Tuesday

عايزة أشهد


وكيلة مجلس الشعب تطالب بمساواة شهادة المرأة بالرجل.. والإخوان يرفضون

كتب محمد أبوزيد ١١/٣/٢٠٠٨

طالبت الدكتورة زينب رضوان، وكيلة مجلس الشعب، بالسماح بتوريث الزوجة «الكتابية» - المسيحية أو اليهودية - والأخذ بشهادة أصحاب الديانات الأخري في مسائل الأحوال الشخصية، ومساواة شهادة المرأة الواحدة بالرجل أمام المحاكم، في إطار تفعيل مبدأ المواطنة والمساواة بين المواطنين

وذكرت في اجتماع للجنة حقوق الإنسان بالمجلس أمس، أنه لا توجد أي موانع في القرآن والسنة لتطبيق ما تدعو إليه، وأن الدستور يدعو للمساواة بين المواطنين وهو ما لا يتم تطبيقه، معتبرة أن حكم القضاء الإداري بوضع «شرطة» مكان خانة الديانة للبهائيين، يمثل تدعيماً لمبدأ حرية العقيدة

واعترض نواب الإخوان علي اقتراحات وكيلة المجلس، وقال النائب محمود عامر، إن ما تدعو إليه زينب رضوان مخالف للشريعة الإسلامية، وخروج علي المرجعية الدينية للمجتمع المصري

ودافعت زينب رضوان عن موقفها بتأكيدها أنها لا تقصد المساس بثوابت الشريعة الإسلامية، وأن مقترحاتها جاءت لإظهار الوجه الصحيح للإسلام

واقترح النائب محمد عامر، وكيل لجنة حقوق الإنسان، عقد اجتماع مشترك مع لجنة الشؤون الدينية، وبمشاركة مجمع البحوث الإسلامية وممثلين من الأزهر ودار الإفتاء للوصول إلي رأي فقهي صحيح حول ما طرحته الدكتورة زينب رضوان
نقلا عن جريدة المصري اليوم
.................................


مشكلة.. بجد مشكلة. كل ما نيجي نمشي خطوة لقدام نلاقي وطاويط الظلام طالعينلنا من كل ناحية ويقولولنا كان غيركم أشطر! طب ليه يا عم الوطواط؟ يقولك الست نص انسان! يا عم عيب عليك ما تقولش كدة. يقولك هو كدة. يا وطوط حرام عليك, الكلام دا ما يرضيش ربنا. بجبروت أهله يبجح ويقولك ربنا هو اللي عايز كدة!!.. يا عم ازاي يعني؟ بقى ربنا العدل يرضى بالظلم؟ دا هو اللي خلق البشر كلهم متساويين وأكد على المساواة وعلى ان مفيش حد أحسن من التاني إلا بعمله.. يبقى ازاي انتى تتبلى على ربنا بكل بجاحة وتقول هو اللي عايز كدة؟ وكمان مش عايز حد يعارضك؟

الدكتورة رينب رضوان مش بتاعة كشري والله.. مع كل احترامي لكافة العاملين في صناعة الكشري والأمن الغذائي.. لكن هذه السيدة الفاضلة هي استاذة في أصول الشريعة الإسلامية, ولا يمكن أن تقدم على تقديم مشروع قانون كهذا وهي غير واثقة تمام الثقة ان الأمر ليس به أي شبهة تعارض مع الشريعة الاسلامية

موضوع ان شهادة المرأة قدام المحاكم يكون نص شهادة الراجل دا موضوع ملوش أي أساس. ازاي الست عندنا تبقى قاضي وف نفس الوقت ما يتخدش بشهادتها؟ تخيلوا حجم القضايا اللي بتتعطل عشان مفيش غير شاهدة واحدة! معقولة يعني؟ وهو الراجل هيشهد بإيه زيادة عن الست؟ ما هي هتقول اللي شافته وسمعته زيها زي أي راجل.. ماهي عندها جوز عينين وجوز ودان برضه.. ولا الراجل عنده أربع عيون مثلا؟ ولا يمكن يكون عنده جوز ودان مستخبيين ولسة ما حدش اكتشفهم! يا جدعان ربنا عرفوه بالعقل.. كفاية بقى.. ارحمونا.. ضحكتوا علينا العالم‏

مفيش حاجة اسمها الست نص انسان.. الست انسان.. كامل الأهلية.. يعني ازاي أنا أبقى ماشية بنص مخ على أساس الحديث المتفبرك بتاع ناقصات عقل ودين, وبعدين ربنا يحاسبني زيي زي الراجل؟ طب ما أنا لو غلطت أبقى معذورة بقى.. مش ربنا هو اللي خلقني بنص عقل؟ مش أنا مجنونة ومهبولة ومعتوهة ومش عارفة أشهد زي الراجل عشان عقلي ترالالي والذاكرة عندي سايحة على المخيخ وعاملين ماس بيطلع كهربا 3 فولت؟

يا ناس عيب عليكم.. بقى بدل ما نشكر الاستاذة ونقولها كتر خيرك انك نبهتينا, ونلوم نفسنا اننا أتأخرنا كل دا في مراجعة رؤيتنا المحدودة لنصوص الدين, تقوموا تقولولها لأ وتتهموها انها بتخالف احكام الشرع؟ حد تجيله الفرصة انه يعيد جزء من الكرامة المهدورة لأمه وأخته وبنته وزوجته ويقول لأ؟ حد يجيله الفرصة انه يبين حقيقة دينه وانه في جوهره دين تقدمي بيدعو للمساواة بين البشر ويقول لأ؟ حد يجيله الفرصة انه يرحم آلاف الأسر من البهدلة في المحاكم ويقول لأ؟ حد يجيله الفرصة انه يخدم العدالة وينصف الحق ويقول لأ؟

يا ريت نسمع صوت ضمايرنا ونحكم عقولنا, هي دي البوصلة اللي زرعها ربنا داخل كل واحد فينا عشان يعرف طريق الحق والخير والعدل. وأنا أشهد أن المساواة عدل, وان الأخذ يشهادة أمرأة واحدة حق, وأن اعادة كرامة المرأة التي سلبها اياها المجتمع في غفلة فرض السيطرة الذكورية خير

80 comments:

Al-Firjany said...

هي الخفافيش بقيت وطاويط هنا ولا إيه؟؟
:-))

طيب ماشي، يا ريت من حضرتك بس حديث أو نص قرآني أو حتى كلام شيخ ثقة على إن شهادة المرأة تساوي شهادة الرجل .. وهتلاقيني مؤمن وراكي على طول

بس كلمة واحدة أو حتى حديث من اللي حضرتك فبركتيه مش عارف ازاي، تقوليه كدة، وتبص تلاقي التعليقات نزلت ترف "موافقة" (أو هكذا أتخيل)

عن نفسي هأحاول أتفقه وأشوف ليه، ولكن مش عاوز خلط لأمور وفهم قاصر لحديث وحكاية محاسبة أو غير محاسبة، دي نقرة ودي غير! بلاش بس ندخل في تفسيرات وتأويلات مالهاش دخل بالموضوع، خصوصا في مسالة دينية أو حديث شريف ونقول ربنا هيحاسبنا ازاي.

Anonymous said...

ياشيخة حرام عليكي بقى
اتقي ربك وبطلي حواراتك ديه
انتي عاوزة ايه بالضبط
دة موضوع محسوم يا ماما القران واضح فيه وقال فاستشهدوا برجلين فان لم تجدوا فرجل وامراتين
فين بقى احااديثك واياتك يا ست الحاجة بقى ارحم نفسك شوية وقبل ما تتكلمي وتدافعي وتقفي على المنبر زورك يلتهب ابحثي شويتين وانا اقول على بحثك اميين

على باب الله said...

المشكلة أنك لنا تيجي تكلميهم عن الدستور الوضعي ( يعني اللي من وضع البشر ) .. يكلموكي عن الشريعة الإلهية

--

طول ما المادة التانية في الدستور موجودة .. ها نفضل نسمع أصوات بتوع الكشري دي كتير

---

Desert cat said...

مش عارفه اصحاب الشعارات الرنانة دول هيفضلوا لحد امتا يقولون مالا يفعلون
المشكلة اهم المفروض يكونوا عارفين الدين اللى بيطالبوا بيه مش هما عايزين يعملوا دولة اسلامية
طيب دولة اسلامية ازاى وهما بيفتروا على الله كذبا
لا حول ولا قوة الا بالله

Unknown said...

انتي لو بتكلمي حجر هايفهمك عن الناس دول مش الاخوان حطوا مناخيرهم يبقي هايخربوها و يرقصوا علي تلها

مش عارفا مين الي عمل كل حاجه حرام و مخالفه للدين يعني عايزن يلبسونا اكياس زباله و يكتموا صوتتنا و يرفعوا سيوفهم في وشنا و يعاملونا نص انسان ده باي منطق ولا دين

و تيجي تكلميهم يلبسوا ماسك الملاك و يقولول قال الله و قال الرسول

ياريت الفكره دي تتم و تتنفذ

تحياتي يا احلي فانتا دايما بكون مبسوطه و انا بقرا حاجه عندك يا قمر

Anonymous said...

dear fanta:
انا مش هقدر اتكلم في الناحية الدينية علشان انا مش متدينة اوي و اخاف اقول حاجة غلط ولا حاجة ,بس انا اعتقد ان انا قريت في المصحف قبل كدة ان شهادة المراة لا تساوي شهادة الرجل و لكن لازم يكونوا امراتين فاذا نسيت احداهما ذكرتها الاخري.و اعتقد ان الله سبحانة و تعالي عادل بمعني ان لو فية شاهدة واخدة فيجب الاخذ بشهادتها.و الله اعلم بس مادام الدكتورة زينب رضوان شايفة كدة يبقى اكيد هي تعرف اكتر مني بكتيير.انا حاسة ان كل حاجة في مصر اتغيرت في السنتين اللي انا سبتاها فيهم دول و للاسوا للاسف
سلام يا قمر

Al-Firjany said...

طيب اللي عمالين يشتموا الاخوان وإنهم ما بيفهموش في الدين وما لهمش فيها؟ طيب ما تورونا انتم؟؟ كلمونا انتم عن الدين؟
هم شيوخ ولاد ستين في سبعين وواخدين الدين وسيلة وعمرهم ما عرفوا ربنا حسب كلامكم .. طيب ماشي
عرفونا انتم بقى ديننا .. قولوا لنا ديننا إيه

أفهم وبعض الفهم ربما إثم إن اللي بيعيب في حد يطرح بديل أو يبين ليه هو على غلط
إنما انك تتكلم بعبط وتشتم وتسب وتلعن تبقى مجرد بغبغان

==
إلا هو الشتيمة حكمها إيه يا حضرات الشيخات الفضيلات؟

Fantasia said...

الفرجاني

أنا مش عارفة أقول إيه الصراحة؟ يعني حضرتك فاهم ان الدين بيخالف الضمير والمنطق؟ دي رؤيتك للدين؟ انه مجرد نصوص وخلاص نمشي وراها واحنا مغمضين؟ يا أخي الحلال بين والحرام بين.. باين انك فاكر ان ممكن ربنا يقول للبشر يعملوا حاجة تخالف العقل والمنطق والقيم الانسانية

طيب لو مفيش مكان عند حضرتك لمناقشة المواضيع بالعقل والمنطق فيا ريت تريح نفسك من وجع الدماغ وتشوفلك شيخ ثقة تمشي وراه

مين اللي شتم مين؟ معلش كلامك غير واضح ولا مترابط ولا مفهوم انت عايز ايه.. كله خارج السياق

Fantasia said...

أبو جهل اللي نفسه ربنا يهدينا

ربنا يهدي حضرتك ويا ريت لغة الحوار تبقى محترمة عن كدة شوية بما انك بتتكلم من منطلق انك العالم العلامة بشئون الدين

يعني إيه فين احاديثك وآياتك؟ استغفر الله العظيم.. أنا ليس لي أحاديث أو آيات.. وليس لي أي منفعة شخصية من وراء وقوفي بجانب الحق والعدل

تأدب يا أبا جهل, فأنت من تدعي على الدين الاسلامي ما ليس فيه, بل وتبالغ بقول ان الأمر محسوم. من أين لك بهذه الوقاحة وهذه القدرة على التجني السافر؟

Fantasia said...

الاستاذ العزيز على باب الله

يا سيدي الفاضل هذا الادعاء لا علاقة له لا بشريعة ولا دستور.. هذه شوفينية.. والشوفينية لا تعترف بأي قانون أو شرع غير الذي يحدده أصحابها

خالص تحياتي

Fantasia said...

العزيزة قطة الصحراء

هؤلاء الظلاميون لا يهمهم الدين كما يدعون.. كل ما يهمهم هو ان نقبع جميعا في ظلمات الجهل والتخلف حتى يسهل لهم التحكم بنا والتكسب على حسابنا

الدكتورة زينب رضوان هي استاذة في أصول الشريعة الإسلامية, ومع ذلك يعتقدون ان كونهم رجال يبيح لهم التهجم عليها والاعتراض على مطلبها دون مناقشة ما يدعم موقفها وما يثبت أن الدين لم يفرق أبدا بين الرجل والمرأة

وللعجب فانك تجدين المنتمين لجماعة الإخوان نفسهم هم من يقولون طوال الوقت ان الاسلام هو الذي أعطى للمرأة حقوقها! لكن هذا مجرد جزء من ترويج افكارهم واحكام قبضتهم على عقول النساء في مصر.. فحين يأتي يوم الاختبار الحقيقي يكونون أول الساقطون ويكشفون عن وجههم الفاشي الذي يخفونه تحت عباءة الدين, والدين منهم براء

Fantasia said...

العزيزة إيمي

هؤلاء هم الاخوان يا عزيزتي وهذا هو فكرهم القبيح الذي لا يمت بصلة لجوهر أي دين من الأديان.. هؤلاء هم اعداء الإسلام.. فكما وصفهم الشيخ حسن البنا وهو مؤسس الجماعة والأدرى بحالهم, فهم "ليسوا اخوانا و لا مسلمين", وهذه مقولة شهيرة له حين رأى هذه الجماعة تفسد وتنحرف عن مسارها الأساسي

وأقولها لك من الآن وأنا واثقة تمام الثقة, أنه لو كتب لهذا القرار أن يتم الموافقة عليه في مجلس الشعب, فسيكون الإخوان أول من يروجون للفكر المضاد لما يروجون له اليوم من زعم كاذب لمنع تمرير هذا القانون. وسيتشدقون على النساء المسلمات بقول ان الإسلام هو دين المساواة وأن العلمانيين الزنادقة الذين طالبوا بمساواة شهادة المرأة بالرجل لم يأتوا بجديد.. وسيتبجحون وينسبون هذا الموقف التقدمي لشيوخهم الظلاميين, الذين يعتلون المنابر اليوم لينددوا بطلب الدكتورة زينب رضوان ويدعون ان الهدف من وراءه هو هدم الدين والاعتداء على الشريعة الاسلامية

حين يأتي هذا اليوم, أمانة عليك,, اذكريني.. وقولي لكل معارفك أن هناك فتاة تدعى فانتازيا قد تنبأت بأن هذا سيحدث في حال الموافقة على هذا القرار. مع اني لا اتنبأ ولا أقرأ الغيب, بل أقرأ التاريخ وأتعلم من الماضي.. وهذه هي عادة الإخوان دائما.. التلون كالحرباء

خالص تحياتي

Fantasia said...

