع بادور
البياعة: إنتي ممكن تروحي لخياطة وتعملي اللي إنتي عايزاه
أنا: شكرا .. أنا كان المفروض أعمل كدا من اﻷول. واضح إننا بقينا فصيلة منقرضة ومبقوش بيعملولنا لبس جاهز
البياعة: متهيألي اللي بتدوري عليه دا صعب تلاقيه
أنا: واضح!!!!!!! .. أنا بقالي اسبوع بادور
البياعة: إنتي ممكن تروحي لخياطة وتعملي اللي إنتي عايزاه
أنا: شكرا .. أنا كان المفروض أعمل كدا من اﻷول. واضح إننا بقينا فصيلة منقرضة ومبقوش بيعملولنا لبس جاهز
متهيألي إن الخطوة العظيمة اللي جاية هتبعد الستات جدا عن بعض ف الإتجاهات المتضادة. لو دا حصل، مش هستغرب لو المقارنة بقت أعنف من كدا بكتير. ف الغالب النظام القطبي ف المستقبل هيدي للست إختيارين ..يا تلبس نقاب ..يا تلبس بكيني قطعة واحدة! والمعضلة اللي هتقابل البنات هتكون "ألبس أو لا ألبس, تلك هي المشكلة". دي خيبة ايه دي؟
45 comments:
الاستقطاب ده حاصل ده حاصل من زمان
ياتبقى اخوان يا حزب وطنى
ده على مستوى التفكير واللبس والسياسه
حتى المدونات
التيار العقلانى المتفتح اللى زى حضرتك مقصود من زمان انه ميبقاش موجود
تحياتى
مجدى
بصي من الاخر كدة
في الزمن اللي احنا عايشين فيه مفيش اي معيار للشكل والمظهر
شفنا كتير بنات محجبات واحيانا منقبات وهم اساسا عاهرات..اسف جدا للكلمة ولكنها الحقيقة
شفنا كمان بنات لابسة من غير هدوم وكمان اكثر من عاهرات
شفنا بنات منقبات ومحجبات واية في الادب والاخلاق والتمسك بالدين
وشفنا بنات لبسهم ملفت للنظر وتلاقيهم مواظبين ع الصلاة
في كمان بنات محجبات ولا يركعونها على الاطلاق
خلااااااااااص
اللي يعيش يا ما هيشوف
مش باللبس
بس رفقا بالشباب حرام عليكم..رفقا بجد
اه فانتاوحشتها المشاكل و الهجوم مش هاتتغيري بقي بتتكلمي علي حجاب الاطفال انتي عايزه تبوظش البلد ولا ايه لازم نعود الاطفال علي التقوي و الحشمه
طعا ده الرد الجاهز عند اي متخلف بيفرض الحجاب علي طفله
شفت مره راجل دقنه لحد ركبته و ما شاء الله التكشيره تطفش بلد من وشه
و مراته منقبه و سبحان الله نفس التكشيره
و معاهم بنت عمرها مايزديدش عن 4 سنين محجبينها
طيب دي فاهمه هي محجه ليه و هي الي اختارت الحجاب زي ما ربنا قال
حاجه تفرس
و فعلا بيقسمونا لفريقين الحجبه محترمه و الي بشعرها عليها اللعنه
ناس كتير تقولي مش هاتتحجبي بقي انتي الاقك كويسه ليه مش محجبه
طيب ايه علاقة اخلاقي بشرعي يعني الحجاب هو الي هايمنعني من الغلط و عدم وجوده هايحرضني علي الغلط
البوست جميل اوي يا فانتا
تحياتي يا قمر
الاستاذ الفاضل أبو أحمد
يا سيدي لقد اصبت كبد الحقيقة. فالفعل, التيارات المتطرفة دائما لها جمهور واسع ومصفقين ومهللين. الوسطية اصبحت تهاجم من الجميع, يمين ويسار. يوجد بيننا من يكره العقلانية ويفضل من يتحدث بلغة العواطف والعواصف الانفعالية. الظاهرة الحنجورية تجذب الجميع, دون التفات الى ما تروج له. كلما علت الضوضاء كلما صفق الجماهير وزادوا الضجيج ضجيجا بالهتاف الفارغ
هذه التدوينة اترحم بها على روح الوسطية التي كانت تسود مجتمعنا. الوسطية والاعتدال يتقلصون لحساب الصراع بين الاقطاب المتضادة. لهذا فمن الطبيعي على المستوى السياسي ان يقع الوطن فريسة بين فكي الوطني والاخوان. لكني لست مستعدة ان اترك الساحة لهؤلاء ليفسدوا حياتنا اكثر من ذلك. يجب ان يدخل العقل هذه الساحة ويخلق مساحة من الوسطية حتى لا تختل الامور وندخل في صراعات ونزاعات داخلية
اشكرك سيدي الفاضل على تعليقك القيم
خالص تحياتي
الاستاذ أ. سمير
اهلا بيك. سعيدة بتشريفك للمدونة. وارجو ان تكون قد حازت على اعجابك
المظهر الخارجي لا يعكس الجوهر بالضرورة, ولكنه من المفروض انه يدل على صاحبه او صاحبته. ما يحدث الآن من غياب للاعتدال في الملبس والفكر والتصرفات, يعكس ازمة عامة. هناك خلل في المجتمع ادى لهذا النوع من التضاد والانقسام. حين يحدث هذا, فليس من المتوقع ان يصبح المظهر الخارجي عنوان لصاحبه, وانما اعلان. الناس تمشي الآن باعتبارها لوح اعلانات متحركة. والاعلانات ليست دائما صادقة, وانما في كثير من الاحوال تعتمد على الخداع لترويج السلع. وبما ان المجتمع يفرض على المرأة ان تكون سلعة أو شيء, فمن المتوقع ان تروج هذه السلعة لنفسها اما بالمبالغة في التغطية أو المبالغة في التعري. في الحالتين المرأة تعامل على انها مجرد جسد وليست انسان
لهذا فالمبالغة في اعطاء الاهمية للمظهر الخارجي تضعف من جوهر الانسان, وتبعد به عن الغاية من هذا المظهر الذي يعكسه
لكن المأساة هي حين يقترن المظهر بالتدين. فرد فعلك حين ترى فتاة ترتدي ملابس قصيرة أو ضيقة ثم تجدها تعطي صدقة لمحتاج, غير رد فعلك عندما ترى امرأة منقبة أو ترتدي زي راهبة وتفعل فعل مشين. الزي هنا يصدم المشاعر ويسيء لصاحبه اكثر حين لا يقترن بالسلوك المتوقع من الشخص الذي يرتديه, لأن له طابع ديني. وهذه هي المشكلة
خالص تحياتي
العزيزة الجميلة ايمي
انتي عرفاني غاوية مشاكل ووجع دماغ. بادخل عش الدبابير برجليا. بس أعمل ايه؟ مقدرش أسكت. لو سكت, بحس اني بساعد في قتل براءة الاطفال دول وفي استغلال البنات المعاقات ذهنيا. مش ممكن يبقى التطرف بالصورة البشعة دي. احنا كدا بنسيء للدين وبنرتكب جرايم في حق ناس ميقدروش يدافعوا عن حقوقهم. يرضي مين اللي بيحصل ده؟ هما بيزايدوا على مين نفسي افهم؟ بيزايدوا على ربنا؟ يعني ربنا يقول الطفلة لأ, المعاقة ذهنيا لأ, وهما يفرضوا عليهم الحجاب؟ وبعد كدة يرجعوا يقولوا هو احنا متخلفين ليه؟ هو المرض النفسي زاد ليه؟ هو الفساد زاد ليه؟ هي الحياة بقت وحشة ليه؟
الناس دي لازم محدش يشجعهم على الجريمة اللي بيعملوها ف حق بناتهم. ايه الجبن اللي الناس بقت فيه ده؟ يعني انا عشان مفيش واحد متطرف ينتقدني او يقولي كلمتين, اقوم اسيب بنت صغيرة او معاقة يحصل فيها كدة؟ وألاف البنات غيرها اللي اهاليهم هيتشجعوا ويعملوا نفس الموضوع؟ وألاف البنات اللي هيتجرأ عليهم وحوش معندهمش رحمة ولا ضمير ويعتدوا عليهم؟ لأ.. يبهدلوني.. يقطعوني.. بس البنات دول لازم حد يدافع عنهم وعن حقهم انهم يعيشوا طفولتهم
ولسة كمان هتكلم عن بلاوي تانية بتحصل للأطفال, زي الختان والكبت والحرمان من اللعب والضحك والرقص والموسيقى.. وزي جواز الاطفال.. وزي ترهيب الاطفال من الكلام أو السؤال عن مواضيع معينة. مجتمعنا فيه بلاوي كتير. مينفعش نسكت يا ايمي. كلنا بنخسر, واللي هيدفع التمن ولادنا
تحياتي يا احلى ايمي
عزيزتى المتألقه دائماً فانتازيا
ازيك يا فانتا اولا احب احييكى على رؤيتك الثاقبه الجريئه وتوضح حقيقه هامه جداً. انا مش مع اى شكل من اشكال ان طفله صغيره تلبس الحجاب وفعلا لما بشوف المنظر دا بيحصل لى نوع من الاختناق وبحس فعلا كما ذكرتى يا فانتا ان دا من اسوأ مظاهر قهر وتعدى حقوق الطفل اللى ربنا والمجتمع شرعهاله ومعاكى طبعاً ان فيه بعض مظاهر من استهبال المحجبات فى طريقة لبسهم وانهم ساعات بيكونوا بلبسهم دا مصدر للفتنه اكتر من انهم يكونوامش محجبات . لكن يا فانتا انا مش معاكى فى موضوع ان ليس هناك حل وسط يعنى يا اما البنت تلبس حجاب يا اما تلبس بكينى انا شايفه ان هناك وسطيه فى الحكايه دى وهى ان الحجاب العادى فى مصر دا هو الوسط لانه عباره عن تحشم ومزيد من مراعاة حدود الزى اللائق بفتاه على قدر من التدين ومش بالضرورى ان كل من ترتديه تبقى شيخه او من لا ترتديه تبقى عاهره افتكر دا بيرجع للانسانه دى نفسها والتحشم حلو برضه اهو نص العمى ولا العمى كله لان الزى الاسلامى فى مغزاه ايه التقرب من الله من اجل ارضائه ودى حاجه اكيد بتهذب النفس دا لو كانت النيه خالصه لله بكده لوجهه الكريم مش لمنظره او تخفى والله اعلم بالسرائر وصدقينى والله يا فانتا مش كل اللى لابسين الحجاب دول لابسينه بإجبار دا بإقتناع تام وبمزاجهم والدليل على انه من قرارة نفسهم ان اى واحده بتقرر انها تقلعه تانى بتشيله وبتعيش الحياه بس والله اللى اهم من دا كله هو اننا نطهر نفوسنا اولا يا فرحتى البس حجاب وانا عماله اجيب فى سيرة الناس واغتاب دى واخوض فى اعراض الخلق وأأذى الناس واتخانق مع الناس واشتمهم وارتشى واكذب وانافق والاسم ملتزمه ومحجبه لا والله اهم حاجه نفوسنا المريضه الاول كقوله تعالى " قد افلح من زكاها وقد خاب من دساها" زكاها يعنى طهر نفسه من الذنوب وحسن اخلاقه وهذبها هو دا اللى بيفوز بالخير كله وهو دا اللى احنا فى اشد الحاجه اليه دلوقتى ان الدين يبقى السبب فى اصلاح نفوسنا واخلاقنا ونقتدى بأخلاق الرسل. اللهم اغفر لنا مغفرة عز لا تغادر ذنباً ولا تدع كرباً واغفر لنا جميع ما تبنا اليك منه ثم عدنا فيه يا رب...شكراً على البوست الجميل
