Wednesday

رجال خارج الغابة


الغابة هي الجنة اللي بيتمناها كل الرجالة .. هي البيئة المثالية ليهم. ميقدروش يعيشوا بعيد عن حياة الصيد والمغامرة والإستفادة من قوتهم العضلية. هو دا اللي بيحسسهم بالرضا والفخر. دا اللي بيخليهم يحققوا أعظم الإنجازات ويوصلوا لأكبر متعة. الرجالة عايزين يصارعوا الوحوش ويصطادوها للأكل. الراجل محتاج يتخانق مع راجل تاني علي واحدة ست عشان يعرف مين الأقوى ومين اللي يستحق الجايزة. عشان كدا طبيعتهم البربرية بتمنعهم من الإستمتاع بالحياة المتحضرة .. اللي فيها الأنسان بيتوزن بدماغه مش بعضلاته! هما ميقدروش يتعاملوا مع دا. ساعات بيصعب علي الرجالة انهم يصدقوا إن أيام الغابة خلاص راحت .. دلوقتي ميقدروش يتنططوا من شجرة لشجرة أو من ست لست .. ميقدروش يخرجوا يجربوا قوتهم ويرجعوا البيت بعد ما يكسروا أسهم منافسينهم .. ميقدروش يطلعوا يصطادو عشان يثبتوا شجاعتهم ويسمعوا كل أعضاء اﻷسرة الجعانين يهنوهم لما يرجعوا باﻷكل .. كل اﻷيام الحلوة دي إنتهت.

الرجالة مش قادرين يقبلوا الحقيقة .. لسه عايشين ف اسطورة إنهم منقذين العالم وحماة نص سكان العالم, اللي هما المخلوقات الضعيفة الغلبانة اللي اسمهم ستات. إذاي الستات هتعيش من غير الرفقاء الأقويا دول، بأجسامهم القوية وزئيرهم العالي اللي بيخلي اﻷعداء يبعدوا؟ إذاي نقدر نستمر ف الحياة من غير ما يكون جنبنا راجل يحيمنا؟



مش قادرين يصدقوا إننا مش عايشين ف الكهوف خلاص .. بسهولة تقدري تشتري أو تأجري شقة بباب جامد وقفل متين .. فيه خدمة كويسة اسمها البوليس تقدري تبلغي عن الرجالة الاشرار وتخليهم يدخلوا السجن. فيه مجتمع متحضر الناس فيه بتشتغل ف مكاتب باللي إتعلموه واللي قدراتهم الذهنية وإمكانياتهم تؤهلهم ليه. أحسن ناس ف المجتمع دلوقتي هما أكتر ناس ناجحين ومبدعين, مش اﻷقوي واللي بنيانهم أكبر. الصيد والمصارعة بقوا ألعاب لوقت الفراغ مش طريقة تكسب بيها عيشك. الستات بتختار شركائهم بناء علي أسباب منطقية وعاطفية .. هما مش عايزينك تصطادهم عشان تستمتع بفوزك المزيف. لو واحدة ست إختارتك، فدا مش بسبب دهائك الفظيع ولاكونك صياد ماهر .. دا ببساطة لإنه قرارها. ممكن تسيبلك وقت تمارس فيه كل اﻷلعاب اللي إتعلمتها ف الغابة .. عشان هي تتسلي وكمان إنت ترضي غرورك. وممكن كمان تكملك الأسطورة لما تقلك كل الكلام اللي راجل الكهف بيحب يسمعه: "إنت أول حب ف حياتي" ، "إنت أحسن راجل ف الدنيا" ، " إنت الوحيد اللي قدر يفوز بقلبي" .. وكل الكلام الفارغ دا.

الرجالة بيشتكوا من إن البنات مش صريحين وواضحين معاهم وإنهم دايما بيكدبوا عليهم. طب شوفوا ليه .. إنت عايش ف عالم خيالي ورافض تنزل علي اﻷرض وتعيش كإنسان .. لو البنت إترقت ف الشغل بتتجنن .. لو البنت جريئة وقالت إنك عاجبها وبينت إنها مهتمة بيك، الصيدة بتاعتك هتبوظ وتروح تدور علي صيدة جديدة أصعب (أو اللي إنت فاكرها صيدة أصعب) .. لو البنت إتكلمت وعبرت عن اللي بيدور فدماغها هتعتبرها سهلة وتعاملها من غير إحترام .. لو البنت قالت إنها مش محتاجة حماية هتتخيل إنها بطلة أفلام جنس.

أنا بحزن جدا لما بشوف إن الرجالة مش قادرين يعيشوا برة الغابة .. بس برضه بحذر من إننا نخدعهم ونخليهم يصدقوا إن قوانين الغابة هي اللي لسه بتحكمنا دلوقتي. الإستمرار ف دا كان السبب ف كوارث كتيرة على المجتمع كله. أنا عارفة إنه هتجيلهم صدمة عصبية لما يواجهوا الحقيقة .. إن ميزتهم الوحيدة (القوة العضلية) ملهاش فايدة ف العالم دلوقتي .. مسدس صغير يقدر يقتل ألف راجل .. الست تقدر تدافع عن نفسها كويس قوي من غير بودي جارد. وإن التغيير من ست لست بقه اسمه ف كل قواميس العالم خيانة. أنا أسفة ياولاد .. بس أحسنلكم تواجهوا الحقيقة

11 comments:

Guevara said...

قال لها سمعت أحدهم يقول أن الخيانة أنثى ..