العزيزة سولا

انتي خايفة تقولي ان هو دا العدل؟ ما تخافيش.. خليكي واثقة ان ربنا هو العدل, ومش ممكن يظلم أي انسان, ولا حيوان حتى.. البشر بس هما اللي بيظلموا بعض وبيقهروا بعض وبيحاربوا بعض ويستعبدوا بعض على مر التاريخ

اوعي حد يخوفك يا سولا.. أوعي حد يهز ايمانك بان الله عادل لا يرضى بالظلم.. أوعي حد يفهمك ان الدين ضد العقل والمنطق السليم.. أوعي حد يرهب أفكارك.. ما تشكيش ف اللي ضميرك بيقوله, لان هو دا الرادار اللي ربنا خلقه جواكي عشان يوجهك ويعرفك الصح من الغلط.. صدقيني, ربنا موجود في قلب كل واحد فينا, وهو دا اللي بيخلي الدنيا فيها خير

خالص تحياتي

Fantasia said...

إلى كل من يرفض العقل ويقدس النقل

لقد هالني حجم المعارضة الشرسة التي وجهت إلي بعد فتح باب المناقشة في موضوع حق المرأة في مساواة شهادتها بالرجل أمام المحاكم وبعد نشر مقالي هنا عن نفس الموضوع, وكأني أطالب بشيء مشين أو حرام وليس العكس

وما أدمى قلبي هو هذه النزعة المتطرفة في الحوار والتي جنحت بالبعض لتزين له الهجوم على شخصي, باعتباري فاسقة تريد هدم الدين الإسلامي

أما الفاجعة فكانت في ضرب كل ما جاء من أدلة وطرح منطقي يؤكد عدالة هذه القضية وشرعية هذا المطلب بعرض الحائط, وتحدي البعض لي بأن آتي بدليل من النصوص أدافع به عن موقفي في دعم هذا المطلب الإنساني

آه لو يعلم هؤلاء قدر الإهانة التي يوجهونها لدين الإسلام! أتخشى أن تقول الحق وأن تدعم ما هو انساني ومنطقي وتظن أن الله أقل عدلا وانصافا من البشر؟ أتوصم دينك بأنه هو الذي أهان المرأة وجعلها في مرتبةأقل من الرجل؟ أيمكن أن يخلق الله الأنثى لتكون نصف إنسان؟ أيمكن أن تتعارض إرادة الله مع العلم والضمير والمنطق العقلي السليم؟ أهذا هو إسلام هذه الأيام السوداء التي نعيشها؟

تبا لهذه العقليات! تبا لهذا التشوه الفكري! تبا لهذا الكم من الجهل والانغماس في الظلمات! تبا لكل من اتخذ لنفسه شيخا ورفعه لمنزلة الإله ليستقي منه دينه! تبا لكل من رضي أن يلغي عقله الذي كرمه به الله ليقدس آراء بشرية لبعض المرتزقة الذين يتكسبون من الاتجار بالدين ليصنعوا كهنوتا لا وجود له في الإسلام.. تبا حين يلفظ الانسان آدميه ويدوس على كل القيم النبيلة في سبيل الانسياق الاعمى وراء أبو جهل هذا العصر الذي يعده بالجنة وكأنه يحمل مفاتيح الفردوس في يده

لكل هؤلاء أقول.. حين يغيب عقل المسلم فإنه يصبح كالحمار يحمل أسفارا. فاتقوا الله في دينكم ولا تتبعوا من شوهوه وألصقوا به القبح والتعاليم التي تحض على الكراهية والبغض والظلم. واذا كنتم تقدسون تفاسير شيوخكم الذين أوصولوا صورة الاسلام إلى هذا الوضع المأساوي وأمحوا عقولكم وخربوا ضمائركم, فأنا أعلم مقدما أن كلامي لن يجدي معكم ولن يوقظ ما قتل داخلكم أو يزيل الغمامة من على عيونكم. ولكني أخاطب من له عقل أو بقايا عقل.. من له قلب أو بقايا قلب.. من له ضمير أو بقايا ضمير.. من يستطيع تمييز ما هو إلهي عن ما هو بشري

وللذين يرفضون العقل ويظنون أن الدين يتعارض مع قوانين المنطق وصوت الضمير

وللذين يقدسون النقل ولا يعترفون إلا بأقوال الشيوخ والسلف

هاك هو الدليل من الشريعة الإسلامية على أنه لا وجود لزعم أن شهادة المرأة تساوي نصف شهادة الرجل. فلتفرحوا بجهلكم بأمور دينكم يا أتباع طيور الظلام

......................

آية سورة البقرة [يا أيها الذين آمنوا إذا تداينتم بدين إلى أجل مسمى فاكتبوه، وليكتب بينكم كاتب بالعدل، ولا يأب كاتب أن يكتب كما علمه الله فليكتب وليملل الذي عليه الحق وليتق الله ربه ولا يبخس منه شيئًا، فإن كان الذي عليه الحق سفيهًا أو ضعيفًا أو لا يستطيع أن يمل هو فليملل وليه بالعدل، واستشهدوا شهيدين من رجالكم فإن لم يكونا رجلين فرجل وامرأتان ممن ترضون من الشهداء أن تضل إحداهما فتذكر إحداهما الأخرى، ولا يأب الشهداء إذا ما دعوا، ولا تسأموا أن تكتبوه صغيرًا أو كبيرًا إلى أجله، ذلكم أقسط عند الله وأقوم للشهادة وأدنى ألا ترتابوا إلا أن تكون تجارة حاضرة تديرونها بينكم فليس عليكم جناح ألا تكتبوها، وأشهدوا إذا تبايعتم، ولا يضار كاتب ولا شهيد، وإن تفعلوا فإنه فسوق بكم، واتقوا الله ويعلمكم الله، والله بكل شيء عليم. وإن كنتم على سفر ولم تجدوا كاتبًا فرهان مقبوضة، فإن أمن بعضكم بعضًا فليؤد الذي اؤتمن أمانته وليتق الله ربه، ولا تكتموا الشهادة، ومن يكتمها فإنه آثم قلبه، والله بما تعملون عليم] –البقرة: 282، 283-..

الذين يظنون أن هذه الآية –282- تجعل شهادة المرأة نصف شهادة الرجل بإطلاق، وفي كل الحالات مخطئون وواهمون

فهذه الآية تتحدث عن دَين خاص، في وقت خاص، يحتاج إلى كاتب خاص، وإملاء خاص، وإشهاد خاص
وهذه الآية –في نصها- استثناء [.. إلا أن تكون تجارة حاضرة تديرونها بينكم فليس عليكم جناح ألا تكتبوها]
ثم إنها تستثنى من هذه الحالة الخاصة الإشهاد على البيوع، فلا نقيدها بما قيدت به حالة هذا الدين الخاص

ثم إنها تتحدث، مخاطبة، لصاحب الدين، الذي يريد أن يستوثق لدينه الخاص هذا بأعلى درجات الاستيثاق.. ولا تخاطب الحاكم –القاضي- الذي له أن يحكم بالبينة واليمين، بصرف النظر عن جنس الشاهد وعدد الشهود الذين تقوم بهم البينة.. فللحاكم –القاضي- أن يحكم بشهادة رجلين.. أو امرأتين –أو رجل وامرأة.. أو رجل واحد.. أو امرأة واحدة.. طالما قامت البينة بهذه الشهادة

ومن يرد الاستزادة من الفقه الإسلامي في هذه القضية –التي يجهلها الكثيرون- فعليه أن يرجع إلى آراء شيخ الإسلام ابن تيمية [661-728هـ 1263-1328م] و الإمام ابن قيم الجوزية [691-751هـ 1262-1350م] في كتابه [الطرق الحكمية في السياسة الشرعية] ص 103، 104 طبعة القاهرة سنة 1977م.ز ففيه –وفق نص ابن تيمية- وأن ما جاء عن شهادة المرأة في آية سورة البقرة، ليس حصرًا لطرق الشهادة "وطرق الحكم التي يحكم بها الحاكم، وإنما ذكر لنوعين من البينات في الطرق التي يحفظ بها الإنسان حقه.. فالآية نصيحة لهم وتعليم وإرشاد لما يحفظون به حقوقهم، وما تحفظ به الحقوق شيء وما يحكم به الحاكم شيء، فإن طرق الحكم أوسع من الشاهدين والمرأتين..".

ولقد قال الإمام أحمد بن حنبل [164-241هـ 780-855م] إن شهادة الرجل تعدل شهادة امرأتين فيما هو أكثر خبرة فيه، وأن شهادة المرأة تعدل شهادة رجلين فيما هي أكثر خبرة فيه من الرجل

Anonymous said...

يا امة لما قلتلك اياتك واحاديثك القصد اللي بتستندي ليها
ودة علشان بس نتناقش على اللي هتعرضيه
وبركة انك اهو بتستندي لاراء ابن تيمية والجوزي وابن ححنبل
اشمعن المرة دي يعني
عموما يلا يا ست هانم يا مؤدبة يا بنت الناس الكمل ياللي عاوزة الحوار يبقى محترم
خليكي انتي محترمة الاول الناس تحترمك
اللي اسمه على باب الله دة
خليها المادة التانية كدة قاعدة مطهقاكوا في عيشتكوا ما هو لو دينكوا كان كامل كان اتاخد بيه لكن هتعمل ايه بقى دينك محرف يا اسطى
ناقص ومافيهوش احكام المواريث
وبعدين انت عاوز الحكومة تتقطع ولا ايه
المادة دي اذا فكروا انها تتشال هتتشال معاها حاجات كتير

Fantasia said...

الاستاذ الفاضل على باب الله

أرجو أن تتقبل اعتذاري عما ورد في تعليق أبو جهل

من الطبيعي أن أحذف تعليقه, فأنا لا أرضى بإزدراء الأديان على مدونتي, لكني أردت أن يبقى هذا التعليق كدليل وشاهد على أصحاب الفكر المضاد وما يعتقدون به وما يروجون له من سموم

إن تطاول هذا الكائن الجهول على الدين المسيحي لهو أقوى دليل على انحطاك ثقافة هؤلاء المتأسلمون الجدد الذين يسيئون لدين الإسلام ولمنطقتهم العربية عامة, فهم وصمة عار في جبين هذه الأمة

من يفعل ذلك فهو شخص لا يعرف أي دين ولا يملك أي أخلاق أو يعي معنى الانسانية

اعذرني في عدم حذف هذا التعليق البذيء, وتقبل خالص أسفي

Al-Firjany said...

هو أنا داخل أتناقش ولا داخل مدونة طريقك إلى علم المنطق والاستنباط
قريت كلامك هنا وفي الفيس بوك عن حكم ابن حنبل وابن تيمية في شهادة المرأة

طيب ليه ما كانش من الأول؟. وإيه اللي ربنا هيقول حاجة تخالف العقل والمنطق والقيم الانسانية؟ إيه علاقة ده بده مش فاهم؟؟ ما هو جايز ربنا قال حاجة ولحكمه معينة لم نتبينها ربما لحاجة في النفوس أو لقصر في الفهم ،

اللي لقيته في البوست كان تعامل سطحي مع نص قرآني.
حضرتك والأستاذة زينب على عيني وراسي وفشتي كمان لو تحبي
لكن بقى في الدين مفيش فيه تهريج ولا جدال .. ولو حضرتك مقتنعة بكلامها .. أنا لي حق الاختلاف وانتي مقتنعة بكلامها ومصدقة كلام المفتين أنا بقى لي حق الرفض أو القبول
ما هو أنا مش شيخ معمم ولا أزهري علشان أفتي في أي كلام، وما أسمحلكيش تقولي لي أمشي ورا شيخ ومش هأقول لك إنك ماشية ورا شيحة ولكن روحي شوفي ال*** اللي عمالة تتريق على شرع المولى سبحانه وما رضيتش أسب لأهاليهم على الفيس بوك احتراما للنقاش

بالنسبة للرد على كلامك الفقهي .. اتفضلي يا ستي
http://www.islamonline.net/servlet/Satellite?c=ArticleA_C&cid=1203758086696&pagename=Zone-Arabic-Shariah%2FSRALayout

المساواة ليست على الاطلاق، والقصر ليس على الاطلاق .. انما حضراتكم واخدينها عقل ومنطق وفلسفة وكأن الدين ضد الحاجات دي

بالمناسبة حاولي تردي على اللي قدامك لما يزن على نقطة معينة، وبلاش لف ودوران ... علشان ممكن الزن يكتر شوية

Fantasia said...

الفرجاني

طبعا انت بتسخر من علم المنطق باعتباره رجس من عمل الشيطان, ما هو العقل اليومين دول بقى جريمة والتفكير من الكبائر والمنطق بقى هرطقة وزندقة والعلوم كلها بدعة وضلالة يجب اجتنابها

خلينا ماشيين ورا الدجالين.. المهم الدجال من دول يربي دقنه ويدق زبيبة على جبينه, أو حتى يركب دقن عيرة. يا سلام ايه السهولة دي؟

على فكرة مفيش حاجة في الإسلام اسمها رجل دين, ولا فيه لقب ديني اسمه شيخ.. شيخ في اللغة العربية بتستخدم للتفخيم وتبجيل كبار السن. بس سيبك انت.. احنا نحب اللي ينصب علينا ونموت فيه ونجري ندور عليه

بقى دا اللي ربنا قدرك عليه؟ رايح تجيبلي لينك فضيحة كله كلام غير مترابط ومتضارب؟ اتحدى انك تكون فهمت ايه اللي مقصود من المقال ده. واتحدى انك تقولي ايه اللي انت استنتجته من المقال ده في جملة واحدة مفيدة.. ممكن تقولي هما مع ولا ضد؟ والسبب ورا الموقف النهائي أيا كان؟

لو عرفت توصل لخلاصة المقال اللي انت بعتهولي ده وهدفة النهائي هأعترف أمام العالم كله انك عبقري

Anonymous said...
This comment has been removed by a blog administrator.
Al-Firjany said...