خالص تحياتى
العزيزة الجميلة حنين
اشكرك يا عزيزتي على تشجيعك المستمر. ادام الله المودة بيننا
شوفي يا قمر انا معاكي ان فيه حجاب وسطي ومعتدل جدا ف مصر. حتى في المدونة الانجليزي كنت موضحة ده في بوست وبقول ان الحجاب في مصر هو في اغلبه متحضر وراقي. واكيد طبعا فيه محجبات كتير بيلبسوا الحجاب عن اقتناع, وبرضه النقطة دي انا اكدت عليها ف التدوينة دي. لكن الظواهر اللي بتسيء للحجاب ظهرت لما ابتدى التركيز يبقى على المظهر الخارجي اكتر من السلوك والمعاملات. وهنا بيظهر مجموعة من الناس اللي الحجاب بالنسبة ليها مجرد ايشارب بتسد بيه افواه الناس اللي شايفة الحجاب اهم حاجة ف الدنيا. الناس دي عشان مش لابسة الحجاب عن اقتناع, ولابسينه بس كمظهر خارجي, بيسيئوا ليه ولنفسهم. وكمان المغالاة ف الحجاب والتطرف في جعله قيمة في حد ذاته, خلت بعض الناس يفرضوه على بناتهم. هنا بقى الحجاب خرج من دوره الاساسي وبقى بيعكس حالة اجتماعية من الهوس بالمظهر الديني. مش مهم جوهر الدين, الناس كل اللي يهمها المظاهر. انتي مغطية شعرك تبقى مية مية, لكن انتي شعرك مكشوف تبقي قليلة الادب وربنا لسة ماهداكيش
المشكلة مش ف الحجاب, المشكلة فينا احنا, في تشويهنا للمفاهيم, في خلطنا بين الامور, في تطرفنا في بعض الاحيان. يعني لما اروح محلات الملابس الحريمي ملاقيش غير يا كم طويل يا كت وحمالات, يبقى فيه مشكلة. هي مشكلة اجتماعية بالمقام الاول انعكست على السوق اللي قايم على العرض والطلب. معنى ده ايه؟ معناه ان التطرف في ناحية بيؤدي لتطرف ف الناحية التانية. كل ما النقاب هيزيد, كل ما الملابس المكشوفة والضيقة هتزيد. مفيش تطرف من ناحية واحدة. انا كل اللي شاغل بالي الاطفال. البنت اللي ما تعشي طفولتها دي هتكبر وتبقى ست معقدة وناقمة على الحياة.. وبعدين تتفرج على ميلودي وتفتكر ان كل البنات اللي مش محجبات يبقوا زي الموديلز بتوع الفيديو كليب
مش ممكن المرأة هتتقدم في مجتمعنا طول ما هي مركزة على جسمها وجسم غيرها. وتطلع واحدة سوابق زي حنان ترك, اطلقت يجي خمس مرات وكل مرة تطلع فتوى عشان ترجع لجوزها, اول ما تتحجب تفتكر نفسها شيخة والناس تمشي وراها. لأ وتبقى متطرفة كمان! طيب دي لو حجابها لوجه الله, مش المفروض تبطل سعي ورا الشهرة والفلوس؟ دي بتبيع العباية ف محلها بألف جنيه! عباية سودة بألف جنيه؟ عشان اللي بتبيعها الشيخة حنان؟ دا كلام؟ بالذمة مش دا استهبال؟ دي بتقلب الستات. كأنها بتقولهم يلا يا ولية يا هبلة منك ليها, انا لازم اسكك على قفاكي عشان جيتي المحل بتاعي
انا الصراحة مش فاهمة ليه فيه ستات بقوا بيمشوا ورا أي حد يضحك عليهم باسم الدين؟ يعني الست المنقبة اللي راحت رفعت قضية على الجامعة الامريكية عشان رفضوا تدخل من غير ما يتحققوا من شخصيتها. واحد محامي ضحك عليها واقنعها بالموضوع والشهرة والكلام ده. وبعدين يطلع مين بقى؟ يطلع المحامي اللي اخد معونة من الامريكان عشان يدافع عن الشواذ ف القضية المشهورة اياها! لأ وايه كمان, دا عمل جمعية للدفاع عن حرية الفرد, وتمويلها امريكي, بغرض برضه الدفاع عن الشواذ اللي بيتقبض عليهم
انا معنديش مشكلة ان الراجل يشوف السبوبة اللي هو عايزها. ولا عندي مشكلة انه يدافع عن الشواذ, ما هو لازم فيه محامي هيدافع عنهم. لكن ليه الست دي ترضى ان المحامي ده يستغلها عشان يجمل صورة الجمعية بتاعته قدام الناس؟ هي الستات اتجننت ولا ايه؟
طيب هي كسبت القضية.. جميل.. لكن برضه ما عرفتش تخش الجامعة, لان الجامعة اصدرت قرار بمنع كل الطلبة الزائرين من دخول الحرم الجامعي. يعني لا هي ولا غيرها هيدخلوا الجامعة. يعني اللي عايز يستفيد من مكتبة الجامعة الامريكية في بحث علمي مش هيعرف. طربقتها على دماغ الكل. لا هي كسبت حاجة, ولا الجامعة خسرت حاجة. اللي خسر هما طلبة الجامعات المصرية اللي معندهمش مكتبات في جامعاتهم, او عندهم مكتبات زي قلتها. الوحيد اللي كسب هو المحامي. نضف تاريخه, وحلل فلوس المركز بتاعه, وخد شهرة وفلوس, على قفا انه دافع عن واحدة منقبة
الناس بقوا سذج يا حنين بجد. اللي بيكسب هو اللي بيتاجر بالدين, والزباين على قفا من يشيل. إشي رنات موبايل دينية, على لوجوهات, على الخط الاسلامي, على فضائيات, على شرايط كاسيت, على دي في دي, والسوق ماشي. دا حتى المسابقات اللي برسايل الموبايل بقت اسئلتها دينية. دا قمار! قمار يا ناس يا هوه! حد يلعب قمار بالدين؟ حد يدخل عقله ان سؤال زي ايه هو الشهر اللي نزل فيه القرآن جايزته تبقى عشر تلاف جنيه؟ هي الناس جرالها ايه؟
انا يا حنين والله باحترم حق أي واحدة ف انها تلبس الحجاب. ومعظم قرايبي محجبات واصدقائي وزمايلي, وكلنا زي الفل مع بعض. اقوم الاقيلك واحدة ولا تعرفني ولا شفتني غير مرة ولا مرتين تقوللي انتي ما بتتحجبيش ليه! يا ستي انتي مالك ومالي؟ هو انا قولتلك اقلعي الحجاب؟ هو انتي شايفاني خليعة ولا ماشية جرا ورايا طابور رجالة؟ وتلاقي الحجة انها شايفة اني انسانة اخلاقي كويسة! كمان؟ كمان معترفة اني اخلاقي كويسة؟ طيب عايزة مني ايه؟ هو معقولة يعني واحدة ف سني وعايشة ف مصر ما عرفتش حاجة عن الحجاب؟ ما اكيد يا ستي لو عايزة البسه كنت لبسته. دي قناعة شخصية. ليه الضغط والاحراج والتدخل في امور الناس الشخصية؟
هو الثواب بتاعها مستنيني عشان اتحجب؟ ماتروح تتبرع لعمل خيري ولا تعمل حاجة مفيدة. انا مقدرة كويس الست اللي بتعمل كدة بتفكر ازاي. بس لازم يكون فيه احترام لخصوصية الاخرين. مش ممكن اروح لواحدة ما اعرفهاش واقولها ما تلبسي طويل. اكيد مش هتعبرني اصلا, حتى لو بقولها حاجة كويسة
انا نفسي يكون فيه نموذج وسط بين النمطين المتضادين اللي المجتمع حطهم. يعني الحجاب المعتدل شيء جميل. وبرضه غير المحجبة لا ينظر ليها على انها منحلة وممكن تلبس بكيني ف الشارع. دا ولا ف كوبا البكيني اللي ف الشارع ده! لا تقوليلي اوروبا ولا امريكا.. احنا كدة غلبناهم. يا كم طويل يا بكيني
مفيش ابلغ من اللي انتي قولتيه حقيقي "اللي احنا في اشد الحاجه اليه دلوقتى ان الدين يبقى السبب فى اصلاح نفوسنا واخلاقنا ونقتدى بأخلاق الرسل". هو دا الكلام المفيد. نبطل نقيم الناس والستات بالذات على اساس لبسهم. نحاول نشوف الاخلاقيات اللي حوالينا عملة ازاي ونحكم بعدها. نشوف عربية الستات بتاعة المترو مثلا واللي بيحصل فيها, ولا المصالح الحكومية والتعامل مع المواطنين. حاجة يعني حدث ولا حرج. اخلاق بكيني من الدرجة الاولى
خالص تحياتي يا أحلى حنين
الطريق الوحيد. مبدأ فكري متطرف وقادر على إصابة عقول الكثيرين. حين يكون يسوع هو السكة، فلا طريق آخر. وحين يكون الإسلام هو الحل، فلا حل آخر. وحين يكون النقاب هو العفة، فما دونه هو الخلاعة. مجرد طريقة من التفكير يستخدمها إناس عقولهم أضعف من أن تحترم ذواتهم والآخرين. يقفزون إلى احكام ثغراتها واضحة ويتجاهلون ضعف منطقها ثقة منهم في ضعف منطق المتلقي.
فهذه الأيام أجد المساحة العريضة من المجتمع تلعب بهذه الطريقة، الأبيض والأسود، بينما يعيشون كل الوقت في المساحات الرمادية الشاسعة الفاصلة بين الخيارين.
مجرد حالة من النفاق. حالة من عدم الصدق مع الذات. حالة من عدم احترام وتقدير النفس.
للأسف لا مبرر لأفعالهم أمام العقل.
