Tuesday

إمرأة للحب


هي المرأة في ماضي كل رجل مصري .. هي الموجودة ف الظل .. هي اللي مستخبية ف خياله وذكرياته. هي المرأة الملعونة عشان هي ذكية أو موهوبة أو مستقلة أو جريئة أو جميلة. هي جذابة ومميزة. هي اللي مش ممكن معاها تحس بالملل .. واللي معاها تقدر تعمل حوار بجد. ممكن تكون مرحة وعندها رد فعل سريع ولطيف .. ممكن تفهمك من نظرة .. وممكن تدخل جواك ف غمضة عين .. هي كل اللي بيحلم بيها كل رجل ..ولكن للحب، للحب بس ومش لحاجة تانية.

أول لما يبقي الموضوع تكوين عيلة .. الرجل بيغير كل تفكيره تماما. يبقي عايز الخاضعة، الخجولة، المحافظة، المحجبة، التابعة، وأهم شئ المطيعة. بيبقي عايز واحدة عمرها ماتقدر تكون مساوية ليه أو تمثل أي تحدي لعقله. بيدور علي وحدة تكون مولودة للبيت، ملهاش أي طموح، ملهاش أي أفكار خاصة بيها، وأكيد من غير أي شخصية مستقلة. بيدور علي أمه، اللي كانت دايما موجودة عشان تخلي بالها من الكل ودايما ناسية نفسها.

مدهش إذاي نفس الراجل بينسي حبه القديم وكل حاجة كان بيحبها ف المرأة. بريق الذكاء ف عنين المرأة دلوقتي بيشوفه مخيف. إذاي يقدر يعيش تحت سقف واحد مع النمرة دي؟ إذاي يقدر يروض إمرأة عندها شخصيتها المميزة وتفكيرها المستقل؟ هي بتمثل تهديد لرجولته. عمرها ما هتمارس الرضوخ اﻷعمي زي مامته وجدته. وأكيد هتسبب مشاكل.

بس هل العوامل دي تخليها مش مناسبة تكون زوجة؟ أنا متهيألي إنه في مجتمعنا اللي بيقوده الرجال اتحكم عليها انها غير مناسبة. الزوجة المصرية ليها صورة محددة .. الموضوع زي قالب .. لو المرأة مش راكبة عليه يبقي مينفعش تكون زوجة. لو فعلا عايزة تاخد هذا "الشرف"، لازم تتخلي عن كل مميزاتها وتخضع لمتطلبات المجتمع. لازم تكون المرأة المثالية اللي مش بتهتم غير بالطبخ، التنضيف، إسعاد الزوج وإنها تجيبله أطفال. لازم تتبع خطي السيد ومتاخدش أي قرارات من نفسها. لازم توافق إنها أقل منه ف كل حاجة. ولازم تربي أطفالها الولاد وتفهمهم إنها هي وإخواتهم البنات أقل منهم.

أذا فهو قدر المرأة إنها تعيش حياة كلها تضحية .. تضحي بنفسها، شخصيتها، أحلامها، طموحها، إنسانيتها أو إنها تضحي بحبها، حقها ف إنها تكون أسرة وحقها في الأمومة. إختيارتها محدودة ف إنها تكون إمرأة للحب أو زوجة مطيعة. مع اﻷسف المرأة في مجتمعنا مقيدة بواحد من الحاجتين .. يا ده يا ده .. لكن مش الإتنين.

16 comments:

Guevara said...

احيانا بيكون في ولد وبنت قعدين مع بعض علي نفس الطربيرة والولد بيشرب سجاير والبنت كمان بتشرب شوفي نظرات الناس للبنت مع انها بتعمل نفس الي بيعمل الولد لاسف احنا عندنا ثقافة غريبة اعطاء كل الحقوق للولد واهدر كل حقوق الانثي لمجرد انها انثي بحكم الجينات الورائية انا فخور بيكي بجد
بس اكيد بردة في ناس بتفهم البنت بجد

Fantasia said...

akeed ya guevara elnas lazem dayman tshoof elbent bte3mel eih. tla2eehom mesh wa7'deen balhom en feeh walad 2a3d ma3aha asasan, 7ata law byda7'an 7asheesh. Shokran 3la elta3lee2 elgameel w3la tashgee3ak.

human said...

احيانا ينقلب الحال ويتقمص الرجل دور المضحى
رايت ذلك كثيرا

Fantasia said...

human,
ya reet kont twada7 aktar. ya3ni eih ragel yeb2a moda77y? ya3ni feh set rafadet tetgawezo 3alashan sha7'syeto mostakella?! Ana ba7eb a3raf eltagarob elmo7'talefa. Shokran lelta3lee2.

beroo said...

الكلام صح
بس متهيالي مش قوي اليومين دول يعني الشباب بقو متفتحين ومش بيفكرو بالنظره دي اه في منهم كتير بيفكرو كده بس مش كلهم
سلام
بيرو

L M A R said...

مساء الخير

كلام جميل بس يتهيألي دا بيرجع لمستوى الثقافة والقعد النفسية في نفس الوقت لسي السيد



تحياتى
العَبدِالرَحَمن

Fantasia said...

beroo,
Ahlan beeky. Shokran 3al ta3lee2 elli kolo 2mal. Wallahi nefsy ykoon kalamek sa7ee7. Bas lel2asaf 7ata elshabab elmotafate7 elli enty bt2olli 3aleeh, lama byeegy ya7'od qarar elgawaz byastad3y sha7'syet geddoh.