فقالت له ورأيت أحدهم يكتب أن الغدر ذكرا ..

قال لها ولكنهم يقولون أن الخديعـة أنثـى..

فقالت له بل هن يقلـن أن الكـذب ذكـرا ً..

قال لها هناك من أكّد لـي أن الحماقـة أنثـى

فقالت له وهنا من أثبت لي أن الغباء ذكـرا ً

قـال لهـا أنـا أظـن أن الجريمـة أنـثـى

فقالـت لـه وأنـا أجـزم أن الإثـم ذكـرا ً

قـال لهـا أنـا تعلمـت أن البشاعـة أنثـى

فقالـت لـه وأنـا أدركـت أن القبـح ذكـرا

Fantasia said...

guevara,

ana ba7eb el7ewar da awi. da mesal ezay elragel byolqy etehamat 3al mar2a mn gher myefakar fi 7a2ee2et wad3oh. ya3ni howa fedel yermelha kol wa7da kedda, faker enoh haywasalha enha mtla2eesh egabah. nesy en eza kan elso2al zakar, falegabah onsa.
shokran 3al ta3lee2 elgameel.

Sharm said...

Congratulations

You win by World United Bloggers Award ( WUBA )
You was the choice of more than 210 bloggers represent 74 countries .

Check the WUB web Site to receive your Award
www.worldub.blogspot.com

Sharm
WUB Chief
( This Is Not Spam )

Fantasia said...

sharm,
It's such an honor to receive the WUB award. I'm extra happy cause this Arabic version is still a new project, which could never have been possible without the help of The Alien. This award thus means a lot to us and will certainly motivate us to enhance our blog. Thank you.

ياسمين said...

ما أحمق الرجال .. يدفعون المال لإمرأة داعرة علمت بذكائها الفطرى منذ الأزل أنكم حمقاء تدفعون المال فتفوز به

ويلهثون وراء امرأة يعتقدونها فريسة بينما هى تفوز بالمتعة مثلكم تماما ويمكن أكثر

يدفع الرجال المال ويبذلون جهدا كبيرا للفوز بعلاقة فى الفراش مع امرأة ما
ويتباهون أنهم أوقعوا بها واستطاعوا الحصول على جسدها وكأنها صنعت من خشب ولا تحصل على جسده فى المقابل

السؤال هو

لماذاتستطيع بسهولة أن تحصل المرأة على المال والمتعة والأطفال أيضا من علاقتها بأى رجل بينما يظن الرجل بشدة انه هو من ضحك عليها وحصل على المتعة؟؟؟

أليس هذا هو قمة احتقار الذات من الرجل لنفسه؟؟

تحياتى

اجندا حمرا said...

congratulations fantasia&the alien
u deserve it dear:-)

د /إياد حرفوش said...

عزيزتي ياسمين
تعليقك صحيح جدا بشكل عام لكنه أوضح في المجتمعات الشرقية التي تضع المرأة رهينة المحبسين

في الماضي كان البدوي يتفاخر بأنه قضى ليلة بحي بني فلان مع فلان بنت شيخ القبيلة و دون ان يهتز له جفن، فكان الجميع يصفقون لقوة مراسه و مهارته في اغواء بنت الزعيم

و مازلنا في لغتنا العربية لليوم، نستخدم صيغة الفاعل للرجل في الفعل الجنسي و صيغة المفعول به للمرأة، بينما اللغات اللاتينية اصبحت تستخدم صيغة الفاعلين

و لكن اليوم في العالم الغربي مثلا ظهرت دعارة الرجال "جيجولو" مثلا على أشدها، وة هناك من النساء من تدفع كثيرا لتحصل على جسد شاب، و مع زيادة نسبة العنوسة هنا في مصر، سمعنا عن شباب صغير يصاحب سيدات اكبر سنا بكثير مقابل شبه اعاشة مادية ، و هكذا، تلك الايام نداولها بين الناي

Fantasia said...

yasmine,
ta3lee2 aktar mn ra2e3. ya reet elregala ye7awlo yeshofo el2omoor 3ala 7a2ee2etha. lel2asaf by7ebo ye7'da3o nafsohom 3alashan yefdalo 3aysheen fi wahm enohom asyad. elragel elli bye3mel kedda, fakr en elfloos elli byedeeha lelprostitute bt7'aleeha 2a2al mennoh, wenno esta3'alaha lmot3etoh w2al eih de7ek 3aleeha bkam geneeh, la2 wyasalam law 3eref yefasel ma3aha kaman. wyroo7 lsa7boh elli nam ma3aha 2abl kedda wy2ollo enta 3abeet, dana edetha kaza bas. yeb2a fi qemmet efte7'roh bnafsoh, akenoh sala7 eldin el2yoobi wba2a batal ya3ni.
wallahi sa3at byes3abo 3alaya ya yasmine.

Fantasia said...

agenda,
shokran geddan 3al tahne2a. elgayza di ento elli edetohalna. ya rab nkoon dayman 3an 7osn zanokom.

Fantasia said...

eyad,
3ala fekra feeh gigolo fi masr, bas tab3an ma7adesh ye2dar y2ool 3aleehom kedda. 7ata fel aflam lama bygeebo wa7ed bye3mel 3elaqat ma3a setat 3alashan elfloos mesh by2olo 3aleeh ay 7aga we7sha. momken kaman elregala elli byshofo elsha7'sya di fel film yo3gabo beeh, bma ennoh fetek ya3ni, he gets laid and pain kaman.

Anonymous said...
This comment has been removed by a blog administrator.