المرادي أنا بسأل السؤال دا لإني إتفاجئت من كم الناس اللي مش قادرين يكونوا صورة حقيقية عن وضع الستات المطلقات في مصر. أحب أقول إن الستات اللي ممروش بالتجربة المؤلمة دي، هما كمان ليهم دور كبير في تكوين وجهة النظر الغير واقعية عن المطلقات. الإعلام كمان, بتقديم صورة مشوشة لكل شرايح المجتمع عندنا, لعب دور كبير ف تكوين وجهة النظر دي. الصورة الغلط دي بشكل أو بأخر تأصلت بعد المحكمة الدستورية ما أقرت قانون الخلع.. دا قانون بيدي الزوجة الحق ف إنها تطلق من جوزها عن طريق المحكمة لو هي كارهة تكمل معاه، ودا بشرط إنها ترجعله المهر وتتنازل عن جميع حقوقها المادية. القانون دا كمان مش بيدي الزوج المخلوع حق الطعن ف الحكم بالطلاق
الحقيقة إن القانون دا جه ف وقت حساس جدا، لإنه كان اﻷمل الوحيد لألاف الستات اللي فضلوا سنين مستنيين حكم محكمة ينهي جوازاتهم التعيسة. معارك قضائية، سنين من الإنتظار، التنقل من محكمة لمحكمة، دفع مبالغ ضخمة للمحاميين اثناء متابعة سير القضية.. و ف الآخر كل دا مكانش يقدر يضمن للزوجة كسب القضية. الستات دول كانوا بيواجهوا عقبات كتير في جلسات المحكمة، وكان من الصعب على أغلبهم إثبات الضرر اللي إتعرضوا ليه من أزواجهم. دا بسبب رفض الرجالة التام وتعسفهم ف إنهم يطلقوا زوجاتهم, مهما كانت حالة جوازهم سيئة. أغلب الرجالة شايفين إن الست مش من حقها تقرر إمتي تنهي الجواز, وإن قرار الطلاق دا 100% قرار الراجل. الراجل ممكن فجأة وبدون أسباب يطلق مراته. والقانون بيديله الحق ف إنه يطلقها حتي من غير هي ما تعرف.. يطلقها غيابي. وممكن يعطف عليها ويبعتلها ورقة الطلاق عن طريق القسم. أو حتي يختفي تماما من غير ما يهتم يعرفها إذا كانت لسه متجوزة ولا ﻷ
ومن الأسباب التانية المهمة, اللي بتخللي الرجالة ترفض تطليق زوجاتهم، الفلوس. وفقا للشريعة الإسلامية, الراجل اللي يطلق مراته ملزم يدفعلها المؤخر اللي إتفقوا عليه ومكتوب ف عقد الجواز، وكمان يدفع نفقة شهرية للولاد، وكمان نفقة عدة ونفقة متعة لطليقته طول ماهي مش متجوزة. كل دا طبعا غير حق الزوجة ف الإحتفاظ بالشقة اللي كانوا عايشين فيها في حالة حضانتها للأطفال لو عمرهم أقل من 12 سنة. طبعا كل الحقوق المالية دي هتضيع لو الزوج رفض يطلق رسمي
الراجل ممكن يطلق مراته شفهي, بمجرد إنه يقولها روحي وانتي طالق.. يعني يرمي عليها اليمين.. ودا بيعتبر طلاق صحيح من الناحية الشرعية.. لكن رسميا, الطلاق ده غير معترف بيه طالما ما تمش توثيقه بالطريقة الرسمية. ف الحالة دي النظام القضائي بيتشل تماما.
الستات اللي بيتطلقوا شفهي مش من حقهم يطالبوا بحقوقهم المالية، لازم ف اﻷول يثبتوا ان الطلاق تم, وساعتها من حقهم يطالبوا بيها
المشكلة إن النظام القضائي مش بيعترف بالطلاق الشفهي غير لما الزوج يعترف قدام المحكمة إنه طلق مراته، ودا طبعا مش ممكن ومش منطقي! أو إن الزوجة تجيب شهود يشهدوا إن جوزها رمى عليها يمين الطلاق.. ودا كمان ملوش لزمة لإن 99% من الحالات الرجالة لما بيطلقوا مراتاتهم ويقولوا "إنتي طالق" مش هيقولوها قدام شهود.. بالإضافة إلي إن الزوج من حقه يطعن في شهادة الشهود دول.. وأساسا شهادة قرايب الزوجة بتكون ضعيفة, وف الغلب المحكمة مش بتاخد بيها
الحل التاني إن الزوجة تصرف كإنها لسة متجوزة, وتحاول تقنع المحكمة إن جوزها كان بيإذيها وبيسببلها ضرر. وتاني هتقع ف مشكلة الشهود، إعتراضات من محامي الزوج، وتقدير القاضي نفسه للحاجات اللي بيعتبرها أذي وضرر بجد والحاجات اللي شايفها ضرر نص نص. عشان كدا أغلب الزوجات معندهمش حل تاني مش محتاج شهود غير إنهم يقولوا إن الضرر الواقع عليهم سببه عدم اشباعهم جنسيا. أنا راضية ذمتكم.. فيه واحدة ست شرقية تقدر تقف قدام القاضي والمحامين وتقول الكلام دا؟ حتي لو دا الحل الوحيد عشان تحصل على الطلاق، فدا عندنا بيعتبر حاجة مخجلة جدا وفضيحة