مين اللي قال العقل جريمة ولا إني بأسخر من المنطق
أنا لحد دلوقت ماسك في الجانب الديني وبأدور على سبب ديني يخليني أقول إن الست شهادتها كاملة مكملة زي الراجل
والفقهاء اللي هم أعلم مني ومن اشكالك لو قالوا ماشي، ماشي، لو قالوا لأ .. يبقى لأ
والله بقى تسميها غشومية .. تسميها بأمشي وأنا نايم ورا شيوخ متأسلمين
أنا مش هأنسف ديني علشان واحدة زيك ولا هأسخر من الفقه علشان ملكة جمال عالم .. لا ترضى بكلمة مزة

والله هم أهل اختصاص وعلم وقالوا بعدم جواز اطلاق مساواة الرجل بالمرأة إلا في حالات معينة ومع وجود أحكام قطعية في النص، يبقى لا اجتهاد
وأنا أهل اختصاص في الترجمة .. بسلامتهم لو حبوا يترجموا .. ييجوا لي وأنا أترجمهم وهم خاشعين مستكينين
لأني اهل اختصاص في شغلتي

انتي بقى عاوزة تبقي القاضية والخصم وتنطقي بالحكم .. يبقى شأنك يا حلوة

الطبيعي وجود اختلاف بين الفقهاء في المقال، فين التضارب؟ هو الصحفي لو كتب كل الآراء صحيحة، مش يبقى اسمها فبركة؟؟ جايب لك مصدر عالي ومعظم اللي في المقال واللي سيادتك ما فهمتيهوش بيستغربوا من وجود الفتوى في الوقت المنيل ده
يعني بدل ما هتبيضي على مساواة قدام المحاكم، ما تشوفي أخطار الأم الفلسطينية اللي بتربي عيل ويا مين عالم هتخلفه أساسا ولا هيعيش لحد امتى؟! ولا اتكلمي على فقدان بعض النساء في العالم لحقوقهن الأساسية من عيش وأكل نظيف أو حتى سكن ومأوى وبعض الاحصاءات بتتكلم على إن النساء أكثر المتضررات من الحروب!!

هم علشان كدة استغربوا الوقت، معلش أصلهم لسة عالم ما بتفهمش في الأمور الستاتي، وبيتكلموا في حاجات كدة لسة عقلك العبقري ولا منطقك وصل لها
تقولي إيه بقى عالم فاضية

خدي يا قطة الملخص:
هذا فإن غالبية فقهاء الأمة عبر تاريخها رفضوا أن تكون شهادة المرأة نصف شهادة الرجل بإطلاق، وإنما حصروها في الأمور المالية؛ وبالتالي فإن شهادتها في الأمور المالية هي الاستثناء من المساواة بين الرجل والمرأة في الشهادة ".
===
انتي ليه عاوزة تصوري الموضوع على إنه ضد العقل أو المنطق، أو إنه ضد الدين؟ هيكسب إيه الراجل لو الست زيه في الشهادة زي ما هي زيه في الشغل أو في البيت حتى؟ ذكورية إيه اللي هأتكلم عليها؟ مالي أنا ومال الست زيي ولا مش زيي؟ هتأكلني ولا تشربني
ما هو اللي زيك وغيرك هم السبب في إني مش عاوز أتجوز ولا عمري هأتجوز

حاطين المعاملة كتف بكتف بل وانتم أحسن من الراجل، على أساس "احنا .. وهم" من غير أي شعور بالتكامل أو الألفة ما بين الاتنين

على رأي اللي اتكلم ... ربنا يهديكي ومش هأقول ربنا ياخدك، علشان شكلها كدة واحد هيظبطك ويطلع عليكي القديم والجديد وساعتها بقى
Back to square one

Alexandrian far away said...

الأستاذه العزيزه فانتازيا
صباح الخير
الحقيقه أني قرأت هذا التدوينه الشيقه وما لوثها من ردود مساء الأمس، وقررت أن أقضي بعض الوقت أتمعن في الموضوع، طبعا مع كثير أسفي للوطيان والحقاره التي يتكلم بها البعض وطريقة الكلام التي تخلو من أي أحترام أو أدب خصوصا مع أنسه
ما علينا واضح أنه فيه أنحدار عميق في مستوى التربيه عموماوحاله غريبه من الميل للبلطجه والسفاهه

فانتازيا يا عزيزتي يجب أن نعترف أن النص المقدس يحتوي الكثير من النصوص التي من الممكن أعتبارها بمنظار واقعنا الأني تفريقيه وتحمل قدرا من عدم المساواه، فعلا المرأه أقل قيمة من الرجل في موضوع الشهاده والإرث وهو قوام عليها، هذه هي الأحكام الشرعيه، لكن على الناحية الأخرى المرأة مكلفة بقدر الرجل تماما وهي تثاب وتعاقب بمساواة مطلقة معه
مما يجعلنا نتسائل :
هل النص المقدس متناقض؟
في اليد الأخرى لدينا قاعدتين هامتين الأولى أن الرسول محمد صلعم هو أخر الأنبياء وأن السماء توقفت بموته عن التحدث مع الأرض وأن أحدا لن يأتي مرة أخرى أبدا لتعديل أو أضافة أو حذف أي شىء،رغم التطور المستمر والهائل في الحراك الأجتماعي والبشري عموما، وفي نفس الوقت توجد قاعدة أن الإسلام صالح لكل زمان ومكان، الصوره مربكه الحقيقه، في أعتقادي أن توقف الله عن أرسال الرسل ليس لأنه مل منا مثلا أو أنه لم يعد يعبأ بأن نسير في طريق الصواب أو لا نفعل لكن لأنه وضع علينا مسؤلية كبيره، هي مسئولية أن نقوم نحن كبشر ذوي عقول وحكمه بتعديل وإعادة أستقراء النصوص بما يتلائم مع تطور العالم الذي نعيش فيه، صحيح أن الإسلام صالح لكل زمان ومكان
لكن كماذا؟
صالح كوعاء للأحتياجات الروحية ومشبع لها، كبعد روحاني عقائدي
أكيد
لكن كأحكام وقواعد تتشابك مع الحياه
فهو قابل للتعديل وأعادة القراءة والفهم، مثلا أحكام العتق والرق عطلت لأنتفاء وجود الرق نفسه، وفي مجتمع مثلا يسقط الملكيه فلا مكان لأحكام السرقه، وهكذا
وبما أن المجتمع أعاد صياغة وضع المرأة فيه فمن المنطقي إعادة النظر في الأحكام المتعلقه بالمرأة
المطلوب شجاعة الأعتراف بالفصل ما بين العبادات والشريعه

تحياتي وتقديري ومودتي

Fantasia said...

الفرجاني

آه, دا انت طلعت قليل الأدب. ماشي.. كويس اننا عرفنا ع العموم. وعندي حل لمشكلة جوازك كمان.. انت عايز تتجوز قطة, والقطط ماليين الشوارع, فبطل تدور بين البشر وانتي حتلاقي عروسة تناسبك في أي مقلب زبالة

واضح طبعا افلاسك.. عشان كدة هرمي كل الكلام الاستفزازي الأهبل اللي انتا قولته, أعمل إيه ما أنا عقلي مش كبير زي عقلكم ومش بحب الهيافة وقلة الأدب

بس الملخص اللي انتا تفضلت بيه بيفضح تناقض مزري وحالة انفصال عن الواقع وغياب عن الوعي. واضح انك ما فهمتش كلامي السابق.. لقد قلت "اذا كنتم تقدسون تفاسير شيوخكم الذين أوصولوا صورة الاسلام إلى هذا الوضع المأساوي وأمحوا عقولكم وخربوا ضمائركم, فأنا أعلم مقدما أن كلامي لن يجدي معكم ولن يوقظ ما قتل داخلكم أو يزيل الغمامة من على عيونكم. ولكني أخاطب من له عقل أو بقايا عقل.. من له قلب أو بقايا قلب.. من له ضمير أو بقايا ضمير" يعني كلامي مش موجه ليك أساسا

شوف يا فرجاني, لما شهادة مديرة بنك تبقى نص شهادة بواب عمارة في الشئون المالية, يبقى شيوخك دول عندهم تخلف عقلي بيحاولوا يلصقوه بالدين. وانت بدل مرتاح للكلام دا وماسك ديل الشيخ ورافع كلامه فوق كلام ربنا يبقى مفيش مشكلة, خليك كدة. أوعى تسيب الديل, أوعى يفلت منك, أوعى حد يضحك عليك ويقولك عقل الست زي عقل الراجل في الشئون المالية, أوعى تصدق ان البنوك والشركات والهيئات معظم اللي ماسكين الحسابات فيها ستات.. أوعى تصدق ان كلية التجارة وسياسة واقتصاد بيخرجوا آلاف البنات كل سنة.. لأ لأ.. كدة الشيخ هيزعل منك ويضيع منك صك الغفران.. خليك مصدق ان الستات عندهم خلل في منطقة المعاملات المالية في مخهم, وانهم مولودين بعاهة ذهنية بتخلى الأمور المالية بالنسبالهم شيء عاصي على الفهم. خليك مصدق ان سيدنا محمد ما كنش بيشتغل عند السيدة خديجة اللي كانت صاحبة التجارة وهي اللي بتدير أموالها. لأ هي كانت طول عمرها قاعدة في البيت وهو بيصرف عليها عشان الرجال قوامون على النساء. أوعى حد يضللك ويقولك كلام تاني.. خصوصا أنا.. أصلي فاسدة العقيدة من زمان.. ربنا يباركلك في شيوخك

ويا ريت لسانك الطويل دا, وتربيتك العالية, وأدبك اللي ينضرب بيهم المثل وبيدلوا على انك ونعم المسلم المتدين, ماشوفهمش تاني. عشان أنا كل الناس اللي اعرفهم مش في مستوى أخلاقك وممكن يفسدوك وللا حاجة

Al-Firjany said...
This comment has been removed by a blog administrator.
Anonymous said...

مع احترامي لكل امرأة
وكل انثى تعى قيمة كونها امرأة وليست مجرد لحم رخيص
أود ان أشير إلى صاحبات واصحاب الأفق الضيق
بالنسبة للشهادة الرجل بامرأتين
والزوجة نصف الزوج في الميراث
هذا امر الله ومن لايرضى بامر الله يشتكي الله لله
وبالنسبة لموضوع " انا مش مزة " ربنا يقويكم على مجتمع متخلف وجاهل ينظر إلى المرأة على انها أداة جنس فقط
لكن يا اخواتي المحترمات ،هناك من بينكن حقيرات يبعن انفسهن بالرخيص كل يوم حينما يخرجن من بيوتهن بلبس يجعل كل حقير وسافل يتلفظ لها بكلمات تخدش حياء الشرفاء من الرجال وليس النساء فقط
ولو انها دولة تعي قيمة الإنسان بشكل عام لوظفت قطاع أمني يسمى قطاع الضبط العام ،يكون دوره مراقبة حركة الساقطين من المعاكسين
ولمن سيقول هذا موضوع مكلف!!!! أقول له " شرطي واحد فقط من كل قسم أو مركز شرطة " وواحدة بواحدة هايكون فيه احترام لأختك وأمك وبنتك في الشارع
ولا متخيل إن بنات الناس فقط هم المزز وانت أهلك بيخرجوا ويرجعوا بيتهم واعين الناس عنهم مغلقة

مصري بيحب بلده
وبيكره تفاهة ولاد بلده
alan_ali80@yahoo.com

مروة الزارع said...

وحشانى ا فانتا

...........

أعتقد ان ربنا سبحانة وتعالة هو اللى حسم شهادة المرأة = نصف رجل

يعنى امرأتين تساوى رجل

إزاى أحنا نقول غير اللى ربنا قالة؟

تحياتى

:)

Anonymous said...
This comment has been removed by a blog administrator.
Fantasia said...

الاستاذ العزيز اسكندراني

أنا أسفة طبعا للتشويه اللي حصل لصفحة التعليقات وأسفة أكتر انه بيجي من ناس بيدعوا التدين والحرص على الدين أكتر من غيرهم. فيه مشكلة حقيقية في الاخلاقيات والذوق العام يا استاذي الفاضل, واحنا مضطرين نتعرض لبذاءات هؤلاء الهمج ما دمنا اخذنا على عاتقنا واجب التنوير

عى أي حال, سعيدة بمتابعتك وبتعليقك. واسمحلي اختلف معاك في جزئية احتمالية ان النص المقدس يتعارض مع مباديء المساواة أو انه متناقض. فالنص في تناوله للحياة العامة والقواعد الاجتماعية دائما معتمد على علة ما لتوضح ان الحكم ليس عاما وانما مرتبطا بظروف العصر والعرف السائد

فمثلا يقول الله تعالى في سورة النساء
الرِّجَالُ قَوَّامُونَ عَلَى النِّسَاءِ بِمَا فَضَّلَ اللَّهُ بَعْضَهُمْ عَلَى بَعْضٍ وَبِمَا أَنْفَقُوا مِنْ أَمْوَالِهِمْ


الأية الكريمة لا تضع أمر مطلق, انما ربطت مبدأ القوامة بالتفضيل والانفاق.وبما ان المجتمع في هذا الزمن كان يفرض على المرأة ان تقبع في منزلها, فقد نزل النص ليتوافق مع العصر, ولكنه لم يغفل ان هذا الوضع ليس أبدي وان له استثناءات وان الزمن كفيل بتغييره. فاليوم 30% من الأسر المصرية على سبيل المثال تعولها نساء. هؤلاء النساء قوامات. فالزوج المقعد تقوم عليه زوجة عاملة وبهذا فلها أفضلية عليه, والزوج الذي يعاني من مرض عقلي تقوم زوجته عليه وهي أفضل منه عقلا. والله جل جلاله أوضح الاحكام الابدية والاحكام المتغيرة بان حددها بعلة ما, مع انتفاء العلة ينتفي التكليف. ونجد ان كل الاحكام الخاصة بالشئون الاجتماعية هي أحكام معللة, لتوضيح انها مربوطة بالظرف الراهن وليست حكما عاما. فمن يقيد النص هنا يخل بمعناه

دائما أقول الله العدل والبشر هم الظالمون, الله الرحمن الرحيم والبشر هم القاسون, الله العليم والبشر هم الغافلون, الله الحق والبشر هم المتحيزون

التفسير والاجتهاد واستعادة الاسلام ممن اغتصبوه عنوة ومنعوه عن عامة البشر هو ما سيطهر الاسلام ويظهر جوهره الحقيقي. فليس الحل هو تعليب الدين وتحييده, وانما انقاذه من يد من يسيئون إليه واعادة الروح التي ازدهرت وازهرت في عصور سابقة وأنارت العالم بالعلم والفلسفة والأدب والفن. اليوم اسهاماتنا في تقدم البشرية هو صفر لاننا نتخلف ونجمد الدين. فلنحرر كلمة الحق ونطلق نورها ليغمرنا, بدلا من أن نظلم النص المقدس كما ظلمه البشر ممن احتكروا التفسير

هذا رأيي الشخصي. واتفق معك تماما في أهمية الجرأة في مراجعة التفاسير والاجتهادات التي عفى عليها الزمن, ومواجهة تنافيها مع الواقع الذي نعيشه. تقبل احترامي وتقديري لما قمت بطرحه يا استاذي الفاضل

خالص تحياتي

Fantasia said...

