Saturday

رأس ميدوسا

كانت جميلة .. تبهر الجميع .. كانت كالجائزة المستحيلة .. كالثمرة الممنوعة .. مزيج من سحر النساء .. كانت مصدر الإلهام لكل العشاق
كانت حورية تحولت إلي مسخ مخيف.. أبشع ما صور الخيال البشري عبر التاريخ .. إنها ميدوسا.
كل اللي باقي ونعرفه عنها هو رأسها المخيف .. صورتها وهي بتصرخ صرخة أبدية لما البطل الإغريقي برسيوس نجح في قطعها.
كام واحد منكم يعرف القصة التراجيدية بتاعت ميدوسا؟ الحورية الجميلة اللي كان بيحلم بيها كل اله وكل فان ... عمرها ما خضعت أبدا لأي عرض أو تأثير من أي عاشق أتقدملها عشان يخليها من ممتلكاته الثمينة. كانت بتحب الحياة .. فضلت تخلي جمالها مصدر لإلهام الشعرا والفنانين وتستغني عن الرجال. لكن واحد من الآله الرجال قرر ينهي اللي كانوا شايفينه غرور .. ف معبد أثينا وهي بتصلي وبتشكر الآلهة علي جمالها .. آله البحر بوسيدون إغتصبها.
ميدوسا كرهت نفسها وكرهت العالم .. طلبت من الآلهه إنهم يرحموها ويحموها من الرجالة .. وافقولها علي طلبها .. الآلهه حولت شعرها الجميل لتعابين وأفاعي .. ووشها لجميل إتحول لوش مخيف .. كمان بقي أي راجل يبص لوشها يتحول لصخر. بالطريقة دي إختارت ميدوسا إنها تتخلي عن جمالها في مقابل اﻷمان وإنها تشوف وتستمتع بنظرة الخوف والرعب ف عيون الرجالة وهما بيتحولوا لحجر.
ورغم كل دا برضه مسبوهاش لوحدها .. الملك بوليدستس ملك جزيرة سريفوس كلف البطل الإغريقي برسيوس بمهمة قطع راس ميدوسا .. برسيوس مكنش بطل زي ماهو باين .. هو استخدم خوذة جعلته يختفي وحذاء بأجنحة ودرع بيلمع زي المراية .. بالطريقة دي قدر يبص علي ميدوسا من غير ما يبص لوشها مباشرة .. يعني الموضوع كان سهل جدا .. بس اﻷسطورة حولت برسيوس إلي بطل
عظيم مخافش من ميدوسا مصدر رعب الرجال
.
السبب ف إني باحكيلكم كل القصة الطويلة دي هو إني أوريكم

