Wednesday

سردية الخصيان - مقدمة


سردية الخصيان

مقدمة

هذه ليست قصة قصيرة ولا طويلة
ليست رواية ولا مسرحية ولا ديوان شعر

هي تجربة أدبية مختلفة
ليست من نتاج الخيال

فكل أحداثها من صميم الواقع
وإن كان دور الكاتب هو صياغة هذا الواقع في شكل أدبي

قد يتدخل الخيال ليضع بعض المحسنات البديعية
وقد ينحسر في بعض الأوقات ليطرح الواقع بكل جفافه وبرودته

***

التجربة دي مش هتكون بالفصحى ولا بالعامية
هتكون مزيج بين الاتنين
زي ثقافتنا اللي العمل دا نابع منها
واللي هي المادة الأساسية للأحداث اللي هأحكيها

اسمحولي يعني أجرب معاكم نوع جديد لانج من الأدب
أدب لا هو مكلكع ولا هو مفتقد للرصانة
أدب متمرد.. زي اللي كاتباه
أدب مجنون زي الأحداث اللي فيه والمجتمع اللي هو نابع منه

هندخل التجربة دي سوا
القاريء والكاتب مع بعض
هنغزل مع بعض صورة لمجتمعنا
عشان تبقى قدام عينيا وعينين الأجيال الجاية

ممكن نتعلم منها حاجة
لكن الأكيد إن الأجيال الجاية هتتعلم منها كتير
لأننا بالنسبالهم هنكون مجرد مادة للدراسة والتحليل
هنكون التاريخ.. بكل آلامه وأحزانه وواقعيته

أنا أخترت للعمل الأدبي ده عنوان مناسب.. مجرد مناسب
ممكن يكون صادم للبعض
ممكن يكون تقيل على البعض
ممكن يرحب بيه البعض

سردية معناها حدوتة
والخصيان ليها معاني كتير.. هنكتشفها مع بعض
الخصيان هم كل الناس اللي فقدوا جزء حيوي منهم
وحيوي برضه لها معاني كتير.. منها مثلا إنه مانح للحياة

***

الحياة التي نحياها هي اختبارنا الأول والأخير
فرصتنا الوحيدة التي نرسب فيها مع سبق الاصرار ووأد المصير

أيامنا هي حروف نكتب بها تاريخنا
وتاريخنا هو الذي يبقى طويلا بعد زوالنا ليحمل ذكرانا

تاريخنا هو الشاهد على أننا كنا يوما هنا
تاريخنا هو الراوي الذي سيسرد رواياتنا

وهذه هي مجرد محاولة لرؤية هذه السردية
والتي تتمنى الكاتبة من كل قلبها ألا تعنونها الأجيال المستقبلية

سردية الخصيان

35 comments:

Alkomi said...

شوفي يا فانتزيا

سردية الخصيان اللي انتي عاوزة تسرديها دي مش جديدة ولا حاجة

عادي يعني احنا عايشين في حالة خصيان ملهاش حل الا ان الحالة ذات نفسها يجيلها خصيان

انا فاهم صح ولا انا مش فاهم حاجة خالص

Hoda said...

عروستى !!! لا وضحيلنا شويه الله لا يسيئك او بالاخص انا يعنى

اما بقى اذا كنتى عايزه تسردى الاحداث اليوميه اللى بتحصل كل يوم تشل وتحرق الدم وانا شخصياً اتخصيت لما قريتها من شدة استفزازها مع ان دا مش المفروض يحصل للستات !!! اول خبر ان المانيا منحت وزير التعليم المصرى وسام الاستحقاق على جهوده فى النهوض بالتعليم !!!والبعثات العلميه بين مصر والمانيا مش عارفه دا اصله ايه يعنى استعباط ولا ايه واحد زى دا دمر التعليم وبيكرموه ... تانى خبر فيفى عبده الرقاصه اه والله وافق التليفزيون على تحديد اجرها فى مسلسل قمر اللى هيتعرض فى رمضان على 5 مليون جنيه!!!! فيفى عبده اجرها خمسه مليون جنيه وبنت الرئيس السادات رقيه اجلوا نظر قضيتها النهارده علشان تحصل على معاش والدها اللى من حقها والدوله مش بتصرفهولها وانها حتى تعيش فى فيلا والدها اللى فى الجيزه يعنى بنت الرئيس السادات بتشحت وفيفى عبده بتقبض .... اشطه على البلد التمام والخبر التالت ان الحكومه بالرغم من كل الانقلاب والاعتراض اللى حاصل فى البلد علشان بيع بنك القاهره عملوا اجتماع سرى فى احدى فنادق القاهره علشان يتفقوا على اجراءات البيع غصبن عن عين ام ميتين ام البلد وشعبها .. شفتى الهنا اللى احنا فيه ... سجل يا تاريخ النهب اللى على اصوله وبنك الفلاحين اللى كان بناه يوسف عبد الرحمن بتاع قضية المبيدات فى وزارة الزراعه بنك التنميه دا اللى فى الدقى اتكلف 40 مليون جنيه وبعد كده استخسروه انه يبقى للفلاحين القذرين عرضينه للبيع او يدوه لننوس عين امه جمال يعملوا مقر للحزب الوطنى .. بس اظاهر انه لقى البيع هيجيب مصلحه اكتر فبعوه .. هى دى اخبار البلد اللى تفرح وسجل يا تاريخ اوسخ حقبه عايشينها واعذرينى على الفاظى البيئه بس اعمل ايه مقهوره وبفضفض معاكى قبل اما اتجنن

Samir Saad said...