تحياتي
المرأة في مجتمعاتنا العربية و في المجتمع المصري
عنوان كبير ممكن يتكلم فيه الرجال و النساء لسنوات
الجميع يعرف بأن المرأة عندنا درجة ثانية , مازلت وسيلة
الرجل ينظر غليها على أنها مرتبه ادنى منه و غذا أرد ان يهين رجلا يقول له أنت إمرأة فيثور الثاني تعرفي ليش لانها مسبة بالنسبة إليهم
قديما الرجل رفض المرأة تماما لانها مختلفة عنه تعلمين أنها كانت توأد و تباع و تشترى
الفرق اليوم أنها تباع و تشترى بمزاجها
الرجل لا يحترم المرأة خارج حدود أمه أو أخته في احسن الحالات و ينظر إليها دائما من ناحية الجنس
ينظر إلى جسدها مباشرة يجرب إذا كانت من النوع السهل
للاسف كل رجل من هذا النوع حيوان حقير
مسألة اللباس و الحجاب ليس لها علاقة بصورة المراة
يعني المحجبة تحترم و الأخريات لا
و الله كلهن سواء و لم يعد ينفع الحجاب في هذا الزمان
الكل يعرف ان اللباس مجرد غطاء سواء كان طويل أو قصير
من هو الشخص الذي يلبس تلك الملابس إنه شخص آخر غير الذي تراه في الشارع و غير تلك التي تراها لا علاقة للباس بشخصية الإنسان و أخلاقه
المرأة العربية التي نتحدث عنها يوم تسطيع أن تكون أفضل من الرجل في ثقافتها و أخلاقها و قدرتها على العمل و تحمل المسؤوليه سواء لبست حجاب أو لبست جيب قصير و أسوء إمرأة يمكن أن تكون تلك التي تلبس الحجاب و تلعب دور الخجوله
لكن نظرة الرجل إلى المرأة لا تتغير و لن تتغير أبدا ليس السبب المرأة و لكن لأن الرجل فكره دنيئ و حقير و عيونه لا ترى أكثر من المتعة
طبعا سوف يقوم رجال يحكوا انهم ليسوا جميعا لبهذا الشكل و ان المرأة هي يلي بتخلي الواحد يطمع فيها وو أن .... و أن و أن ... لكنني أصر على ما أقول
سلام
مثلية فقط
الجهل بالدين والتخلف في مصر وصلنا لاختزال التدين والاحترام في الزي والملبس بس مش اكتر
وعلشان التشدد دخل في كل المجالات خصوصا في الدين وده منقول طبعا من الفكر الوهابي المتشدد بقى كل شيء يا ابيض يا اسود وبقينا بنقول يا نقاب يا بكيني منعرفش ان فيه اختيارات كتييييير جدا بين الاثنين
احنا دايما ثقافتنا بتخلينا واقفين على حد السيف مع ان في مساحة كبيرة في السيف ممكن نقف عليها من غير ما نصاب بأذى
بوست ممتاز وموضع رائع
تحياتي
على فكره كنت ناوى اكتب تعليق عند الدكتور ضياء لكن لمل قريت تعليقك وجدت ان نفس الكلام اللى عاوز اقوله
انتى كتباه
تحياتى
مجدى
الاستاذ العزيز انوسنت
صدقت والله. الكل يزعم ان الحياة ابيض واسود, بينما الجميع يعيش في المساحات الرمادية, ومنهم من يعيش في نقطة قريبة من الاسود في السر ويزعم انه ناصع البياض
لا يوجد منطق يحكم فكر هؤلاء. يوجد نفاق وخوف من الارهاب الذي يمارسه المتطرفين في مطاردة كل من لا يتفق مع رؤيتهم الاحادية للامور
الخوف هو محرك معظم البشر يا سيدي الفاضل. الخوف وليس العقل أو حتى الضمير. العصا والجزرة, انجح وسيلة في قيادة العامة. لكن الاقناع بالعقل والمنطق يتطلب انسان ذو مميزات خاصة. انسان يحترم نفسه وادميته, يحترم الاخر, ويحترم عقله
خالص تحياتي
مثلية فقط
ارحب بك يا سيدتي وبفكرك الواعي
من لهجتك خمنت انك لست مصرية, وانا يسعدني ان يكون زوار من كل الوطن العربي. فأنا أكتب للمرأة العربية عموما. والمرأة المصرية قضاياها هي نفس قضايا المرأة في كل الوطن العربي
اعجبني جدا طرحك لنظرة الرجل للمرأة في مجتمعاتنا, وكيف انه لا يحترمها كنوع, مهما كان ملبسها ومهما كانت شخصيتها. المرأة اصبحت سجينة لرؤية احادية, لا ترى فيها سوى الجسد, سواءا كان عاريا أو ملفوفا بالسواد من رأس حتى اخمص القدم
هذه النظرة الجنسية فرضها الرجل على المرأة على مر التاريخ. وللأسف كما أشرتي فإن أغلب النساء يستسلمون لهذه النظرة الاحادية ويتبنونها.. بل ان هناك من النساء من يدافع عنها, ويعتبرها التعريف الوحيد لوجود المرأة
دعيني الآن اطرح عليكي سؤالا يا سيدتي, وارجو ان تثقي في صدق نيتي. لماذا تعرفين نفسك عن طريق هويتك الجنسية؟ لماذا يصبح ذلك هو المنظور الذي تعرفين به نفسك وتريدين الاخرين ان يرونك من خلاله؟
انني احترم حريتك في اختيار الاسم بالطبع. ولكني وددت ان اعرف السبب, خصوصا بعد طرحك وتحليلك السليم للزاوية التي يحبس فيها المجتمع المرأة ويعاملها من خلالها
خالص تحياتي
الاستاذ العزيز أنا حر
نقف على حد السيف لأننا نهوى تعذيب الذات وادعاء المستحيل والبعد عن الواقعية
نحن شعوب عاطفية, غير عقلانية. والشخص العاطفي لا يرى الاشياء بنظرة واقعية, بل يجنح للتطرف ولتحديد الأمور من خلال النظرة الطفولية للخير والشر
فالطفل يرى في الكرتون البطل الطيب الذي يحارب الشرير. والبطل الطيب يفعل كل ما هو صواب وخير, بينما الرجل الشرير يفعل كل ما هو خطأ وقبيح. فلا يرى سوى الأبيض والأسود
المجتمعات العاطفية لا تتخطى هذه المرحلة في النمو. فبالنسبة لها هناك الملاك والشيطان وحسب. لكنهم يغفلون ان البشر لا هم ملائكة ولا شياطين, ولا يمكن ان يخضعوا لمعايير الابيض والاسود
خالص تحياتي
الاستاذ العزيز أبو أحمد
هذا شرف كبير لي يا سيدي الفاضل. واشكر الظروف التي جعلتك تقرأ تعليقي عند العزيز الدكتور ضياء حتى أنول هذا الشرف, وأعرف انني قد اقتربت من فكرك الذي يفوقني بكثير والذي احترمه عظيم الاحترام. فقط ارجو ان اكون قد عبرت عنه كما ينبغي
خالص تحياتي
بسم الله الرحمن الرحيم
عفوا اختى لا ادري من اي منظر تحكمين
اناهكلمك على البنات الصغيره مظنش اني في حد نقب بنت ولا لبسها الحجاب وهيا عندها تسع سنين الى كمان الثانية عشر الا لو بلغت البنت
والاسلام نفسه يرفض ان حد يلبس البنت الحجاب في السن ده الا لو بلغت
في حين البلوغ وجب عليها ان ترتدي الحجاب ان كانت مسلمه واوضح هنا الحجاب وليس النقاب
علشان يبدوا انك لا تعلمين الا القليل في السلام لكي تقولي لم ياتي الا دليل واحد وكمان ضعيف انا هجبلك ادلة الحجاب وادلة النقاب من القران والسنه لاكن لو مش عاوزة تلبسي النقاب مفيش مشكله عندك الحجاب
في هذه الأدلة برهان وجوب الحجاب.
أولاً: أدلة الحجاب من القرآن:
الدليل الأول: قوله تعالى: وَقُل للمُؤمِنَاتِ يَغضُضنَ مِن أَبصَارِهِن وَيَحفَظنَ فُرُوجَهُن وَلاَ يُبدِينَ زِينَتَهُن إِلا مَا ظَهَرَ مِنهَا وَليَضرِبنَ بِخُمُرِهِن عَلَى جُيُوبِهِن وَلاَ يُبدِينَ زِينَتَهُن إلى قوله: وَلاَ يَضرِبنَ بِأَرجُلِهِن لِيُعلَمَ مَا يُخفِينَ مِن زِينَتِهِن وَتُوبُوا إِلَى اللهِ جَمِيعاً أَيهَا المُؤمِنُونَ لَعَلكُم تُفلِحُونَ [النور:30].
قالت عائشة رضي الله عنها: { يرحم الله نساء المهاجرات الأُول؛ لما أنزل الله: وَليَضرِبنَ بِخُمُرِهِن عَلَى جُيُوبِهِن شققن مروطهن فاختمرن بها } [رواه البخاري].
الدليل الثاني: قوله تعالى: وَالقَوَاعِدُ مِنَ النسَاء اللاتي لاَ يَرجُونَ نِكَاحاً فَلَيسَ عَلَيهِن جُنَاحٌ أَن يَضَعنَ ثِيَابَهُن غَيرَ مُتَبَرِّجَاتِ بِزِينَةٍ وَأَن يَستَعفِفنَ خَيرٌ لهُن وَاللهُ سَمِيعٌ عِلِيمٌ [النور:60].
الدليل الثالث: قوله تعالى: يأَيهَا النبِي قُل لأزواجِكَ وَبَناَتِكَ وَنِسَاء المُؤمِنِينَ يُدنِينَ عَلَيهِن مِن جَلابِيبِهِن ذلِكَ أَدنَى أَن يُعرَفنَ فَلاَ يُؤذَينَ وَكَانَ اللهُ غَفُوراً رحِيماً [الأحزاب:59].
الدليل الرابع: قوله تعالى: وقَرنَ فِي بُيُوتِكُن وَلاَ تَبَرَّجنَ تَبَرجَ الجاَهِلِيةِ الأولَى [الأحزاب:33].
الدليل الخامس: قوله تعالى: وَإِذَا سَأَلتُمُوهُن مَتَاعاً فـاسـأَلُوهُن مِن وَرَاء حِجَابٍ ذلِــكُم أَطهَرُ لِقُلُوبِكُم وَقـُلُوبِهِن [الأحزاب:53].
ثانياً: أدلة الحجاب من السنة:
الدليل الأول: في الصحيحين أن عمر بن الخطاب قال: يا رسول الله، احجب نساءك. قالت عائشة: فأنزل الله آية الحجاب. وفيهما أيضاً: قال عمر: يا رسول الله، لو أمرتَ أمهات المؤمنين بالحجاب. فأنزل الله آية الحجاب.
الدليل الثاني: عن ابن مسعود عن النبي قال: { المرأة عورة } [الترمذي وصححه الألباني].
الدليل الثالث: عن ابن عمر رضي الله عنهما قال: قال رسول الله : { من جرَّ ثوبه خُيَلاء لم ينظر الله إليه يوم القيامة } فقالت أم سلمة رضي الله عنها: فكيف يصنع النساء بذيولهن؟ قال: { يرخين شبراً } فقالت: إذن تنكشف أقدامهن. قال: { فيرخينه ذراعاً لا يزدن عليه } [رواه أبو داود والترمذي وقال: حسن صحيح].
هذه الادله هيا الادله المشهورة ولا اريد ان ادخل في نقاش طويل
في هذا الموضوع المهم
انا اعرف ان المسلمة البالغه لابد وان تلبس الحجاب وليس القصد من الحجاب كما تدعين انت انه سبب ليمنع الرجل المغتصب من اغتصابها
انا لا انظر للفتاة من منظارين انا انظر اليها من منظار واحد وهذا ما يفعله المسلمين كلهم او المفروض
المراة بتصرفاتها في الشارع تبين احترامها
عندما اجد محجبة تعاكس او تمشي بطريقة
غير سليمه فهنا اقول انها غير محترمة اذا ان اللبس لايدل على المخبر ذكرتي في حديثك بنات متحجبات لا يصلين وبنات غير محتجبات يصلين لا اجد مانع كلهم مسلمين وعلى فكره لكل قاعدة شواذ المحجابات ليسوا ملائكة هم فعلو واجب من الواجبات المقصود ببساطه مش معني اني ملتحي سرق ان الملتحين غلط ومش معنى ان المش ملتحي سرق يبقى هو صح وبعدين لو جينا ولاقينا واحد عامل حادثة بالعربيه مش هنقول العربية هيا اللي غلط هنقول السواق هو اللي غلط
يعني بعد الرغي الكتير ده الحجاب واجب على المسلمة البالغة اهدافه ده موضوع تاني اما اللي مش محتجبة هيا مسلمة بس عاصية
ومفيش فرق بين اللي لابسه طرحه واللي لابسه جيبه لاني الصراحه زهقت من البنات تحسي انها مش لابسه حاجة او لابسه من غير هدوم!!!!!!!!؟
بس برده اللبس في حد ذاته بيخلي الناس تفكر في حاجات غلط بالذات لو صاحبها تصرفات البنت الغير سليمه اما اظن اللي لابسه لابس عادي مظنش انك زي مبتقول ان مش هتلاقي اللبس اللي انت عاوزاه تعالى شبرا وهتلاقي جميع انواع اللبس بس هنا الواحد يطرح سؤال هل اللي لابسه نصف كم
متحجبة علشان لابسه طرحه!!!!!؟
تحياتي لكي
الفقير الى الله
اهلا بك يا اخي. اعتقد انه حدث نوع من سوء الفهم, فالمقال المنشور هنا لا يتحدث عن وجوب الحجاب من عدمه. المقال يتحدث عن غياب الوسطية في المجتمع وتقسيم النساء الى فريقين يقفان على طرفي نقيض
أنا لم اتحدث عن ارتداء الحجاب ولم اقل انني معه أو ضده. الكلام واضح. أنا ضد فرض الحجاب على الاطفال وذوي الاحتياجات الخاصة. وانت لم تعلق على الموضوع المطروح, بل كتبت عن موضوع اخر, اغلب الظن انه الموضوع الذي تود انت ان تتحدث فيه. وبما انك ترى ان الموسيقى حرااااااااام, كما كتبت على صفحة التعريف الخاصة بك, فلا اعتقد ان هناك أي جدوى من ان نناقش وضع الحجاب في الاسلام
اذا كنت تدعوني لارتداء الحجاب, فشكرا على أي حال. اما اذا اردت ان تزايد على الدين وعلى ما ورد في القرآن والسنة حتى تفرض انت الحجاب, بل والنقاب ايضا, على النساء, فاسمح لي ان ارفض هذا الاسلوب شكلا وموضوعا
لقد ذكرت بعض الآيات والاحاديث وقلت ها هي ادلة الحجاب والنقاب من القرآن والسنة. اين هي هذه الادلة؟ هل لي أن اعرف؟