إن أي إمرأة تتجرأ وتتحدي غرور و غطرسة الرجل .. حتي ولو كان دا عشان حمايتها الشخصية .. مش بس هتنتهي نهاية مأساوية .. لا دا كمان هيكون ليها ذكري تصور الرجال علي إنهم أبطال وهي وكأنها الشيطان. ميدوسا كانت البداية .. تذكرة لكل البنات عشان ميتجرأوش ويفكروا زيها - إنهم يقدروا يستغنوا عن الرجال أو يهددوهم - وكمان تذكرة لكل الرجال إنهم ميسمحوش أبدا لأي إمرأة إنها تتحداهم أو تسببلهم خوف .. وإنه لازم يتم إستئصالها .. راسها لازم تطير وسمعتها لازم تتبهدل .. بذمتكوا الكلام دا مش مألوف بالنسبالكوا؟
كل اللي بيطالبوا بحقوق المرأة الأيام دي بيطلق عليهم ألقاب سيئة .. نظرية المساواة بين الجنسين فجأة أصبحت سيئة السمعة .. عشان كدا مش غريب إن أي إمرأة بتطالب بالمساواة بتوصف بأسواء اﻷوصاف. لو كنتي فخورة بجنسك و مبسوطة بكونك إمرأة فأنتي ساقطة. لو كنتي بتطالبي بتحرير وحرية المرأة فأنتي شيطان يحاول تدمير المجتمع وأخلاقه! أخلاقة .. هههههه. لو كنتي بتسعي لإستقلالك وحقك ف إنك تعيش حياتك وفق قواعدك إنتي فإنتي منبوذة . لو مش عايزة تلبس الحجاب تبقي كافرة. لو عايزة تشتغلي ويبقي عندك مهنة تبقي راجل. لو بتهتمي بقضايا ومشاكل جادة وعايزة تعملي فرق يبقي إنتي مريضة نفسيا.
لكن لو كنتي كارهة كونك إمرأة ومحتقرة جسمك وبتكرري اللي بيقولوه الرجالة عنك تبقي من الفضليات. لو معندكيش أي أهداف جادة ف الحياة فدا منتهي الكمال والمثالية. لو إنتي كسلانة وعايزة تقعدي ف البيت طول اليوم متعمليش حاجة وتعيشي ذى الكائن الطفيلي مستنية راجل يأكلك ف إنتي مرحب بيكي جدا. لو كارهه حياتك ومستنية الموت عشان السكينة والسلام يبقي إنتي متدينة. لو متغطية من فوق لتحت بالاسود يبقي إنتي محترمة. لو مبتعمليش حاجة بناءة فيها إبتكار يبقي إنتي عارفة إنك لازم تسيبي الكلام دا للرجالة .. برافو عليكي. لو معندكيش أي آراء وأفكار شخصية تبقي مفكرة هايلة. لو شايفة إن دورك الوحيد ف الحياة إنك تشبعي جوزك وتجيبي وتربي العيال يبقي إنتي وصلتي لأقصي درجات الحكمة والعقل.
مجتمع مريض!
المجتمع دا مش مهتم يشوف إنه حول كل نساءه وبناته إلي ميدوسا. ... كذا ميدوسا صامتة، تحت الغطا .. كل واحده بتدور علي الإنتقام بطريقتها.
خلال دا كتير منهم أصبحوا محطمين .. وجيل بعد جيل هيدفع التمن .. الجثة الملفوفة ف السواد هتمد كفنها وتلفه حوالين رقبة الجميع .. مش هتسيب حد يهرب من حبل مشنقتها الاسود .. هذا الكائن الطفيلي هيزود البؤس والفقر الموجود ف بلده .. الغبية اللي مستخبية ورا ضعف شخصيتها وقلة موهبتها هتزود الجهل وفقر الثقافة ف البلد .. مصنع الجنس والإنجاب مش هيعمل حاجة غير إنه يزود عدد الكائنات البائسة في هذا المجتمع المزري.
ميدوسا بتاعت النهاردة مش محتاجة حد ييجي يقطع راسها عشان راسها ملهاش لزمة أساسا .. عايشة تحت غطاء الطاعة والرضوخ وهي بتدمر المجتمع اللي رافض يعاملها كانسان كامل. الرعب بتاعها مش باين ف عيون الرجالة .. بس موجود ومدمر أكتر بألف مرة لإنه هيحول المجتمع كله لحجارة.
المجتمعات الأبوية من زمان نشرت كذبة إن الخطر موجود ف دماغ إمرأة مفكرة .. بس رأس ميدوسا الحقيقية هي الرأس الفارغة ف كل إمرأة .. عشان كدا لما تشوف بنت بتحارب عشان حريتها وإستقلالها م تستغربش وتتوتر .. ولما تشوف بنت بتعشق الحياة ومركزة علي أهدافها متتريقش .. ولما تشوف بنت أحلامها كبيرة والجواز مش أقصي أمانيها متتخيلش الفكرة الغبية بإنها معقدة وعندها مشاكل نفسية .. لما بنت تتجاهلك متاخدش الموضوع وكأنه تحدي شخصي وتصمم تخليها تجيلك راكعة .. لو فعلا عايز تبقي راجل خليك ناضج ومسؤل ف منافستك .. حاول تكون ناجح ومركز زي البنت .. آه.. تخيل! مفيش حاجة غلط إنك تعمل زي بنت .. مش غلط إنك تعترف إن فيه بنت تستحق الإحترام وإن فيه حاجات تتعلمها منها .. إتخلص من فكرة إن أنا اﻷفضل وإنها هي اللي المفروض تجري وراي .. حاول تتعاون بدل ما تسحق انسان عشان تثبت إعتقاد خاطئ .. حاول تشوف جمال الحياة وفيها تنوع وتكامل، مش لما يبقي حد أفضل من حد .. حاول تفهم الحياة صح قبل ما كل ميدوسا موجودة تحول الحياة لجحيم .. إحذر

Translated by The Alien

7 comments:

Guevara said...

فانيازياعندما ينظر الرجل الي المرة من منطقة واحد فقط فانة يدمر الطبيعة البشرية كلها ويحول دور المرة من اسنان متامكل لة كل الحق في الحياة والحرية الي انسان اخر لة دور اخر
وهذاولاسف فكرة موجود في الثقافة العريبة
وانا بضم صوتي الي صوتك
كلنا واحد

themyth said...

ميدوسا فى الاسطورة انة كل ما ينظر اليها يتحول الى حجرو ان ميدوسا هى عجوز شرير و انها تستمد شبابها من البنات الشبات ب السحرالاسود و يقال ان هرقليز قد هزم شرها كما جاء فى الاسطورة و يقال ايضان ان الاخ الزميل رفعت اسمعايل هزم سحرها بتجوية المراءة فعندما رائت نفسها تجمدت و تحولت الى صخر كما جاء فى الاسطورة ميدوسا فى ما وراء الطبية
www.lifeonnile.blogspot.com
add me just4peac@hotmail.com

Fantasia said...

guevara,
kalam hayel. ashkorak 3la elta3lee2 elra2e3. sa7ee7 lel2asaf elbashar ba3d kol taree7'hom eltaweel dah, mesh 2dreen yshoofo enohom wa7ed, 7'ososan fi thaqafetna el3rabya. laken dorna enenna ne3'yar elthaqafa elsaydah wn7'aleeha aktar ensanyah.

Fantasia said...

the myth,
el2ostorah laha kaza qessah. 2ostoret Medusa ta7deedan kan leeha aktar mn rowayah. ana katabt aktar rowayah mowathaqah. argo morag3et elpost belenglizyah.
http://fantasia4ever.blogspot.com

hartaka said...
This comment has been removed by the author.
hartaka said...

اهلا بيك يا فانتازيا وشكرا على تعليقك المشجع فى المدونة بتاعتى
وتحليلك للاسطورة بتاعة ميدوسا جديدة وبتدعو للتأمل فى الاساطير من كذا زاوية
بوست جميل ومبتكر

Fantasia said...

hartaka,
ashkorak geddan. modawantak fe3lan mo7'talefa wfeeha mawdoo3at garee2a. taree2et eltanawol hya aktar shee2 3agabny. atmna leek kol eltawfee2.sa3eeda awi bkalamak 3an elpost dah. ana b3taz beeh geddan wkan fat7et 7'eer l2oh kan elsabab fi wogood elmodawanah el3araby di.
ya reet tsharafny dayman. t7yaty.