طيب.. دلوقتي إيه اللي بيحصل ف الخلع؟ ف الحقيقة الفرق مش كبير. الزوجة لازم برضه تقنع المحكمة إنها حاسة إن مشاعرها تجاه زوجها إتغيرت، ودا بيمنعها إنها توفيه حقوقه الشرعية (دا التعبير البديل للحقوق الجنسية). ف الحالة دي طبعا، الكل هيبصلها علي إنها زوجة مش مخلصة، وإحتمال كبير تكون علي علاقة براجل تاني, لإن دا السبب المعتاد لتفسير مشاعرها اللي إتغيرت.. أمال يعني إيه تاني ممكن يكون السبب؟ وبكدا الست اللي بتستخدم الحل دا بتخاطر بسمعتها. هينفعها بإيه الطلاق بعد ما خسرت سمعتها؟
طب لو هي مش عايز تستخدم الحل دا؟ نفس المشكلة هتقع فيها.. لازم تثبت إن جوزها عنيف وبيضربها ويسببلها أذى. حتي ف الخلع الموضوع دا مش سهل, من غير أي سبب منطقي. ليه لازم الست تمشي ف نفس الطرق المعقدة لإثبات إنها بتتعرض لضرر أو أذى جسدي طالما ف اﻷخر هتدفع تمن الطلاق؟ مع ذلك, ولإن القانون مش بيحدد بشكل واضح ومحدد إيه هو الضرر الكافي اللي يستوجب الطلاق, فدا بيسيب مساحة كبيرة أوي للتقدير الشخصي للقاضي. دلوقتي تقدروا تخمنوا دا معناه إيه.. الستات اللي وضعهم الإجتماعي ضعيف مش هيتبصلهم بنظرة جدية لما يطلبوا الطلاق بسبب التضرر من الإيذاء البدني بسبب تعرضهم للضرب من أزواجهم. ف مجتمع الطبقات الدنيا وارد جدا ومقبول إن الراجل يكون عنيف مع مراته.. المجتمع بينظر ليه على انه راجل حمش, بيأدب مراته.. .ودا مش متوقع انه يخلي الست اللي جوزها بيضربها تطلب الطلاق. القاضي ف الحالة دي بيرفض القضية بحجة الحفاظ على مصلحة اﻷسرة. بالنسباله الست دي بس متدايقة شوية وبعد فترة هتهدى وتعقل. إيه يعني لما جوزها يضربها؟ هو يعني كان ضرب ملكة إنجلترا؟
مثال تاني علي سخافة كلمة "ضرر" هو إن بعض القضاة بالنسبالهم تعدد الزوجات مش سبب كافي يخلي الزوجة اﻷولي اللي عرفت إن جوزها إتجوز عليها ف السر تطلب الطلاق. حقيقة إن تعدد الزجات مباح ف الإسلام بيخلي قضاة كتير يرفضوا أو يخافوا من فكرة إنه ممكن يسبب ضرر وأذى نفسي للزوجة اﻷولي. القضاة ف اﻷول و ف اﻷخر رجالة، و ف حسابات الرجالة، الحكم اللي يدي الزوجة الحق ف الطلاق عشان جوزها إتجوز عليها ممكن يسبب ثورة بين الستات. لو كل الستات ممكن بسهولة يوصلوا للطلاق، أغلب الرجالة مش هيقدروا يتجوزوا أكتر من واحدة. حتي القاضي مش شجاع كفاية عشان يعلن قرار نهائي ف موضوع تعدد الزوجات. بس هل فعلا صعب للدرجة دي إننا نعرف تعدد الزوجات بيسبب ضرر للزوجة اﻷولي ولا ﻷ؟
أتمني إنكوا دلوقتي تكونوا عرفتوا إن الست مش ف إيديها القرار ب إنها تكمل ف الجواز ولا ﻷ. اللي كان حظهم كويس وقدروا يفلتوا من المصيدة هما نسبة قليلة جدا. الست بتهتم بأولادها أكتر بكتير من إهتمامها بنفسها.. وممكن يضحوا ب أي حاجة في سبيل مصلحة أطفالهم. عشان كدا أغلب الستات اللي أزواجهم بيرفضوا يطلقوهم مش هيكون عندهم الجرأة يرفعوا قضية علي أبو ولادهم. إزاي أم ممكن تعرض أولادها لمحنة زي دي؟ إزاي هتكون صورتها ف عيون ولادها لما يشوفوها واقفة ف المحكمة ضد أبوهم؟ دي حاجة مفهومة جدا عند كل اﻷمهات. قدرتوا دلوقتي تفهموا؟ ف الوقت اللي الرجالة يقدروا يوصلوا للطلاق بدون أي قيود أو أي شروط, ومن غير حتي ما يدخلوا قاعة محكمة، الستات لازم تمشي ف سكة طويلة مليانة ألم ومعاناة, ولازم تتذل عشان يوصلوا للطلاق! بيتم إجبارهم علي البقاء مع أزواج بيكرهوهم. حتي النظام القضائي مش بينصفهم. وحتى اللي نجحوا ف إنهم ينهوا جوازهم أصبحوا بيحملوا وصمة عار, وبيتعرضوا لرفض كامل من المجتمع, وكإنهم بكتريا ضارة