بانتظار المزيد
تحياتي واحترامي

أسوور said...

احييكى واشجعك ..العنوان صادم فعلا لكن لا بأس

تحياتى

Desert cat said...

فى انتظار سردية الخصيان
بس متتاخريش علينا يا فانتا

Anonymous said...

السلام عليكم
دى أول مرة أعلق عندك يا أستاذة فانتا بس أنا متابعة المدونتين العربى بتوع حضرتك وعاجبنى جدا واتعلمت من حضرتك حاجات كتير ما كنتش أعرفها وبالنسبة للعمل الادبى بتاع حضرتك فأنا منتظرة وياريت ماتتاخريش علينا

جوان

Fantasia said...

الاستاذ العزيز محمد الكومي

لأ طبعا هي مش جديدة.. دي قديمة قوية وكلنا عارفينها وعايشين فيها.. بس أنا بحاول أجرب شكل أدبي جديد.. أو أدب تجريبي

هي كان المفروض يكون اسمها "حاجة تقرف".. بس أشرف عبد الباقي سبقني وخدها (مسرحية باللو) لو تفتكر

خالص تحياتي

Fantasia said...

العزيزة حنين

بعد الشر عليكي م الجنان يا أختي.. انشالله كل اللي مضايقينك دول.. فكي يا حبيبتي عند اختك فانتا بالكلام وفضفضي، ماهو الهم اللي الواحد بيشوفه الأيام دي ما ينفعش حد يشله لواحده.. هم مايتلم ولا يتعد

هي جت على فيفي عبده يعني؟ العيب مش عليها الصراحة، العيب على الجمهور اللي عاملها قيمة.. ما هو السوق عرض وطلب، لو مافيش طلب على مسلسلاتها المتخلفة كانت قعدت في بيتها، ولو الطلب نص نص، كانت خدت أجر نص نص.. دا حتى شكلها بقى يخض، بقت عاملة زي الأشكيف.. لكن رزق فيفي ع المجانين يا اختي
---

أوضحلك بقى الموضوع.. الحكاية يا ستي هي اني هأجرب أحكي اللي بيحصل في مجتمعنا في شكل عمل أدبي من اختراعي
يعني هأكتب مشاهد من الحياة، والقاريء اللي يعرف قصة أو له خبرة مرتبطة بنفس الموضوع يكتب عنها في التعليق.. أقوم أنا آخد التعليقات دي وأدخلها في المشاهد دي أو المشاهد اللي بعدها

وبكدة يكون العمل ده مشترك بيني وبين القراء.. إيه رأيك؟

خالص تحياتي

Fantasia said...

الاستاذ العزيز انوسنت

خالص الشكر على تشجيعك المتواصل وأرجو أن ينول هذا العمل اعجابك

خالص تحياتي

Fantasia said...

العزيزة أسوور

يا أهلا وسهلا.. شكرا يا عزيزتي على تشجيعك وتمنياتي أن يكون هذا العمل عند حسن ظنك

خالص تحياتي

Fantasia said...

العزيزة قطة الصحراء

من عينيا يا أحلى قطة.. من غير تأخير.. وإن شاء الله تعجبك

خالص تحياتي

Fantasia said...

جوان

وعليكم السلام ورحمة الله

أشكرك على تعليقك الجميل وتشجيعك. سأبدأ أولى الأجزاء في القريب العاجل ان شاء الله. أرجو دوام التواصل

خالص تحياتي

tarek alghnam said...

الرائعة فانتازيا
سرديه الخصيان
اكيد سرديه شعب مغلوب على امرة
الخصيان امتلأ بهم الوطن العربى يمكن لم يقطع منهم هذا الجزء المهم ويمكن هو الجزء الوحيد الانشط لهم ويمكن يعيشون له فقط عيشه بهيميه
ولكنهم فقدوا الضمير وفقدوا الانتماء وفقدوا المشاركع
تقبلى تحياتى
وهذة تانى مشاركه لى
واتمنى التواصل

قصاصه said...

التسميه جريئه جدا لشخصيه جريئه جدا وحره جدا

الى الامام يا فنتازيا فأن الشعوب تصحو من ازعاج الشجعان

احييك
ماجد

أحمد صـلاح said...

فكرة مجنونة . . وبصراحة ، إسمحي لي إن أدعمك .. وإلى الأمام

Dr. Diaa Elnaggar said...
This comment has been removed by the author.
Dr. Diaa Elnaggar said...