هناك فرق بين ما نطلق عليه الحجاب او النقاب, بمعنى غطاء الرأس والوجه, وبين الاحتجاب. فالاحتجاب هو وضع ساتر او ستار يحول الرؤية, وقد فرض على نساء الرسول فقط, مثله في ذلك كمثل حثهن على المكوث في بيوتهن. فالايات المذكورة من سورة الاحزاب كلها موجهة لنساء الرسول, واظنك تعلم ذلك جيدا
وكل هذه الايات والاحاديث لا علاقة لها بشعر الرأس. فانت لم تأت بجديد. الجديد هو المزايدة على الله والرسول ببتر الآيات والتلاعب بالالفاظ
تعجبت عندما قرأت الجزء الاخير من تعليقك لانك تعيد فيه الكلام الذي قلته انا في مقالي وردودي على التعليقات. فانا متفقة معك ان الملبس ليس هو الفيصل ولا يدل على الفضيلة, وانما العبرة بالسلوك واحترام النفس والاخرين
فما وجه التعارض بينك وبيني؟ فلتتحجب من تريد ولتتنقب من تريد. انا لا ادعو احدا الى اختيار ملابس معينة. انا فقط اقول ان هناك وسط ما بين النقاب/الحجاب والتعري, وفي غياب هذا الوسط يصبح المجتمع في ازمة. ازمة تعكس وضع يسود فيه التفرقة على الجانبين ولا صوت فيه للوسطية
أود فقط ان اقول ان شاب مثلك في التاسعة عشر من العمر يجب ان يسعى وراء المعرفة ويبذل جهدا اكبر في تحصيلها. اما ان تأتي لتخيرني بين الحجاب والنقاب وان تقول لي "اما اللي مش محتجبة هيا مسلمة بس عاصية" فهذا لا يليق اطلاقا. من يحكم على ديني واسلامي هو الهي رب العالمين فقط. هو من يقول اذا كنت انا عاصية أم لا. ولا ينبغي لأي شخص على وجه الارض ان يعطي لنفسه هذا الحق الالهي
تحياتي
عزيزتى
معلش هرد على تعليق
الاستاذ ألف...فى البوست اللى فات
انتى سالتنى انا جبت ارقام مستوى معيشة المسحين منين و30%جبتها منين مع انى قولت انى قريتها فى مصراوى من مدة
بس ما سالتش فانتازيا على الارقام اللى بتقولها جابتها منين وانا طلبت اللينكات منها وهى مجبتهاش
مع انها بتقول دى سهلة وموجودة
طلبتها مرتين وحياتك ومحطنهمش
اطلبهم انتا بقه
موضوع الاضطهاد فى التوظيف
مش لسبب الحية ولا الحجاب ما اظنش اه معاك السبب مش دينى لانه مسلم
السبب انه مسلم ملتزم زيادة
ومنع المحجبات سواء مذيعة او مضيفة ده علشان المظهر برضوا مال المظهر ومال الحجاب واللحية
وعارف الاعمال اللى بتقول عليها وانا متكلم عن اعمال تانى مش بيهمهم المظهر كلحية لاكن يهمهم انه ميكنش بلحية دينية وانتا عارف الفرق
تانى شئ انا لما جبت امثال للاضطهاد لمسلمين فى امريكا او غيرها بجيبه لسبب واحد انى بقولك ان ده مش اضطهاد الاضطهاد كلمة كبيرة لازم علشان نقولها على اقلية لازم يكون فى حاجات كتيرة بتحصل بطريقه منهجية ومنتظمة
وانتا بتقول اندماجهم فى المجتمع هناك الاندماج انهم يتقبلونى واتقبلهم يعنى يقبلوا حجاب المراه عندنا وانا اقبل عرى المراه عندهم مش يفرضوا على ثقافتهم
وانا معاك لو محارق للمسلمين فى اوروبا ايه ذنب المسيحين هنا هقولك ما هو مفيش محارق هنا وبيقولوا اضطهاد وهناك مش بيقولوا ان فى اى اضطهاد
وانتى بتقولى على التعليقات على المسيحين هقولك ما فى تعليقات بين المسيحين على المسلمين برضوا يعنى شئ متبادل وده طبيعى اولاد دين واحد لازم حبهم لبعض اكتر من اى دين تانى
زى تقسيمة الصعايدة والفلاحين كدة
وتقسيمة الاوطان العرب الافارقة الاوروبين يعنى انتا مش بتميل اكتر لما تقابل ناس لابناء محاقظتك
يعنى الموضوع طبيعة انسانيه مش اضطهاد لحد معين
يعنى المقصود ان اى كلام بيحصل على الميسحين بين المسلمين هتلاقيه بين الميسحين وبعض يعنى ده مش لضطهاد برضوا
انا اه سمعت عن حرق بيوت ومشاكل فى بناء كنيسة بس قولى فى بلد تعدادها 80مليون بتحصل الحوادث دى بنسبة اد ايهونسبتها لاى بلد تانى فيها دين مختلف اد اية وانا طلبت منها لينكات الارقام مجبتهمش تعرف انتا تجبهم بس يكون فيها اعداد الضحايا من الجانبين
وعلى كلامك ده يبقا العالم كله بيضهد فى بعض ومفيش بلد مفهاش اضطهاد
دى لينكات فيها ازمة علشان بناء مساجد وفين فى اوروبا وامريكا بلد الحريات
عاوزنا هنا ما يبقاش فى ازمة
http://www.islammessage.com/articles.aspx?cid=1&acid=91&aid=1204
http://moneep.katib.org/node/124
http://forum.maktoob.com/t922461.html
دول كفاية ولا تحب ميت لينك
واقولك اللينك ده فى اعتراض على بناء مسجد فين تفتكر فى مصر
http://www.haridy.com/ib/showthread.php?t=46138
وكلام المنابر والمساج والكنائس ده شئ فى الدين وانا كمسلم متقبل وعارف ان المسيحى يعتقد ان الاسلام ليس دين سماوى وان سيدنا محمد ليس رسول ولا نبى
واكيد بينهم بيتكلموا فى ذلك كثيرا بدل الكلام بينهم ومتوجهه ليهم يبقا خلاص
انا معاك خارج المسجد زى المكروباص مينفعش نحط شريط بيهاجم الدين المسيحى بس برضوا ده تصرف شخص مش اضطهاد
اضحكتك الكلمة لانك فهمتها غلط انا اقصد سياسى مصرى فى مصر
والمفروض لو هما بيسمحوا انهم يهينوا ديمهم ومتقبلين كده مش لازم يفرضوا تقبل كده على دين الاخرين
وليه الميسحين يرضوا باهانة دينهم اساسا هناك بالطريقة دى
اما موضوع حنان ترك والكافية الجنة اللى ميخشهوش هيموت مقهور
انا اللى هرضا ذمتك واخد صاحب كافيه قال ممنوع الدخول بالجلابية وانا لابس جلابية هزعل ليه ما فى ميت كافيه غيرة اخشهم وهو اللى قطع برزقة
وموضوع التميز لو فى الكافيهات والنوادى مع انه موجود اساسا من زمان بدل لشئ مش مهم زى ده وشئ موجود منه الف يبقا خلاص
لاكن لو تميز فى العمل والشغل واكل العيش انا ارفضه واقف ضده
ناقص كمان تقولى ان عربة الستات تميز واضطهاد ضد الرجل
شوف انا عارف انى ممكن اجبلك واحد مثال للالتزام الدينى ونلاقى حد يكفره بس الموضوع مش نسبى يعنى مينفعش 100 واحد يتفقوا ان الانسان ده ملتزم ويجى واحد يقولى انه وحش واقول نسبى
ولا الف شيخ يقولى ان الحجاب واجب على المراه ويجى شيخ يقول لا ده مش واجب عليها اقول فى اختلاف فى الاراء
ومعاك سلامة الالفلية مسئولية الاغلبية دائما بس مش معنى كده ان ميحصلش خناقات ومناوشات بين الاقلية والاغلبية زى ما بتحصل نفس الخناقات دى بين الاغلبية وبعضها لاسباب تافهه جدا
سؤالين
معنى الاضطهاد ايه فى رائيك ايه الاقلية اللى ممكن تتسمى مضطهدة فى اى دولة
انتا حسيت باضطهاد كام مرة فى حياتك كمسيحى
طلب
اللينكات اللى طلبتها من فانتازيا لوهى مش هتعرف تجبهم ممكن تجبهم انتا علشان نفسى اشوف ضحايا الاضطهاد اد ايه خلال الثلاثين سنة اللى فاتوا
سعيد بحوارك الهادئ المحترم
معلش بقه يا افندم اخدنا مساحة من مدونتك
سلام
عزيزتى
اتفق معك بشدة بشان حجاب الاطفال فان الوالدين و ما يفعلونه من جعل الاطفال يلبسون الحجاب
ليس لانهم خائفين من جمال بناتيهم و ما سيخلفة من اغراء او مثل هذه الامور
و لكنى ما صدمنى
انهم يقولون حتى تتعود على مثل هذه الطاعة و لا تفكر يوما بانها تخلعه او تمشى بشعرها مثلا
هل علمتى هذا من قبل
لم يدروا هؤلاء انهم بهذا الامر يغتالون براءة الاطفال كما قلتى و انهم فى يوم سوف يعانون بما يكفى عندما تكبر هذه الفتاه و تتحكم هى فى مقاليد الامور
و تصبح بوجهين امامهم المطيعة و فى غيابهم شىء اخر
اصدقك القول عزيزتى
فهناك شىء غير معقول يحدث بين البيكنى و النقاب
و ان تمشى فى الشارع ذات مرة تجدى من يقول لك فى صوت شديد اللهجة غطى وجهك يا ابنتى
السواد يا فتاه
تحياتى لك و لموضوعاتك الشيقة جدااااا
fanta el sokarah:\
ba2aly nos sa3a wa2fa ba7'abat3ala bab el blog bas ma7adesh fata7 el bab hahahaha
ya3ny aseb usa o agelek masr o mesh tefta7y dah kalam bardo,anyway ya fandem,i totaly agree with specially about the mangholian ppl,ya3ny bgad el ns deh aslan mesh fahma 2ay 7agh 7'ales yeb2a lazmeto 2eh el 7egab,o ana bardo lama kont fe masr mesh kont bala2y el style elly ana balsosoh kan ya ema 3aryan 7'ales ya ema lel mo7agabat deh 7a2e2a waqe3eyah ya fandem,o ana shafa bgad en masr el 7egab dah modah b el njesba l nas kteer w sa3at b 7es en el bent sha3raha mesh 7elw wala 7agah o heya mekaselah tero7 lel kwafeer or the hair dersser so she covered it as its more easy and cheaper.
yalla 3omoma2 ana shayfa en elhedayah mesh b 2omashah 3ala sha3r el ras o laken fel ta3amolat o el ensenayah mesh el ta7'alof,o ba3deen aktar manzar bgad kan beydaye2ny el mo7agabah elly beteshrab sagayer 2aw hokah fel publich ya3no dah howa el 7alal masla2,wla lama kont fe sharm o la2ety bent mo7agabah fe hard rock 2al ya3ny el disco 7alal
el moshkelah en 2e7na motanqdeen o mesh 3arfeen 2e7na 3ayzeen 2eh bas yalla inshaa allay el moslemn o el 3arab hayfo2o o hayefhamo kol 7agah bas ya rab 2abl fawat el awan
sa7e7 ya fanta ana mestaneyaky ya fandem 3andy 3al blog ha3zebek 3ala wa7ed frapitchino bel rasbaryy mn 3amek starbucks
ma3lesh kan ba2aly kteer mesh bagy bas walahy im so busy between studing and working so mal7o2ah inshaa allah,sa7e77 howa ya3ny 2eh mal7o2ah deh 3alashan ana mesh fahmaha !!!!
salam ba2a ya amarah
انه مرض عام سيدتي
مرض المظاهر و اخذ الامور بالظاهر
فهناك من يفهم الدين بالظاهر فقط
وهناك من يريد ان يكون شكلا ومن الظاهر اتبع الدين واراح المجتمع
قالوا انك شكلا يجب ان تلبس بهذه الطريقه لتكون من الفئة الناجية
فاهتم الناس شكلا ولبسوا بالشكل المطلوب
ثم قالوا وعادوا وزادوا في ان اهم ما يهم في الشكل هوه تغطية الرأس
رغم ان الشعر ليس له علاقة بالهرمونات
ولكن تلقائيا بدا الناس يهتموا بالرأس
وتغطية الرأس
فهي بوابة المرور لرضا المجتمع ولنيل شارة التصنيف الايجابية
وبالاهتمام بالرأس انحسر الاهتمام بما تحت الرأس
حتى وصلنا لما رأيتيه انها غطت شعرها لكن تريد ان تلبس لبسا يحدد جسدها
فالمهم انها اسما ستكون محجبه والحجاب هوه تغطية الراس
اصبحنا مجتمع مريض نريد شكلا وفقط
حتى اصبحنا نرى منقبات يلبسن نقابا اشد اثاره من البكيني نفسه
ما يعنيني في لبس المراه ان يكون محتشم
هذا هو المطلوب
فكما يثير اشمئزازي منقبة لعوب لا احترم توبلس صاحبة مبادئ
لا بديل عن اعتدال في التفكير واحتشام في الملبس
السلام عليكم ورحمة الله وبركاته
اختى فانتازيا
الحكاية ملهاش دعوة بتحريم الموسيقى علشان الحجاب انت فضلتي انك تقولى خليني اخده على قد عقله والدليل على ذلك انك حتى لم تذكري دليل او حديث واحد يوضح ان الحجاب كان خاص بنساء الرسول صلى الله عليه وسلم انا الصراحه حاولت اني ابعد عن هذا النقاش بس انتي اللي اتهمتيني بتهمة كبيرة لا ادري هو على عدم
فهمك لكتابتي او لعدم معرفتك بالاسلام رغم انك مسلمة بس برده انا هرد على اتهاماتك واحدة واحده علشان تعرفي ان الحجاب واجب انا كده من الميسرين واما لو اردتى ادلة النقاب فاذكرها هيا ايضا والله المستعان
قولتي
أنا لم اتحدث عن ارتداء الحجاب ولم اقل انني معه أو ضده. الكلام واضح. أنا ضد فرض الحجاب على الاطفال وذوي الاحتياجات الخاصة.