قابلتي الموظفة الجديدة؟
لا لسه، هي جت؟
أيوة .. بس خلي بالك، دي مطلقة
أخلي بالي من إيه؟
أصلها هتبقي معاكي ف نفس المكتب. وإنتي ممكن تفتكري إنها ممكن تبقي صاحبتك
وإيه المشكلة ف كدة؟
دا إنتي شكلك طيبة وعلى نياتك أوي. إنتي عايزة الناس تفتكر إنكوا أصحاب وفيه بينكم كلام وخروجات وكدا؟
مش فاهمة، إيه يعني اللي هيحصل لو الناس شافت دا؟
يا بنتي إنتي لسه مش متجوزة .. وأكيد مش عايزة تضري سمعتك. إفرضي إن واحد زميلنا حب يتقدملك وعرف إن ليكي واحدة صاحبتك مطلقة؟
إيه اللي هيحصل ساعتها يعني؟
إنتي علي نياتك للدرجادي؟ ممكن يغير رأيه يا فالحة
يا ريت, يبقى أحسن.. بس ليه هيغير رأيه؟
أكيد إنتي عبيطة، بتسألي ليه هيغير رأيه؟ أكيد هيشك ف سلوكك وأخلاقك. إيه يخلي واحدة لسه آنسة تصاحب واحدة مطلقة؟
ياه .. طب كانت هتفرق لو كنت متجوزة؟ يعني إنتي مثلا تقدري تصاحبيها وأنا مقدرش؟
طبعا لأ! إحنا نبقي كويسين مع بعض ف المكتب وبس. لكن لازم تفضل هي ف حالها وأنا ف حالي
ليه؟ هو إنتي جوزك مش بيثق فيكي؟
طبعا بيثق فيا. أنا اللي مش بثق فيه. الرجالة كلهم ملهمش أمان
إيه بقي العلاقة بين ان الرجالة ملهمش أمان والموظفة الجديدة؟
أصل أنا لو ما أخدتش بالي، ممكن هي تفهم إننا أصحاب برة المكتب كمان
طب وإيه الضرر ف كدا؟ يعني مش ممكن مثلا تروحوا تشربوا فنجان قهوة ف أي مكان؟
مش دي المشكلة، أصلها ممكن تكلمني ف البيت وجوزي يرد عليها. بعدين تزورني ف البيت جوزي يقابلها, وكدة
آه، يعني إنتي مش بتخلي أي واحدة ست تزورك ف البيت
مش أي واحدة ست. دي واحدة مطلقةةةةةةةةةةةةة، إنتي ليه مش قادرة تفهمي؟
ولا عمري هفهم، ومش موافقة ع الكلام اللي بتقوليه دا. إفرضي كنت أنا المطلقة وهي اللي لسه آنسه, كنتي برضه هتكلفي خاطرك وتيجي تقوليلي نصايحك الغالية دي؟ من فضلك روحي شوفي شغلك ومتتكلميش ف الموضوع دا تاني
أصلك لسة صغيرة ومش عارفة. أنا بس كنت عايزة أوعيكي وع العموم، إعملي اللي إنتي عايزاه. بس هترجعي تندمي إنك مسمتعيش الكلام وأخدتي بالنصيحة
شكرا يامدام. بس أنا عمري ما هندم إني إنسانة وحقانية. وميهمنيش أعجب واحد جاي يتقدملي وهو ممكن يشك ف تصرفاتي عشان واحدة من صحباتي طلعت مطلقة. وأكيد مش هتجوز واحد مش بثق فيه. حتي لو سابني عشان واحدة تانية، مش هندم عشان ساعتها هتأكد إن الراجل دا ميستاهلنيش وميستاهلش إني أحافظ عليه. دا أنا, ودي طريقة تفكيري. ومع اﻷسف مفيش مجال إني استفيد من حكمة حضرتك
معتقدش إني محتاجة أقول تاني .. الست مش بس بتدفع تمن غالي جدا عشان تحصل على الطلاق .. دي كمان بتدفعه أكتر من مرة.
29 comments:
رجعت فانتازيا الجميله تكتب احلي موضوعات بشوفها
للأسف الست المطلقه ست خطافة رجاله سيئة السمعه الكل لازم يبعد عنها و صحابها المتجوزين يخبوا ازواجهم منها
هي دي الصوره الي الدراما رسمتها للمطله و موجوده في ذهن ناس كتيره
مع ان الطلاق ولا عيب ولا حرام بس احنا بنخليه عيب و خطيئه كمان لازم الست تدفع تمنها طول العمر
يا ويلها من كلام و همسات و نظرات الناس
و لو واحد فكر يرتبط بواحده مطلقه تبقي حكايه و يتعملوا محاكمه عسكريه ازاي فكر بكده ولازم يتوب عن التفكير الاجرامي ده
وضع المرأه في القضايا سيء جدا و ظالم جدا انا من رأي الشخصي ان الست من حقها الطلاق دون اسباب ضرر بقي ولا تعدد مش مشكله الست عايزه تتطلق ليه اجبرها علي العهيشه مع واحد هي مش عايزا و الحجه الازليه مصلحة الاولاد
اي مصلحه بين اب و ام بيهينوا بعض و كارهين بعض ولاد يشوفوا ابوهم بيضرب امهم و بيهينها كل لحظه فين التربيه السليمه و المصلحه في كده
الطلاق مشكله كبيره لازم ليها حلول اجتماعيه و شرعيه و قضائيه
جميل اوي البوست يا احلي فانتا
dear fantasia.
