Monday

خطوة لقدام .. خطوتين لورا


لأ، دي مش خطوات رقصة جديدة هعلمهاكوا .. دا حال المرأة اليومين دول. كل ماناخد خطوة لقدام .. نرجع خطوتين لورا.


المشهد الأول:
كان فيه وقت المرأة المصرية كانت واخدة وضعها ف كل مظاهر الحياة. دلوقتي بنحكي ف حاجات أولية زي عمل المرأة .. بعد كدة تلاقي شخص مجنون يطلع يقول إن المرأة المفروض ترضع زمايلها ف الشغل عشان تشتغل معاهم ف نفس المكتب! إيه الدماغ المريضة دي؟ ليه فيه رجال دين كتير بتستحوذ عليهم فكرة المرأة والجنس؟
المشهد الثاني:
مش من بعيد قوي البنات كانوا بيروحوا الجامعة لابسين ميني جيب وبلوزات كت من غير مايكونوا عرضة لأي تحرشات. كان الكل بيحترمهم. كانوا بيركبوا المواصلات العامة. كانوا بيمشوا ف الشوارع. كانوا بيختلطوا مع زمايلهم الرجالة. مع كل دا محدش كان بيجرؤ حتي ينتقدهم! دلوقتي، مش كفاية إنك تلبسي بإعتدال، لازم كمان تغطي شعرك، وبرضه توقعي إنه يتم التحرش بيكي ف أي وقت، ومش بس بالكلام، دا تحرش جسدي كمان. ولو إشتكيتي .. فدايما الغلط عليكي وإنتي الغلطانة .. إنتي اللي شجعتيه، إنتي بتحبي تتعاكسي،امال ليه نزلتي من بيتك أصلا؟!!! ياربي .. فعلا مرض.
المشهد التالت:
البنات المتفوقين كان بتجيلهم بعثات وكان أهلهم بيسمحلهم يسافروا برة ويرجعوا بمجيستير ودكتوراه .. إسألوا الدكتورة بتاعتكوا في الجامعة اللي لا من عيلة غنية ولا عيلة ثقافتها أجنبية. دلوقتي البنات يبوسوا الإيدين لو إتسمحلهم يقدموا علي دراسات عليا جوه مصر, تخيلوا بقى لو بس جابت سيرة السفر برة .. كلام عن إنك هتبقي مشغولة جدا لدرجة إنك مش هيبقي عندك وقت تتجوزي! .. مفيش راجل هيرضي يتجوز واحدة معاها درجة علمية أعلي منه! .. مفيش راجل هيبص لواحدة كانت عايشة برة لوحدها سنة ولا أكتر! مفيش راجل، مفيش راجل، مفيش راجل .. عنوا م بقى فيه, يروح ف ستين داهية اللي مش عاجبه ده!
مشهد محزن وار التاني .. قاعدين نرجع لورا. إنسوا حركة تحرير المرأة .. إحنا رجعنا لأول الطريق! عايزين يودونا فين تاني؟ خلاص وصلنا القاع .. وبرضه مش كفاية بالنسبالهم .. عايزنا نحفر قبورنا بإيدينا!

30 comments:

أسوور said...

يشرفنى أن أكون أول المعلقات
الصورة ليست بهذه القتامة يا فانتازيا
أنا شخصيا لية بلد جدى وجدتى تتبع احدى محافظات الدلتا وفى حقيقة الأمر المرأة تقود السيرة فى الريف أكثر من الحضر
وهم يحرصون على تعيم البنات قبل الصبيان وتسافر البنت وتعيش فى القاهرة أو أى مدينة وحدها بدون أى رقابة لثقتهم فيها
وغطاء الرأس فى الريف له نظرة مختلفة ليس لها أى علاقة بالدين
الرجل يضع العمامة أو الطاقية والمرأة تضع الطرحة أو الإيشارب وقد تكون فتحة صدرها فى الجلابية تظهر أكثر مما تخفى
المرأة تعمل فى البيت والغيط وتصنع الجبن والرزبد وتربى الحمام وتسافر من بلد الى بلد كل يوم خميس عشان تبيعهم فى الأسواق
تحترم جدا وتربى أجيال ويقف أمامها الرجال وهم يرتجفون
كمان فى محافظات مثلا البنت فيها بتتعاير لو ماكانتش بتشتغل دى المحافظات اللى بتورد الخادمات للمدن وهم لا يجدون عيبا فى ذلك بل ان الأجور تبدأ من 500 جنيه لفتاه فى الرابعة عشر من عمرها
واولئك الفتيات يتحكمن تماما فى مصائر أسرهم ويطيعهم الجميع بما فيهم الأب والأم والأخوة من الرجال ذلك لأنهن يملك زمام الأسرة من الناحية المالية
الناس دى على فطرتهم
صدقينى مش زينا .. الرجل فى المدينة يخشى المرأة بلا سبب مبرر
هو فى داخله يخشى تفوقها وتسمعى دايما الولاد يقولوا ان البنات اخدوا مكانهم فى الوظائف مع ان كل واحد بياخد نصيبه من الحياة

