Sunday

أسرار أكبر مؤامرة ف التاريخ - 2


الجواز عبارة عن توقيع لعقد، ليه بقى الناس بتصرف كل الفلوس الكتيرة دي على الأفراح؟ عمرك فكرتي ف الحكاية دي؟ ليه منمضيش العقد ونروح ع البيت؟ إيه لازمة شهر العسل دا؟ ليه المتجوزين جديد بياخدوا أجازة ويسافروا؟ دول هيفضلوا متجوزين طول العمر، أكيد هتجيلهم فرص كتير يسافروا في أجازات الصيف واﻷجازات الرسمية. إيه اللي بيخليهم يجروا يهربوا بعيد أول ما يتم الجواز؟

السيرك دا كله تم تصميمه بعناية عشان يبهر البنات الصغيرين الحلوين, سعادتك. زي ما بيضحكوا علي العيال بالحاجة الحلوة والشيكولاته، إنتي بيضحكوا عليكي بالحفلة، والفستان اﻷبيض، والبيت الجديد، وشهر العسل، ولقب "مدام". عمرك فكرتي ليه الستات بس هما اللي القابهم بتتحدد حسب حالتهم الإجتماعية؟ بالنسبة للراجل مفيش فرق إذا كان متجوز أو ﻷ. اللقب بتاعه مرتبط بشغله.. دكتور، بشمهندس، أستاذ.. هو طول عمره "السيد فلان", حتي لو كان الراجل إتجوز عشر مرات. هو بيفضل زي ما هو. ليه إنتي لازم تغيري لقبك لما تتجوزي؟ ليه لازم الكل يعرفوا إذا كنتي متجوزة وللا ﻷ؟ وليه الست بتحتفظ بلقب مدام حتي بعد الطلاق أو بعد موت الزوج؟ ف الحالة دي، لقب مدام مش بيعكس الحقيقة. بس لازم تفضل ملقبة باللقب دا. يعني اللي اقدر اقوله ان المحلات اللي بتعرض بضايع مستعملة لازم تحط عليها حاجة تدل على كدة، وفي ظل ثقافة بتقوم بتشييء المرأة بيتم التعامل معاها بنفس المفهوم، مفهوم السلعة

اللي بيحصل بقى إن العروسة وهي مشغولة بتفاصيل كتيرة مش بتركز في الراجل اللي هيكون شريك حياتها. الموضوع زي أكمل مكان النقط كدة، يعني طالما فيه فرح هيبقي فيه تورتة، وفستان، ومعازيم، ودي جي وبوفيه.. وأكيد هيبقي فيه عريس

فترة الخطوبة المفروض إنها فرصتك اﻷخيرة عشان تحددي موقفك من القرار المصيري دا. مع ذلك تلاقيها كلها عبارة عن شرا وفرجه علي الكتالوجات والمحلات. متهيألي هيكون عملي أكتر إنهم يعملوا كتالوج للعرسان كمان، ساعتها ع الأقل هيبقي الكتالوج هو المسؤول عن دقة الوصف اللي مكتوب تحت كل عريس
العروسة بتنشغل تماما بكل تفاصيل الفرح والجواز.. مين هتبقي عندها وقت تقعد مع زوج المستقبل؟ بيقولولها إن دي ميزة عظيمة، لأنها هتختار كل حاجة علي ذوقها هي.. بس بعد شوية بتكتشف إن الحاجة الوحيدة اللي مختارتهاش علي ذوقها هي العريس نفسه. الراجل اللي هتقضي بقية عمرها معاه. خلال فترة الخطوبة العروسة بتبقي خبيرة في ملابس الفرح وأنواع الأقمشة، هتلاقيها بتعرف تفرق بين الرخام الطبيعي والصناعي، وبيكون عندها فكرة كاملة عن الموبيليا بأنواعها وحتي المصانع بتاعتها والدهانات المستخدمة.. بس جربي تسأليها عن العريس، هتلاقيها بتقول كلام عايم, مش واضح, من نوعية "هو طيب، هو كويس، هو ابن ناس

لازم نعترف إن المعوقات الإجتماعية والثقافة السايدة اللي بتمنع وجود علاقة صحية بين الجنسين كانت السبب في إن ناس كتير بتلجأ لجواز الصالونات، خصوصا مع زيادة الضغط علي البنات للجواز في سن معينة. الراجل بيساعده اﻷهل والأصحاب في مهمة البحث عن عروسة. وفي الناحية التانية، أهل البنت بيعملوا كل اللي يقدروا عليه عشان يلاقوا عريس كويس قبل ما بنتهم تكمل ال 30. مفيش مساحة للإختيار هنا، العريس اللي بيتقدم يبقى هدية م السما.. مين عارف؟ ممكن يكون العريس دا هو آخر فرصة ليكي عشان تلحقي قطر الجواز. هل مستعدة تخاطري؟ هل تضمني إنك مش هتندمي لو رفضتيه؟ تضمني منين إن عريس أحسن منه هييجي في الوقت المناسب؟ أهوعصفور في اليد.. يبقى على خيرة الله, نخش بقى في التفاصيل المهمة: الشقة، المهر، العفش، الفرح ... الخ. والعروسة قدامها حاجات مهمة أوي تعملها.. مامتها بتقترح إنهم يلفوا علي محلات المجوهرات قبل ما العريس يفاجئهم باختيار معين. أصله أكيد هيحاول يوفر، بس متخافيش.. مامتك هتاخد بالها من الموضوع دا. هي عندها خبرة كبيرة في المجوهرات ومستنية من زمان عشان تنقلك الخبرة دي. بمساعدتها، هتجيبي أحسن حاجة في السوق. إختاري كل اللي نفسك فيه. هيبقي قدامك قرارات مهمة كتيرة من النوع ده، أصل الواحدة بتتجوز مرة واحدة في العمر, المفروض يعني.. عشان كدا لازم تخلي بالك من الفستان .. الفستان اﻷبيض .. حلم حياتك.. خلاص, قربتي من إنك تلبسيه أخيرا

متهيألي مش لازم أكمل وأقول إيه اللي بيحصل بعد كدا. الموضوع بقى واضح.. الجواز إتحول لمجرد فرح. بتشتري ليلة بعمرك كله. الثقافة دي اختزلت الجواز, اللي هو وحدة بناء المجتمع, لمجرد فستان أبيض. إزاي أي بنت تقدر تعيش من غير ما تحلم بالفستان اﻷبيض؟ طب لو مجتلهاش الفرصة وملبستش الفستان اﻷبيض؟ هل فعلا فيه بنت تقدر تقاوم الإغراء دا؟ هل تقدر تفهم إن الفستان دا ميقدرش يضمنلها السعادة؟ هل فعلا هتصدق إنها لو ملبستش الفستان مش هتكون أقل من اللي لبسوه في حاجة؟ هاتولي بنت واحدة عارفة كدا.. بنت واحدة عندها فكرة واقعية عن الجواز. عايزة أشوف بنت تقدر تتحدي القصة الرومانسية الوهمية اللي كل حاجة فيها أبيض ف أبيض

المؤامرة الموجهة للبنات وصلت لهدفها. فيه بنات مستعدة تضحي بكل حاجة في مقابل الفستان اﻷبيض. فيه بنات مقتنعة تماما إنها لازم تتجوز في سن معينة. بنات كتير بتنفذ كل اللي بيطلبه المجتمع عشان تبقي نجمة اليوم الواحد. إنك تكوني سندريلا لليلة واحدة أكيد أحسن من ولا حاجة. حتي لو الحكاية إتقلبت بعد كدا لقصة الجميلة والوحش.. مش مهم. البنات عارفين إن كله هيبقي كويس بعد الجواز. الجواز بيغير كل حاجة.. دا اللي دايما بيقولوه اﻷمهات.. "لما تعيشوا مع بعض كل حاجة هتتحسن، متقلقيش". يبقي ليه البنات تشغل نفسها عشان تعرف الإنسان دا؟ هيبقي قدامها وقت طويل بعدين عشان تعرفه, وأهو الحب بييجي بعد الجواز.. متضيعيش فرصتك الوحيدة في إنك تلبسي الفسان الأبيض.. تخيلي نفسك وانتي زي القمر وكل الناس بيهنوكي. عمرك ماهتشوفي الشفقة في عيون الستات. هيبقي عندك صلاحيات وقوة الست المتجوزة. هيبقي عندك بيتك. هتنضمي لنادي السيدات المحترمات اللي سبقوكي, وهتكوني واحدة منهم. هيبقي عندك فرصة تحكمي علي التانيين زي ما كانوا بيحكموا عليكي. هيبقي عندك الحكمة اللي بس عند المتجوزين. هتبقي إنتي الشخص اللي بيراقب ويحقق, مش اللي بيتراقب وبيتحقق معاه. مين يقدر يقاوم كل دا؟