U have right...divorced women R looked at this way..But I think that this will Change ,with the pass of Time U notice that the divorce ratio and the divorced ones r going up.
..about the divorce Procedures...we can not plame on Law..as those Hamperes R Existed and more in the western systemes,,,,the Only difference is ..that it is difficult 4 both men and women.
I am here commenting a part from the Hot descussion .held by our friend Egy. anatomist.
Best regardes
العزيزه / فانتازيا
الموضوع دا حقيقى شائك وبيهزنى ويحزننى كلما تحدثت فيه ولكن حان الوقت لتوضيحه ومناقشته امام الجميع لنرصد امر واقع مرير تتأذى به المرأه دون ذنب تقترفه ، فالمرأة المطلقة جزء لا يتجزأ منا ويعيشون بيننا قد تكون أختك أو أمك أو حتى أحدى قريباتك هي أمرأه مثل كل النساء لا ينقصها شيء , ولكن أينما ذهبت يشار إليها بأصابع الاتهام والحذر , كلما همست سكت الجميع ليسمع ماذا تقول , كلما رمشت التفت عليها الجميع للتأكد من نظراتها الى من تنظر والى اى رجل , وكل هذا لماذا لأنها أصبحت "مطلقه" , نعم فهده الكلمة رغم أنها من خمسة أحرف فقط ولكن لها أثار لا تحتمل فهي وصمة عار تلاحق صاحبتها إلى الأبد إلى متى سيستمر هذا الظلم والتعسف إلى متى ستبقى مثل هذه الأمور مسكوت عنها إلى متى سنبقى نردد نحن الأفضل ولا يوجد لدينا مشاكل قد نكون نحن الأفضل ولكن لا أحد يستطيع أن يجزم بأننا بلا مشاكل فلابد أن نصحح أخطائنا ونعترف بها وان لا نضع رؤوسنا في الرمل .
اٍن المجتمعات الشرقية عموماً تنظر الى المرأة المطلقة نظرة مليئة بالظلم ، فهي مذنبة وقليلة القيمة الاجتماعية ومتهمة وعبء ثقيل أضافة الى قلة فرص التقدم للزواج منها من قبل الآخرين ،تبتعد عنها النساء الاخريات وكأنها مرض معدى خوفاً من ان تخطف ازواجهم يالها من سذاجه وذلك مع عدم معرفتهم تفاصيل الحياة الأسرية التي كانت تعيشها هذه المرأة أو حتى أسباب الخلاف التي أدت الى انفصالها سواء بإرادة الرجل أو بطلب منها او مدى العنف او القهر التى تعرضت له حتى تقبل على طلب الطلاق لانه امر ليس بالسهل عليها ولكنه يكون نهاية المطاف لتضع حد للاهانه والقهر والظلم هذه النظرة الاجتماعية متأتية دون شك من النظرة الاجتماعية المتخلفة للمرأة ، لأن نفس المجتمع لا ينظر للرجل بنفس المستوى الذي ينظر فيه للمرأة المطلقة ، ويمارس الرجل المطلق حريته الجديدة في الحياة ولايجد أي عائقاً يقف أمامه .
فهي ظاهره تنم عن التخلف والتردي الذي يغلف العلاقات الاجتماعية والتي لم يلغيها الزمن بالرغم من التحولات العلمية الكبيرة التي عمت الدنيا ، لكنها بقيت تنخر في مجتمعنا دون أن تجد من يتمرد عليها أو يلغيها من قواميس المجتمع .
كثير من الظواهر المتخلفة التي لازالت تنخر مجتمعاتنا تدلل على قدرة العلاقات الأنسانية المتخلفة من الثبات والبقاء وسط مجتمع لابد له من الأنعتاق منها وإهمالها وتجاوزها بعد أن تجاوزتها الأمم وطواها الزمن
انه مرضاً اجتماعيا يدعو الزمن والتطور الاجتماعي الى التخلص منه ونبذه ، بعد أن سادت المجتمعات نظرة التوازن والمساواة في الحقوق والواجبات بين الرجل والمرآة
وحيث أن المرآة هي التي تلد الرجال ، فانها تشكل الأصل في تشكيل نواة الأسرة والمجتمع مما يتطلب من الجميع الالتفات الى تغيير التوازن المختل في العلاقات الاجتماعية التي تسري بين مجتمعنا ، لتحل محلها علاقات إنسانية متطورة وتتناسب مع التطور الاجتماعي ومكانة المرآة في العالم ، ونحن جزء صغير من هذا العالم الكبير .
أأسف للاطاله بس انتى بطرح موضوعك الحساس دا اثرتى فى الحماسه والثوره على الاوضاع المقلوبه
أعزك الله وجزاكى كل خير على موضوعاتك الجاده المحترمه،
Dear fantasia..
I write 2 U here about Ur Comment On MerMaid...
I liked so so much what u wrote 2 here..yet ..it made me wonder...
as in Ur Comment on Anatatomist U showed no Thempasy with those Poor , helpless egyptions..and U thought that they deserve ,,as they consume more than they produce..so I felt happy...that U Finally looked from The People Sight notfrom the government Location...
and U talked about The palastinenens and Hamas..I am with U against hamas..and their Immature politic situation and actions..
but U speak about the forigen policy..as if U R the official spokesman...Dear ..as U lived outside and know the Issues Inside...I ensure u ..that the worst 2 Minestries ..R the interior and the minestry of foigen affairs> and that Our Policy is not Independendent and Patriotec as U talked( I wish if it was)..and U can tell me..what could that misterium do 4 the killed prisoners By Israel..and what could It do 4 the soldiers who get killed by the israeli guns and Tanks every now and then..what is happened in the case of lind mines in The ( 3alamyen Area)..
and If U were unlucky and visited any of the Egyption empassies outside..U would know..How failure and how currupt,,
they R People with no talentes and Choosen 4 having wasta ..do no thing but spying on the egyptions who Live abroad ./..and Organize the hospital Reservations 4 the Fat Dogs on the government..and I saw and Lived that..
consuming a larg amount of our money as salaries ,,and ..and..