انا مع عدم فرضه على الاطفال ولا يوجد عالم من علماء المسلمين يجعلوه واجب فليس عيب في الحجاب ان يستعملوه الجاهلون خطا
اما عن ذوي الاحتياجات الخاصة اليست انثى اليست بشر مش معنى انها من ذوي الاحتياجات الخاصه يعني انها مجنونه واللى انت غلطي فيه هو قولك ان ذوي الاحتياجات الخاصه رفع عليهم التشريع انا مبحبش الناس اللي بتتكلم من غير دليل لو كانت مجنونه غير لما تكون واعية ولو كانت واعيه عشر دقايق في اليوم فهيا تلبس الحجاب
العشر دقايق مش انت اللي تحددي هو يسقط عن مين الا بالدليل عفوا ان الاسؤا من الذي لايستدل بشئ هو من يستدل بدليل خاطئ فهذا يدل على جهل كاتب الراي
ومادام انك مش عالمه زي منتى كاتبه في تعريفك انك فنانه وزي مهو باين من موضوعك فارجوا انك تاتي باقوال العلماء المسلمين في تفسير الايات او الاحاديث
اما قولك
. وانت لم تعلق على الموضوع المطروح, بل كتبت عن موضوع اخر, اغلب الظن انه الموضوع الذي تود انت ان تتحدث فيه. وبما انك ترى ان الموسيقى حرااااااااام, كما كتبت على صفحة التعريف الخاصة بك, فلا اعتقد ان هناك أي جدوى من ان نناقش وضع الحجاب في الاسلام
عفوا انا علقت على الموضوع فقلت ان تقسيمك غلط اصلا يعني لايوجد هناك منطقة محايده يعني ايه الفرق بين اللي لابسه بنطالون ضيق مع بنطالون واسع كلهم بيوصفوا على العكس الشاذ ان البنات تلبس ضيق جدا ووضحت ان مبحكمش على الناس من لبسهم الا لو هيا لابسه ضيق وعريان فهيا مسبتليش اختيار اما لو لابساه واسع فهي عاصية زي ما هوضحلك في الادلة
قولتي
اذا كنت تدعوني لارتداء الحجاب, فشكرا على أي حال. اما اذا اردت ان تزايد على الدين وعلى ما ورد في القرآن والسنة حتى تفرض انت الحجاب, بل والنقاب ايضا, على النساء, فاسمح لي ان ارفض هذا الاسلوب شكلا وموضوعا
لقد ذكرت بعض الآيات والاحاديث وقلت ها هي ادلة الحجاب والنقاب من القرآن والسنة. اين هي هذه الادلة؟ هل لي أن اعرف؟
هههههههههههههههههههه
دمك خفيف جدا معرفش انا شكيت في نفسي قولت يمكن الرد موصلش كامل بس للاسف اكتشفت انك مشفتهوش بس على العموم انا هكتبه بطريقة سهلة وياريت لو مش موافقه على حاجه ميكنش ردك زي ده
(هناك فرق بين ما نطلق عليه الحجاب او النقاب, بمعنى غطاء الرأس والوجه, وبين الاحتجاب. فالاحتجاب هو وضع ساتر او ستار يحول الرؤية, وقد فرض على نساء الرسول فقط, مثله في ذلك كمثل حثهن على المكوث في بيوتهن. فالايات المذكورة من سورة الاحزاب كلها موجهة لنساء الرسول, واظنك تعلم ذلك جيدا
وكل هذه الايات والاحاديث لا علاقة لها بشعر الرأس. فانت لم تأت بجديد. الجديد هو المزايدة على الله والرسول ببتر الآيات والتلاعب بالالفاظ)
وبالذات الاتهام
الجديد هو المزايدة على الله والرسول ببتر الآيات والتلاعب بالالفاظ
انت كده اتهمتيني بالقذف واني كذاب (ومن كذب عليا متعمدا فليتبوا مقعده من النار وده حديث صحيح)
وبرده لو انتي مقتنعه كنتى تفندي ادلتي واحده واحده وتفهميني فين الغلط
على العموم انا هجبلك من مصادر الكتب ومن اعظم المفسرين ومن أقول العلماء والأئمة المحققين
الأدلة من الكتاب:
أولاً: قوله تعالى :" وإذا سألتموهن متاعاً فسألوهن من وراء حجاب ذلك أطهر لقلوبكم وقلوبهن" قال ابن كثير –رحمه الله:" أي وكما نهيتكم عن الدخول عليهن كذلك لا تنظروا إليهن بالكلية ، ولو كان لأحدكم حاجة يريد تناولها منهن فلا ينظر إليهن ولا يسألهن إلا من وراء حجاب.
وقال الشوكاني -رحمه الله- : أي من ستر بينكم وبينهن. وقال الطبري -رحمه الله- " إذا سألتم أزواج رسول الله صلى الله عليه وسلم ونساء المؤمنين متاعاً فاسألوهن من وراء ستر بينكم وبينهن، ولا تدخلوا عليهن بيوتهن. والسؤال من وراء حجاب أطهر لقلوب الرجال والنساء من عوارض العين التي تعرض في صدور الرجال والنساء وأحرى أن لا يكون للشيطان عليكم وعليهن سبيل. فهذه الآية الكريمة تبين وجوب الستر عن الرجال الأجانب. قال سماحة المفتي الشيخ عبد العزيز ابن باز – رحمه الله – في هذه الآية: " ولم يستثنِ شيئاً، وهي آية محكمة، فوجب الأخذ بها والتعويل عليها وحمل ما سواها عليها. ثم قال – جزاه الله خيراً - : " والآية المذكورة حجة ظاهرة وبرهان قاطع على تحريم سفور النساء وتبرجهن بالزينة
ثانياً: قوله تعالى: " يا أيها النبي قل لأزواجك وبناتك ونساء المؤمنين يدنين عليهن من جلابيبهن ذلك أدنى أن يُعرفن فلا يؤذين وكان الله غفوراً رحيماً".
قال الشيخ حمود التويجري -رحمه الله- في الصارم المشهور ص(187) : " روى ابن جرير وابن أبي حاتم وابن مردويه عن علي بن أبي طلحة عن ابن عباس رضي الله عنه في هذه الآية قال : " أمر الله نساء المؤمنين إذا خرجن من بيوتهن في حاجة أن يغطين وجوههن من فوق رؤوسهن بالجلابيب
وقال سماحة الشيخ عبد العزيز ابن باز -حفظه الله- في هذه الآية : " إن محمد بن سرين (سيرين) قال: " سألت عبيدة السلماني عن قول الله عز وجل :" يدنين عليهن من جلابيبهن" فغطى وجهه ورأسه
وخلي بالك ان الاية موجود فيها ونساء المومنين يعني الاية مش لزوجات الرسول صلى الله عليه وسلم بس
كما تقولي
رابعاً : قول الله تعالى: " وليضربن بخمرهن على جيوبهن" قال الطبري -رحمه الله- في تفسير هذه الآية : " وليلقين خمرهن على جيوبهن ليسترن بذلك شعورهن وأعناقهن. وفي هذه الآية دليل على تغطية الوجه لأن الخمار هو الذي تغطي به المرأة رأسها فإذا أنزلته على صدرها غطت ما بينهما وهو الوجه.
قال شيخ الإسلام ابن تيمية -رحمه الله- في هذه الآية : " فلما نزل ذلك عمد نساء المؤمنين إلى خمرهن فشققنها وأرخينها على أعناقهن ، والجيب هو شق في طول القميص فإذا ضربت المرأة بالخمار على الجيب سترت عنقها.
انظر أخي القارىء هل يكون ستر العنق إلا بعد ستر الوجه !!
الأدلة من السنة:
أولاً: قوله صلى الله عليه وسلم في الحديث الذي رواه الترمذي ، وقال عنه حسن غريب " المرأة عورة فإذا خرجت استشرفها الشيطان " ففي هذا الحديث العظيم لم يستثن صلى الله عليه وسلم منها شيئاً بل قال : إنها عورة .
ثانيا
عن ابن عمر رضي الله عنه أن النبي صلى الله عليه وسلم قال : " لا تنتقب المرأة المحرمة ولا تلبس القفازين " رواه الإمام أحمد والبخاري وأهل السنن .
قال شيخ الإسلام ابن تيمية –رحمه الله – هذا مما يدل على أن النقاب والقفازين كانا معروفين في النساء اللاتي لم يحرمن ، وذلك يقتضي ستر وجوههن وأيديهن .
والاحرام هنا يعني هتعمل عمرة او حج
لو مكنتيش عارفه ده مقتصر معنى الكلمة
ثالثا
عن المغيرة بن شعبة رضي الله عنه قال أتيت النبي صلى الله عليه وسلم فذكرت له امرأة أخطبها فقال : " اذهب فانظر إليها فإنه أجدر أن يؤدم بينكما " فأتيت امرأة من الأنصار فخطبتها إلى أبويها وأخبرتها بقول النبي –صلى الله عليه وسلم- فكأنهما كرها ذلك ، قال : فسمعت ذلك المرأة وهي في خدرها فقالت : إن كان رسول الله صلى الله عليه وسلم أمرك أن تنظر فانظر وإلا فأنشدك – كأنها أعظمت ذلك – قال : فنظرت إليها فتزوجتها فذكر من موافقتها "
رواه الإمام أحمد وأهل السنن إلا أبو داود وقال الترمذي هذا حديث حسن وصححه ابن حبان .
وطبعا انا مجبتش سيرة نساء الرسول صلى الله عليه وسلم بس انا بينتلك ان الادلة في هذا الموضوع مش مخصوصة عليهم وقلتلك في سورة الاحزاب قال ونساء المؤمنين والاحاديث اللي انا ذكرتها وهيا صحيحة مش للحجاب بس لاكن للنقاب كمان
ياريت تردي رد هادف مش رد ناس مش عاوزة تقتنع
اما قول الائمة الاربعة فهو بين يديك
من أقوال الحنفية :
قال الجصاص رحمه الله : ( المرأة الشابة مأمورة بستر وجهها من الأجنبي ، وإظهار الستر والعفاف عند الخروج ؛ لئلا يطمع أهل الريب فيها ) – أحكام أهل القرآن 3/458-
وقال شمس الأئمة السرخسي رحمه الله : ( حرمة النظر لخوف الفتنة ، وخوف الفتنة في النظر إلى وجهها ، وعامة محاسنها في وجهها أكثر منه إلى سائر الأعضاء ) – المبسوط10/152-
وقال علاء الدين الحنفي رحمه الله : ( وتمنع المرأة الشابة من كشف الوجه بين الرجال ). قال ابن عابدين المعنى : تمنع من الكشف لخوف أن يرى الرجال وجهها فتقع فتنة – حاشية ابن عابدين2/261-
وقال سماحة مفتي باكستان الشيخ محمد شفيع حنفي : ( وبالجملة فقد اتفقت مذاهب الفقهاء ، وجمهور الأمة على أنه لا يجوز للنساء الشباب كشف الوجوه والأكف بين الأجانب ، ويستثنى منه العجائز ؛ لقوله تعالى : ( وَالقَوَاعِدُ مِنَ النِّسَاء ) – نقلا عن كتاب المرأة المسلمة 202-
وأما المالكية فمن أقوالهم : قال أبو بكر ابن العربي ، والقرطبي رحمهما الله : ( المرأة كلها عورة ، بدنها وصوتها ، فلا يجوز كشف ذلك إلا لضرورة أو لحاجة .. ) – أحكام القرآن 3/1578 والجامع لأحكام القرآن 14/277-
وقال ابن المنير المالكي : " إن كل بدن الحرة لا يحل لغير الزوج ، والمحرًم النظر إلى شيء منها إلا لضرورة كالمعالجة وتحمل الشهادة .