أنا كشفت كل فصول المؤامرة، وبكدا حطيت كل الحقايق قدامكم. أنا مش متوقعة إن كل البنات تغير وجهة نظرها في الجواز. أنا عارفة إن الإغراء الفظيع دا أقوى من أي حقايق مرتبطة بيه. لكن بعد قراية السطور دي أنا باحملك مسؤولية مصيرك. دلوقتي إنتي عارفة كل حاجة عن السر ورا كل التجهيزات والإحتفالات دي. متقدريش ترجعي زي ما كنتي, مش عارفة حاجة. هتضطري تتصرفي بشكل فيه مسؤولية أكبر تجاه نفسك. محدش يعرف مصلحتك فين أكتر منك. إنتي عارفة وواثقة من كدا.. يبقي متخدعيش نفسك بأي حاجة مهما كانت. متدوريش علي زوج عشان يملي المكان الفاضي في الجواز. مش معني إنه شخص كويس إنه يكون مناسب ليكي. الجواز مش أمر واقع، مش كوبري لازم تعديه في وقت محدد في حياتك

أنا هحاول أجاوب على السؤال اللي سألته في البداية. أنا مؤمنة إن الطلاق عندنا بيحصل بسبب إن مفهومنا عن الجواز معكوس تماما. إحنا عايزين نتجوز ف بنروح ندور على شريك في الجواز. دا بالظبط هو عكس اللي بتمليه علينا طبيعتنا البشرية. المفروض تقابلي حد يقنعك بفكرة الجواز. لازم توصلي لإنك تحسي بإنك مقتنعة من جواكي إنك عايزة تكملي عمرك مع الشخص دا لحد ما تعجزوا سوا. لازم تحسي بإرتباط عاطفي ونفسي قوي تجاه شخص معين وبعدين يتحول الإرتباط دا لجواز. غير كدا هتبقي بتخدعي نفسك. عمر الدنيا مابتمشي بالعكس، حتي لو العالم كله قال كدا. اللي بيقولولك إنهم حبوا أزواجهم بعد الجواز في الحقيقة مكانش عندهم أي فرصة للإختيار، وميقدروش يعرضوا الحب اللي بيقولوا عليه دا لأي إختبار حقيقي. الجواز في حد ذاته مش ضرورة.. إنما بيتحول لضرورة حقيقية فقط لما إنتي تقرري ده.. لما يكون عندك إيمان كامل في حد، وتحسي إنك مستعدة تنقلي علاقتك بيه لمستوي أقوى. لما تؤمني تماما إنك متقدريش تكملي حياتك من غير الإنسان ده.. ساعتها بس يبقي دا الوقت المناسب للجواز. وقتها هتلاقي كل حاجة في مكانها الصح. مش هتبقي محتاجة فستان أبيض كبير.. مش هتهتمي بالمجوهرات.. هتنسي تماما الموبيليا والأجهزة الكهربائية. السعادة في قلبك هتكون من مجرد فكرة ان الشخص دا هيشاركك حياتك وهتكتشفوا الدنيا مع بعض. هتكتشفي إن فرح صغير وسط اﻷهل والأصحاب منطقي أكتر. دول الناس اللي فعلا مهتمين بيكي وهيشاركوكي سعادتك. هتكوني مستعدة تبدأي حياتك الزوجية حالا معاه في بيت صغير بأبسط امكانيات. بدل شهر عسل مرة واحدة، هتخلي كل اﻷجازات رومانسية ومميزة. ساعتها هتعرفي إن الجواز هو في الحقيقة وسيلة بتخدم غاية, مش هدف في حد ذاته

29 comments:

haneen said...
This comment has been removed by the author.
EmY said...

فانتا يا قمر فعلا انا مبسوطه اوي انك كتبتي حاجه جديده ايوه كده وحشتينا فينك كل ده

بس جايه بوضوع مهم اوي و كاتباه بطريقه فعلا ممتعه

اختصار الجواز في شبكه و مهر و شقه ده غير ثقافة العانس
مصيبه لو البنت عدت التلاتين من غير جواز زي مايكون ده ذنبها او الجواز ده ركن من اركان الاسلام و هي كده بتكفر

و ده ليه اسباب لو احنا علمنا بناتنا و سيبناهم يشتغلوا و ينجحوا في الشغل و يحققوا ذاتهم هانعرف ان العريس مش اخر الدنيا و البت من غير جواز مش ناقصها اي حاجه و الي عدت التلاتين من غير جواز مش عانس ولا فاشله

لما يكون متعلمه و عندها شغلها ايه تاني مطلوب منها لقب مدام ده الي هايرفع شأنها ليه يعني

و فعلا اخر حاجه العريس مش مهم القبول ولا التوافق ولا الحب المهم العريس الي يقدر يجيب المطلوب منه

بوست جميل يا قمر

احساس برضوا حى said...

عزيزتى
هى بجد اكبر مؤامرة بس على الرجل
مؤامرة للاستفاده منه باكبر قدر وتقليب جيوبه واكيد اى عقد فى بايع ومشترى ودافع ومدفوع له
واكيد اللى بيدفع دايمن الرجل
مبقناش فى زمن البنت بيضحك عليها ولا الرجل ممكن يضحك عليه
والكل بقوا يحسبوها ويقسموها والقليل اللى بيحسبوها بقلبهم الكل بيحسبها بعقله
واكد العمر لما بيمر على الرجل غير لما بيمر على الست لان للاسف الرجل دايمن اساسا اختياره مرتبط بعقله وشخصيته ويمكن ماله لاكن المراه الاساس جمالها والزمن قاتل للجمال
لو مجهد كنت اتكلمت كتير
نعوضها مره تانى
سلام

haneen said...