I was abroad .while 11 09 ..and in that time in every TV show U found a Israeli deplomate..who talk with a logic and Perfect language about The Islamic world that threaten the World stability..every day..
and U find no Arabic Deplomate who write an Article..or comes in TV show 2 explain...
I was really so sad..
I was in one of the conferences when the consoul came and said ..sorry I can not speak german( the consoul Of frankfourt)????
and he talked very Bad English..
this one takes 4000 euro ..just 4 the flat apart from the salary..
so Pls do not defince them..they R so Bad..
I wish they R as U think..
I am sorry..
but I wonder..How a Intellegent Cultured one like U R so affected with the official Propaganda..specially that U have Ur own Experience with Unfair..
Best Regardes ..
أنا بالفعل أكره هذه الهجمة الغير مبررة على المطلقة
سبب الصورة السيئة عن المطلقة هو المجتمع
لو نظرنا لأفضل المجتمعات تماسكا و انسجاما
و هو مجتمع الصحابة فى عهد النبى صلى الله عليه و سلم
لوجدنا أن فيهن عدد من المطلقات
و الصحابة كانوا يتزوجون مطلقات
و لا ينظر أحدهم للمطلقة نظرة تشاؤمية كما فى مجتمعنا
بل يمارسن حياتهن بصورة طبيعية فى المجتمع
و لهن كل الحقوق
و لا سيما الحقوق الاجتماعية
مجتمعنا ينظر للمطلقة على أنها هى المعقدة و هى السبب فى الطلاق و أنها لا يمكن معاشرتها أو الحياة معها لأنها طلقت
و فى الأغلب يكون سبب الطلاق هو الزوج و ليس الزوجة
هذا فى نظرى الشخصى
أغلب حالات الطلاق إما بسبب اندفاع الزوج
عدم قدرته على احتواء زوجته
و قليلا ما تكون الزوجة هى التى لا تطاق
لأن معظم النساء منكسرات طائعات
و لا يوجد حل
إلا فى أن يغير المجتمع هذه الفكرة السيئة
و لكن ما هى الوسائل ؟؟
هذا هو ما يحتاج إلى تفكير عميق
جزاكم الله خيرا أختنا
حقيقى موضوعاتك قيمة جدا جدا
و قد كتبت ردا على تعليقك فى مدونة شوية كلام للأخت ميرميد
أتمنى أن تقرئيه
و هذا هو الرابط لسهولة الوصول
https://www.blogger.com/comment.g?blogID=1387973605502233351&postID=5891624690543166594
د.حمــــــــاس
معلش ياحبيبتى
انا حاسة انى هتخبطينى بحلة دلوقتى عشان عمالة اختلف معاكى من الصبح
المهم
طبعا انا اكرة نظرة المجتمع للمطلقة واحيانا بيكون فية منهم مظلومين
لكن احيانا وكتير اوى ويكاد يكون الاغلبية الستات هيا اللى بتكون الغلطانة وادت للطلاق او بتخلى سمعتها سيئة بعد الطلاق
الرجل دة طفل صغير محتاج حنية وشوية تثبيت يعنى من الاخر
معظم ستات شعبنا لا بترحم ولا بتسيب رحمة ربنا تنزل
وساعة الخناقات بتلاقيهم بيسخنوا الراجل وتقولة طلقنىىىى
دى فئات كتير شفتها من الستات بجد وادام عينى
وبالنسبة لنظرة المجتمع للمطلقة هيا برضة تقدر تتحكم فيها
لازم تاخد بالها من سلوكها وتبقى انسانة محترمة
كتير من المطلقات اللى شوفتهم فى شغلى وشغل اصحابى ستات ولاد ستين فى سبعين
بيخلوا بنفسهم الناس تتكلم عليهم من هزارهم مع اى حد ولبسهم الخارج وكدة
لو اى حد فى الدنيا مشى مع الله ولبس محترم محدش يقدر يقولة تلت التلاتة كام
تحياتى ليكى يا قمر
معاكي في كل كلمة ..