الاستاذ نصير

أشكرك يا أخي الكريم على مشاركتك في الحوار وتعليقك على موضوع لفظ "مزة" القبيح

بخصوص الشهادة, أمر الله واضح يا سيدي الفاضل. نحن لا نشتكي الله, حاشى لله, ولكن نشتكي البشر ممن يرفضون طاعة أوامر الله واحترام روح الاسلام لغرض في نفوسهم. الله لم يقل أن المرأة نصف رجل, ولكن المجتمع الذكوري هو الذي يقول ذلك ويتحدى النص الإلهي ليثبت تفسيره الملتوي ويحرص على التعميم المخل, كما يفرض التمييز بين الرجل والمرأة بدعوى انها ارادة الله وهو أمر يسيء للدين الاسلامي

وبخصوص تعيين حراسة للسيدات في الشوارع, فنحن جميعا كشعب نحتاج إلى حماية في الشارع, نساءا ورجالا وأطفالا. لكن التحرش بالنساء ليس حله العسكر, انما التربية والاخلاق والالتزام بغض البصر وكف الأذى. لكن تعيين جيش من العسكر لحماية النساء هو اعتراف ضمني بالأمر الواقع وان الرجل لابد ان يتحرش بالمرأة, وهذا ليس صحيحا بالمرة
هذا سوء خلق وخروج على الأداب العامة, وليست القاعدة ولا النتيجة المنطقية كما يروج البعض ممن يتغاضون عن هذا الشذوذ السلوكي

خالص تحياتي

Fantasia said...

العزيزة مروة

وانتي وحشاني كمان وواحشني مناكفتك

يا عزيزتي مين قالك بس ان ربنا هو اللي عايز الست تبقى نص راجل؟ دا كلام الرجالة مش كلام ربنا يا مروة

لو سمحتي راجعي ردي على النقطة دي في جروب عايزة أشهد على الفيس بوك
وبرضه هأعيدلك هنا جزء من اللي قولته قبل كدة

بسم الله الرحمن الرحيم
آية سورة البقرة [يا أيها الذين آمنوا إذا تداينتم بدين إلى أجل مسمى فاكتبوه، وليكتب بينكم كاتب بالعدل، ولا يأب كاتب أن يكتب كما علمه الله فليكتب وليملل الذي عليه الحق وليتق الله ربه ولا يبخس منه شيئًا، فإن كان الذي عليه الحق سفيهًا أو ضعيفًا أو لا يستطيع أن يمل هو فليملل وليه بالعدل، واستشهدوا شهيدين من رجالكم فإن لم يكونا رجلين فرجل وامرأتان ممن ترضون من الشهداء أن تضل إحداهما فتذكر إحداهما الأخرى، ولا يأب الشهداء إذا ما دعوا، ولا تسأموا أن تكتبوه صغيرًا أو كبيرًا إلى أجله، ذلكم أقسط عند الله وأقوم للشهادة وأدنى ألا ترتابوا إلا أن تكون تجارة حاضرة تديرونها بينكم فليس عليكم جناح ألا تكتبوها، وأشهدوا إذا تبايعتم، ولا يضار كاتب ولا شهيد، وإن تفعلوا فإنه فسوق بكم، واتقوا الله ويعلمكم الله، والله بكل شيء عليم. وإن كنتم على سفر ولم تجدوا كاتبًا فرهان مقبوضة، فإن أمن بعضكم بعضًا فليؤد الذي اؤتمن أمانته وليتق الله ربه، ولا تكتموا الشهادة، ومن يكتمها فإنه آثم قلبه، والله بما تعملون عليم] –البقرة: 282، 283-..

الذين يظنون أن هذه الآية –282- تجعل شهادة المرأة نصف شهادة الرجل بإطلاق، وفي كل الحالات مخطئون وواهمون

فهذه الآية تتحدث عن دَين خاص، في وقت خاص، يحتاج إلى كاتب خاص، وإملاء خاص، وإشهاد خاص
وهذه الآية –في نصها- استثناء [.. إلا أن تكون تجارة حاضرة تديرونها بينكم فليس عليكم جناح ألا تكتبوها]
ثم إنها تستثنى من هذه الحالة الخاصة الإشهاد على البيوع، فلا نقيدها بما قيدت به حالة هذا الدين الخاص

ثم إنها تتحدث، مخاطبة، لصاحب الدين، الذي يريد أن يستوثق لدينه الخاص هذا بأعلى درجات الاستيثاق.. ولا تخاطب الحاكم –القاضي- الذي له أن يحكم بالبينة واليمين، بصرف النظر عن جنس الشاهد وعدد الشهود الذين تقوم بهم البينة.. فللحاكم –القاضي- أن يحكم بشهادة رجلين.. أو امرأتين –أو رجل وامرأة.. أو رجل واحد.. أو امرأة واحدة.. طالما قامت البينة بهذه الشهادة

ومن يرد الاستزادة من الفقه الإسلامي في هذه القضية –التي يجهلها الكثيرون- فعليه أن يرجع إلى آراء شيخ الإسلام ابن تيمية [661-728هـ 1263-1328م] و الإمام ابن قيم الجوزية [691-751هـ 1262-1350م] في كتابه [الطرق الحكمية في السياسة الشرعية] ص 103، 104 طبعة القاهرة سنة 1977م.ز ففيه –وفق نص ابن تيمية- وأن ما جاء عن شهادة المرأة في آية سورة البقرة، ليس حصرًا لطرق الشهادة "وطرق الحكم التي يحكم بها الحاكم، وإنما ذكر لنوعين من البينات في الطرق التي يحفظ بها الإنسان حقه.. فالآية نصيحة لهم وتعليم وإرشاد لما يحفظون به حقوقهم، وما تحفظ به الحقوق شيء وما يحكم به الحاكم شيء، فإن طرق الحكم أوسع من الشاهدين والمرأتين..".

ولقد قال الإمام أحمد بن حنبل [164-241هـ 780-855م] إن شهادة الرجل تعدل شهادة امرأتين فيما هو أكثر خبرة فيه، وأن شهادة المرأة تعدل شهادة رجلين فيما هي أكثر خبرة فيه من الرجل

أرجو ان يكون الأمر الآن واضحا

خالص تحياتي

Anonymous said...
This comment has been removed by a blog administrator.
^ H@fSS@^ said...

بصي مش حقدر اقولك غير يسلم فمك على شرح الايات و على ابتاعك للمنطق
ذلك الشئ الذي نبحث عنه بكد مع انه متواجد بينا و متوافر كسهولة استنشاق الهواء لكن مين يحس؟؟

تحياتي

اسامة يس said...

بعيدا عن الفقه المتحجر الذي كان يناسب عصره/ ذاك الفقه /الذي اضحى ديناً / وأمسى الناس يدافعون عن شروح بشر / وتفسير بشر/ دفاعاً لا يفعلون مثله وقد طحنت كرامتهم ....
الدين مطلقات وقيماً عليا...
والتشريع بالمعنى الضيق / التكليفي/ يجب اعادة النظر في التعامل معه/ ويؤخد اجتهادهم على سبيل الاستئناس فقط.. / هذا الاستئناس كمن يرجع للتاريخ ليتعرف كيف كان الامر / لا ليلزم نفسه بكلام ابن حنبل / او مالك / او الشافعي / او او
بل يجب اعادة النظر الكلي لمنظومة الفقه ككل..
والعودة مباشرة الى النصوص القطعية لننهل منها/ لا تضع عقولنا تحت رحمة فقهاء العصور السحيقة.. بمواضعاتهم الاجتماعية وظروف معيشتهم الاقتصادية ...
اما عن شهادة المرأة بنصف شهادة الرجل وردت في آية الدين / كأمور تجاريه صرفه/ ومعاملات ماليه محضة/ لم تكن المرأة في ذلك العصر تنشغل بها / ولم تكن ملمة بها في هذا الزمان الماما كلياً يسمح لها بفهم تفاصيل وتذكر كل ما دار

اما ما دون ذلك فلم يرد نص بأن شهادتها نصف الرجل ولو قال مالك وابوحنيفه واحمد والشافعي... ولو قال من قال من البشر....
وان قالوا قياساً...فكأنهم يشرعون على الله ما لم يكن في حسبانه...

اطلت عليك... عذرا
دمت بكل ود...
خالص تحياتي

hartaka said...
This comment has been removed by the author.
hartaka said...

ازيك يا فانتازيا
والله المناقشة الحامية دى وصلتنى لحاجة بسيطة بتأكد كل يوم أنها صحيحة تماماً
يجب فصل الدين عن الدولة وإلا مصر ملهاش غير طريق واحد
الإنهيار
رقم 2
ردود مسيو فيرجانى
والاخ المتأسلم التانى بتثبت معنى كلمة تنوير او عصر الاستنارة الى مرت بيها اوروبا

وهو خروج الإنسان من قصورة الذى ارتكبة فى حق نفسة والقصور دة هو عجزة عن استخدام عقلة الا بتوجية من انسان اخر


فطبيعى تلاقى رد ساذج من جوز المعيز دول يقولك هاتلى كلام شيخ بيقول كدة
او الفقهاء هم أعلم مني ومن اشكالك
هو عايز حد يوجهة
انا مشدايما بلاقى صراعات على مدونتك وسب
بس دة طبيعى لان الاخ شغال فى دولة خليجية فلازم ثقافة الصحراء دى تبقى مستوى تفكيرهم
وطبيعى الاخوان يعملوا كدة بغض النظر عن اقتناعهم بدة ولا لا
لسبب بسيط
ازاى يثبت وجودة فى المجلس
لازم يعارض ويقول لا علشان يثبت هيمنتة
ممكن الموضوع ميكونش فارق معااة خالص
بس المهم السيطرة

رئـــــيسـة حزب الأحلام said...

السلام عليكم
موضوع احنا مش مزز دة فعلا جاى على الجرح المراة التى لا تتزوج يحكم عليها
بالاعدام لية لانها ملاقتشى اللى ............
ودى نظرة المجتمع لينا مع ان دة مش بايدينا مش بايدنا ان نظرتهم كدة لينا وتحياتى لك

MM said...
This comment has been removed by the author.
احساس لسه حى said...

عزيزتى

للاسف انا مستعجل

ةوبكره هكتب رد مش من الاخوان

علشان اللى بيقولوا الاخوان يردوا على الناس اللى قالت كلامها فى الموضوع ده

بكره ان شاء الله

رد ليكى

وللى بيتعلقوا بدون فهم ولا قراية

سلام

احساس لسه حى said...

معلش

جبتهولك على السريع

واقريه وردى عليه

الأزهر يقرر عدم مشروعية توريث المسلم زوجته الكتابية 3/31/2008 9:19:00 PM



القاهرة- محرر مصراوي- قرر مجمع البحوث الإسلامية في الأزهر بالإجماع الاثنين عدم مشروعية حصول الكتابية، أي المسيحية أو اليهودية، على ميراث زوجها المسلم.

وقالت قناة "العربية" ان قرار مجمع البحوث الإسلامية الذي جاء بالإجماع في أعقاب اجتماع لجنة البحوث الفقهية بالمجمع حسم الجدل الدائر حول الموضوع، والذي أثارته وكيلة مجلس الشعب المصري د. زينب رضوان، بإعلانها مؤخرا جواز حصول المرأة غير المسلمة على ميراث زوجها المسلم.

وقال د. نصر فريد واصل، مفتي مصر الأسبق وعضو المجمع إن رفض أعضاء مجمع البحوث الإسلامية حصول المرأة الكتابية على ميراث زوجها المسلم مسألة محسومة، "لأنها من الأمور المعلومة من الدين بالضرورة، ولا تقبل الاجتهاد أو الجدل لاجماع الفقهاء والعلماء على ذلك".

وأوضح أن المرأة المسلمة لا ترث، أيضاً، من الكتابي اذا وجدت بينهما صلة قرابة، كأن تكون ابنته او شقيقته أو قريبته وأشهرت إسلامها بينما بقى هو على دينه، مما يؤكد تحقيق العدالة التامة من الشريعة الإسلامية.

كما أشار أستاذ الفقه المقارن، وعضو مجمع البحوث الإسلامية ومجمع فقهاء الشريعة بأمريكا، د. محمد رأفت عثمان، إلى أن لجنة البحوث الفقهية اعدت تقريرا نهائيا يستند على نص الحديث الشريف الثابت عن الرسول (صلى) "لاتوارث بين أهل ملتين شتى"، وهو ما أجمع عليه الفقهاء المسلمون أيضا.

وأكد عثمان أن هذا الأمر محل اتفاق العلماء وهو ما يجعله قطعيا لا يحتمل التغيير أو الشك، "لأن الإجماع هو المصدر الثالث للتشريع الاسلامى بعد القرآن الكريم والسنة النبوية المتمثلة فى كل ما جاء عن الرسول صلى الله عليه وسلم من أقوال وأفعال".

وكانت تصريحات د.زينب رضوان قد أثارات استياء في الأوساط المصرية، مخافة أن تكون مقدمة لإصدار تشريعات تنص عليها، علما أن الكنائس في مصر تمنع أيضا توريث المسلم من زوجته المسيحية.

وده اللينك

http://www.masrawy.com/news/egypt/politics/2008/march/31/azhar_muslims.aspx

Shady Shrif an Egyptian Software engineer said...