بسم الله نفتتح الجلسه 00 عزيزتى فانتازيا
بصراحه انا احترت اكتب فين قمت جيت هنا اكتب مع انى المفروض اكتب فى المؤامره 1 بس كان لى رأى لو تسمحيلى يا ريتك كنتى قسمتى المؤمرتين على مرتين متتاليتين كل اسبوع مثلا علشان نعرف نرد بس مش مشكله واحياتك لعلق فى الاتنين هو احنا عندنا كام فانتا يعنى انا عجبنى قوى موضوع البوست واسمه التحفه دا بس حاسه ان البنت العربيه او المصريه على وجه الخصوص محاصره من كل ناحيه بضغوط لا يتحملها بشر واحنا فى زمن للاصف صعب للغايه تكاد تكون تحقيق الامنيات فيه مستحيله وخصوصاً موضوع الجواز دا للاسف موروثاتنا الثقافيه والشعبيه وتقاليدنا بتقول الكلام اللى ذكرتيه عن ان البنت لازم تتجوز عند سن معين يا اما يفوتها قطر الجواز انا من رأى يلهفها احسن ما تضحى بنفسها لكن الفكر السائد دلوقتى هو انك تاخدى لقب مطلقه اهو احسن من عانس وضل راجل ولمؤاخذه ولا ضل حيطه ويفضلوا الناس يقرفوكى فى عيشتك لغاية الاخر تستسلمى للامر الواقع وتعملى اللى الناس عيزاهولك مجتمعنا قاسى قوى وما بيرحمشى بس فيه بنات عقلين وما بيهمهاش الكلام دا بس دول للاسف يأما ما بيتجوزوش خالص دفاعاً عن مبادئهم يا اما ما بيوفقوش فى جوازتهم وحكاية الحب قبل الجواز دى بقت اسطوره دلوقتى من كل النماذج اللى حواليه عمرى ما شفت واحده اتجوزت على حب ابداً كله تحصيل حاصل وممكن تستمر لو كبرت وعاشت زى ما بيقولوا ياما بينفصلوا فى النهايه يعنى بترضى بالامرين انا شايفه فيكى بارقة امل وتفاؤل ونظره ورديه ان ممكن يكون الحب هو الاختيار الاول والاخير وهو مفتاح السعاده كما تفضلتى بس هل فى حب حقيقى تفتكرى دلوقتى ممكن الانسان يصمد اما كل منغصات وضغوط الحياه اللى بنعيشها العمر بيجرى والدنيا بتجرى وما فيش حد عنده وقت انه يقف ويفكر او عنده حتى حرية الاختيار الناس بتجوز دلوقتى لمجرد ان الانسان دا مرتاح ماديا وحيقدر يعيشها عيشه كويسه ويصونها وخلاص وتقريباً انقرض الحب مش عارفه جايز كلامى غلط بس دا اللى انا شايفاه
بوست جامد وجميل زى كل بوستاتك الممتعه تحياتى ليكى يا احلى فانتا

على باب الله said...

الله الله أيه البوست الجامد ده ؟؟

معاكي حق في كلامك فعلاً ..

البنت فعلاً بتبقي خبيرة في جميع أنواع السيراميك و أنواع التورتة و الجاتوه

لكن لما تسأليها عن العريس و ليه أخترتيه يا إما ها تقول لك " أمور و شكله حلو و شبه تامر حسني "

يا إما ها تقول لك ( لو كان شكله علي قده ) : " متدين و مهذب و مناسب , غني , و القسمة و النصيب "

--

و العريس برضه يا إما واخدها علشان صغنونة و حلوة .. و الجمال عنده ده أهم شيء زي ما تفضل و قال الأستاذ إحساس لسة حي :

"لاكن المراه الاساس جمالها "

يا إما فلوسها و عيلتها

( يعني مثلاً بنت سعادة المستشار أو بنت سعادة اللواء .. ها يبقي عليها طلب و لا طابور العيش اللي قدام المخبز )

و يبقي بيتجوز عيلة و عزوة لكن مش بيتجوز عروسة

---

و علي فكرة هو سن الجواز في مصر بالفعل إرتفع و أصبح المتوسط في منتصف و آخر العشرينات بعد ما كان في أوائل العشرينات و أصغر من كده كمان من خمسين سنة فاتت

لكنه أرتفع لأسباب إقتصادية و كنتيجة للفقر و البطالة مش نتيجة للوعي الثقافي للناس

علشان كده المشكلة لسة مستمرة بل بالعكس تأخر سن الجواز بالطريقة دي بيخلي في تسرع من العريس و العروسة في الإختيار ( قبل القطر ما يعدي ) و ده بيجيب نتائج عكسية طبعاً

---

أنا شايف من المهم أن المرأة تكون حققت ذاتها أو علي الأقل حطت رجلها علي الطريق قبل ما تتجوز بشرط أن الجواز ما يرجعهاش تاني للمربع نمرة واحد ..

---

osama said...

هكذا دون تزييف او تذويق او محاولة لايجاد حل عقيم ظاهره الرحمه وباطنه الغذاب .. هكذا كتبت ادق التفاصيل التي يسوقها المجتمع ليخدع في رايي الطرفين رجلاً كان وامراة..
ولأنك تحدثتي عن المرأة اقول ان الرجل ايضا في هذه العمليه مخدوع ... كون علاقة الحب والارتباط العاطفي علاقة بين طرفين فهو ايضا خدع من قبل المجتمع ان جميعهم سواء وان التي تحبها قبل الزواج قد تحب غيرك بعده طالما احبتك قبل الارتباط بك .. وان قصة الحب غالبا ما تفشل وووو ... فهو ايضا يسعى داخل اطار ثقافه مهيمنة ثقافة ... اسرع في الزواج كي تصون نفسك... الحب كلام فارغ ... ووووو
ومن هنا نعود الى كلامكم العميق بخصوص المرأة التي تحلم بتلك اللية متناسيه ان في العمر ليالي اخرى ...
وما اعجب ان اجد ان الله جل وعلا يقول:
( ومن اياته ان خلق لكم من انفسكم ازواجا لتسكنوا اليها وجعل بينكم مودة ورحمة ان في ذلك لايات لقوم يتفكرون)ثم نجد العلاقات الزوجية متفسخه قائمه في افضل الاحوال على روتين ممل ...
انه كما ذكرتكم المجتمع وثقافته تلك الثقافة التي يجب ان تتبدل ويحدث فيها تصحيح حقيقي قائم على العقل والحرية وتصحيح العادات الاجتماعية المدسوسه ظلما وعدوانا على الدين وتساق على اساس انها دين والله منها براء....

اطلت عليكم كثيراً... لكني بصدق في كل مرة اجد في سطوركم عمقاً وبعداً عن الكلام المكرر بل دقه في التصويب ودقه في تتبع ما وراء الاشياء...

دمتم بكل ود..
خالص تحياتي

Fantasia said...

emy elgameela,
kont wa7'da agaza f el3eed ba2a, kol sana wenti tayeba. w ba3deen ro7t katbalko posteen marra wa7da, 3alashan a3awadkom 3an 3'yabi :)
elgawaz 3andena ya emy ba2a 7aga mas7'ara.. begad 7aga teksef. te7essy kedda en feeh karwata mte3rafeesh leeh! ka2en 7ad byegri wara elnas di aw maseklohom mosadas 3akashan yetgawezo. w ba3d kedda yerga3 kol wa7ed feehom ye3ayat w y2ool ya reet elli gara ma kan. w elmogtama3 yesheel balaweehom ba2a.. el2adaya elli malya elma7akem l3'ayet qarn 2odam.. w el3eyal elli 3andohom mashakel nafsya.. w elshabab elmodmeneen w elfashleen.. w elnas elmokta2eba 3ala tool w btet7'ane2 ma3a dban weshaha.. w elli 2arfaneen mn eldonya w mesh 3ayzeen ye3melo 7aga mofeeda.. kol dah 3alashan tastee7 elmawadee3 w elta3amol ma3aha btaree2a 3'alat.
ya3ni eih 3anes? mt3anes, eih elmoshkella? howa marad? walla 7aga mosheena masalan? mt3anes w teshta3'al w tenga7 w yeb2a 3andaha 2ersheen.. 7ad hye2dar yekalemha? dol el3ersan hyo2afo tawabeer sa3etha.. maho kol wa7ed delwa2ty 3ayez elli yeshayelha hamoh. mesh a7san m terga3 beet ahlaha w ma3aha kam 3ayel, walla 3andaha masdar da7'l, walla CV 3edel yesha3'alha f 7etta kowyessa, w tefdal day7'a f elma7akem 3alashan tesh7at floos elnafa2a?
yalla.. adeeni 3amalt elli 3alaya w 7'alast zemmeti. kol wa7da 3a2laha f ras-ha ba2a.
teslamyli ya 2amar, w teslamli ta3lee2atek el7elwa. alf mabrook 3al wazeefa elgdeeda.. b elnaga7 w eltawfee2 ya 7abebty. w happy new year.