الموضوع مش موضوع سفر او تعليم او الحاجات دة
البنات بتسافر عادى وبتتعلم وبتشتغل

المشكلة فى العقول يا فانتازيا .. فى نظرة الناس دى للمرأة وشعورهم الدائم انها مخلوق اقل حتى لو سافرت واخدت اعلى الشهادات وهى دى الكارثة بجد

الكلام يطول
لكن الخلاصة عايزين نركز على ان المرأة يجب أن يبكون مكفول لها حق الإختيار
حق اختيار الدين والحياة والعلم والزوج والأبناء واللبس والنظام الحياتى لها بشكل عام

الحاجة التانية ان المرأة مساوية للرجل فى كل شىءوان اختلفت الأدوار
وأركز على موضوع اختلاف الأدوار دة عشان الناس ماتفكرش اننا شوية معاتيه مش فاهمين الدنيا
لأ
المرأة لها أدوار لا يمكن تبادلها مع الرجل
أنا مصرة على احتكار تلك الأدوار لأن دة بيقوى من موقفنا أكثر مش بيقلله

وصدقينى نصيب الرجال فى الدنيا من التعاسة ليس أقل من النساء بشىء
كلنا تعساء فى دنيا لا تعطى لأحد ما يرجوه
أو هكذا نتصور
تحياتى للعزيزة فانتازيا

قليل من التفكير said...


عايزين !!!!!!!!!!

هما مين ؟؟؟؟؟؟؟؟؟؟

Fantasia said...

yasmine,

shokran ya yasmine 3al ta3lee2 elgameel. fe3lan elmoshkella kolaha fel3o2ool elli mesh 2adrah testaw3eb en elmar2ah ensan.

ana ma3aky fi kol 7aga ma3ada en elragel naseeboh mn elta3asah zy elset. la2 e7na nasebna akbar bkteer, mn 2awel mtwaladna aslan, wyemken kaman mn 2abl mnetweled.

montazerah elmazeed mn ta3lee2atek ya a7la yasmine :)

Fantasia said...

qaleel mn eltafkeer,

ahlan beek. ya3ni ya a7'y enta sebt elmawdoo3 koloh, whya elkelma di ba2a elli ta3bak awi? homa elmogtama3 ya seedy.
3al 3omoom sharaft w2anest :)

Anonymous said...
This comment has been removed by a blog administrator.
Anonymous said...
This comment has been removed by a blog administrator.
Anonymous said...
This comment has been removed by a blog administrator.
Anonymous said...
This comment has been removed by a blog administrator.
Anonymous said...
This comment has been removed by a blog administrator.
Anonymous said...
This comment has been removed by a blog administrator.
Anonymous said...
This comment has been removed by a blog administrator.
Anonymous said...
This comment has been removed by a blog administrator.
أسوور said...

لو سمحتى يا فانتازيا أرجو أن تمسحى التعليقات اللى فيها كلام خارج لأنها تؤذى العين قبل النفس
مدونتك ليست ملك لك وحدك بل هى ملك القراء
ومن حق القارىء الا ييتعثر عيناه فى كلمات تعبر عن كاتبها الذى لا يفهم معنى أن يعترض دون اباحية أو ابتذال
ولا يعلم ان غختلاف الرأى لا يفسد للود قضية
ولا يعى ان الشخص الذى يبستخدم ألفاظ خارجة عند اعتراضه على راى الآخر هو شخص ضعيف لا يمكلك من الحجج ما يثبت وجة نظره الأخرى

تحياتى لك دائما يا فانتازيا وان اتفقت وان اختلفت معك فى الرأى

أسوور said...