فعلاً هو ثمن الطلاق الحقيقي اللي بتدفعه المرأة مش هو التمن الكاش اللي بتدفعه لما تتطلق
لكن الأهم هو الثمن اللي بالتقسيط
( الغير مريح ) اللي بتدفعه بعد الطلاق
---
emy el3asal elli mnwarani dayman,
ashkorek geddan 3ala ra2yek elgameel f elpost, w motafeqa ma3aki f kol elli 2olteeh.
fe3lan elmotalaqah wa2e3 3aleeha zolm fazee3 mn elmogtama3.. dayman motardah w modannah w mahma 3amalet mafeesh fayda.
elgawaz mn motalaqah bykoon ma3raka 7arbiya fe3lan.. ana shoft mesal 3ala dah. shab byetgawez l2awel marra.. 7ab wa7da motalaqah 3andaha 24 sana bas! ya3ni mesh elsoora elnamatya 7'ales. elbent di fedlet metgaweza 8 shohoor faqat, w ba3deen tel3et 3enha fi mofawadat ma3a elnadl elli etgawezetoh 3alashan yetala2ha. kan gawaz salonat, w 2ahlaha homa elli da3'ato 3aleeha 3alashan tetgawezoh bsabab masale7 been el3elteen.. elmohem elragel tele3 modmen w mtnayel 3ala 3eeno.. w sabha b tloo3 elroo7.
mesh kefaya ba2a elli 7asalaha. mesh n2ool en momken rabenna by3awadha 3an el3'olb elli shafetoh.. la2.. lazem nefatasha w n7'aleeha te8es enha zebala w 7aqeera, mn 3'eer ay zanb 3amaletoh. di hya elda7iyah.
elmohem tab3an enty mota7'ayela elwalad dah ahloh 3amalo feeh eih. w kalam 3an elfadaye7 w elsecond hand w wa7da 7'arg beet (nefsi a3raf ya3ni eih!) w leeh yabni tewkes nafsak w hya eldonya mafeehash banat bnoot.. w kol dah
elwalad rekeb dema3'o bardo.. ra7o 3amleen zy film 3'adet elkamelya kedda, w 2alo lelbent sebeeh 7aram 3aleeki elwad awel marra y7'osh donya, w 2esm 3eletna, w shaklena odam elnas, w da awel far7aetna.
elmohem elbent fe3lan ata3et ma3ah w 2aletloh elgawaz 2esma w naseeb.
ra7o 2ahlo 3alashan ye2ta3o 3aleeh eltaree2 7'ales gabooloh 3aroosa mn ma3arefhom. 2alohom mesh 3ayezha, mafeesh fayda. elmohem f el2a7'er 7'atabha.. w tala3t 3ala 2ahloh 3afareet eldonya w el2a7'ra.. dala3 w talabat malhash 2a7'er w kalam mn tarf elmana7'eer.
sada2eeni ra7o yet7aylo 3ala elbent elmotalaqa elli makanoosh radyeen beeha 3alashan tetgawez elwalad, w hya rafadet, w edetlohom kelmeteen f genabhom kaman.. mesh masada2et w geryet 3aleehom 3alashan tetgawez!
bent wasqa f nafsaha w 3andaha karama w 3ezzet nafs. enma 3omr ma 2ahl elwalad da kano hysada2o 3'eer lama yshoofo b3enhom.
ta3lee2atek dayman 7elwa ya emy w bt7'aleeni ar3'i kteer. t7yaty ya 2amar.
dear dreamer,
thanks for everything you said about me, either here or on mermaid's blog. i so much appreciate your opinion of me, and i do sincerely hope that we can reach a sort of mutual understanding.
the problem lies in the general tendency to see people as either black or white.. if you are not one, you must be the other.. that is why we read or listen to others with the aim of classifying them into either one of those groups.. you are either with or against..
that's why if someone doesn't say that everything is a failure, then everybody considers this to mean that he/she is implying that everything is perfect.
we always forget the existence of other colors, which removes us away from objectivity and makes it very hard to reach realistic solutions to our problems.
when i say that egypt is not bad, i mean that egypt is not bad, i don't mean it is excellent. when i talk about a single positive thing taking place in egypt, it doesn't mean that i am pro the regime, or that the government is flawless.. must i say that the whole government corrupt, and that 100% of its decisions are wrong, in order to prove that i belong to the opposition?
for example, 80% of failure is a horrible crisis (and impossible in real life).. now, when i say that 20% of the decisions are ok, does that mean that i am wipping out the 80% of wrong decisions? of course not.
the same with the ministry of interior, for instance. i personally believe that it is responsible for huge crimes against human rights, and needs a revolutionary reform. does this mean that thieves and killers are on every corner? will this change the fact that egypt is one of the safest countries in the world?
the ministry of interior is full of corruption and violations, i don't deny it. but it is not fair or honest if i gneralize and say "all those working in the ministry of interior are corrupt and their job is to torture citizens".
we will all lose if the young generation loses its will to work and build a better future. if we keep filling them with pessimism and that all is bad, all is corrupt, all is dark, there is no hope.. then this country will have no tomorrow.
i am not saying that the opposite is right. no. we shouldn't decieve them either. we shouldn't tell them that the world is rosy.. but we should always encourage them to do something positive.
again, for example, which is better: staying at home on election day? or voting and doing something about the future?
is the trial and imprisonment of islam nabeeh (the policeman accused of torturing a poor citizen) a bad thing? shouldn't this encourage more people, who were subjected to torture, to come forward and report what happened to them?
this is what i believe in.
neither lamenting, nor hatred, nor self-pity, will lead to anything.. they are the easiest choices, but not the best of them.
i am not rich.. i was not assisted by anyone through my life.. i was not a spoiled kid.. i learned that nothing comes for free, and that rights don't come on a silver plate. that's why i spend hours writing about women rights, which might seem to be the basic human rights that women should have. but if women just wait with hands on their cheeks, they will never stop being inferior, even if they waited for eternity.. they should be ready to rise and fight for their rights.
hope the image is much clearer now. thanks again, and best regards.
dear haneen,
before i reply to your comment here, i'd like to thank you deeply for your wonderful words about me on your blog. i was so touched by what you said and so motivated by your encouragement. i am so grateful my dear friend, and i shall do my best to prove being worthy of this great testimony.