Fantasia said...

e7sas bardo 7ay,
law 3ala kalamak w elnas fe3lan btetgawez b3a2laha, mftekersh kan eltala2 hyeb2a b elshakl elraheeb dah.
w ba3deen been elbaye3 w elshari eih? lama elragel 2eema w seema w mal w 3a2l masha2allah.. w bye3raf yewzen el2omoor sa7.. ezay yroo7 yeshtery elgamal elfani dah? omal 3a2loh elli yewzen balad dah ra7 feen? ezay yseeb wa7da ted7ak 3aleeh w t2aleb el2ersheen elli ma3ah lmogarad en shaklaha 7elw? lama dah yeb2a 3a2el, omal elli mesh 3a2el yeb2a 3amel ezay?
ana nefsy elregala y7'allo flos-hom f gebhom. w rabenna yekamelhom b 3a2lohom kedda w my7'aloosh wa7da 7elwa ted7ak 3aleehom.. 7ata 3alashan heibet elregala ya3ni.
t7yaty.

Fantasia said...

a7la haneen,
thanks for your support, and i agree with your suggestion to post each part seperately. but it has been a long time since my last article before the eid, and that's why i thought to post both parts together.
i so much liked your comment, especially when you said:
البنت لازم تتجوز عند سن معين يا اما يفوتها قطر الجواز; انا من رأى يلهفها احسن ما تضحى بنفسها
i think so too.. for it is a stupid choice if she decides to jump on the train anyway..
you raised another important point, saying that being divorced is considered to be better than being a spinster. it is so sad that this is really the case from an unmarried girl's point of view. yet, socially, a spinister is much more respected than a divorcee.
concerning your last question.. when i talked about love in my post, i didn't actually mean the romantic love of the novels and movies. i meant the love that is based on conviction and mutual understanding. this is the love that can turn into a marriage in real life and endure its trials. mature love, that has its roots stongly holding on to the foundation of a relationship, is so different than teenage love, or sudden unexplained attraction.
i believe mature love is very rare.. because most people learn about love from songs, movies, novel.. in short, everything imaginary. very few people know what mature love is. still, as scarce as it is, mature love is present and possible to find. and i believe that this kind of love has a very high success rate.
wishing you all the best my dear. thanks for your kind words. greetings and happy new year.

Fantasia said...

3azeezi 3ala bab allah,
da e7na laz2een fi moraba3 sefr, mesh 3arfeen newsal moraba3 wa7ed da aslan :)
allah 3ala ta3lee2ak elra2e3!ashkorak geddan 3ala kalamak elgameel. eshadtak b elpost di shehada a3taz beeha l2aqsa el7odood.
w begad mafeesh kalam yet2al ba3d kalamak.. 2ostaz kbeer w ra2ees qesm ya basha. howa da elkalam.
2alabolna dma3'na w dawashoona leel w nhar b mawdoo3 ertefa3 sen elgawaz.. 2en 7ad yetla3 b 7aga mofeeda?!! abadan.. ra3'y 3al fadi.. wesh wesh wesh wesh.
tayeb ertafa3 sen elgawaz.. hah? eih elmatloob? ne3mel eih ya3ni? y2olak balash 2ahl elbent yetlobo mn el3arees 7agat kteer!!!! da kalam? 7agat kteer eih? ya3ni wa7ed 3atel, ma3andoosh maleem abyad, wala sha2ah, wala feeh 2amal en 7alo yet3edel ba3d 100 sanah.. ne3mello eih dah? elmafrood 2ahl elbent yetbanooh masalan? 3alashan del ragel w elkalam elfare3' 2eyah?
leeh my2oloosh elbanat teshta3'al w tesref 3ala nafsaha? leeh myshaga3oosh elbent enha tesahem f el2entag badal m hya 2a3da zy battah testana 3adalha? leeh ma7adesh kalef 7'atroh w 2al elbanat dol elmafrood myestaslmoosh lel2e7bat law mtgawezoosh badri? leeh mafeesh 7lool 3ala ard elwaqe3?
begad kalamak 100/100.. 7'osoosan mawdoo3 bent sa3adet ellewa da :))
yeb2a enta akeed akeed fi masr.
t7yaty w tmnyaty b3am sa3eed.

Fantasia said...

el3azeez osama,
eih ya 3am elkalam elgamed awi dah? ashkorak geddan mn kol 2albi, w sa3eeda en elli byosheed b elli bakteboh ensan mawhoob w fanan mn noo3 nader.
ana ma3ak en elragel kaman mad7ook 3aleeh, ma3 ennoh dayman yekaber w ye3mel nafsoh boram. bas ya 3azeezi eih elli mane3 elragel enoh ye7arar 3a2loh? leeh byezlem nafsoh 2abl m yezlem 3'eeroh? leeh elba7s elda2em 3an elta3asah? da law mala2ash elta3asah bye7'la2ha! ana moqadera eldo3'oot elthaqafiya w elmogtama3yah.. laken elragel forsetoh afdal kteer fi e7'tyar ma yo7aqeq laho elsa3ada, yeb2a leeh yefdal yekarar nafs elnamat el3'alat lmogarad ma7'awef wahmiya? w leeh 3adam el2e3teraf b en feeh moshkella mogtama3yah shamla, w el2esrar 3ala 7asr elmoshkella f elmar2ah? mnsa3ed ba3d 3alashan kolena nesteraya7!!
elragel mazloom.. laken howa da7yet nafsoh w e7'tyaratoh.
laken elbent mazlooma w maqhoora ra3'man 3anha.
elragel howa elli kasar elqeyam eldeenyah w tamarad 3aleeha. howa elli sama7 lnafsoh yezni, w y7'oon, w y3akes, w yet7arash, w y3amel elmar2ah bshakl 3'eer ensani, mosta3'el qowetoh w saytartoh 3al mogtama3. w dah ana 7awel ashra7oh f post "elqowah w elsoltah w elgens". ba3d kedda n2ool eldeen baree2 mn elli bye7sal.. ka2en eldeen dah 3obarah 3an nas maktoob, la yofa3al.. w lama yofa3al, teb2a elmar2ah bas hya elli motalbah b taf3eeloh.. w door elragel enoh yegberha 3ala dah w yeshref 3ala tanfeez elmar2ah lta3aleem eldeen, mn 3'eer m ykoon feeh ay 2eltezam mn ne7yetoh. ya salam!! howa da eldeen? ba2a zy elqanoon f eldowal elli mafeehash 3adl.. yetnafez 3al 3'alabah bas? w elli ye2dar yet7'ata elqanoon, wala 7ad ye2dar yeegi ne7yetoh!
ana motafeqa ma3ak fi kol elli enta 2oltoh.. aywa eldeen mesh kedda.. aywa rabenna howa el3adl w kalamoh by2ool 3aks elli bye7sal.. laken mayenfa3shy nefdal n2ool elmafrood, el2asl, elsa7, el7a2ee2i.. w yeb2a elmafrood en elsetat bas homa elli yemsho 3al kalam dah. tayeb elragel elli by2ool eldeen medeelo 7o2oo2, m bye3melsh wagebatoh leeh?
nafs elmoshkella 3ala fekra fi 7ewarna ma3a el3'arb masalan.. nefdal n2oolohom el2islam mafeehosh erhab, w kol youm w eltani elmoslemeen 3amaleen ye2atelo f ba3d! embare7 Benazir Bhutto allah yer7amha kanet lessa bt2ool elli ye2tellni mesh momken ykoon muslim.. laken f elwaqe3 elli 2atalha muslim, w eldonya kolaha 3arfa ennoh muslim.. 7osn elneyah, w ma3refet Bhutto b sa7ee7 eldeen m2anqazoohash mn el2erhab! l2en eltatbee2 howa elli byefred elwaqe3, mesh elkalam aw elmafrood f el2asas. eldeen rabenna ba3atoh lelbashar.. ma2alhomshy da elmafrood 3alshan teb2o 3arfeen. la2.. ba3atoh 3alashan elli y2ool ana mo2men b elkalam dah yeb2a ye3mel beeh. laken kol elli shayfeeno d2oon w zbeeba w 7egab w niqab, w elwaqe3 fasad w rashwa w enhyar w gahl w 3onf.. ka2en elnas dol mesh homa homa dol! ya3ni elmasale7 el7okoomya elli kolaha rashwa 3alashan atfah wara2a temshi, kolaha mo7agabat w regala b zbeeba w d2oon.. ezay ba2a yeb2a motadyeneen w homa fat7een eldorg ya3ni?! maho b el3a2l kedda, myenfa3sh.
ana 3arfa en enta akeed zehe2t menni. bas wallahi ya osama ana b2ool kedda mn 7asreti 3ala 7al elnas. kolena 3arfeen rabenna 2al eih.. mafeesh 7ad feena mesh 3aref, 3ala 3aks ma nas kteer by7awlo yesawarolna.. laken elli me7tageen nshoofoh af3al elbashar elli 3arfeen kalam rabenna. mesh shakl mn barah w kalam w mawa3ez.
ana hfdal 2a2ool elragel zalem, w rabenna 3adel.. laken e7na mesh shayfeen rabenna, w di 7ekmetoh.. w 7ekmetoh kaman enoh karam el2ensan w 7'aleeh 7'aleftoh f el2ard. elsetat elli zalamhom bashar ya osama, mesh kalam rabenna. el3a2l elbashari howa elli byfasar elkalam, w eltatbee2 elbashari howa elli by7aded elshakl eldonyawy leldeen.
dawashtak ma3lesh. ashkorak 3ala ta3lee2ak elgameel elli tala3 da koloh mn gowaya.
t7yaty w tmnyaty b 3am sa3eed.