غير معرف
مش معنى انك متفق معايا فى الرأى انى هأوافقك على أسلوبك فى التعبير عن رأيك

الآن السؤال الذى يفرض نفسه

لماذا استخدمت مثل تلك الألفاظ للأعتراض بدلا من عرض وجهة نظرك بإسلوب يحترمه الجميع؟؟

مع العلم اننا قد نتفق وقد نختلف مهما كانت اتجاهاتنا

أسمح فى مدونتى بالرأى والرأى الآخر وقد أعترف بخطأ وجهة نظرى ان اثبت أحدهم ذلك على صفحات المدونة دون تردد

لا اسمح ابدا ابدا لأى شخص ان يترك عندى تعليق يجرح العين والنفس عند قراءته حتى وان اتفق معى فى الرأى

أرجو أن نتعامل بشكل متحضر يا سيدى
وأول شىء فى التحضر هو أن نتعلم كيف نعارض الآخرين فى آراءهم دون تجريح فى شخص صاحب الرأى الآخر

هل تهاجم الشخص دون الرأى؟؟

هل تحكم على أى انسان وعلى شكله وعلى تاريخه وعلى سلوكه من رأيه فقط؟

هل استطعت بتلك الطريقة أن تغير أى شىء؟؟

هل اثبت أنت وجهة نظرك بسيل من الشتائم؟؟

لا أعتقد

Fantasia said...

Dear Yasmine,
I'm so sorry you had to read all this rubbish before I delete it.
Please accept my apologies and my respect.

أنا حر said...

بحيكي على البوست الجامد ده ومتفق معاكي في رأيك بس الاسباب معروفة وهي تحول معظم الرجال من شيء انساني الى جنس حيواني نظرته للبنت بقت مجرد نظرة للشهوة ده طبعا مع غياب التعليم والدين والاخلاق
احنا جوة غابة كبيرة ربنا يستر عليكم
تحياتي

Anonymous said...

3agabni awi awi awi your comment on Yasmin's last post. Aho da el kalam. Logic, real factual and make sense though I can smell between the lines your irresistable desire to insult the man whenever you write but its ok. At least it is said this time in a logic way and moderate tone.But again, comment momtaz, to7fah. I read it three times to pick anything ( you know me). One thing that you really need to change is that you blame " our society " and it is not the society, it is the man's NATURE here and there and everywhere. You girls got to deal with that reality instead of wishing something impossible. Amre

Guevara said...

فانيازيا

احنا كمان عندنا مشكلة لما الولد بكل مشاعرة الرقيقة وكل احساسة وبكل قلبة يحب بنت كل حكايتة انها قرارت تكون انسانة مستقلة قرارت تدوس علي التقليد المتخلفه
بقينا بنتعرض لضغط كبير من كل الي حولينا لدرجة انة احيانا بحس اني مفيش فايدة في عقل الناس وكمان قلبهم قلبهم الي زمان كان بيحب زمان كان بيضحي زمان كان بيسامح
احنا كمان احيانا كتير بننداس
واحيانا بنقي زي ورقة شجرة تلعب بيها الريح
فانيازيا احنا محتاجين قاسم ايمين وجيفارة جديد
ورجع واقول نفسي اشوف الولد بجد جنب البنت ونفسي

Fantasia said...

ana 7or,
ahlan beek. shokran 3al kalam elgameel. sa3eeda en feeh nas 3andaha dameer 7ay wte2dar t7es b2alam el3'eer. begad nefsy kol elnas te3raf ya3ni eih ensan, ya3ni eih mosawah, l2n hya di el7a2ee2a elli lazem ne7termha mahma kanet e7'telafatna.

Fantasia said...

guevara,
ta3leeqak gameel gedan. wallahi ana 3arfa ab3ad elmoshkella kowyess. bas e7na elli bne7'la2 elga7eem wnqarar n3eesh feeh. ya3ni badal ma nestanah qasem ameen tani (m3 enny mesh ba7eboh ya3ni, w3andy ta7afozat kteerah 3aleeh) kol wa7ed fena momken ykoon howa mo7arer elbasharya, mesh elmar2ah bas, law eder yeksar el2asnam elli gowah.
nefsy ma7adesh yewafe2 3ala shee2 howa 3aref enno 3'alat.
t7yaty leek. menwarna dayman.