وأما الشافعية فمن أقوالهم :
قال إمام الحرمين الجويني رحمه الله : ( اتفق المسلمون على منع النساء من الخروج سافرات الوجوه ) – روضة الطالبين 7/24- .
ونقل ابن حجر الهيثمي رحمه الله عن الزيادي ، وأقره عليه : ( أن عورة المرأة أمام الأجنبي جميع بدنها حتى الوجه والكفين على المعتمد ) – تحفة المحتاج 2/112-
وقال ابن رسلان رحمه الله : ( اتفق المسلمون على منع النساء أن يخرجن سافرات الوجوه ، لا سيما عند كثرة الفساق ) – عون المعبود 11/162-
وقال الموزعي الشافعي رحمه الله : ( والسلف والأئمة كمالك وأبي حنيفة وغيرهم لم يتكلموا إلا في عورة الصلاة ، فقال الشافعي ومالك : ما عدا الوجه والكفين ، وزاد أبو حنيفة : القدمين . وما أظن أحداً منهم يبيح للشابة أن تكشف وجهها لغير حاجة ، ولا يبيح للشاب أن ينظر إليها لغير حاجة ) - تيسير البيان لأحكام القرآن 2/1001-
وأما الحنابلة فمن أقوالهم :
قال الإمام أحمد رحمه الله : (ظفر المرأة عورة ، فإذا خرجت من بيتها فلا تبن منها شيء ولا خفها فإن الخف يصف القدم وأحب إلي أن تجعل لكمها زراً عند يدها حتى لا يبين منها شيء ) الفروع 1/601-
وقال شيخ الإسلام رحمه الله : ( وكشف النساء وجوههن بحيث يراهن الأجانب غير جائز ) الآداب الشرعية1/280- وقال أيضاً : ( إنما ضرب الحجاب على النساء لئلا تُرى وجوههن وأيديهن ). [ الفتاوى15/372]
وقال ابن القيم رحمه الله : ( العورة عورتان : عورة في الصلاة ، وعورة في النظر ، فالحرة لها أن تصلي مكشوفة الوجه والكفين ، وليس لها أن تخرج في الأسواق ومجامع الناس كذلك ) - إعلام الموقعين 2/80-
الحق أحق أن يتبع :
أختي المسلمة : يكفي في وجوب الحجاب قوله تعالى : ( يَا أَيُّهَا النَّبِيُّ قُلْ لأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلابِيبِهِنَّ ذَلِكَ أَدْنَى أَنْ يُعْرَفْنَ فَلا يُؤْذَيْنَ وَكَانَ اللَّهُ غَفُوراً رَحِيما ً ) (الأحزاب :59) .
الجلباب هو: اللباس الواسع الذي يغطي جميع البدن . [ انظر تفسير ابن كثير3/679] قال السيوطي رحمه الله : هذه آية الحجاب في حق سائر النساء ، ففيها وجوب ستر الرأس والوجه عليهن ) .
و ما روته عن عائشة رضي الله عنها قالت : يَرحَمُ الله نِساءَ المُهاجِراتِ الأُوَل ، لَمَّا أَنْزَلَ الله ( وَلْيَضْرِبْنَ بِخُمُرِهِنَّ عَلَى جُيُوبِهِنَّ ) ( النور : من الآية31 ) " شَقَقنَ مُروطَهُن فَاختَمَرنَ بِهَا . رواه البخاري . اختمرن بها أي : غطين وجوههن . [ انظري فتح الباري 8/627]
فيا أختي الحق أبلج وأوضح من الشمس في رابعة النهار ، فكوني مع الحق ولا تزيغي عنه ، واتبعي ولا تخالفي
الموضوع كبير جدا لو عندك اعتراض ارجوا الاعتراض بالادلة وبمصادر الكلام يعني انا مش عاوزك تالفي من عقلك
او تتهميني بالباطل
قولتي
اما ان تأتي لتخيرني بين الحجاب والنقاب وان تقول لي "اما اللي مش محتجبة هيا مسلمة بس عاصية" فهذا لا يليق اطلاقا. من يحكم على ديني واسلامي هو الهي رب العالمين فقط. هو من يقول اذا كنت انا عاصية أم لا.
عفوا بعد ده كله لازم تكوني عاصية مش معقولة ان الناس ده مبتفهمش وهما علماء المسلمين مستني ردك الهادف والمناقشة الجدية ومفيش مانع اني ادعوكي لارتداء الحجاب
تحياتي لكي
نفس التعليق ده علقته عند صاحبة البوست الاصلية اللي انتي حاطة ليها رابط و التعليق هو
الحقيقة الصورة دي ما سابتش عندي غير انطباع واحد فقط
ان التعايش في حب وود و سلام مكن جدا بين جميع الاضداد اذا ما ابتعدت عنهم عيون المتطفلين و المراقبين
لماذا لا ننظر للجانب الجميل في الصورة
ضدان متعاكستان تمام في لحظات مرح حقيقية لماذا نجر القضية الى محجبة و غير محجبة؟
ارجو ان اكون اضفت
تحياتي
ban on niqab among nurses:
http://www.earthtimes.org:80/articles/show/187445,the-face-veil-stirs-a-row-in-egypts-hospitals--feature.html
بوستك حلو جدا لأنه بيناقش الحجاب بصور مختلفه
وبيناقش سلوكيات الناس كمان تجاهه
أولا الحجاب والإحتشام شئ صح جدا وأساسي للمرأه
إزاي بقى الناس بتتعامل معاه بطرق غلط
ده لا ينقص من الحجاب في شئ فالخطأ في تعامل الناس
بنت صغيره وتتحجب ... خطأ
معاقه لا تدرك وتتحجب .. خطأ
تغطي رأسها .. ثم ترتدي ما تشاء .. خطأ
تتحجب .. أو تنتقب وتفعل ما يخجل.. خطأ
تمشي بلا حجاب .. خطأ
أخطاء كثيره جدا
والمجتكع يمتلأ بهذا الخطأ
عجبني رأي a.samir
فعلا المجتمع مليان بكل الأصناف
فالناس تختلف
فالخير موجود والشر موجود
وربنا يهدي الجميع
تحيااااااااتي
دائما اجد هنا ما يثلج الصدر ... وما يدعو للتفكير .. وما يجعل الانسان يشعر ان هناك املاً .. فهناك من يزن الامور بمعيار غير التعصب ...
نحن في مجتمع يعاني من ازمة كبت عارم ازمة حرية .. ازمة اختيار .. ازمة هوية... بين فهم فقهي سلفي للدين ... وبين كبت سياسي مغلق...
بين سياسة اما أو كما ذكرتم تماما...
وهو يصب في خانة التطرف الفكراجتماعي السائد بين جنبات العالم بأسرة ... وفي بلادنا خصوصاً...
قلمكم يملك قدرة لا نهائية على التحليل والتفكيك والتوغل في اعماق المسائل ...
فعذرا كوني اجنح دائما الى العموميات ...
دمت بكل ود...
خالص تحياتي
جالى احباط فوق احباطى من الموقف العام يا فانتازيا
احكيلك على موقف دكتور فى كلية الآداب كان بيحكيهولى
بنته خرجت مع صاحبتها يتمشوا شويه من كام شهر
دخلوا محل حلويات
البياع حب يكرمهم,وقالهم.. هندنا جاتوه صيامي لو عاوزين
طبعا البنات مافهموش هو قصده ايه
هو ماله وهما مالهم؟؟
كرر الكلمه تانى وهو بيبص على شعرهم المكشوف
البنت ما سكتتلوش المرادى وقالتله .. هو عشان انا مش محجبه مابقاش مسلمه ولا ايه؟
طبعا الليله قلبت بخناقه وكلان يوم نكد
بس بجد انا باستغرب وبافكر كتير فى اللى بيحصل
باشوف بعينى دلوقتى بنات عاديين جدا وفى منتهى البساطه.. لمجرد انهم ماشيين بشعرهم بيتأذوا من رجاله كبار وشباب صغيرين
وباشوف بنات بحجاب واسدال وقاعدين على الكورنيش مع شباب قعدات يعاقب عليها القانون وماحدش يقدر يقربلهم
بس والنبى ياختى انا قلبى وجعنى
العزيزة رانيا
اشكرك على مرورك الكريم وتعليقك الثري
حجاب الاطفال هو انتهاك سافر للطفولة ولبراءة الابناء, وهو اهدار لحق البنت في اختيار الحجاب عن اقتناع. واذا كانت حجة الاهل في جعل طفلتهم ترتدي الحجاب هي جعل الحجاب مجرد عادة وفرضه كزي على هذه الفتاة ف المستقبل كما تفضلتي ووضحتي, فهذا أمر لا يقبله الدين ولا يرضي الله.. ولا يرضي الضمير الانساني
اما موضوع السواد يا فتاة فهو جديد علي, بالرغم من انه يبدو نتيجة طبيعية للتطرف الذي ينتشر هذه الايام. واذا قال لي احد مثل هذه الجملة فاغلب الظن انني سأقول له "الله يسود عيشتك يا بعيد". لان ارتداء الزي الاسود مكروه ف الاسلام, حتى على الميت. ولانه بهذا الفعل المذموم انما ينفر الناس وينتهك خصوصيتهم, بل ان هذا الفعل يعد نوعا من انواع التحرش بانثى. فكيف يمكن ان ينبع مثل هذا السلوك الكريه من دافع ديني؟ لا يمكن بالطبع. انما هو سعي للسيطرة وللتحرش بالنساء عن طريق الارهاب
خالص تحياتي ومودتي
العزيزة سولا
معلش ما سمعتش الباب وهو بيدق, اصلي كنت في مدونتي التانية يا فندم. بس لو كنت اعرف انك جاية كنت استنيت
انا كمان مشغولة جدا معندكيش فكرة قد ايه. وباخطف الوقت اللي بادخل فيه على المدونات بالعافية. فاعذريني لو كنت مقصرة ف التعليق عندك
حجاب البنات من ذوي الاحتياجات الخاصة دا انا مش لاقياله توصيف الصراحة. مجرد مجاراة للتطرف الموجود حاليا ليس الا, حتى لو مالوش علاقة بالدين. شيء محزن حقيقي
وموضوع اختفاء الملابس ما بين الحجاب والمكشوف أوي بيعكس مشكلة الخلل اللي بيعاني منها مجتمعنا اللي مش شايف غير التطرف في كل حاجة. انا عن نفسي بطلت اشتري ملابس جاهزة من مصر. ليه ادوخ نفسي وألف ع المحلات واستهلك وقت ومجهود وبنزين وانا عارفة اني مش هلاقي اللي بادور عليه؟ العجيب اني عرفت ان ملابس التصدير اللي بتتصنع في مصر ليها موديلات مختلفة تماما. طب ما ينزلوا منها شوية ف السوق المحلي! هما الاجانب احسن مننا؟ طب ما انا كدا هأروح اشتري من برة بالفلوس اللي كنت هأشتري بيها من مصر. ايه الغباء ده؟
يلا هي جت على دي يعني؟ سيبك انتي انا متمسكة بالفرابتشينو بتاعي. انتظريني قريبا
خالص تحياتي
الاستاذ العزيز دمعاتي
سيدي الكريم لقد قمت انت بتلخيص المشهد في جملة واحدة: "اصبحنا مجتمع مريض نريد شكلا وفقط". وانا اتفق معك تماما. فعندما نغالي في ابراز اهمية المظهر ونضخم منها لتطغى على اهمية الجوهر, تصاب المجتمعات بالامراض الخبيثة, المستترة, التي تدمر كيانها من الداخل في بطء حتى تفتك به تماما
مأساة الازدواجية العنيفة التي يعيش في ظلها المجتمع المصري الآن تتفاقم وتتجلى مظاهرها في انحدار الاخلاقيات وسوء السلوك العام وتفشي الفساد والرشوة والكذب والنفاق وتدني القيم, كقيمة الوقت وقيمة العمل وقيمة الاجتهاد, لتحل محلها قيم كالفهلوة والتسلق الاجتماعي والكسل والتراخي والاتكالية. فمنظومة القيم لا تتجزأ؛ وحين تنهار الاسس الجوهرية للقيم بفعل اهمالها وتقديس المظهر الخارجي على حسابها, نصبح امام مشهد مخيف, كالذي نراه في مصرنا اليوم بكل أسف
خالص تحياتي
الفقير الى الله
اول مرة اعرف ان البخاري كتب احاديث عن سيادتك
بقى انت تحط نفسك مكان الرسول وتنسب الحديث ليك؟ دا ايه الحلاوة دي؟
بس مش بعيد على اللي بيحط نفسه مكان الله نفسه ان يضع نفسه مكان الرسول عليه الصلاة والسلام ويتوعد الناس بالنار اذا انتقدوا كلامه
انتوا باين عليكوا كلكم بتحبوا حكاية كلمة بكلمة دي.. طبعا لانكم مش خسرانين حاجة. عارفين ان كلامكم 90% منه مالوش أي معنى, وفاضين بقى ما وراكوش حاجة
شوف يا ابني, انا مش عيلة صغيرة. وقولتلك الموضوع اللي انت بتتكلم فيه مالوش دعوة بالموضوع اللي انا كتباه هنا. روح شوف مكان تاني فيه مناظرة عن الحجاب واعمل فيه اللي انت عايزه. ولو اني ما انصحش لانك غير مؤهل تماما للحكاية دي
انت عاملي نسخة من كتيبات الحجاب اللي بتوزعوها قدام الجوامع؟ يا ابني انت مالك انا مقتنعة بايه؟ هو انت اللي هتحاسبني؟ ايه "لازم تكوني عاصية" دي؟ وانت تطلع مين اصلا يا واد انت؟ دا انت مخك عامل زي المحشي الحمضان
انت فاكرني يا ننوس هأقعد بقى ادافع عن نفسي قدام جنابك عشان ما اطلعش عاصية؟ ما تقول اللي تقوله.. هو انت فاكر نفسك مين؟ دا حتى الانبياء ما يقدروش يطلعوا احكام على الناس من منازلهم كدة. انت بقى المفروض الملاك اللي بيحاسب الناس ف الدنيا ولا ايه؟ ما تروح تشوف نفسك بدل ما انت مهتم أوي بشعري انا. ولا انت مشتري حتة تمليك ف الجنة؟
لعلمك بقى, لو بتفهم يعني, كلامك دا يخليك انت اللي عاصي مش أنا. روح استغفر ربنا بدل ما انت قاعد ع النت يا ننوس
العزيز ملك الكبدة
ايه الغيبة الطويلة دي يا ملك؟
والله اتمنى انه يكون فيه تعايش بين المتضادات حتى زي ما حضرتك تفضلت
بس برضه نفسي يكون فيه وسط
مش ممكن تبقى كل حياتنا تطرف وتطرف مضاد
الوسطية بتنقرض يا ملك ودا خطر كبير جدا
خالص تحياتي
dear raaasa,
thanks for the link. this issue has caused a lot of controversy in egypt lately. i certainly hope the ministry of health would succeed in putting an end to this mess.