على باب الله said...

فعلاً كلامك في الصميم

أنا كمان كنت مستغرب من الحكاية اللي ماشية في البلد .. بتاعة خلوا بناتكوا تتجوز و ما تطلبوش طلبات كتير من العريس دي ؟؟

و فعلاً سألت نفسي .. يا تري لو كنت أنا أب و لي بنت و جالها عريس معندوش شقة مثلاً .. ها أعمله أيه يعني ؟

أقول له عش العصفورة يكفينا .. و إحنا بنشتري راجل ؟؟

و لا لو جه لبنتي واحد عاطل ها أجوزه بنتي و أقعد أصرف عليهم هما الأتنين ؟

أيه الكلام الأهبل ده ؟؟

ثم هو أصلاً أيه الطلبات الكتير دي .. اللي الناس بتقول أن عيلة العروسة بتطلبها ؟؟؟؟

مش كلها بتبقي ضروريات ؟

---

المشكلة في وجهة النظر دي . أنها هي دي طريقة حل المشكلات في مصر

يعني أيه ؟

يعني أحنا دايماً في مصر بنعالج الأعراض و مش بنعالج المرض ذاته

مثلاً لما تحصل حوادث توتر ديني .. نقوم جايبين شوية ناس من الجانبين و نعمل قعدة صلح عرفي و يقوموا يبوسوا رأس بعض !!!!

طب أنت كده حليت حاجة ؟؟

أو حتي عاقبت اللي أنتهك القانون ؟

لأ .. أبداً

---

زي بالظبط الدكتور اللي جاله عيان بيشتكي أنه كل ما بيشرب شاي عينه بتوجعه ..

و يكتشف الدكتور أنه بيشرب الشاي و المعلقة لسة في الكوباية .. فتخبط في عينه تقوم عينه وجعاه

فبدل ما الدكتور يقول له أبقي شيل المعلقة من الكوباية قبل ما تشرب الشاي ..

يقوم مديله مُسكن للعين .. و يقول له بعد ما تشرب شاي أبقي حط من الدوا ده ؟؟

---

علشان كده لو تلاحظي مشاكلنا تقريباً مزمنة .. هي هي نفس المشاكل من سنين

لأننا عمرنا ما بنحلها .. إحنا بس أدمنا المورفين .. لدرجة أنه ما بقاش يجيب نتيجة ..

و الخوف دلوقتي بقي أننا .. .. يا نموت من المرض ذاته يا تقتلنا جرعة زائدة من المسكنات ..

---

مروة الزارع said...

عارفة انتى بجد كلامك كلة حكم

Ti ama e fortemente attesa

Desert cat said...

انا هتكلم فى الوزواج من وجهة نظرى
اذا كان البنت والولد بينهم علاقة عاطفية فالنهاية الطبيعية ليها الزوج وفى الحالة دى الاتنين بيكونوا قابلين بعض وعارفين مميزات وعيوب بعض يبقى تدخل الاهل المفروض لاكمال فرحتهم مش للطلبات المبالغ فيها وتطفيش العريس
انما زواج الصالونات والانتريهات انا شايفه انه بيكون شكل اجتماعى للحفاظ على النوع انا عن نفسى مش بقتنع بيه
يعنى لو واحده قريبتنا او جارتنا جايه تقولى جايه لك عريس قيمة وسيما برفض مجرد الفكرة واقفل على الكلام مهما عملت من محاولات طب شوفيه الاول وبعدين احكمى .. وقتها بحس سورى يعنى انى قطعه اثاث جاى يتفرج عليها عجبته حيدفع ويشيل مش عجبته اهى موجوده عند صاحبها ... علشان كدا النوع ده من الزواجات مرفوض رفضا تاما بالنسبة لى
كل سنة وانتى طيبة
دمتى بود

الفاتح اليعقوبي said...
This comment has been removed by the author.
الفاتح اليعقوبي said...

السلام عليكم استاذة فنتزيا كل عام وانت بخير
انا قرات البوست ده واللي فات والصراحة مختلف في امور كثيرة جدا ومتفق مع حضرتك في امور اخري
بس انا هاتكلم من يث وجهة نظري وثقافتي بافتراض اني شخص بانتمي للتيار الاسلامي ولكني لاامثله تماما فلست متحدثا باسمه


بصي يااستاذة
الله تعالي يقول :(افمن اسس بنيانه علي تقوي من الله ورضوان خير امن اسس بنيانه علي شفا جرف هار فانهار به في نار جهنم )
قصدي ايه بالاية دي شئ تعلمته هو ان ماكان لله دام واتصل ومالغير الله انقطع وانفصل يعني انا بتزوج ليه اساسا رقم واحد هو ارضاء لله عز وجل لعل يخرج من صلبي الموحدين ولتظل الارض تعمر بالموحدين
تاني امر انا بشر لي نفس الاحتياجات التي يحتاجها البشر (وحضرتك وضحتي الامور دي في البوست اللي فات)
وده طبيعي جدا لان مهما الشخص اللي امام الناس ملتزم دينيا واخلاقيا ومظهريا فهو انسان في المقام الاول له نفس الاحتياجات البشرية ودعنا هنا من بعض الرهبنة
جاء ثلاثة رجال الي السرول صلي الله عليه وسلم فثقال اولهم اصوم ولا افطر وقال الثاني اقوم ولاانام وقال الثالث لااتزوج النساء فعلم بقدومهم رسول الله عليه والصلاة والسلام
فقال مابال اقوام يقولون كذا وكذا
فقال انا خير منهم اصوم وافطر واقوم وانام واتزوج النساء

قصدي ده شئ طبيعي لي كانسان
تالت حاجة الانسان في حياته يحتاج الي من يقف بجانبه واي انسان بطبعه يميل الي الجنس الاخر سواء كان الانسان ده ذكر ام انثي
يقول تعالي :(هو الذي جعل لكم من انفسكم ازواجا لتسكنوا اليها وجعل بينكم مودة ورحمة)
هذا هو الاصل في الزواج المودة والرحمة والتواصل بين الازواج ومن ثم تواصل الازواج مع اولادهم لاخراج فرد مسلم سليم وسوي عنده قدرة علي اعمار الكون



ونسيت حاجة مهمة شئ اخر من اهمية الزواج عامة هو استمرار النوع وبقائه


بصي يااستاذة لو ننظر الي اسباب فشل الزواج في بعض الاوقات هو ان قد يبحث عن الشكل الاجتماعي والمظهر علي خلاف الاختيار علي اسس صحيح والاساس الصحيح ليس رومانسي فقط ولكنه يتعدد من حيث الشكل والجوهر والمستوي الاجنتماعي والمادي و ايضا التوافق العاطفي فهذا لايمكن اغفاله