i liked your comment a lot. and i am so glad that this post made you enthusiastic enough to address all the issues you mentioned. i so much liked it when you said:
انه مرضاً اجتماعيا يدعو الزمن والتطور الاجتماعي الى التخلص منه ونبذه ، بعد أن سادت المجتمعات نظرة التوازن والمساواة في الحقوق والواجبات بين الرجل والمرآة
unfortunately our society can not see that yet.. we need lots of effort to make them realize the big mistake of denying women their rights and refusing to see women as equal to men
our society is moving backwards and the losses are huge in every field. women are suffering, and as a result their whole families are suffering.
a divorced woman is a woman after all.. we won't expect our present society to treat her in the same way they treat a divorced man. but at least their should be some mercy and some understanding of the severe damage that she suffers from. losing a husband and breaking a family is not an easy thing.. even if this husband was cruel. the shattered dreams and the change in a woman's life after divorce makes her worthy of support, not attack.
women carry a huge load after divorce, especially those who have children. imagine having to deal with the psychological pain from suspicious eyes, and whispers behind her back, and attempts of harassment from insensitive men. that is just too much for any human to bear.
i wish that in the near future there would be support centers for divorced women. they can make a huge change, not only in helping those women and single mothers, but also in changing the whole concept against divorced women.. making them more accepted socially, and more able to blend into their communities once more.
very important comment, dear haneen. always love to exchange thoughts with you.
دكتور حماس
اشكرك جزيل الشكر على ما تفضلت به من آراء قيمة ومعلومات هامة
كما أعبر عن إمتناني بزيارتك الكريمة وشهادتك الغالية في حق المدونة
للأسف معظم من يظلمون زوجاتهم يظنون أن في هذا نوع من الرجولة والقوة
وللأسف لا يتذكرون أي من القيم الدينية أو الأخلاقية أثناء نشوب الخلاف مع زوجاتهم
وحين يصل الخلاف إلي الطلاق, يكون أبعد ما يكون عن معنى التسريح بإحسان
والمرأة المطلقة في مجتمعنا تعاني أسوأ أنواع المعاناة
وتتجرع مختلف أصناف العذاب وألوانه
فلا هي تستطيع تكوين أسرة من جديد
ولا هي تستطيع أن تعيش في حالها دون أن تكون مطمعا للرجال أو فريسة لأقاويل النساء وعزوفهن عنها
المطلقة الحاضنة تصنع المعجزات من أجل حماية أطفالها وعدم تعرضهم لتبعات الظلم الذي يطولها
هؤلاء الأطفال تكون تنشأتهم النفسية غاية ف الصعوبة
وهم ف الغالب إما عدوانيون أو إنطوائيون
يفتقدون دفء وأمان الأسرة بالأضافة إلى الأمان والإحتواء المجتمعي
الموضوع مؤلم حقيقة ويطول الحديث عنه
كل ما أرجوه هو أن يعيد المجتمع نظره في نظرته للمرأة المطلقة, وللمرأة عموما
ف المرأة هي صمام الأمان للمجتمع ككل
وحين تنكسر المرأة وتهدر كرامتها, ينهار المجتمع
خالص تحياتي
عزيزتى
فاتنازيا
شوفى اللى مش عاوزه جوزها ادامها حل الطلاق وده يضمن حقوق ليها كتير او الخلع وده يضيع بعض حقوقها واكيد نظرة الناس اتغيرت كتير ناحية المطلقات علشان بقوا كتير والرجاله الاندال كتروا والناس فهمت اكتر من الاول
واظن شخصية الانسانه هى المحك الاصلى فى موضوع احساس الاخرين بسلوكها واللى يهم المطلقه الناس اللى بتتعامل معاها واهلها واكيد هيكونوا عارفين ظروف طلاقها واسبابه
لاكن المشكله اللى بشوقها ان فى رجاله علشان ترتاحى من المؤخر وكمان تطمع فى المهر ترفض تطلق وتخلى الزوجه غصب عنها هى اللى تطلب الخلع ويضيع حقوقها
موضوع الموظفه ده صعب يحصل دلوقتى كان مممكن من 20سنه لاكن دلوقتى لا
نسيت اقولك رغم مرور السنين على قانون الخلع لم يتقدم الا 5000سيدة تطلب الخلع اظن رقم ضئيل جداومعظمهم زيجات حديثه كمان
بوست مفيد
كل سنه وانتى طيبة
سلام
عزيزتى
نسيت اقولك كل الاختيارات فى التصويت بتجزم ان فى معاقبه للمراه المطلقه كان مفروض تحطى اختيار اللى شايف مفيش اى معاقه للمراه المطلقه من ناحيه المجتمع يا ريت يكون التصويت لكل الاراء حتى المخالفه ليكى
سلام
Dear fantasia<
Iam really so happy , Reading Ur Answer..and I ensure and repeat..that we R both having the same Aims..4 our Home land..but we reach that Aim,from defferent approaches.
and I really appreciate Ur mind and Ur writting style..even if I have some other opinion( not much)
and Anatomist ..have said in his answer that U R also a Teaching staff...so we R even coleagues..
and that makes me proud.