و الله العظيم تلاتة انتوا شكلوا ناس ولا مسلمين ولا بتنجان

عاوز اقول حاجة واحدة بس لما رد محترم يقول يجب فصل الدولة عن الدين

يبقي دة مسلم اصلا او حتي مسيحي او حتي يهودي

يا جدعان اتقوا الله مصر بلد اسلامي و هيفضل طول عمرة اسلامي غصبن عن اي حد

و الي مش عاجبة يدور علي بلد عمانية زية يروح يعيش فيها

اكيد الرد هيبقي حضرتك بتتكلم علي اية و بتاع

"
بخصوص الشهادة, أمر الله واضح يا سيدي الفاضل. نحن لا نشتكي الله, حاشى لله, ولكن نشتكي البشر ممن يرفضون طاعة أوامر الله واحترام روح الاسلام لغرض في نفوسهم. الله لم يقل أن المرأة نصف رجل, ولكن المجتمع الذكوري هو الذي يقول ذلك ويتحدى النص الإلهي ليثبت تفسيره الملتوي ويحرص على التعميم المخل, كما يفرض التمييز بين الرجل والمرأة بدعوى انها ارادة الله وهو أمر يسيء للدين الاسلامي
"

الكلام دة حضرتك قولتية صح ولا لأ

هو ميييييييييييييين حضرتك علشان تفسري القران سبحان الله كل من هب و دب هفسر علي مزاجه ؟؟

طيب عاوز اقول حاجة لما انتي شايفة نفسك مفسره عبقرية كدا الناس معجبة جدا بتفسيرك

"بصي مش حقدر اقولك غير يسلم فمك على شرح الايات و على ابتاعك للمنطق
"

طيب ما تعملي تفسير هند و ببقي نحطة كدا جنب ابن كثير و الطبري

اصلا خلااااااااااااااص مبقاش في فصل

بجد انتوا بتتكلموا بمنطق غريب للغاية

لما واحدة و لا درست ولا فاهمة حاجة في علوم الدين رايحة تفسر القران

هل تقبلوا ان شيخ ينقد السيمنا اكيد لأ

هل تقبلوا ان ظابط يرح يعمل عملية جراحية لواحد

اكيد لأ يعني


طيب من هنا نقدر نقول ان كل شئ قائم علي علم

سواء كان الشئ دة تفسير للقران او فتوي او عملية جراحية

اوي حاجة في الدنيا

السؤال بقي

هل لديك العلم الكافي لكي تفسري القران علي مزاجك ؟؟؟؟

بجد عاوز اجابة (مش لف و دوران)و يا ريت الرد ما يتمسحشي علشان انا عارف الديمقراطية بتعتكوا


طيب في حاجة تانية مهمة جدا جدا

يجب فصل الدين عن الدولة

طيب لما حضرتك الاول تعرف يعني اية دين ابقي اتكلم

دين يعني الحاجة الي بتمشي كل حاجة

يعني واحد بلا دين بلا كل حاجة

بلا شريعة بلا اخلاق بلا اي حاجة

و اذا فيكوا فكر يقول هو الحاجات دية متجيش غير من الدين ارد عليةو و اقول له طبعا

ربنا هو الي خلقنا و هو الي حطلنا ناموس الحياة الي هنمشي علية لو قولنا لأ احنا هنفكر و هنعمل واحدة تاني يناسبنا نمشي علية يبقي احنا اية ؟؟

ان هسيب لكموا الحكم

بس اوعوا تنسوا ان ربنا هو الي خالقنا

Anonymous said...

ولاهي يسلم فمك على الرد على "الفرج أني"

Fantasia said...

العزيزة حفصة

أشكرك على تشجيعك ومساندتك. للأسف الظلاميين لا يقرأون وإن قرأوا لا يفهمون, لانهم فقط مبرمجون

خالص تحياتي

Fantasia said...

الاستاذ العزيز اسامة

اطالة إيه بس؟ دا انا لازم ارجوك انك تطيل في تعليقاتك القيمة. اشكرك يا سيدي الفاضل على مشاركتك الكريمة. يا رليت هناك عقول تستوعب كلماتك

خالص تحياتي

Fantasia said...

الاستاذ العزيز هرطقة

كلامك صحيح, وللأسف هذه هي الانماط السائدة في مجتمعنا الآن سواءا من حيث الفكر أو من حيث السلوك, ولا أعلم ايهما أسوأ من الآخر
مدونتي الأخرى عامرة بالمعارك يا سيدي الفاضل. وكنت أعتقد أن هذه المدونة هي واحة للاسترخاء بالنسبة لي, إلى أن اصابها غزو الظلاميين الاتباع
كان عندي أمل ان اللي اتعلم يكتب اتعلم يقرا برضه, لكن للأسف طلعوا أميين

خالص تحياتي

Fantasia said...

رئيسة حزب الأحلام

أهلا بيكي وسعيدة بمشاركتك

نظرة المجتمع بالقطع ظالمة للمرأة وتقهرها بشكل عنيف.. لكني لا استثني المرأة من المسئولية, فلها مسئولية تجاه نفسها يجب ألا تقصر فيها

خالص تحياتي

Fantasia said...

احساس لسة حي

للأسف الإزهر بقى اداءه سيء جدا في الفترة الأخيرة بسبب وهبنة هيئة التدريس فيه. الأزهر فقد الكثير من قيمته حين ارتضى اساتذته أن يجمدوا دوره التنوري والريادي وأن يجعلوه مجرد تابع في ركاب الوهابية. من الطبيعي ان نشهد مهازل تخرج من الأزهر مثل فتاوى ارضاع الكبير ومثل التخبط في اقرار حق المرأة في العمل كمأذون

لجنة الأزهر هي نفسها اللجنة التي انعقدت واصدرت قرار بعدم جواز قيام المرأة بعمل المأذون, وهي نفسها ذات اللجنة اللتي تراجعت عن قرارها بعد الفشل في ابداء أي اسباب شرعية أو منطقية

وها هي تكمل مسيرة الفشل باصدار قرار مستند على حجة واهية , قائلين "لأن الإجماع هو المصدر الثالث للتشريع الاسلامى بعد القرآن الكريم والسنة النبوية المتمثلة فى كل ما جاء عن الرسول صلى الله عليه وسلم من أقوال وأفعال

وهذا لا وجود له في الاسلام.. ما معنى المصدر الثالث للتشريع؟؟؟ انأخذ الشرع من اجماع البشر؟؟؟ ما هذا التخريف

هذا ليس الإزهر الذي كان يوما منارة العلم والدين في الوطن العربي. لقد تم الاجهاز عليه وتحطيمه من الداخل حتى يفقد دوره القيادي في قيادة المنطقة العربية نحو التنوير

لنا الله

Fantasia said...

شادي

انت بتكفيري انما قد كفرت نفسك. سامحك الله لكني والله لا اسامح

أنا اجتهد ولي ثواب عند الله حتى لو أخطأت, انما التابعين والجاهلين لا يثوبهم الله عن جهلهم

استغفر الله اذا كنت حقا تؤمن به, وكف أذاك عني ان كنت مسلما

قال رسول الله صلى الله عليه وسلم "المسلم من سلم المسلمون من لسانه ويده

وقال عليه أفضل الصلاة والسلام "من رمى مؤمناً بكفر فهو كمن قتله"

كما قال "ثلاث من أصل الإيمان: الكف عمن قال لا إله إلاّ الله، لا نكفره بذنب ولا نخرجه من الإسلام بعمل.."

وقال أيضا "كفروا عن أهل لا إله إلاّ الله لا تكفروهم بذنب، من كفر أهل لا إله الله فهو إلى الكفر أقرب

Alexandrian far away said...

بعد أذنك يا أستاذه فانتازيا
تعقيب سريع على الأخ شادي شريف

حضرتك قلت:يا جدعان اتقوا الله مصر بلد اسلامي و هيفضل طول عمرة اسلامي غصبن عن اي حد

و الي مش عاجبة يدور علي بلد عمانية زية يروح يعيش فيها

أنا قريت الكلام ده قبل كده، بس يا سيد دي بلدنا برضه ومش من حقك تقول أطلعوا منها دي، وأيه رأيك أنا عندي حل أفضل
أيه رأيك في الحرب الأهليه؟ كحل للمشكله دي، يعني سيادتكم كأسلام سياسي مسلحين وحلوين ومدربين، أيه رأيك أننا كفاشيين أسلاميين (أنتم) وكعلمانيين وطنيين (أحنا) نحتكم للسلاح؟
للرصاص والقنابل وكده يعني ، الحاجات ألي أنتم بتفهموا فيها كويس
أيه رأيك؟
مش تبقى فكره ظريفه أننا نساعدكم على أحراز الشهاده ونعلقكم زي الفاكهه الناضجه على أعمدة أضاءة الشوارع؟

تحياتي
ملينا

Shady Shrif an Egyptian Software engineer said...

ههههههههههههه

الحمد لله

بجد الحمد لله

الحمد لله ان الرد دة اتكتب

"أيه رأيك أننا كفاشيين أسلاميين (أنتم) وكعلمانيين وطنيين (أحنا) نحتكم للسلاح؟"

كلمة علمانين جنبها احنا

دة الرد الاول عليكي يا فنتا حلو

الرد تاني انا قولت انتوا شكلكوا و مقلتش انتوا كذا

و بجد انا مقولتش انكوا كفرة اسغفر الله
و انا عارف انا بقول اية كويس


دة كان بخصوص موضوع التكفير

تاني حاجة

"أنا اجتهد ولي ثواب عند الله حتى لو أخطأت"

اولا الاجتهاد للعلماء فهم يجتهدون ويقيسون علي اساس علمهم الديني اما حضرتك بتجتهدتي علي اساس اية ؟؟

ثانيا بقي خلي اجتهادك دة لفسك لان دة اجتهاد شخصي غير مستند علي علم فلا يجوز باي طريقة اننا نتكلم عنه او نناقشة زي ما قولت لو سباك راح يعمل عملية لو واحد هنسيبة يعملها له و بعدين نقول هو عملها صح و لأ


تالت حاجة عاوز اقولها عاوز ارد علي ملينا

بجد عاجبني اوي الكلام و حاسس ان الشخص الي بيكلمني دة فعلا ميعرفش حاجة عن الاسلام و ميعرفش اصلا يعني اية دولة اسلامية

يا افندم الدولة الاسلامية هي التي تحكمها الشريعة الاسلامية الي وضعها الله لنا كي نعيش بيها و من ضمن اجزاء هذة الشرعية حق الاقليات الغير مسلمة العيش في هذة الدولة دون اي تعرض لحقوقهم من اي جهة ايا كانت

عاجب حضرتك الكلام دة اهلا وسهلا و مش عجبك مع الف سلامة

و بالنسبة بقي للحرب الي نفسكوا فيها دية بصراحة انا مش موافق

لأن مش دة اسلوبنا ابدا احنا عمرنا ما نقتل حد برئ ملهوش ذنب ولا نولع في البلد علشان حبه ناس عندهم فكر يساري و عمر ما كان هدفنا الحرب .الاسلام طول عمرة بيدافع عن نفسه علشان نعيش في سلام

شوفوا بقي انتوا عاوزين تحاربوا حاربوا نفسكوا

Anonymous said...

Hello! I am Wangbu. I am from the Philippines. There are so many blogs in this world. I found your blog one of the most wonderful. I am happy to visit it.

أحساس لسه حى ...أنا مش موافق said...

عزيزتى

الازهر بقه اداه سيئة

والسلفيين سيئون

والاخوان سيئون

والوهابيين سيئون

اللى يؤمن بدين يا فانتازيا يا يؤمن بيه كله يا يدور على ديين تانى يؤمن بيه اى انسان واى دين

لان لو شئ مش قابله عقله فى دينه يبقا هيحس من جواه ازاى ان ده دين من عند الله العادل

وبلاش ندور على الناس اللى ارائهم بتعجبنا بس ونقول عليهم اصحاب العقول المستنيرة

ولو قالوا رائ مش على هوانا يبقوا ظلاميين

والدكتورة زينب رضوان ايه علشان تفتكرى اصدق رائيها ولا ارائها

اى اساس حددتى بيه تخدى برئى ده وبلاش راى ده

طبعا الاساس الراى اللى بيعجبك بس تؤمنى بيه وبصاحب رئيه

ووصلت انك نقدتى الازهر اللى بيوصف بالاعتدال

طيب نخلى ميين يفتلنا وناخد رئيه

حسن شاه ممكن هتعجبك

اظن كلامك مش بحث عن ايه اللى موجود فى الدين الصحيح

كلامك بحث فقط عن راى يعجبك ممكن اؤمنى بيه وتستريحى ليه

والدين مش شئ نحدده احنا يمشى على هوانا علشان نؤمن بيه

واخر شئ

قوليلى ايه الجهه اللى ممكن تعجبك وتخدى منها افتئاتك وامور دينك

Shady Shrif an Egyptian Software engineer said...

الله عليك بجد

هو ده الكلام

انا نفسي اعرف انتا اية مرجعيتكوا

كل حد بيبقي لية مرجعية يرجع لها عند اي خلاف

مثلا الحكومة المصرية مرجعيتها دار الافتاء المصرية

و السلفين القران و السنة و هكذا

كل حد لية مرجعية دينة متفقين عليها

انتوا بقي اية مرجعيتكوا ؟؟

هذا سؤال يطرح نفسة و بجد اشكرك جدا يا اخ انا مش موافق

و نطلبة من الاخوة الافاضل اصحاب المدورنة الرد

بس علي الكلام دة بس لأ ع الردود الي فوق بردوا

لسن انتوا سيد من يهرب :D

slam

Unknown said...

اختى الفاضلة

المواضيع الدينية يجب ان تناقش بين رجال الدين وكما ينص القرآن الكريم وسنة الرسول صلى الله عليه وسلم
ولا تناقش بالعواطف وهذا رايى
شكرا لك

Migo Mishmish said...

فانتا انا مش عارف المجتمع بتاعنا رايح لفين ؟ ايه التخلف دا المرأة هى الام والاخت والزوجه والابنه انا مش فاهم ليه مش بيقبلو شهاده المرأه يعنى ام اى حد فينا لو شهدت مرة فى محكمه ممكن تبقى كدابه؟ انا مش عارف ايه التخلف دا ؟ ايه التمييز دا؟ هو الراجل المسلم فقط هو الى موثوق فيه ؟ انما القبطى او المرأة فشهادتهم باطله او مشكوك فيها ياجماعه الدين ماقالش كدا

Migo Mishmish said...

معلش نسيت اقول حاجه ..يعنى كل سنه بنحتفل بعيد الام ونكرم المراة وفجأه لا نقبل شهادتها يعنى ايه النفاق دا؟ هو كلا وبس ؟
هما كدا خفافيش الظلام ورانا ورانا رافضين اى تنوير او حداثه
( لا أمل فى امه تحولت انظارها عن مقدمه ابن خلدون ..الى مؤخرة شاكيرا )

الفقير الى الله said...