وعندي مثل للزواج الزواج عندي مثل الشوز او الحذاء (وعذرا للتشبيه ده)ممكن نقف امام محل احذية فيعجبنا حذاء جدااااا وندخل نقيس نلاقيه ضيق درجة او اتنين فنقول مش مهم هايوسع بالوقت ويفضل ماش بيه وبالوقت هيحس بالالم اوي وهاينسي شكله ومش هايفضل غير الالم
فحاجة من الاتنين ليرمي الحذاء ويريح نفسه ليستحمل الالم للاخر عشان الحذاء تمنه غالي


وفي راي الاختيار في الزواج يجب ان يكون موضوعي ويكون عقلانيا وندع العواطف قليلا لانها تعمي نظرات العقول فيجب ان يكون الاختيار علي اساس اجتماعي ومادي وثقافي وعاطفي وشكلي ولا يجب الاستعجال في الزواج ويجب ان ينظر للامر انه حياة اخري سنعيشها وليست مغامرة او مقامرة فالخسارة هنا تكون مؤلمة للغاية




اخر امر بسرعة يااستاذة لاداعي للتحامل علي طرف دون الاخر فمن الانصاف ان نعطي لكي شئ حقه وننصفه فان كان هناك رجال متسلطين وياذون زوجاتهم ويبخلون عليهم ماديا وعاطفيا
فهناك ايضا نساء متسلطات وياذون ازواجهم وبخيلات عاطفيا وماديا
فالخطا ليس احتكارا علي نوع دون الاخر فهناك قاتل وهناك قاتلة وهناك سارق وهناك سارقة وهناك زاني وهناك زانية
وهناك ازواج سيئين وهناك زوجات سيئات



اخر امر
الزواج يااستاذ هو شرع الله وان تكون هناك اسرة سليمة في سبيلها للتكون اذن فهناك مجتمع سليم في سبيله للتكون

واسف علي التطويل وكل عام وانت بخير
والسلام

الفاتح اليعقوبي said...

السلام عليكم استاذة فنتزيا كل عام وانت بخير
انا قرات البوست ده واللي فات والصراحة مختلف في امور كثيرة جدا ومتفق مع حضرتك في امور اخري
بس انا هاتكلم من يث وجهة نظري وثقافتي بافتراض اني شخص بانتمي للتيار الاسلامي ولكني لاامثله تماما فلست متحدثا باسمه


بصي يااستاذة
الله تعالي يقول :(افمن اسس بنيانه علي تقوي من الله ورضوان خير امن اسس بنيانه علي شفا جرف هار فانهار به في نار جهنم )
قصدي ايه بالاية دي شئ تعلمته هو ان ماكان لله دام واتصل ومالغير الله انقطع وانفصل يعني انا بتزوج ليه اساسا رقم واحد هو ارضاء لله عز وجل لعل يخرج من صلبي الموحدين ولتظل الارض تعمر بالموحدين
تاني امر انا بشر لي نفس الاحتياجات التي يحتاجها البشر (وحضرتك وضحتي الامور دي في البوست اللي فات)
وده طبيعي جدا لان مهما الشخص اللي امام الناس ملتزم دينيا واخلاقيا ومظهريا فهو انسان في المقام الاول له نفس الاحتياجات البشرية ودعنا هنا من بعض الرهبنة
جاء ثلاثة رجال الي السرول صلي الله عليه وسلم فثقال اولهم اصوم ولا افطر وقال الثاني اقوم ولاانام وقال الثالث لااتزوج النساء فعلم بقدومهم رسول الله عليه والصلاة والسلام
فقال مابال اقوام يقولون كذا وكذا
فقال انا خير منهم اصوم وافطر واقوم وانام واتزوج النساء

قصدي ده شئ طبيعي لي كانسان
تالت حاجة الانسان في حياته يحتاج الي من يقف بجانبه واي انسان بطبعه يميل الي الجنس الاخر سواء كان الانسان ده ذكر ام انثي
يقول تعالي :(هو الذي جعل لكم من انفسكم ازواجا لتسكنوا اليها وجعل بينكم مودة ورحمة)
هذا هو الاصل في الزواج المودة والرحمة والتواصل بين الازواج ومن ثم تواصل الازواج مع اولادهم لاخراج فرد مسلم سليم وسوي عنده قدرة علي اعمار الكون



ونسيت حاجة مهمة شئ اخر من اهمية الزواج عامة هو استمرار النوع وبقائه


بصي يااستاذة لو ننظر الي اسباب فشل الزواج في بعض الاوقات هو ان قد يبحث عن الشكل الاجتماعي والمظهر علي خلاف الاختيار علي اسس صحيح والاساس الصحيح ليس رومانسي فقط ولكنه يتعدد من حيث الشكل والجوهر والمستوي الاجنتماعي والمادي و ايضا التوافق العاطفي فهذا لايمكن اغفاله

وعندي مثل للزواج الزواج عندي مثل الشوز او الحذاء (وعذرا للتشبيه ده)ممكن نقف امام محل احذية فيعجبنا حذاء جدااااا وندخل نقيس نلاقيه ضيق درجة او اتنين فنقول مش مهم هايوسع بالوقت ويفضل ماش بيه وبالوقت هيحس بالالم اوي وهاينسي شكله ومش هايفضل غير الالم
فحاجة من الاتنين ليرمي الحذاء ويريح نفسه ليستحمل الالم للاخر عشان الحذاء تمنه غالي


وفي راي الاختيار في الزواج يجب ان يكون موضوعي ويكون عقلانيا وندع العواطف قليلا لانها تعمي نظرات العقول فيجب ان يكون الاختيار علي اساس اجتماعي ومادي وثقافي وعاطفي وشكلي ولا يجب الاستعجال في الزواج ويجب ان ينظر للامر انه حياة اخري سنعيشها وليست مغامرة او مقامرة فالخسارة هنا تكون مؤلمة للغاية




اخر امر بسرعة يااستاذة لاداعي للتحامل علي طرف دون الاخر فمن الانصاف ان نعطي لكي شئ حقه وننصفه فان كان هناك رجال متسلطين وياذون زوجاتهم ويبخلون عليهم ماديا وعاطفيا
فهناك ايضا نساء متسلطات وياذون ازواجهم وبخيلات عاطفيا وماديا
فالخطا ليس احتكارا علي نوع دون الاخر فهناك قاتل وهناك قاتلة وهناك سارق وهناك سارقة وهناك زاني وهناك زانية
وهناك ازواج سيئين وهناك زوجات سيئات



اخر امر
الزواج يااستاذ هو شرع الله وان تكون هناك اسرة سليمة في سبيلها للتكون اذن فهناك مجتمع سليم في سبيله للتكون

واسف علي التطويل وكل عام وانت بخير
والسلام

Dr. Diaa Elnaggar said...

العزيزة فانتازيا

خليني اقولك الأول كل سنة وانت طيبة وعام سعيد عليك، وعلى خاصتك وعامتك إن شاء الله.