العزيزة سلوى
افتقدتك وافتقدت تعليقاتك, كنتي فين؟
ع العموم سماح المرادي
شوفي انا متفقة معاكي في كل حاجة قولتيها تماما. وانا أكدت في كلامي, ف التدوينة وف ردوي على التعليقات, على ان النماذج السيئة لا تعمم كحكم على الحجاب. فالنقطة دي واضحة وتم التأكيد عليها اكتر من مرة
بس عايزة استفسر عن نقطة "تمشي بلا حجاب.. خطأ" دي
خطأ ازاي يعني؟ لو هي محتشمة ولابسة لبس محترم, يبقى ايه الخطأ اللي فيها؟
ارجو التوضيح
خالص تحياتي
العزيز اسامة
عفوا, لا اتقبل اعتذارك يا سيدي الفاضل
فلقد امتعتني قراءة تعليقك المختصر والنظرة الشاملة التي طرحها في توضيح المشهد المصري ككل
اشكرك على هذا الثناء الرقيق وارجو ان اثبت استحقاقي بهذا التقدير
خالص تحياتي
العزيزة وينكي
بجد دمي اتحرق من الموقف اللي انتي حكيتيه. ازاي وصلت الامور للدرجادي؟
معقولة يعني أي وحدة مش محجبة يتعتبر مسباحة للتحرش بيها سواءا بالكلام أو التصرفات؟
انا بجد ابتديت احس ان فيه اضطهاد لغير المحجبات
وللأسف اتعرضت لمواقف كتير مش ممكن تحصل في اي مكان ف الدنيا
الناس بيدوا نفسهم الحق انهم يئذوا أي واحدة مش محجبة, كأنها ملطشة ومفيش حد ممكن يدافع عنها
انا مش عارفة الناس فقدت الذاكرة ولا ايه؟ هي مصر من عشرين سنة بس كانت كدة؟ وبعدين لما الرسالة اللي عايزين يوصلوها هي ان اغلب البنات المسلمات لابسين حجاب, طب هما عايزين ايه؟ لازم يعني مفيش ولا واحدة تمشي بشعرها؟ ليه الارهاب والضغط المستمر ده؟ هي مسألة اجبار وخلاص؟
معلش يا وينكي. الناس قدامها كتير عشان ترجعلها الذاكرة وتتعلم تقبل بعض زي زمان
خالص تحياتي
في الحقيقه انا مش عارف هو حضرتك عندك كام سنه شكلك بتفكري بتفكير العيال الصغيره!!!؟؟
مين اللي قال في مقاله
في حين إن الحجاب اللي هو غطاء الرأس ذكر في حديث واحد فقط وهو حديث ضعيف
لما الستات بتتجاوب بالطريقة دي نتيجة للضغط من مجتمعنا الأبوي اللي بيحاول يفرض نظام أخلاقي بيعتمد علي النظرة الاحادية والمظهر الخارجي
عفوا انت كده تفكيرك مقتصر انا مالي ومال قلب الواحد
انا مليش الا المظهر انا لما اشوف واحد ماشي مع واحده وبيهزر معاها في الشارع وصوتهم جايب اخر الشارع من الضحك ولما يركب عربيه او اتوبيس بسيب ايديها ومش فارقه معاه الزحمة مش هقول ده ماشي مع خطبته ولا مع مراته ولا مع امه لا ماشي مع واحده رقاصه قليلة الادب ليه علشان لو ماشي مع اي واحده بيخاف عليها احنا بنحكم على الواحد من المظهر يا مدام لاني ده اللي بشوفه بعيني لما اشوف حاجه تانيه اغير راي
أيوة والله كدة.. بنت معاقة ذهنيا, يعني ساقط عنها التكليف, ولابسة حجاب. أنا إنزعجت جدا ومكنتش مصدقة عيني
ليه ياعني تقلع خالص
وقلتلك بنت ده بنت واللي يسقط عنه التكليف المجنون مش المختل عقليا رفع القلم عن ثلاثه ومنهم المجنون انا معرفش انت اللي بطلعي فتاوى من نفوخك ابقى بعد كده يا مدام
شوفي انت بتكتبي ايه في البوست بتاعك علشان تفهمي الردود
مطولش عليكي ومش هرد على شتيمك لان العيل الصغير هيعرف ان ردودك رد واحده مش فاهمه انا رايح استغفر ربنا اصل انا قلت اللي ميلبسش الحجاب يبقى عاصي
ma3lesh ana ma3reftesh a2ra kol el comments we kawent ra2ye 3la tool...bas momken yekoon 3shan ento geeto 3la aktar 7aga bakraha fe 7yate :D.....leh bengama3 kol el 7agat ma3 ba3deha :D wa7da mo7agaba aw monaqaba we msa mo7tarama we bte7res enaha terdy rabena yeb2a deh begad n2olaha rabena yekremek we yegzeky...wa7da mo7agaba we bte3mel 7agat 3'alat teb2a 3'alat...we wa7da mesh mo7agaba_ 3an ra2ye_shayef enaha feha 7aga 3'alat...momken ba2a tkoon kwysa aw mesh kwysa mesh ha2dar a7kom 3leha...leh betgama3o dool ma3 ba3dehom we lama wa7da t2olaha et7ageby t2olak mafeh mo7agabat mesh kwyseen we islamyeen mesh kwyseen..we nafs el mawdoo3 dah fe kol 7aga fe 7yatna.. kolo 3andena saboon keda we ben7awel net7ageg be ay 7aga
بوست جميل ..
لكنّى أختلف مع الفرضيه الأساسيه التى يطرحها ..
دلوقت موضوع القطبيه ده لم يعد متحقّق .. محدّش بيعطى للمرأه صك الغفران لمجرّد ارتدائها الحجاب أو حتى النقاب !!
بالعكس كما ذكرت بعض التعليقات هناك من يتشكّك أكثر فى المحجّبات و المنتقبات و يعتبر ما يرتدينه مجرّد ساتر يتخفّين خلفه لممارسة أفعال شائنه ..
بالظبط زى ما محدّش بيعتبر عدم ارتداء الحجاب دليلا على تفتّح العقل أو قبول الآخر ..
الحكم على إنسان أصبح يحتاج ما هو أكثر و أعمق كثيرا من المظهر !! ولا أتخيّل أن أحدهم سيذهب لخطبة امرأه لمجرّد أنّها ترتدى الحجاب دون التحقّق من سلوكها الخلقى الحقيقى و إلاّ يبقى زيّه زى اللىّ بيخطب بنت لمجرّد إن شكلها أعجبه !! الاتنين يستاهلوا لو طلع الجوهر مختلف عن المظهر
كما أنّى أتعجّب من الزعم أن الغير محجّبات فقط هنّ من يتعرّضن للتحرّش و قلّة الأدب !! هذا الكلام بكل بساطه غير صحيح ..
النقطه الأخرى التى تثير تعجّبى و التقطتها من خلال قراءة بعض التعليقات وليس كلّها للأسف هى الحكم على من يضعون الحجاب على رؤوس بناتهم الصغيرات بالتخلّف رغم استيائك ممّن يسدين لك النصح بارتداءا الحجاب !! أنا باشوف الموقفين فيهم شبه من بعض .. حكم على الآخر و تدخّل فى اختياراته دون مبرّر .. لا أعنى بكلامى هذا اتّفاقى مع حرمان الأطفال من ممارسة طفولتهم و الاستمتاع بها .. لكنّى فقط أعترض على إطلاق صفة "التخلّف" على من اختاروا اختيارات تختلف عن تلك الخاصّه بنا
بالمناسبه أنا أيضا أجد صعوبه فى العثور على ملابس ذات ذوق جيّد و لا هىّ "ستّاتى" مصنوعه بأقمشه ثقيله داكنه ولا هى بديهات و حمّالات ولا أجد ما أبحث عنه سوى بصعوبه شديده رغم أنّى محجّبه و يفترض أن الدنيا بمبى فى عيونى بسبب اهتمام محال الملابس بأزياء المحجّبات
الأزياء فى مصر تصنع بطريقه لا تناسب المصريات سواء كنّ محجّبات أو غير !! ستجدى مثلا فى موسم من مواسم الصيف القريبه الماضيه أن كل الأزياء كانت من الشيفون الشفّاف !! يعنى مش بس لازم تلبسى هدوم تحت الهدوم كى يصير لها وظيفة ستر الجسد لأ دى أصلا مصنوعه من أقمشه لا تناسب الطقس الحار فى مصر !! كتير جدّا باقف أمام بلوزه نص كم جميله جدّا و أفضل أتحسّر و أقول يا سلام لو بس كانت بكمّ طويل كانت تبقى عظمه !! و ستلاحظى حتى أن كثيرات من المحجّبات اتّجهن لارتداء بديهات "كارينا" تحت بلوزات نص كم ببساطه لأنّها فى الغالب مصنوعه بذوق أكبر .. قارنى بين ملابس المحجّبات و ملابس الغير محجّبات فى محل واحد و احكمى بنفسك !! الأدهى و الأمر أن انتقل هذا حتى لملابس الشتاء !! اللىّ مفروض انّها بالنسبه للمحجّبات و الغير محجّبات مش هتفرق بقى كلّه بكمّ طويل !! لأ المفاجأه فى الشتاء ده كانت ظهور بلوفرات وبلوزات شتوى بنصّ كم !! أفهم ليه بقى و مين اللىّ هيلبس الحاجات دى !! يمكن بس اختلاف النقطه التى نقف عندها هو اللىّ بيخلّى الصوره اللىّ كل واحده بتشوفها تكاد تناقض الصوره التى تراها الأخرى :)
تحيّاتى..