Fantasia said...

alabdelrhman,
nawart 3alam fantasia. shokran lelta3lee2. Sada2ny mostawa elthaqafa mesh byefre2 felmawdoo3 dah. Di soora namatya mta7'da 3an elmar2a. Elragel btab3o mesh by7eb mratoh tkoon ned leeh. Feeh nas ma3aha dokotorah mn america wbardo lama teegy tetgawez takhod elmota3alema elli ma3andahash tmoo7. Ya reet elensan elmothaqaf ye2dar yeksar el2snam elli gowah.
t7yaty leek.

أنا حر said...

النظرة دي موجوده فعلا ومصيبة من وجهة نظري بس ما ننكرش انها قلت شوية خلال الفترة دي واحتياجات الراجل للمرأة اختلفت ونظرته ليها كمان خلاه يغير شوية من تفكيره
موضوع مميز
تحياتي

Fantasia said...

ana 7or,
ahlan beek f 3alam fantasia. ya reet kol elta3lee2at elmotafa2la di ykoon feeha amsela mn elwaqe3. yemken elli bayen 3al sat7 en feeh ta3'yeer f nazret elragel lelset, laken ana btkalem 3an no2tah mo7adadah: elset elli bye7'tarha tkoon mratoh. 99.9% mesh hya elset elli fe3lan byo3gab bzaka2ha wsha7'syetha. dah elli shoftoh tool 3omry, nefsy 7ad yewareeny namoozag mo7'talef. Shokran leeh w ya reet tetabe3na dayman.

أسوور said...

عن خبرة اقول
الرجل فى كل أنحاء العالم اساسا لا يهمه من المرأة الا جسدها حتى لو ادعى غير ذلك

الرجل فى الشرق يهتم بالإضافة إلى جسدها وشكلها الخارجى .. بطهيها وعنايتها بالمنزل وبالصغار ولا يعنيه شىء غير ذلك حتى لو ادعى انه مهتم بذكائها وشخصيتها وتفكيرها

صدقينى .. تعاملت مع الرجال من دول مختلفة واستمعت لزوجات من أمريكا و وجدت الحال قريب مما نحن عليه فى العلاقة الزوجية

أما عن المجتمع ونظرته فالحكومات تعطى الحقوق فى المساواة لكن من يطبقها؟؟

الرجل ينبهر بالمرأة الذكية ولكن قبل ذلك يلفت نظره جمالها

وبعد ذلك يرفض أن تعبر عن أى رأى بل يسخر منها على طول الخط ويعتبر ذكائها نقمة عليه ولأنه سطحى .. سطحى .. سطحى
على فكرة الشطحى هو الذى لا يهتم سوى بقشور الأشياء ولا يغوص فى أعماقها

كلهم يا سيدتى اذكياء وعادلون ويؤمنون بالمساواة مع كل نساء العالم ماعدا زوجاتهم
لماذا؟
لأن هذه هى حقيقتهم .. ولأنهم لن يستطيعون أن يرتدوا قناع العدل والحق وهم داخل بيجاماتهم

تحية كبيرة لكى
على فكرة كان فى تصويت على افضل مدونة واخترت مدونتك

التصويت عامله الزميل شارم

أسوور said...

بيشو

شكرا لك على المجهود الكبير اللى انت عامله

ولو عايز أى خدمة فى السياق أو الصيغة أو التصحيح النحوى والإملائى

أنا فى خدمة فانتازيا وخدمة بيشو الفريد

تحية كبيرة تانى وتالث ورابع ومليون

أسوور said...

أنتى يا فانتازيا الآن على رأس قائمة المدونين المفضلين لياسمين فى مدونتى

:)

Fantasia said...

yasmine,
ashkorek geddan 3ala eltashgee3 elkbeer dah. ya rab akoon dayman 3an 7osn zunnek. ana el3araby bta3y mesh 7elw enty 3arfa, bas b7awel ahoh. shokran geddan 3al tarshee7 w3la wad3 elmodawana a3la qa2emet modawanatek elmofadalah. sa3eeda awi b2ehtemamek. enty ensana tasta7eqy kol e7teram wta2deer, welblog bta3ek fe3lan momayaz wmo7tawah qayem geddan. ana sa3eeda en ra3'm d7'ooly 3alam eltadween mn 4 shohoor bas, edert aksab sadaqet nas mo7taramah wmofakerah zayek wzay besho wnas tanya keteer. shokran leekom game3an 3ala elehtemam welmosa3dah. t7yaty leeki ya yasmine wshokr wta2deer mn el2alb.

Fantasia said...

yasmine,
o3gabt awi bta3lee2ek elhayel. sa7ee7 kol elregala byeb2o mn ansar 7o2oo2 elmar2a ella fi byothom. el7a2ee2a enohom mesh 3ayzeen yewagho 7a2e2thom wye3rafo ad eih homa ananyeen. ye7ebo elset elzakya laken mn b3eed lb3eed, laken wa2t elgad yel3anoha. nefsy ashoof ragel wa7ed bytaba2 elshe3arat elli by2olha gowa betoh.

Anonymous said...
This comment has been removed by a blog administrator.