اسمحي لي بهذا الاقتباس الطويل بعض الشيء من كتاب النبي للمبدع جبران خليل جبران:

ثم قالت له المطرة ثانية : وما رأيك في الزواج أيها المعلم ؟

فأجاب قائلاً : قد ولدتم معا و ستظلون معا إلى الأبد و ستكونون معا عندما تبدد أيامكم أجنحة الموت البيضاء أجل وستكونون معا حتى في سكون تذمارات الله
ولكن فليكن بين وجودكم معا فسحات تفصلكم بعضكم عن بعض حتى ترقص أرياح السموات فيما بينكم احبوا بعضكم بعضا ولكن لا تقيدوا المحبة بالقيود بل لتكن المحبة بحرا متموجا بين شواطئ نفوسكم

ليملأ كل واحد منكم كأس رفيقه ولكن لا تشربوا من كأس واحدة أعطوا من خبزكم كل واحد لرفيقه ولكن لا تأكلوا من الرغيف الواحد


غنوا ارقصوا معا وكونوا فرحين ابدا ولكن فليكن كل منكم على حده كما أن واتار القيثارة يقوم كل منها وحده ولكنها جميعا تخرج نغما واحدا


ليعط كل منكم قلبه لرفيقه ولكن حذار أن يكون هذا العطاء لأجل الحفظ لأن يد الحياة وحدها تستطيع أن تحتفظ بقلوبكم
قفوا معا ولكن لا يقرب احدكم من الاخر كثيرا لأن عمودي الهيكل يقفان منفصلين
و السنديانة والسروة لا تنمو الواحدة منهما في ظل رفيقتها

ثم أتذكر الآية القرآنية: ومن آياته أن خلق لكم من انفسكم أزواجا لتسكنوا إليها وجعل بينكم مودة ورحمة،

وأتذكر الفنان عبد الحليم حافظ والمبدأ الذي أرساه في حياتنا المصرية بعد ثورة يوليو المباركة:

على حزب الريح ... ما يودي الريح ... وياه ماشي ... ماشي ولا بيدي !!!!!!!!!!!!!!!!!!!

هي دي مصيبة معظم الحاجات في مصر وعلى رأسها الزواج: على حزب الريح ما يودي الريح.

كل سنة وانت طيبة

عميق تحيتي وخالص مودتي

ضياء

Fantasia said...

3azeezi 3ala bab allah,
enta gebt elmofeed elsara7a.. hya hya nafs kobayet elshay, w nafs elma3la2a, w nafs elmosaken.. mafeesh fayda.. w aho riz2 elhebl 3al maganeen.. ya3ni eldoktoor dah howa elli tele3lo b sabooba kowyessa mn el2a7'er.
e7na bardo mawdoo3 elgawaz dah 3andena, mn kotr ma ba2a mahzala, ba2a kaman sabooba lelhebl 3ala 2afa elmaganeen.
efta7 elwaseet kedda bta3 youm elgom3a, w shoof kam maktab sha3'al f mawdoo3 elgawaz b elcomputer.. ew3a elteknologya ya3ni!! w tla2i el2e3lan mostafez ldaragah terfa3 elda3't w tgeeb zab7a kaman.. y2olak 3andena kol el2a3mar w kol elmostawayat.. regal w sayedat a3mal.. moqeemeen w mohagreen.. motalaqat w aramel.. eih dah????? na2es y2olak 3andena nizam 2est w momken el2estebdal!
w kaman elli kaslan awi yroo7 lmaktab elcomputer, momken yekalem 7'at el7'atbah b elmobile. w yeb3atoolo el3aroosa 3al SMS!
ham yeda7ak fe3lan.
kalamak koloh 7ekam ya 3ala bab allah.. bas ya reet 7ad yefham.
3am sa3eed 3aleek ya rab.. t7yaty.

Fantasia said...

marwa elshoga3a 2alb el2asad,
teslami ya amar. da enti bas elli btdala3eeni b kalamek el7elw. kol sana wenti tayeba. 3am sa3eed.

Fantasia said...

a7la cat f eldesert,
wallahi enti bent gada3a.. law kano kol elbanat kedda makanshy feeh wala wa7da etbahdelet f elma7akem. bas t2ooli lmeen ya benty? kolohom masroo3een 3al gawaz.. ay 7aga w 7'alas. mawdoo3 3osfooron f elyad dah ba2a sa7'eef awi.. w ba3deen feen el3asafeer dol ya 7asrah? ana kol elli shoftohom kano qerdon f elyad, feelon f elyad, 7omaron f elyad, 7'aznaton f elyad.. mashoftesh wala gena7 3asfoor 7ata!
w tela2i elbent mn dol hya aslan mesh moqtani3ah.. w troo7 mdabesani ba2a b elso2al 2eyah, bta3 eih ra2yek f el3arees! tab3an elwa7ed lazem yegamel.. bas elmoshkella enohom byetlakeko.. 3arfeen en elnas btgamelhom, bas byesta3bato 3alashan yesma3o kalam kowyess yeqne3hom b 2ay meeza f 3arees el3'afla..
bas elsara7a ana mn sa3et m fehemt elfoola, ba2eet madab ya 2o7'tshy.. aroo7 raz3a elkalam kedda wesh. a7'er marra wa7da sa2aletni elso2al dah 2abl el7'otooba b yomeen. wala hamani we7yatek.. elragel aslan akbar menha b 18 sanah.. ma 3aleena.. w shaklo ye2ta3 el7'ameera m elbeet.. ma 3aleena bardo.. w dam ahloh yoltosh b3eed 3an elgamee3. tayeb a2olaha eih di?
ro7t 2oltelha kol dah f weshaha, ha3mel eih? t2oom elmenayela 3ala 3enha troo7 ma3ayata l 2ahlaha w t2olohom fantasia 2alet en el3arees kaza w kaza, shofolko serfa, mesh 3ayza atgawez.. shofty elbet? 2al ya3ni makanetshy 3arfa ella lama ana 2oltelha!!
yalla koloh b sawaboh.. elmohem, efdalli 3ala mabda2ek ew3i 7ad yed3'at 3aleeki. kol 3am w enti b7'eer ya amar. t7yaty.

Fantasia said...

elfate7 elya3qoubi,
kol sana w 7adretak tayeb w b 2alf 7'eer. shokran 3ala ehtemamak b qera2et elgoz2een, ra3'm tool elmaqal.
elsara7a ana mesh shayfa en 7adretak mo7'talef ma3aya fi 7agat kteer awi zy m 2olt! da 7adretak tayyar islamy spor awi. w dah shee2 a7ayeek 3aleeh.. l2enni shayfa en ta3reefak lnafsak k wa7ed btantami leltayar el2i7'wani lam yamna3ak mn tabani 2ara2ak elsha7'syah w 3ardaha b kol 7orreyyah.
ana kol hadafi mn elmaqal dah en elnas terga3 lmafhoom elmawada w elra7ma elli 7adretak tafadalt w zakartohom. 2amma mawdoo3 el2atfal, f allah yag3al mn yasha2 3aqeeman. ya3ni mesh howa el2asas. momken geddan elgawaz ykoon nage7 w sa3eed w by7'dem bena2 elmogtama3 k kol, mn 3'eer m yongebo.
w ba3deen y7'la2 mn dahr el3alem fased.. 7ad ye2dar yedman awladoh hyetla3o 3amleen ezay f elzaman dah? elmohem el2asas ykoon saleem.
elsara7a mawdoo3 elgazma, w law enni fahma wagh elshabah elli 7adretak to2sodoh, lakeni mo7'talefa ma3ah shaklan w mawdoo3an. elgazma tetremi f steen dahya.. laken elgawaz dah mo2asasah btadom magmoo3a mn el2afrad, elli menhom momken ykoono atfal.. el2atfal dol eih zanbohom law aboohom qarar yermi elgazma elli ta3ba regloh w 3amlaloh kalloh?
ana htkalem 3an mawdoo3 eltala2 dah b shakl mofasal f maqalat gyya insha2alla.. 3alashan el7ekaya bta3et elsetat elzalamah di kaman tkoon wad7a. asl elsetat 7atta law elgazma 7'alet sawabe3hom kolaha tdoo7as mesh bye3rafo yermo elgazma, wala 7ata yefokooha mn reglohom.
tmnyaty b 3am sa3eed. 7'ales t7yaty.

Fantasia said...