سيدتي فانتازيا
الكلام المختصر اللي انت ذكرتيه في تفسير الاية هو ده المفروض اللي تردي بيه على طول لانه هو ده التفسير الصح يعني انا مبختلفش معاكي في التفسير اللي انت كتباه اللي هو بمعناه اللي انا شايفه هو نفسه كلامك بس انا حبيت اجيب التفسير من طرقي الخاصه
-----------------------------------
مصدر الشبهة التى حسب مثيروها أن الإسلام قد انتقص من أهلية المرأة ، بجعل شهادتها على النصف من شهادة الرجل: [ فإن لم يكونا رجلين فرجل وامرأتان ] هو الخلط بين " الشهادة " وبين " الإشهاد " الذى تتحدث عنه هذه الآية الكريمة.. فالشهادة التى يعتمد عليها القضاء فى اكتشاف العدل المؤسس على البينة ، واستخلاصه من ثنايا دعاوى الخصوم ، لا تتخذ من الذكورة أو الأنوثة معيارًا لصدقها أو كذبها ، ومن ثم قبولها أو رفضها.. وإنما معيارها تحقق اطمئنان القاضى لصدق الشهادة بصرف النظرعن جنس الشاهد ، ذكرًا كان أو أنثى ، وبصرف النظر عن عدد الشهود.. فالقاضى إذا اطمأن ضميره إلى ظهور البينة أن يعتمد شهادة رجلين ، أو امرأتين ، أو رجل وامرأة ، أو رجل وامرأتين ، أو امرأة ورجلين ، أو رجل واحد أو امرأة واحدة.. ولا أثر للذكورة أو الأنوثة فى الشهادة التى يحكم القضاء بناءً على ما تقدمه له من البينات..
أما آية سورة البقرة ، والتى قالت: [ واستشهدوا شهيدين من رجالكم فإن لم يكونا رجلين فرجل وامرأتان ممن ترضون من الشهداء أن تضل إحداهما فتذكر إحداهما الأخرى] فإنها تتحدث عن أمر آخر غير" الشهادة " أمام القضاء.. تتحدث عن " الإشهاد " الذى يقوم به صاحب الدين للاستيثاق من الحفاظ على دَيْنه ، وليس عن " الشهادة " التى يعتمد عليها القاضى فى حكمه بين المتنازعين.. فهى - الآية - موجهة لصاحب الحق الدَّيْن وليس إلى القاضى الحاكم فى النزاع.. بل إن هذه الآية لا تتوجه إلى كل صاحب حق دَيْن ولا تشترط ما اشترطت من مستويات الإشهاد وعدد الشهود فى كل حالات الدَّيْن.. وإنما توجهت بالنصح والإرشاد فقط النصح والإرشاد إلى دائن خاص ، وفى حالات خاصة من الديون ، لها ملابسات خاصة نصت عليها الآية.. فهو دين إلى أجل مسمى.. ولابد من كتابته.. ولابد من عدالة الكاتب. ويحرم امتناع الكاتب عن الكتابة..ولابد من إملاء الذى عليه الحق.. وإن لم يستطع فليملل وليه بالعدل.. والإشهاد لا بد أن يكون من رجلين من المؤمنين.. أو رجل وامرأتين من المؤمنين.. وأن يكون الشهود ممن ترضى عنهم الجماعة.. ولا يصح امتناع الشهود عن الشهادة.. وليست هذه الشروط بمطلوبة فى التجارة الحاضرة.. ولا فى المبايعات
-------------------------------
خلصت كلامي بس كان فيها ايه لو وضحتي تفسير الاية في الموضوع وفيه ملحظة بسيطة جدا يا ريت لما تتكلمي في موضوع اسلامي يكون ردك الاول بالقران او بالسنة لانك ردتي كتير وبعد كده جبتي الادلة انا مقرتش التعليقات كلها بس انا شدني تعليق الصديق المسيحي
يعني بدون جدال طويل وكلنا عارفين حقوق المراءة في المسيحية ازاي يعني موقفك كان شبه محرج يعني المفروض تسيب المسلمين يتكلموا ده مشكلتهم او شبهتهم وانت تتابع احنا مش هنحكم على القران زيكم ما بتحكموا على الكتاب المقدس او كده لينا طريقه يعني لو واحد فتح حوار وقال حقوق المراءة وليه ملهاش طلاق في المسيحية من اللي متجوزاه الا بالزنا المفروض المسلمين يسكتوا وميجوش يقولوا لا النص المقدس في القران كده او فهمتني
وبعدين مصر دولة مسلمة وانتم ليكم الحق فيها زينا بس علشان مصر اسلامية
شكرا وياريت لو راي مشعجبك يا فانتازيا متهزقنيش لان لسانك تييييتت

Shady Shrif an Egyptian Software engineer said...

الاخ العزيز
Migo Mishmish

قال اية

"
فانتا انا مش عارف المجتمع بتاعنا رايح لفين ؟ ايه التخلف دا المرأة هى الام والاخت والزوجه والابنه انا مش فاهم ليه مش بيقبلو شهاده المرأه يعنى ام اى حد فينا لو شهدت مرة فى محكمه ممكن تبقى كدابه؟ انا مش عارف ايه التخلف دا ؟ ايه التمييز دا؟ هو الراجل المسلم فقط هو الى موثوق فيه ؟ انما القبطى او المرأة فشهادتهم باطله
"
انتوا اية شاربين حاجة ع الصبح حد قال ان شهادة المرأة باطلة؟؟

بنقول ان

شهادة الرجل = 2شهادة المرأة

ابقي الموضوع الاول يا افندم

و في انتظار ردود العزيزة فانتا علي كل الي اتقال

دة لو في رد اصلا

الفقير الى الله said...

معلش بس انا بعد ما تاكدت من المصادر لاقيت الحجة اللي انت قلتي عليها ده استاذة شريعة يا جماعة يعني فاهمة وقعدتي تخبطي في الشيوخ طبعا انت مش معترفة باي واحد شيخ طبعا دلوقتي لا من الازهر ولا من السعودية ولا من الشام انت معترفه بالسيوخ الامريكان يعني عيب عليكي يوم ما تكتبي موضوع وتالفي حكايات علشان تطلعي المجرمين هما المظلومين من يومك وربنا انت كده على طول انا اسف بس انا دمي اتحرق منك يعني ليه مقلتيش في البوست بتاعك انها بتقول
----------------------------------
صدر هذا البيان من مؤسسة المرأة الجديدة وتم نشره فى بعض الصحف، بسبب مقترحات الدكتورة زينب رضوان وكيلة مجلس الشعب بشأن:
1- شهادة المرأة تساوى شهادة الرجل أمام القضاء.
2- حق الكتابية أن ترث زوجها المسلم.
3- حق البهائيين فى استخراج الأوراق الرسمية (الرقم القومى...........).
4- شرعية شهادة المسيحى أمام المحاكم فى الأحوال الشخصية.
-----------------------------------
والله العظيم انت يا فانتازيا اشد من المنافقين طب ياحلوه مادام انتي شطورة كده انا وليكي في الفقة عاوزك تجيبي ادلة اي حد يرد عليا وميجبش ادلة من القران والسنة ميعتبرش رده علشان مش خدوهم بالصوت على فكرة اللي طالعين بالدكتورة السما هما منظمة اقباط الولايات المتحدة مش عارف هما ايه دخلهم وبكرر ده بلدنا الاسلامية يعني المسلمين هما اللي بيطبقوا دينهم واحنا الاغلبيه يعني مش علشان سبعة في الميه او حتى عشرة في المية نحكم بالنصرانية وبعدين احنا مسلمين اولا الشهادة الناس هنا طولت كتير فيها بس انا مش هتكلم عنها دلوقتي هتكلم عنها في مشاركة تانيه بس على العموم يعني لو انت شايفة ان علشان الاسلام مخلاش المراءة تشهد انها شافت اتنين بيزنوا يعني كده هيا مظلومة في الاسلام
نيجي للتانيه اللي هيا
- حق الكتابية أن ترث زوجها المسلم.
قلنا لا مسلم يرث من غير مسلمة ولا مسلمة ترث غير مسلم والدليل وقلت والدليل مش كلام من نفوخي
وذلك لأن الولاية قد انقطعت بين الكافر والمسلم، والأدلة على ذلك كثيرة، منها قوله تعالى: "ولن يجعل الله للكافرين على المؤمنين سبيلاً.." [النساء:141] وقوله: "والمؤمنون والمؤمنات بعضهم أولياء بعض.." [التوبة:71] وقوله تعالى:"يا أيها الذين آمنوا لا تتخذوا اليهود والنصارى أولياء بعضهم أولياء بعض.." [المائدة:51]، وقوله –سبحانه-:"إنما وليكم الله ورسوله والذين آمنوا.." [المائدة:55]، وغيرها من الأدلة التي تدلّ على موالاة المؤمنين بعضهم لبعض دون الكافرين، وهذا مثل الميراث ـ أيضاً ـ فلا يرث الكافر المسلم، ولا المسلم الكافر؛ لانقطاع الولاية بينهم باختلاف الدين، وإنما يرث المسلم المسلم، والكافر الكافر
الثالثة بتاعة البهائية خليهم يطلعوا مش فارقة
اما الرابعه المسيحي يشهد على اللي عندهم في الكنيسة والمسلمين يشهدوا على المسلمين اذا كان دينهم هما بيسمح بكده ودنا احنا مبيسمحش بكده فده حرية شخصية زي منا مثلا مسلم وبتجوز اربعة وهو مسيحي مينفعش يتجوز الا واحده او زي ما دينهم بيقول احنا مبنبصش ونقول المسيحية كده يعني لازم الاسلام يكون كده
ويا ريت تبطلي اللت والعجن بتاع الستات اللي هما مستواهم متواضع في الفكر علشان تحكي على مزاجك اللي يخلي واحدة زي زينب رضوان ملكة الجمال وشيوخ الامة كلهم متخلفين والله انا مش عارف انت بتحولي تتكلمي بالعقل وانتي اصلا اشك اني عندك عقل

Fantasia said...

wangbu

thanks a lot. glad you liked the blog and wish you would continue to visit.

Fantasia said...

أنا مش موافق

طبعا من اسمك لازم تعترض على أي حاجة والسلام

لو كنت حضرتك كلفت خاطرك وقريت كل اللي أنا كاتباه

ولو كنت حضرتك مهتم انك فعلا تتعرف على آرائي في الموضوع دا

كنت وجدت اني أستشهد بآراء ابن تيمية وابن قيم الجوزية وابن حنبل

لكني لا أعرف بأي حق تقول لي أن الدين هو التفسيرات الملتوية للنص لأشخاص معينة, وإما أن أقبل بهذه التفسيرات, التي هي مجرد اجتهادات بشرية, أو أنني أترك ديني الذي أقتنع وأتمسك به

شيء غريب أن يهاجم شخص انسان لا يعرفه ويتطاول على معتقداته وأفكاره وقناعاته

شيء غريب أن يتخيل شخص أنه يملك الحقيقة المطلقة وأن كل من قد يختلف معه هو على ضلال وخارج عن الدين, الذي هو أعلى مما يعتقده كل البشر

شيء غريب أن يسمح شخص لنفسه باقتحام قلوب وضمائر انسان آخر, تحت دعوى أنه أكثر إيمانا أو أثبت دينا أو أزيد ورعا

شيء غريب أن يفترض شخص آراءه الشخصية وما يراه صواب يجب أن يعمم على كل البشر بنفس الاتفاق وإلا يمسك عصاه ويعنفهم على اختلافهم, بل وينتقد من يتفقون معهم في الرأي

شيء غريب أن يدعي شخص العلم بكل شيء وبكل أوجه الحقيقة مع أنه لا يرى منها سوى وجه واحد

شيء غريب أن تتخيل أنك تستطيع اخراجي عن ديني ببعض كلمات تنقرها على لوحة مفاتيحك وتنشرها على مدونتي

أعتقد أنه من حقي أن أرفض هذا السلوك
فأنا أيضا لا أوافق

Fantasia said...

الأخ اللي مش عارف يعيش بالإسلام

يا ريت تقول تقصد مين ب "انتو" لو كنت فعلا عايز جواب على سؤالك الذي يثير الشفقة

Fantasia said...

الأستاذ حسن توفيق

أنا لا أناقش بالعواطف يا سيدي الفاضل. أنا أناقش بالعقل والمنطق. كما أنني أستند إلى القرآن الكريم وإلى آراء أئمة أجلاء

Fantasia said...

ميجو مشمش

أعتقد ان الذي كتب التعليق ليست العزيزة مشمش.. وأرحب بكاتب التعليق

بالفعل الدين لم يقل بأي من هذا. لكن البشر هم من يقولون. وقد آن الآوان أن نعلن براءة الدين من هذه الادعاءات الزائفة

خالص تحياتي

Fantasia said...

الفقير إلى الله

سأحاول أن أتحلى بالصبر وطول البال معك, لإانا مقدرة حالة التخبط التي تعاني منها وعدم قدرتك على السيطرة على رغبتك في مهاجمتي شخصيا, بما أمثله لك من تحدي للثوابت والهيمنة الذكورية

أولا, أنت اتفقت معي على تفسير الآية كما وردت في القرآن الكريم.. وواضح جدا من العنوان والموضوع المكتوب أنني أخصص هذه التدوينة لمناقشة موضوع محدد.. موضوع واحد.. وهو حق المرأة في أن تتساوى شهادتها بشهادة الرجل أمام المحاكم

أنا لم أتطرق لأي موضوع آخر.. ولا يعنيني أي شيء مما قلته أنت بعد أن اكتشفت صعوبة احساسك بانك ولأول مرة لا تستطيع معارضتي وقد أجبرت على اعلان اتفاقك مع ما أطالب به في هذه التدوينة

اسمع يا أخ.. أنا لا أفرض آرائي على الناس. ولا أدعي أننا الوحيدة التي ستدخل الجنة وأن الباقين هالكون في الجحيم لا محالة

أنا أنفذ أوامر الله وأتبع الطريق الذي دعاني إليه.. طريق العقل.. وأن اتدبر في الكون وأن أعي حكمة الله في خلقه وأن أجتهد في المعرفة وأن أسعى إلى العلم وأن أستفتي قلبي فيما يختلف عليه البشر في تفسير نصوص الدين

هذه هي دعوة الاسلام. لا يوجد بها كهنوت. لا يوجد بها وساطة بشرية. لا يوجد بها حراس للعقيدة. لا يوجد بها ملاك للحقيقة المطلقة. لا يوجد بها تمييز بين إنسان وانسان في الحياة الدنيا, ولا يوجد تمييز بينهم في الآخرة إلا بالتقوى والعمل الصالح

أنا لا يعنيني آراء البشر ما دام صوت ربي واضح وجلي أمامي في كتابه الكريم وسنة نبيه. أنا أملك العلم والعقل والقلب, وهذه هي أدوات المؤمن التي يقترب من خلالها إلى الله

أنا أقرأ كما أمرني ربي.. أطلب العلم كما وصاني رسولي.. وأتفقه في الدين من مصادره الأصلية.. دون شخص يقوم بمونتاج أو لي عنق النصوص ليفرض آراءه الشخصية علي بإسم الدين. فهذه الوصاية الوهمية لا مكان لها في الاسلام. وهالة القداسة التي تحيط بهؤلاء البشر هي من صنع البشر ولا يوجد مبرر ديني لها, بل العكس صحيح. أنا لا أمشي وراء رأي شخص ما وأنا معصوبة العينين. لا أقدس رأي بشر لمجرد أنه أطلق على نفسه لقب رجل دين. فلا توجد في ديننا أسرار.. كلام الله مكتوب ومحفوظ في كتاب يمتلكه الجميع

أنا لا أعبد رجال الدين. أنا أعبد الله الواحد الأحد

^ H@fSS@^ said...