شوقتينا

في الانتظار

عميق تحيتي وخالص مودتي

Alkomi said...

انتي اختفيتي فين و ليه

Alkomi said...

كل عام و انتم بخير بمناسبة شهر رمضان الكريم

رمضان كريم و اعاده الله عليكم بالخير و اليمن و البركات

رمضان كريم


ليكي فانوس عندي يالا تعالي خديه بسرعة

Guevara said...

فانيازيا
كل مرة اغيب عن مدوناتك ارجع وانا واخد قرار واحد الاني لازم اتعلم اكتب زيك بسلسة بثقة بقوة
لكني اعتقد اني حقا لا املك تلك الموهبة فدعي قلمك بعير عن ما يدور في عقلك وعقلي
انا سعيد بجد اوووي بيك يا فانتازيا

Coca said...

انتي فين بقي مختفيه ليه كله ده
جايه احقق معاكي
وحشتينا اوي
يارب تكوني بخير

اسامة يس said...

هي سردية بين الواقع والذهن / الخيال اذن..
وهل هناك فكاك من تخيل ذهني بعيداً عن الواقع..
ان الأحلام بكل رومانسيتها اعادة تصور للواقع...
ومحاولة للوصول لواقع اذا حدث عدنا لنحلم بتغيره..
تلك السردية التي ستبقى على جدران الآتي، ستعلن لهم أننا صلبنا وجردنا من كل شيء..
بعد الألف الخامسة أو السادسة أظن.. سيقال أيضاً.. لو كان ذاك الزمن مخصي بأكمله ما جاءتنا تلك السردية..

أختي الكريمة:
فانتزيا
أين أنت ..؟
نفتقد تواجدكم الكريم
دمت بكل ود..
خالص تحياتي

Fantasia said...

أعتذر للجميع عن التأخر في الرد وذلك لظروف حالت بيني وبين التدوين
واشكركم جميعا على تشجيعكم كما أعدكم بنشر الفصل الأول في أقرب وقت

Fantasia said...

الأستاذ طارق الغنام

أهلا بك دائما ضيفا عزيزا ومعلقا متميزا

لقد لخصتم المعنى المرجو من المقدمة ببساطة وعمق. لقد اخترت لفظ "الخصيان" للدلالة على معنى أكثر شمولا ولا علاقة له بالمعنى الحرفي أو مدلوله البيولوجي

خالص تحياتي

Fantasia said...

الأستاذ ماجد

أشكرك جزيل الشكر على تشجيعك لي ولهذا العمل. أتمنى أن أكون على قدر الشجاعة المطلوبة لازعاج هؤلاء النيام

خالص تحياتي

Fantasia said...

الأستاذ اندرجراوند

شكرا جزيلا على دعمك لهذه التجربة. سعدت بالتعرف على مدونتك وهي جديرة بالاهتمام. يبدو أن اسلوب الجوثك بدأ ينتشر بين شباب الكتاب المصريين. تمنياتي بالتوفيق

خالص تحياتي

Fantasia said...

الدكتور العزيز ضياء النجار

آسفة لغيابي طوال هذه المدة. اتمنى أن يكون العمل على المستوى المتوقع وأن يحوز على اعجابك ان شاء الله

خالص تحياتي ومودتي

Fantasia said...

الأستاذ العزيز محمد الكومي

معلش اديني رجعت أهوه. شكرا ع الفانوس

خالص تحياتي

Fantasia said...

جيفارا العزيز

تطيل الغيبة لتطل دائما بتعليق يرفع من روحي المعنوية ليصل بها إلى عنان السماء

أشكرك جزيل الشكر على تشجيعك المتواصل منذ بداية عهدي بالتدوين. واتمنى أن أقرأ الجديد لك على مدونتك.. فلا غنى عن قلمك وحسك المتميز

خالص تحياتي

Fantasia said...

العزيزة كوكا

والله انتم اللي وحشتوني. ازيك يا كوكا وازي إيمي؟ معلش. هأعاود نشاطي التدويني بالتدريج. أنا متابعة تدويناتكم، لكن للأسف مش بقدر أعلق

خالص تحياتي يا قمر

Fantasia said...

الاستاذ المجهول

شكرا على التنويه

Fantasia said...

الاستاذ العزيز اسامة

دائما تضيع الكلمات في محاولتي للرد على تعليقاتك الثرية، فهي في ذاتها عمل أدبي رفيع

أشكرك جزيل الشكر يا صديق القلم الغالي. واتشوق لمعرفة رأيك في أولى تجاربي الادبية على هذه المدونة

خالص تحياتي

صَاحبْ البَوَابْه ... الحٌريةْ بالمَجَــانْ said...

سوف اتابع لأرى

محمد حليم said...

شكرا لأضافاتك الرائعة في مدونة حسن الهلالي حول الطبيب المجلود

اقصوصه said...

ما فهما الفكره

بس استهجنت الاسم اكيد!!