3azeezi dr. diaa,
lel2asaf 7ezb elree7 dah howa 7ezb el2a3'labiyah f elgawaz!
ya doctor, enta lazem te2aleb 3aleena elmawage3? howa feeh 7ad bye2ra lgobran 7'aleel gobran delwa2ty? 7ad ye2dar ye7es b elkalam dah?shoof elraw3a..
غنوا ارقصوا معا وكونوا فرحين
ابدا ولكن فليكن كل منكم على حده كما أن واتار القيثارة يقوم كل منها وحده ولكنها جميعا تخرج نغما واحدا
dol masryeen dol? ye3'ano w yer2oso w ykono far7aneen.. la2 w kaman kol wa7ed yeb2aloh mesa7toh el7'assah? ya doctor, dol elregala m yesada2o yetgawezo 3alashan yela2o 7ad yet7akemo feeh w yetala3o 3o2adhom. w elsetat mn kotr el3'am w elka2abah b yeb2o mesh 3arfeen yefra7o 7atta law 7awlo. w tla2y elwa7da menhom 3alashan tente2em tefdal laz2a lgozha 3alashan te2refoh.
koloh mashi 3ala 7ezb elree7 maywadi.. ay 7aga w elsalam.. ahi 3eesha w 7'alas. welli nbat feeh nesba7 feeh. di nesbet el2ekte2ab w 2amrad el2alb f masr ya doctor 7atamt el2arkam elqeyasiyah.
yalla.. balash elseera di w e7na da7'leen 3ala sanna gdeeda. kol 3am w 7adretak b7'eer. t7yaty w kol ta2deeri lelta3lee2 el2aktar mn ra2e3.

Mask said...

أول مرور لي هنا
وجدت نمطا من الفكر احترمه
واسلوبا في الكتابه اقدره
اتفق معك في كثير مما ذكرتيه
لا استطيع الا الوم المجتمع على " تنميط " الزواج ووضع قوانين له قوانين شكليه لا تخدم جوهر الزواج في شيئ..
لكن بالثقافه و القراءه ينمو وعي البنت
حتى لو كبرت وسط مجتمع مثل الذي نعيش فيه
وتنمو لديها القدره على النقد و التحليل
وكشف قورات تفكير هذا المجتمع
مثلما حدث معك
فقد تحررتي من سحر الغلاف البراق الذي غلق المجتمع به الزواج
و وجتهي ناظريك الى الجوهر
الى خلاصه القصه
ولب الموضوع
ولكن اتمنى ان نفرح قريبا بك عروسة
في زواج مكتمل الاركان اساسه الحب وبنيانه الموده والرحمه
وكل سنه وانت طيبه وبخير

Fantasia said...

mask,
ashkorak geddan 3ala kalamak elraqeeq w wasfak elbadee3 lma aktoboh.
2o2ayed 7adretak b kol qalby fi mawdoo3 ahameyet elqera2ah b elnesbah lelbent.. w laken laysat ay qera2ah.. bal elqera2ah b hadaf elma3refah. w lel2asaf mo3zam elbanat yaqra2n leltaslya aw lma3refet elqoshoor w el2ara2 elsat7eyah.
atmna an yakoon awal moroor lak shaga3ak 3ala dawam elzeyarah. kol t7yaty.

د\أسماء علي said...

للأسف واقع بشع .. والمشكلة في الضغط الغير طبيعي على البنت ف المجتمع بحجة ان الجواز سنة الحياة .. كأننا خلصنا كل الفروض والسنن وهو ده اللي باقي ..
موقف شخصي حصلي .. ان واحد اتقدم عشان البيه عجبته لما شافني مرة بالحظ .. المهم لما اعترضت اتقالي بالحرف الواحد ماهو انتي لما ترفضي من غير سبب هيطلع عليكي كلام كتير ..!!
وطبعا اللستة اللي اتحكى عنها موجودة
دي شقته مواصفاتها كذا
وعنده كذا
ومنصبه كذا
وعيلته كذا
طيب ياجماعة هو مثقف ؟؟
طيب هو ايه افكاره ؟
طيب مش يمكن مانتوافقش ؟؟
بكل بساطة ده ابن ناس ومتدين ومتربي
وسلملولي على الاحساس بمعنى الكلمة ..
بكل بساطة مااقدرش اجهر برأيي لأني مش ناوية اتجوز الا اذا حسيت ان في حد خلاني فعلا افكر اني ابدأ معاه بيت مستقر
لكن اجوز عشان مايفوتنيش القطر والكلام ده بيعملي حالة اختنااااق
وزي ماقلت مش باجهر برأيي
بس بارفض بجميع الحيل
لأن الجواز عندي مش غاية لكن الاستقرار النفسي هو الغاية ..
وطبعا انا كده مش طبيعية او في احتمال ان في حد في دماغي
او بنت مش ملتزمة كمان وعايزة ابقى براحتي ..
....
موضوع هايل ..
واول مرة ادخل النهادرة البلوج بتاعك بس بجد
اتشديت للمواضيع جدااا
..

Fantasia said...

الدكتورة اسماء علي

سعيدة بتشريفك لمدونتي المتواضعة واشكرك على تعليقك اللي بيضيف كتير للموضوع المطروح

الصراحة تجربة حضرتك بيمر بيها معظم البنات ف مجتمعنا انهاردة, واغلبهم للأسف الشديد بيرضخ للضغوط المجتمعية والضغوط اللي بتمارس من الاهل لاقناعهم

النتيجة بتكون مدمرة للجميع, وكمان بيدفع تمنها اطفال ابرياء مالهمش أي ذنب.. ونسبة الامراض النفسية والنفس-جسمية بين السيدات المتزوجات في مصر ف ارتفاع مستمر.. اقولك الحق, انا اترعبت لما اتنين من صديقاتي المتزوجات جالهم ارتفاع في ضغط الدم وهما ف العشرينات. انا مش عارفة نسبة احتمال حدوث دا قد ايه, لكن حسب معلوماتي المتواضعة اقدر اقول ان دا شيء مش طبيعي.. وفيه منهم واحدة كان عندها اشتباه ف جلطة ف القلب

الاكتئاب تفشى ف مصر بشكل غير عادي.. والله يرحمه الدكتور عادل صادق كان دائم الحديث عن خطورة الظاهرة دي.. وكان بيقول دايما ان الضغوط الاقتصادية والاحباط من الحالة السياسية مش لوحدهم السبب.. لان فيه بلاد حالتها اسوأ من مصر بمراحل ومع ذلك نسبة الاصابة فيها بالاكتئاب في حدودها الطبيعية

يعني انتي بجد اشتريتي نفسك.. اللي عايز يقول حاجة يقولها, لكن راحتك النفسية واختيارك للشريك المناسب وسعادتك في حياتك هما الاساس.. اوعي تخلي حد يسرق عمرك.. الانسان بيعيش مرة واحدة, والخسارة ف موضوع الجواز تحديدا شيء كارثي

لازم تكوني راضية عن حياتك علشان تقدري تشتغلي وتبدعي وتكوني فرد مفيد وفعال ف المجتمع.. ولازم تكوني سعيدة عشان تقبلي ع الحياة وتمارسي دورك فيها بشكل يضفي عليكي المزيد من السعادة.. وبرضه عشان حياتك الاجتماعية والعاطفية والاسرية تكون سليمة. صدقيني طول ما قرارك ف ايدك عمرك ما هتندمي.. اللي ندموا كلهم لما راحوا يعاتبوا الناس اللي تسببوا ف ندمهم اكتشفوا انهم اتخدعوا.. لان اول شيء اتقالهم طبعا كان احنا كنا بننصح لكن ما اجبرناش حد يعمل حاجة ضد رغبته.. وكلام زي انتي واحدة ناضجة ودا كان قرارك ودي مسؤليتك وهكذا.. مفيش حد مستعد يتحمل مسؤلية الاخرين, رغم التدخلات والضغوط المستمرة اللي دايما بيمارسوها عليهم.. دي ثقافة مجتمعنا للأسف

اتمنى لك كل الخير

خالص تحياتي

مريم said...

chapeau

Fantasia said...

شكرا يا مريم على مرورك وأرجو دوام التواصل

سعيدة ان البوست حاز على اعجابك
وبجد قلبي معاكي في موضوع شراء الملابس ده
اصبح مؤخرا فيه بديل لم يكن متاحا وقت كتابة بوست نقاب ولا بكيني، لكنه متوفر في المحلات التي تعرض الملابس المستوردة وطبعا اسعارها عالية جدا

تمنياتي بالتوفيق في دراستك. ومرحبا بك في عالم التدوين