عزيزتي فانتا
انا مش عارفة انتي ليه بتتعبي نفسك و ترجعي تردي على الاخوة اللي هنا
انتي كتبتي مقالة كويسة جدا و شرحتي و افضتي في الشرح و جبتي ادلة و براهين و اتكلمتي بالمنطق و مشيت بخطوات و مع ذلك لسه فيه اللي بيخشوا يهاجموكي و بكلام ابسط ما يمكن انه يتقال عليه انه كلام اهبل
بيدل على شئ واحد فقط انهم مقروش اي من اللي انتي قلتيه لكن دخلوا بفكرة مسبقة عن كونك معارضة ليهم خلاص
و اذا قروا مش بيفكروا
و اذا فكروا فبرضو بفكرة مسبقة جوا قالب متحجر غير قابل للتقبل لاي راي تاني مخالف ليه

ريحي نفسك
بجد
اكتبي و ردي على بس اللي يستحقوا الرد
اما الباقي فاسقطيهم من حساباتك

تحياتي

الفقير الى الله said...
This comment has been removed by the author.
الفقير الى الله said...

الظاهر انا اللي هتحلى معاكي بالصبر يا سيدتي انا موافق معاكي على تفسير الاية واني فيه فرق بين الشهادة والاشهاد معاكي بس انتي اللي فيه خلل في حتة معينه انت مش فهماها اولا شكرا علشان اول مرة متشتمش منك شتيمة واضحة يعني بس انا ارجوا منك الهدوء كده وفهم اللي انا بقوله علشان انا مش هكرره تاني
اي حاجة الاية اللي موجوده قالت ايه فاستشهدوا شهيدين وبعد كده علشان في حلول تانيه قال من رجالكم فان لم يكونا فرجل وامراتان
يعني لما ربنا بيحب يتكلم عن الاشهاد وطبعا الناس اللي بتكون في الاشهاد هيا اللي بتيجي وتشهد يعني ايه بيقول عن الرجال ويوم ما يجيب سيرة المراءة بيكون هناك علامة استثناء لو انت فاهمة اللغة العربيه فان لما يكونا فرجل وامراتان
اما ايات الحدود يا سيدتي اللي هيا القصاص والزنا والحاجات ده فمفهاش استثناء للمراءة هتقولي ليه
هقلك اولا حكاية الشهادة ده في القصاص يا عزيزتي حكاية مش بالساهل يعني لو راجل لوحده شاف اتنين بيزنوا مش هيعرف يخلي القاضي يحكم علي الزاني بالزنا ويقيم الحد ليه بقى معترضوش الرجالة وقالوا ليه هو احنا عمي فين حقوق الراجل وفين وفين بس انا هقلك الرجالة مبتقلش كده ليه علشان معندهمش جمعية حقوق الرجالة
ثانيا بعد تجمع الشهود الاربعة لو مشفوش الزاني ده في نفس المرة مش هينفع يقام عليه الحد يعني الاربعة كده كدابين
لا بس ده قول ربنا وافهمي في اية الزنا مكنش فيه استثناء للانثى والصيغة في الاية كانت صيغة مخاطبة للراجل فهمتي يا ريت تكوني فهمتي اما القول انا مبحبش الجدال اي حاجة بلقيها صح بقول صح بس لو فيه غلط بقول غلط فياريت تردي على كلامي اللي انا انتقدك فيه ومتحملهوش على محاملك اللي بتحبي تتهربي منه يوم ما حد ينتقدك سيدتي وللحق يقال اللي عاوز يبلغ حاجة يبلغها كلها ومتتهربيش انك بتخدي اللي يعجبك علشان تخلي المذنب صورته جميلة طول ما هو ست على فكره علشان تكوني فهمه مهما عملوا الستات حتى لو اتشقلبوا مستحيل يعيشوا من غير رجالة بس الرجاله بيعرفوا يعيشوا من غير ستات والحكاية سهلة على فكرة اعظم شيف يعني طباخ في العالم كان راجل اعظم مخترع راجل اعظم شخصيات هتلاقيها رجاله وعلى فكره وهما في اوربا يعني المراءه هناك زي منتي شايفاهم يعني زي منتى عاوزه تكوني زيهم وبتقولي عليهم متحضرين برده الستات معملتش حاجة حتى انتى هتموتي وانتي برده زي البغبان وبرده مش هتكوني عملتي حاجه الستات مبيخدوش حقهم بالاختلاط بالتبرج بالرقص تحت مسمي الحرية لا الستات بيخدوا مكانتهم لما يكونوا حاجة يعملوا حاجة روحي اعملي حاجه وقولي انا الست فانتازيا عملت كده وهتلاقي الستات ساعتها هيعملوا زيك السيدة عائشة رضى الله عنها وزوجات الرسول عامة مخدوش مكنتهم بالمرقعة ولا انا عاوزة اشهد ولا اي حاجة خدوها بالعلم وحقيقة علميه يستطيع الرجل ان يصف الموقف اكثر دقة من الستات لان اغلب الستات بتنهار عصبيا وبرده يعني الحدود زي السرقة والزنا والحاجات ده اولا الزنا بيحصل غالبا في الليل يعني الستات الصيعه اللي بره البيت هما اللي هيشهدوا سبحان الله اه ياريت لو شفتي حرامي وهو بيسرق تقول علشان يديلك بشلة بالمطوة في وشك وهيعلم عليكي حاجة جميلة ربنا معاكي روحي اشهدي روحي زي ما اتحبي بس الدين عندنا مجاش من بشر جه من رب البشر
تحياتي ياريت ردك يكون في صلب الموضوع وتمسكي الرد تفنديه مش تتكلمي على العام وتسيبي الكلام اللي موجه ليك

الفقير الى الله said...

وعلى فكره انا نسيت حاجة تاني يوم ما تنقلي الموقف صح يا اللي عاوزه تشهدي انقلى الكلام بتاع زينب رضوان كله وقولي انا موفقاها في ده مش تقولي لا ده الاخوان والشيوخ والازهر كلهم حمير وهيا الشيخه العلامه منا قلتلك مينفعش منكم شهاده شفتي ازاي مينفعش يتاخد منكم شهاده علشان اللي انتي بتعمليه ده بتجيبي اي كلام على مزاجك وتصرفيه على مزاجك طول ماهو بيخدم مصالحك تحياتي

Alexandrian far away said...

الصديقه العزيزه فانتازيا
الحقيقه ورغم أني منقطع لأسباب خاصة عن عالم التدوين عموما
إلا أن هذه التدوينه بالذات فاقعه مرارتي، وهي فاقعه مرارتي من فتره الصراحه، ولو كنتي لقيتي وقت تشرفي مدونتي المتواضعه كنتي أكتشفتي كده من فتره
ما علينا
عموما حضرتك أصبتيني بأحباط حاد
ليه؟
ممكن سؤال؟
عن ماذا تبحثين تحديدا؟
1- أصلاح الفقه الأسلامي وتخليصهمن تحيزاته الجنسيه والعرقيه والزمنيه.

أو 2- أثبات أن الفقه الأسلامي لا تحيزات فيه ولا حاجه وأنه حلو وكويس وجميل خالص.

أو 3- أنك تبحثين عن حقوقك كأنسان له نفس الحقوق والواجبات في مجتمع أنساني متحضر له دستور أنساني ومتحضر.

أو 4- أنك تبحثين عن حقوقك في مجتمع يسيره قانون ديني ويحكمه أمثال هؤلاء المنتفشين ذكوريا لدرجة أثارة الغثيان؟

أنا الصراحه أحترت يا فانتازيا
عن ماذا تبحثين في هذا البوست؟

تحياتي ومودتي وأحترامي

Hoda said...

الفقير الى الله

انت مش بس فقير الى الله لكن انت للاسف فقير الى الذوق والاحساس والادب لأن كل كلامك وتشنجك دا يدل على كمية الحقد والغيره والكبرياء الذكورى الغير مبرر وواضح انه تشفى فى شخص فانتا مش لرايها وموضوعها اللى بتطرحه .لان انت لو بتفهم كنت على الاقل قريت عنوان البوست وعرفت انها بتتكلم عن جزئيه معينه من آراء الاستاذه زينب رضوان الا وهو شهادة المرأة واوضحت دا لسيادتك لكن انت زرزرتك وهجومك الغاشم الصبيانى اللى بيفتقد للرجوله والنخوه عماك عن كل دا وخلاك بس تدخل لمجرد الهجوم والتجريح وقلة الادب على الفاضى وانا لن اسمح لك بهذا لان اى توجيه اهانه لفانتاصاحبة المدونه فهو بمثابة اهانه لى انا شخصياً ولكل الستات بقى ايه رأيك .وانا بطالبك بالاعتذار لها هنا وفوراً وامام الجميع على ما بدر منك من اتهامات واكاذيب ليس لها اساس من الصحه موجهه لشخص فانتازيا .هى ما اجبرتشى حد يا اخى انه ياخد برأيها ولا يمشى وراها مالك انت بقى الغيره وكلاك ليه، وحقيقى يا اخى انت اثبت بكلامك دا نوعية الرجاله اللى انت منهم وللاسف ملوا البلد ،والمتخلفين عقلياً وعندهم عقده نفسيه من الستات اللى احسن منهم كده وبدون مناسبه ومجرد انك لقيت انسانه لا وامرأه كمان عقلها احسن منك وبتفكر وبتجتهد احسن من مليون واحد من عينتك جن جنونك وظهرت غيرتك وقلة ادبك وابتديت تهاجمها هى لشخصها مش افكارها وهى ردت عليك افتكر بكل هدوء وادب وبأدله واحاديث من علماء اجلاء و للاسف الرد دا انت ما تستاهلوش وانا بلوم عليها انها بترد على كل اللى هب ودب داخل يستعرض عضلاته علينا روح عالج نفسك الاول من الجنون الرسمى اللى انت فيه دا مش راسى على حل كده الاول معاها وبعدين ترجع تانى تطول لسانك انت عبيط. واتعلم ازاى تتعامل مع الناس بلباقه وادب وتتناقش بتحضر جتكوا القرف جبتونا لورا

الفقير الى الله said...

بسم الله الرحمن الرحيم
الواضح يا اخي ولا يا اختى ولا اي حاجة مش فارقه يا اللي اسمك حنين
انت بتفهم غلط خالص يعني لما تقول عن شيوخ وطاويط والحكاية فيها خلاف كبير بين العلماء على حكاية اسمها هل للمراءه حق الشهادة وقلنا وزدنا في الفلوس او في الدين زي ما الاية بتقول في اي حاجة غير الحدود فان للمراة لها ان تشهد وانا جبت الدليل فوق ليه في الحدود لا تشهد المراءة
اظن هيا اصلا مرضتش عليا باي دليل علشان تعرفي مين الكداب وياريت متتبليش عليا
ثانيا يا ................... مش عارف الصراحه هو ده غبه ولا ايه يعني لما تكون مسالة خلافيه والشيخه فانتازيا مطلعة زينب عالمة وشخصية جليلة وبتقول اكيد هيا عارفة الفقه طب في حد عارف الف باء فقه يقول
بالسماح بتوريث الزوجة «الكتابية» - المسيحية أو اليهودي
احكمي عرفتي ليه انا بقول انها مينفعش تشهد علشان انا متبلتش عليها انا مش متعصب للرجاله خالص بس انا بوضح ان وجه المقارنه ولو قعدتم تطالبوا بالمساواة اللي هيا موجوده اصلا بس انتم اللي بطالبوا بيه حاجة غير المساواة حاجة اسمها المعالاة والكبر مستكبره يا اختى رحم الله امرء عرف قدر نفسه انتم ضعفاء وده حقيقة متتهربيش منها مجيش لواحد ضعيف وقولة انت يجدع اقوي منه لازم تنزل معركة ملاكمة لوحدك وهو ضعيف وهينزل قدام قوي مينفعش القوي قدام القوي والضعيف قدام الضعيف وانتم ربنا خلقكم كده عندكم ضعف في امور معينه يعني حرام يوم ما تقولي التنين يساوي واحد بس الصح اتنين بيساوي واحد +واحد ده العدل ميجيش رقم واحد ويقول لا انا بساوي اتنين كده بيكون حمار واقل من الحمار ده مثال مش منطبق على الواقع مثال ليوضح حاجه ان الست ليها حقوق المفروض متطلبش اعلى من كده والا ده مش هيكون عدل وعلشان كده الست فانتا ميتخدش منها شهادة لانها شايفه من نظرة العطف النظره الصغيرة اللى بتحكم من غير عقل ان زينب عندها حق علشان بتتبع اهوائها وشهوتها وبس هيا كده فانتازيا يعني انا هجبلك هيا قالت ايه
----------------------------------
يا ناس عيب عليكم.. بقى بدل ما نشكر الاستاذة ونقولها كتر خيرك انك نبهتينا, ونلوم نفسنا اننا أتأخرنا كل دا في مراجعة رؤيتنا المحدودة لنصوص الدين, تقوموا تقولولها لأ وتتهموها انها بتخالف احكام الشرع؟ حد تجيله الفرصة انه يعيد جزء من الكرامة المهدورة لأمه وأخته وبنته وزوجته ويقول لأ؟ حد يجيله الفرصة انه يبين حقيقة دينه وانه في جوهره دين تقدمي بيدعو للمساواة بين البشر ويقول لأ؟ حد يجيله الفرصة انه يرحم آلاف الأسر من البهدلة في المحاكم ويقول لأ؟ حد يجيله الفرصة انه يخدم العدالة وينصف الحق ويقول لأ؟
---------------------------------
يعني واحده تقول ورثوا المسيحين واليهود ازواجكم والايات صريحة تبقى برده عالمه والناس اللي بتقول شهادة المراءة لا يؤخذ بها في الحدود ومعاهم ادلتهم والحكاية خلاف وجمهور العلماء على انه لايؤخذ بها علشان كده الناس بتاخد براي الجمهور ولو مفيش ادلة بيكون بالقياس واجتماع الامة مش شرط يكونوا مجتمعين كلهم يعني قصدي اجتماع اغلب الامة الكبار على حاجة بتكون حجة على الامة الاسلاميه الشاهد اللي بيتكلم في حاجة خلافيه ويقول رايه يبقى وطواط وخفاش وحمار ورجعي واللي بيقول كلام غلط في الاساس بيكون هو العالم
وبرده هقلك فانتا قالت علي زينب عالمة علشان هيا ست ونسيت العلماء اللي علموها وقالت عليهم وطاويط علشان هيا ست وماشية على هواها تحياتي ومنتظر ردك

الفقير الى الله said...

يعني ببساطه اللي يخالف فانتا في مسالة خلافيه بين العلماء بيكون خفاش ولا وطواط
اما اللي ميخلفهاش حتى ولو بيتكلم في حاجة الدين قايل عليها حراااااااااااام بيكون عالم ده شهادة من فانتازيا تحياتي
ياريت اللي يتكلم ويرد يكون عاقل يرد صح ويجيب حاجه غير كده اقل حاجه شوف البوست

^ H@fSS@^ said...