اولا انا هرد علي كذا محور
المحور الاول مدافعا عن الحجاب
ردا علي الجملة الغريبة جدا دية
"حين إن الحجاب اللي هو غطاء الرأس ذكر في حديث واحد فقط وهو حديث ضعيف"
بصراحة انا مش عاوز اقلب المدونة خناقة عن الحجاب
يا افندم في مئات الكتب مكتوبة عن فرضية النقاب مش الحجاب
انا الحجاب فهو مذكور في القران
الي المفروض نكون مؤمنين بية
الا اذا ...
هو دة المحور الاول بالنسبة بقي لبقيت البوست
مممممممم
حضرتك الي مزعلك ان مفيش وسط يا حجاب يا بيكيني
بصراحة انا مش شايف مشكلة لأن دية هو الواقع في اي حاجة و كل حاجة
يا ناجح يا ساقط يا جنة يا نار يا ملتزم يا مش ملتزم
فشئ منطقي انة يا يبقي حجاب يا بيكيني
لأن الطبيعي ان حضرتك عايشة في مجتمع مسلم ملتزم بقيم الاسلام الي حد ما
فلما يجي يلبس هيلبس زي الاسلام
الا الناس الي هما مش مسلمين او منتسبين للاسلام اسما بس
و مش عاوزين يطبقوا تعاليم الاسلام
الي هما زي حضرتك كدا يعني
هيدورا ع العكس
و طبعا الطبيعة البشرية الممنوع مرغرب فيققوما قلبنها مايوهات
بس كدة
يبقي المشكلة عندكوا انتوا مش عند الناس الي بتحافظ علي دينها
الحاجة التالتة الي عاوز اعقب عليها هي الاطفال الي بيلبسوا الحجاب
ممممممم
الموضوع بسيط اوي اوي لما حد بيتعلم الصلاة من وهو صغير اكيد هتفرق معاه
يعني بمعني اصح من شب علي شئ شاب علية
بس ف الاطفال بتعلموا العفة من هما صغيرين علشان يبكبروا و هما عارفين يعني اية شرفهم و يعني اية كرامتهم
يبقوا عرفين انهم مش زي اي لحم رخيص بيلبس مايوهات
الحاجة الرابعة الي عاوز ارد عليها
"أنا: آه .. يعني هما عايزين يغطوا شعرهم وف نفس الوقت يلبسوا حاجة تحدد جسمهم .. إيه الجمال دا! .. طيب، اللي بقي عايزين يلبسوا حاجة معقولة؟ يروحوا فين؟"
معقولة ؟؟
بصراحة انا مش شايف لمعقولة دية مكان في مجتمعنا لأننا زي ما قولت مجتمع مسلم
ينقسم لتلت اجزاء ناس كويسين و ملتزمين بتعاليم دينهم
و الجزء التاني هما ناس انشقوا عن الناس الكويسين الي بيلبسوا الحجاب و ببينوا جسمهم و دول كتير مش قليل
الجزء التالت الي بيلبسوا مايوهات
دة التقسيم المنطقي
و لو زعلانة من حد ازعلي من الي مش بيطبقوا كلام ربنا و يلبسوا الحجاب
و لي رد قريبا علي الردود
الحقيقه انا مش هعلق على اى حاجه فى الكلام ده كله
غير على جمله و احده و هى ان الأمر بالحجاب مظهرش غير
فى حديث و هو حديث ضعيف
بس ده مش معناه انى موافق على بقيه الكلام اللى مكتوب معناه بس انى هتجاهله
عشان مش احب انى ادخل فى نقاشات ملهاش لازمه
الآيه القرآنيه التى تؤكد فرض النقاب و ليس الحجاب فقط هى
بسم الله الرحمن الرحيم
{قوله تعالى ( يَاأَيُّهَا النَّبِيُّ قُلْ لأَزْوَاجِكَ وَبَنَاتِكَوَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلابِيبِهِنَّ ذَلِكَأَدْنَى أَنْ يُعْرَفْنَ فَلَا يُؤْذَيْنَ وَكَانَ اللَّهُ غَفُورًا رَحِيمًا ) الأحزاب / 59}
وطبعا الآيه مش محتاجه تفسير
ان يدنين عليهن بجلابيهن حتى لا يعرفن : معناها ان الحجاب
اللى انتى لبساه المفروض مش يخلى الناس تشوف وشك الجميل
و على فكره بعض الأمه اكدوا فرضيه النقاب على الجميلات
يعنى لو انتى شايفه نفسك جميله وفاتنه للناس يا ريت تتنقبى
و على فكره المنقبات اول ناس بيتخطبوا و يتجوزا قبل اللى معريين شعرهم
لأن كل واحد بيدور على البنت المتدينه عشان يرتبط بيها
لكن البنت اللى معريه شعرها غالبا بتتصاحب اكتر
فلا يؤذين : حتى لا يتعرضن للإيذاء و طبعا مفيش ايذاء اكتر من
ان معدل الأغتصاب فى مصر
هسيبلكم دى تبحثوا عنها فى جوجل
بس دى العناوين اللى قريتها
*حاله اغتصاب كل ساعتين
*عشرين الف حاله اغتصاب سنويا فى مصر
*صحيفة العالمية - 122 ألف حالة اغتصاب وجريمة كل 30 دقيقة في مصر
لكن لو بصيتى على نسبه حالات الأغتصاب مثلا او التحرش الجنسى بالمنقبات هتلاقيها مفيش مقارنه اصلا متوصلش لنصف فى المائه
بالنسبه لغير المنقبات
نقطه اخيره معلش بس عشان بسمعها كتير يقولك
و انت فاكر ان المنقبين دول كويسين دا فى ناس و سيدات بتتخفى فى
النقاب و بيتسخدموه لاغراض قذره
هقولك بصى لرجال الشرطه
مفيهم الكويس و فيهم الوحش
فيهم اللى لابس لبس الشرطه و بيقيم العدل و بيمسك المجرم و
بيرأ البريىء
و فيهم اللى بيعذب و بيبهدل فى اقسام الشرطه
ده مش معناه ان اننا نلغى الشرطه بقى عشان فى شرطيين وحشين
لكن معناه ان احنا لما نلاقى حد وحش نقوله انت وحش
و لو حد يعنى بجد عايز يعرف عن الموضوع ده اكتر فيه لينك حلو اوى قابلته
فيه باقى الادله على النقاب من السنه و القرآن
http://www.ipc-kw.com/vb/showthread.php?t=2799
اما بقى بالنسبه للحجاب فى الأطفال
فانا مش عارف صراحه مقرتشى فيه
بس معتقدش ان الحجاب بيضرهم فى حاجه يعنى
و غالبا هما اللى بيطلبوا كده من باباهم و مامتهم
لأنهم بيحسوا ان ده الصح
و بيحسوا ان ده بيرضى ربنا فبيعملوه
و سمعتها كتير ان البنت بتتحايل على مامتها انها تتحجب و مامتها هى اللى بتقولها استنى اما تكبرى
لكن حكايه الغصب و الإكراه دى فاعتقد انكوا عاطين الموضوع اكبر من حجمه اوى
و بعدين حجاب المرأة المسلمة فرض على كل من بلغت سن التكليف ، وهو السن الذي ترى فيه الأنثى الحيض ، وهذا الحكم ثابت بالكتاب والسنة وإجماع الأمة
بس عشان انا مش متعود اتكلم فى المدونات
لكن حظى انى شفت مدونتكم صدفه كده
معلش انا بتكلم عاميا و باسلوب ضعيف
اه فى حاجه كمان انا يمكن مش ليا اوى فى السياسه بس ارائكم السياسيه
هنا فى المدونه كويسه و مقنعه بس نصيحتى
يا ريت تيجوا عند الدين و محدش ينطق و الا يتكلم الا و هو عارف
هو بيقول ايه
عشان متبقوش من الذين قال الله فيهم
{أَرَأَيْتَ مَنِ اتَّخَذَ إِلَهَهُ هَوَاهُ أَفَأَنتَ تَكُونُ عَلَيْهِ وَكِيلاً}
يعنى اللى هم بيخلوا كلام ربنا و اوامره على مزاجهم اللى يعجبهم يمشوه
و اللى مش يعجبهم يقولوا لأ الكلام ده غلط و محصلش
+ دى فتوى الحجاب كامله من دار الأفتاء المصريه
من فتاوى دار الإفتاء المصرية عن الحجاب:
فتوى رقم: 4070
التاريخ: 4-12-2005
المفتي: أمانة الفتوى
السؤال
اطلعنا على الطلب المقيد برقم 2299 المتضمن : هل يُعد الحجاب للمرأة المسلمة من فروض الدين أو من العلامات التي تميز المسلمين عن غيرهم وتدل على إسلامهم؟.
الجواب
إن حجاب المرأة المسلمة فرض على كل من بلغت سن التكليف ، وهو السن الذي ترى فيه الأنثى الحيض ، وهذا الحكم ثابت بالكتاب والسنة وإجماع الأمة ، فالكتاب : قال الله تعالى : ( يَا أَيُّهَا النَّبِيُّ قُلْ لِأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلابِيبِهِنَّ ) (الأحزاب 059) وقال تعالى في سورة النور : ( وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلا يُبْدِينَ زِينَتَهُنَّ إِلَّا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ وَلا يُبْدِينَ زِينَتَهُن َّ) (النور 031) . وأما الحديث فيقول النبي صلى الله عليه وسلم : " يا أسماء ، إن المرأة إذا بلغت المحيض لم يصلح أن يرى منها إلا هذا وهذا . وأشار إلى وجهه وكفيه " رواه أبو داود .
وهذا إجماع المسلمين سلفاً وخلفاً ، وهو من المعلوم من الدين بالضرورة ، وهذا لا يعد من قبيل العلامات التي تميز المسلمين عن غيرهم ، بل هو من قبيل الفرض اللازم الذي هو جزء من الدين .
ومما سبق يعلم الجواب عما جاء بالسؤال
والله سبحانه وتعالى أعلم
رقم الفتوى: 316
التاريخ: 22- 12- 1979
المفتي: الشيخ جاد الحق علي جاد الحق
القواعد العامة
1- النصوص الشرعية توجب على المرأة المسلمة أن تستر جميع جسدها فيما عدا الوجه والكفين فلا يجب سترهما على ما عليه أكثر فقهاء المسلمين.
2- إبداء ما عدا ذلك حرام إلا للزوج أو المحرم ممن ذكرهم الله عز وجل فى كتابه الكريم.
3- تأثم الزوجة إذا خالفت ذلك بإجماع علماء المسلمين.
4- للزوج شرعا ولكل ولى كالأب والأخ والابن إجبار المرأة على الالتزام بما فرضه الله.
5- للزوج ولاية إجبار زوجته على ستر جسدها، بل عليه ذلك حتما وإلا شاركها فى إثمها.
6- له إن خالفت ولاية تأديبها بالموعظة الحسنة ثم بالهجر فى المضجع ثم بالضرب غير المبرح مع الصبر عليها فى النصيحة والعظة.
يلا سلام عليكم ورحمه الله و بركاته
و ربنا يهدينا و يهديكم
انا بحب مدونتك جدا يا فانتازيا وانتي في البوست ده قدرتي تعرفيني ليه بقالي 4سنين مش عارفة اظبط دولابي الصيفي وكل صيف الف احياء القاهرة الكبرى كلها بحثا عن شىء يناسبني واكون محظوظة لو رجعت البيت ومعايا قطعة او اتنين بعد الجولة المكوكية علشان كده بقى شرا اللبس الشتوي اسهل وبقى عندي حاجات كتير شتوي اكتر من حاجة هذا الموسم القصير الاغرب اني لما بشتري حاجات بكم علشان انا بشرتي حساسة بلاقي اصحابي بيقولولي الحاجات دي مش ليكوا (يقصدوا المسيحين
وكان العري هو صناعة مسيحية فقط
بصراحة انا معجبة جدا بالجيل السابق وهو جيل الوسط لانه كان جيل مثقف ثقافة حقيقية ومتحرر ومحتشم وانيق ونادرا ما كنتي تشوفي واحدة محجبة ودول بيدرسولي في كلية الالسن
Post a Comment