Guevara said...

فانيازيا
انتي عندك كل الحق في كل كلامك
اة انا كان اسقاطي علي قاسم امين لانة الشخص الوحيد الذي مجد دورالمرة في المجتمع المصري وتعامل معه بكل احترم وتقدير دون الدخول في اعماق افكارة

بجد البوست دة هايل

Unknown said...

بوست بحد جميل يا فانتزيا بس مين يفكر
للأسف المشكله مش بس في نظرة الل للمرأه كمان المشكله بقت جوا المرأه الي بتربي ابنها انه لما يعاكس بنت يبقي كده كبر و بقي راجل
و ان دوره في البيت انه يراقب اختهي
كل حركه

و رجال الدين دول حكايه لوحدهم من
الفتاوي العجيبه لتهميش المرأه و جلها مجرد وره يجب حجبها

انا سعيده اوي اني زرت مدونتك

Coca said...

والله بوست قال اللي في قلبي

والمرض الفكري اللي انتشر اوي

دايما بيربطوا ما بين المرأه والجنس

والمرأه سبب كل مصيبه بتحصل وقرب كلمه تتقال
يتنا حوا هي اللي خرجت ابونا قادم من الجنه وهما يجهلوا كل الجهل عن حقيقه الموضوع

مدونتك جميله اوي وكان نفسنا نشوفك في اول مقابله مع د اياد حرفوش
تحياتي

ابو احمد said...

دونه جميله بس لازم نعرف ان تقدم وضع المرأه مرتبط بتطور المجتمع ككل واحنا مجتمعنا بيرتد للخلف
سعدت بزياره مدونتك

Fantasia said...

guevara,
ashkorak 3ala tashgee3ak, wsa3eeda geddan en elpost dah 3agabak.
ama b7'osoos qasem ameen, fya seedy mafeesh moshkella law e7'talafna 7awaleeh 7ata, elfekrah weslet wdah elmohem.
t7yaty.

Fantasia said...

emy,
ana elli sa3eeda geddan btashreefek lya. shokran geddan 3ala kalamek elgameel wta3lee2ek elli fe3lan fi ma7aloh. elmogtama3 bta3na koloh by3any mn gomood fekry, regala wsetat. moshkelet elsetat welbanat elli moktane3een enohom 3awrah w2en elwalad ye2dar y7'alef eldeen welqeyam le2noh walad, kol dah nateeget 3'aseel mo7' 7asal leehom 3ala mdar seneen. e7na ba2a lazem nfawa2 ba3d mn elwahm dah.
ya reet tnawareeny dayman. fi entzar elmazeed mn ta3lee2atek.

Fantasia said...

coca,
ahlan wsahlan beeky. sa3eeda gedan btashreefek lelmodawanah. wkman yesharafny geddan enny 3abart 3an elli fi 2albek. howa dah bzabt hadafy wya reet 2adar 23abar 3an kol elbanat.
elset fi mogtamanah mas7ooqah bma3na elkelma. nefsy yeegy yoom wte2dar ta7'od elta2deer elli testa7e2oh mn elmogtama3 elli zalamha keteer.
ama 3an nadwet el dr eyad, kan nefsy 2altaqy beekom fe3lan, laken zoroofy mana3etny lel2asaf.
t7yaty leeki.

Fantasia said...

abu a7mad,
ana as3ad btashreefak lya wb2e3gabak belmodawanah. ana motafeqah ma3ak tamaman en wad3 elmar2ah mortabet b7al mogtama3 kakol. wbardoh b2ool en elnohood belmar2ah hysahem mosahmah kebeera geddan fel nohood belmogtama3.
t7yaty leek wya reet tnawarny dayman.

Guevara said...

فانياريا
انا يا سيدتي مبسوط جدا بيكي وبالبوست دة بالذات
بس انا مبسوط اني احنا احيانا بتختلف علشان الاختلاف دة حاجة صحية جدا

Fantasia said...

guevara,
sa7ee7 el2e7'telaf shee2 tabee3y, w2este3ab el2e7'telaf mohem geddan kaman. sa3eeda en elpost dah 3agabak, wmontazerah ta3lee2ak 3al post elgedeed,