الفقير الى الله
انت متعبتش؟؟
مزهقتش؟؟
متعلش قلبك ؟؟
ازاي بتدعي الفقر الى الله و انت متكالب في الكلام كده و مصر على الكلام الممجوج و المط و التطويل؟؟
هو الفقر ف يمفهومك فقر فلوس و بس؟؟
روح صحح مفهومك للفقر يا باشا
يا اخي عيب بقى
ما انتوا في مدوناتكوا بتقولوا بلاوي
حد دخل خنقكوا بالشكل الفظيع ده؟؟
ايه ده حتى الهوا مش عاوزينا نتنفسه
داخلين التدوين و غيره و كانها حرب داحس و الغبراء
ايه ده
ايه كمية الاحتقان دي؟؟
ايه كمية الرغي و الزبدة اللي عمالك بترج فيهم من صباحية ربنا انت و اصحابك؟؟
واحد يخش و التاني يدخل و خلاص ولا مسابقة شاعر المليون
اهمدوا شوية بقى و ارحموا الناس يمكن ربنا ينظر لكم بعين شفقة
الرحمة حلوة يا فقير افندي
كفاية بقى انا متابعة الردود من سنة الف تسعمية و خشبة و قلبي اتعل
يخرب بيت كده
علة القلب دي بتجيب كفر للمخ
شوف انت بقى هببت ايه في خلق ربنا هنا يعني لو حد هنا كفر انت تتحمل وزره
نهار اسود
يا بخت من زار و خفف فعلا

Fantasia said...

الفقير إلى الله

وكم أكره أن يذكر اسم الله جل جلاله في لقب اختره انت يا من لا تحمل من صفات الأدب أو الخلق حتى ذرة

قل لي أنت سبب واحد يجعلني أرد على شخص بهذه الحقارة والوضاعة وانعدام الخلق.. لن أقول الخلق الإسلامي حتى لا أهين الإسلام.. ولكن أقول ادنى حدود الأخلاق التي تتوافر في بني البشر, حتى الكفار

هل تعتقد ان بذائتك لا تدل على شخصيتك؟ هل تعتقد أن الشخص الذي يدعي أنه متدين لا يحاسب أمام الله على كل لفظ وكل حرف يخرج عنه؟ أتعتقد أنك بهذا السلوك ممكن أن تدافع عن أي دين سماوي أو غير سماوي؟ أتدعي بعد كل هذه الصفاقة أنك أقرب إلى الله مني؟ كم أنت أعمى.. كم أنت غافل.. كم أنت مسكين.. وكم أنت غارق في وحل من سواد النفس

أتحداك أن تواجه أمك.. السيدة التي ولدتك وربتك حتى صرت تظن نفسك رجلا.. أتحداك أن تواجهها بكلامك القبيح هذا.. قل لها هذا رأيي فيك يا أمي.. يا من حملتيني بين ضلوعك وأفنيتي عمرك على رعايتي.. قل لها هذه هي نتيجة تربيتك لي يا أمي.. هذه هي ثمرة عمرك.. فأنا أحقرك وأسفه من شأنك ومن شأن كل النساء بل وأستعرض سفالتي أمام الجميع

أتحداك أن تواجه نفسك بمرضك النفسي وتوشهاتك الداخلية وبشاعة خلقك

وأنا لست مجبرة لتحمل بذاءة أمثالك وتفاهتهم. فأنا أعرف قدر نفسي.. واي شخص ذو عقل سيفهم معنى كلماتي وسيرى نور الحق يشرق من بين سطوري

يا من تقول أنك فقير إلى الله.. أنت فقير بالفعل.. بل ومفلس أيضا.. مفلس في كل شيء.. في عقلك وقلبك وروحك.. والله بريء من أمثالك

Fantasia said...

الأستاذ العزيز اسكندراني

آسفة عن ما قد أصابك من إحباط أو ضيق أو حيرة نتيجة هذه التدوينة يا سيدي الفاضل, ولكني كنت أعتقد أن غرضي واضح

ربما قام البعض هنا بالتشويش ومحاولة جر الموضوع خارج محتواه.. لكني كنت أبذل جهدي حتى أحتفظ بصلب القضية وبالطرح الذي قدمته

بما أنك وضعت لي عدة اختيارات, فعلي أن أختار من بينهم, ثم اسمح لي أن أقوم ببعض التوضيح

أختار الوضع الثالث بالطبع, لكن هذا الوضع لا وجود له في الواقع, لأن هناك بعض من هؤلاء الذين يزعمون امتلاكهم للحقيقة المطلقة, يحاولون منح ما يعتقدونه صفة القداسة عن طريق لي عنق الدين وتفصيل الشريعة على هواهم

الإصلاح الديني يا سيدي الفاضل واجب على كل شخص يتبع دين معين. فالدين, أي دين, لا يسلم أبدا من أيادي العابثين الذين يريدون فرض سيطرتهم وتعميم تشوهاتهم الفكرية على البشر, فيستغلون أن السماء لا تتكلم ويستولون على النصوص المقدسة ليسقطوا عليها كل معتقداتهم الفاسدة.. كالتمييز العنصري, واباحة الموبيقات, وتقديس الاشخاص, والدعوة إلى العنف وسفك الدماء, وقمع البشر, وترويع الآمنين, وتحريم التفكير واعمال العقل, وغيرها من الاشياء التي هي من وضع مجموعة من المرضى النفسيين والمختليين عقليا

إذا تركنا الدين في يد هؤلاء يا سيدي الفاضل, قل على الدنيا السلام. لا يمكن أن نعيش في مجتمع سليم, ولا أقول متحضر أو متقدم أو منتج, دون تحرير الدين من يد مغتصبيه

خالص تحياتي

Fantasia said...

العزيزة حنين

تقبلي بالغ أسفي عما صدر عن هذا المعتوه, وأعدك أنني لن أتحلى بالصبر مع من لا يستحقه

أنا لا أحزن من الهجوم على شخصي يا حنين.. فلا يوجد شخص على وجه الأرض يتفق عليه كل البشر.. حتى الرسول عليه الصلاة والسلام, لم ينج من أذى البعض وتهجمهم عليه. وحتى شخص مثل غاندي, لم يسلم من يد التطرف التي إغتالته بعدما أخرج المحتلين من وطنه لأنه كان يحميه من التفتت الداخلي. الإرهاب لا وطن ولا دين له يا حنين

لكن الإرهاب الفكري هو أبشع أنواع الإرهاب.. فما يحزنني حقا هو خوفي على مستقبل هذا البلد حين أرى ظلام العقول في شباب كنا نرجوا أن يكونوا طوق النجاة والأمل في غد أفضل. لكن ها هم يحملون سيوفهم ويكيلون الطعنات لأي عقل مفكر. يجعلون من الصديق عدو ومن العدو صديق. يساقون إلى معركة وهمية مع أبناء بلدهم, ولا يعلمون أنهم يدقون المسامير في نعش وطنهم ويحفرون قبورهم بأيديهم

أشكرك يا عزيزتي على هذه الروح الجميلة وعلى مساندتك لي ودفاعك عني. أدام الله المودة وقدرني على رد جميلك

خالص تحياتي

Fantasia said...

العزيزة حفصة

معك كل الحق, وسأعمل بنصيحتك الغالية حتى لا أبدد مجهودي على قلة من السفهاء لن يجدي معهم أي حوار في كل الأحوال

لكنك أكثر الناس دراية بطبييعة هؤلاء المساكين يا حفصة, ولطالما أطلتي بالك في النقاش معهم ومحاولة تفنيد آرائهم بالعقل والمنطق

أنا متأكدة أنك لا تفعلين ذلك من أجل الرد على هذه النماذج الممسوخة والمشوهة عقليا, لكنك تريدين أن يستفيد غيرك بما تمتلكينه من معرفة وحجة ومنطق. وهذا هو ما ابتغيه في محاولتي إيجاد أي أمل في النقاش المتحضر مع مثل هؤلاء. لكنهم سرعان ما ينهاروا ويسقطوا في قاع من السفالة والإنحطاط

أشكرك يا عزيزتي

خالص تحياتي

الفقير الى الله said...

ياه يجدعان بقى العدل اللي انتي بتتكلمي عنه انا لا اعرف واحدة اسمها هند ولا عمري وجهتلها سؤال وهيا اللي بدات وشتمت وانا يوم ما رديت عليها مشتمتهاش انا فقط قلت انها مش فارقة معايا وسكت تيجي انتي وتشتميني طب شكرا على زوقك
والادهى انا برده معرفش واحده اسمها حفصة
المهم هيا اسالة تجوبي عليها جوبتي نقول انك فاهمة ومش زي البغبان بترددي حاجات انتي مش فهماها علشان اقيم عليكي الحجه
السؤال الاول / ما هو القران والسنه بالنسبة لفانتازيا في التشريع هما الاساس ولا في حاجة تانيه
السؤال التاني / هل دين الاسلام يحتاج الى اعادة وضعه من جديد كل مية سنه علشان يناسب العالم
السؤال الثالث / هل تسمعين كلام الله ورسولة والصحابة في الاحكام ام لكي مصدر اخر
السؤال الرابع / ليه معترضيش على الايه وقلتي فين العدل وليه الاشهاد حتى ربنا قال عليه ان الراجل بامراتين
يعني مش في الشهاده ليه الاشهاد ربنا خلى الراجل باتنين من الستات يعني فين عدل ربنا ولا هو ده عين العقل
ورينا يوم ما تجوبي باحترام هكمل اسالتي معاكي
السؤال الخامس / من يفسر ويستنبط الادلة هل اي حد او علماء المسلمين
من غير شتايم ده محاورة بيني وانا العبد اللي عاوز يقتنع بكلامك وجيبي اللي انتي عاوزاه معاكي بس باحترام ونشوف
مش موافقه على المحاورة يكفيني اجابة السؤال الاول والرابع والخامس

أحساس لسه حى...كلام من جوه روح لكل روح said...

عزيزتى

انا كل اللى قوتهولك أن الايمان بالدين ايمان كامل بكل ما فيه حتى لو فى شئ مش فاهمينه ليه ربنا امر بكده ما احنا مش لازم نفهم كل شئ فى ديننا

وانا قولت

الازهر بقه اداه سيئة

والسلفيين سيئون

والاخوان سيئون

والوهابيين سيئون

وسالتك ميين اللى بيعجبك ارائه علشان اعرف انتى بتخدى دينك من ميين

وبكده افهمك

ومردتيش على السؤال ده

لاكن انك تتكلمى على دكتورة كانها عالمة زمانها علشان قالت راى عجبك ده غلط فى رائى

وانتى ممكن تجتهدى بس لازم الاجتهاد ده يكون ليه جهد قبليه

يعنى مش معقول انسان مش حافظ القران ويقولى انا افتى بكذا مينفعش

وانا اهو بقول انا مش بخرجك عن دينك الله اعلم يمكن انتى احسن من الف زى عند ربنا انا بس بقولك راى بصراحه وطلبت منك تقوليلى انتى ميين اللى بتخدى منه امور دينك علشان اعرف قدره كعالم

وكل واحد فينا بيشوف الحقيقه من نحيته بس ومن واجهته

وانا وضحتك انك فهمتينى غلط انا بس عرضت رائى فى اللى بيبحث عن اراء ترضيه فى دينه

ومتزعليش

سلاااااااااااام

HardwireKinetic said...

أنا مش مصدق نفسى. الردود أحبطتنى إحباط غير عادى على مصر. فى ناس طلعت الفضاء من اكتر من أربعين سنة و فى ناس بتعمل شرائح كمبيور بأحجام و سرعات خيالية و إحنا لسه بنفكر شهادة الست زى الراجل ولا لأ؟

إحنا مالنا و مال الدين. أنا مالى واحد دينة بيقوله شاهدة الرجل بنص شهادة الست ولا بتلات تربعها؟ ليه تمشى الناس على معتقداتك إنت؟ حتى لو أغلبية الناس معتنقاه فا هوه فى الآخر دين... إعتقاد. مفيش أى دليل علمى على صحته و مينفعش نمشى الناس على تخمين. لازم فصل الدولة عن الدين عشان يبقى فى أى نوع من العدل

انا معاكى يا فانتزيا الست لازم تساوى الراجل فى كل حاجه مش بس الشهادة... بس طبعاًً أسبابى مش نفس أسبابك

تشاو

msenusy said...

قال الله تعالى فى سورة البقرة اية رقم (282) اعوز بالله من الشيطان الرجيم بسم الله الرحمن الرحيم ... {يَا أَيُّهَا الَّذِينَ آمَنُواْ إِذَا تَدَايَنتُم بِدَيْنٍ إِلَى أَجَلٍ مُّسَمًّى فَاكْتُبُوهُ وَلْيَكْتُب بَّيْنَكُمْ كَاتِبٌ بِالْعَدْلِ وَلاَ يَأْبَ كَاتِبٌ أَنْ يَكْتُبَ كَمَا عَلَّمَهُ اللّهُ فَلْيَكْتُبْ وَلْيُمْلِلِ الَّذِي عَلَيْهِ الْحَقُّ وَلْيَتَّقِ اللّهَ رَبَّهُ وَلاَ يَبْخَسْ مِنْهُ شَيْئاً فَإن كَانَ الَّذِي عَلَيْهِ الْحَقُّ سَفِيهاً أَوْ ضَعِيفاً أَوْ لاَ يَسْتَطِيعُ أَن يُمِلَّ هُوَ فَلْيُمْلِلْ وَلِيُّهُ بِالْعَدْلِ وَاسْتَشْهِدُواْ شَهِيدَيْنِ من رِّجَالِكُمْ فَإِن لَّمْ يَكُونَا رَجُلَيْنِ فَرَجُلٌ وَامْرَأَتَانِ مِمَّن تَرْضَوْنَ مِنَ الشُّهَدَاء أَن تَضِلَّ إْحْدَاهُمَا فَتُذَكِّرَ إِحْدَاهُمَا الأُخْرَى وَلاَ يَأْبَ الشُّهَدَاء إِذَا مَا دُعُواْ وَلاَ تَسْأَمُوْاْ أَن تَكْتُبُوْهُ صَغِيراً أَو كَبِيراً إِلَى أَجَلِهِ ذَلِكُمْ أَقْسَطُ عِندَ اللّهِ وَأَقْومُ لِلشَّهَادَةِ وَأَدْنَى أَلاَّ تَرْتَابُواْ إِلاَّ أَن تَكُونَ تِجَارَةً حَاضِرَةً تُدِيرُونَهَا بَيْنَكُمْ فَلَيْسَ عَلَيْكُمْ جُنَاحٌ أَلاَّ تَكْتُبُوهَا وَأَشْهِدُوْاْ إِذَا تَبَايَعْتُمْ وَلاَ يُضَآرَّ كَاتِبٌ وَلاَ شَهِيدٌ وَإِن تَفْعَلُواْ فَإِنَّهُ فُسُوقٌ بِكُمْ وَاتَّقُواْ اللّهَ وَيُعَلِّمُكُمُ اللّهُ وَاللّهُ بِكُلِّ شَيْءٍ عَلِيمٌ }البقرة282