Best wishes
عزيزتي مروة
لأ الحلة متنفعشي معاكي
انتي عايزة مفتاح انجليزي علشان الواحد يفتح بيه دماغك
هههههههههههههههه
يا ستي ما هو لازم يكون فيه الكويس والوحش
أمال الكويس ده هيتعرف انه كويس إزاي؟
وبعدين والراجل طفل وعايز حنية يبقى يبطل يعمل الشويتين بتوع الندالة لما مراته تبقى مش طايقاه
مش أحس ما يصبح عليه الصبح يلاقي نفسه متقطع حتت
أكبر حتة فيهم ماتتشفش بالعين المجردة؟
ويا إما تكون الست بتحب النضافة وتحطه ف اكياس زبالة
يا إما تطلع من بتوع الرفق بالحيوان وترميه للكلاب الضالة
طب كان عليه بإيه من دا كله؟
ما كان يطلقها أحسن ويفضل حتة واحدة
بخصوص نظرة المجتمع للمطلقة
والله والله والله لو جيبتلهم خضرة الشريفة ذات نفسها مش هيعتقوها
الناس بتحب تشمت ف بعض أوي, خصوصا دلوقتي.. علشان محدش يطلع يقوللي دا كان زمان
حتى الرجالة تلاقيهم ضربين بوز مترين من صباحية ربنا
لكن أول ما يعرفوا إن واحد زميلهم خد جزا أو لفت نظر أو حصلتله مصيبة
تلاقيهم فجأة بقوا منشكحين ومزقطاطين
ولا كأنهم كسبوا خطوط موبايل ببلاش
أنا مش العارفة الناس بقت غلوية وسودة من جوة كدا ليه
وصدقيني برضه اللبس مش هو المشكلة
المشكلة ف الدماغ والأفكار الغلط
تحياتي
على باب الله
منورني دايما يا باشا
على طول بتجيب المفيد
فعلا هو تقسيط غير مريح
تقسيط أشغال شاقة
خالص تحياتي
احساس لسة وبرضوا حي
يا قهلا يا قهلا
دا انت المادي متوصي بيا وداخللي بالاسمين مرة واحدة
بس يا عمنا دا أنا ريقي نشف وأنا بقول ان الست اللي عايزة تطلق مش عارفة تتحصل ع الطلاق
لا بالخلع ولا غيره
تقوم انت تقوللي قدامها حل من اتنين
يا تنتن يا تنتن
هههههههههههه
حرام عليك
هتجيبلي الحصبة وأنا ف السن ده
انت على طول عندك حلول سهلة لكل حاجة كدة؟
دا انت دماغ كبيرة والله
طيب إيه رأيك تروح محكمة الأسرة وتقنعهم يحولوا قضايا الطلاق عليك ينوبك ثواب؟
وهما هناك برضه هيقولولك قانون الخلع مخسع معاهم ليه
وللا أقولك حاجة أسهل؟
ما تقرا البوست كويس وانت تعرف
وبخصوص التصويت
ما تحملشي هم
أنا اللي هصوت والم الناس
يا عم السؤال أصلا بيقول "معاقبة المرأة" اللي عايزة تطلق
أحط اجابة حلوة إزاي يعني؟
وبعدين عندك آخر اجابة, مالها؟
ولو مش عاجبك ولا إجابة بلاش تختار ولا واحدة فيهم
امتنع عن التصويت
مش قلتلك أنا اللي هصوت؟
كل سنة وانت طيب
فاتنازيا
شوفى اللى مش عاوزه جوزها ادامها حل الطلاق وده يضمن حقوق ليها كتير او الخلع وده يضيع بعض حقوقها واكيد نظرة الناس اتغيرت كتير ناحية المطلقات علشان بقوا كتير والرجاله الاندال كتروا والناس فهمت اكتر من الاول
واظن شخصية الانسانه هى المحك الاصلى فى موضوع احساس الاخرين بسلوكها واللى يهم المطلقه الناس اللى بتتعامل معاها واهلها واكيد هيكونوا عارفين ظروف طلاقها واسبابه
لاكن المشكله اللى بشوقها ان فى رجاله علشان ترتاحى من المؤخر وكمان تطمع فى المهر ترفض تطلق وتخلى الزوجه غصب عنها هى اللى تطلب الخلع ويضيع حقوقها
موضوع الموظفه ده صعب يحصل دلوقتى كان مممكن من 20سنه لاكن دلوقتى لا
نسيت اقولك رغم مرور السنين على قانون الخلع لم يتقدم الا 5000سيدة تطلب الخلع اظن رقم ضئيل جداومعظمهم زيجات حديثه كمان
بوست مفيد
كل سنه وانتى طيبة
سلام
آيوة.. انا كتبت تعليقك تاني علشان أشهد الناس عليك
أي خدمة
dear dreamer,
glad that you understood my point of view.
even if there is still difference in opinion, i believe it is now based on a realistic image of what i intend.
anatomist is a respectable fellow blogger who i appreciate very much, and i so much value his objectivity in presenting his topics. i don't know how he found out about this info which i care to keep private. of course it is a pleasure to meet other bloggers who are also university lecturers. however, i would have to ask you to please guard the privacy of this info.
thanks a lot. best regards.
تحاولين اعمال عقلك في أمور يستند المجتمع فيها لمرجعيات دينية. الدين أبعد ما يكون عن الحقوق المدنية للمرأة. للأسف وأرجو أن لا تغضبي من قولي، أنا أشعر أن الاسلام دين للرجال فقط، والمرأة خارج دائرة اهتماماته أو احتياجاته.
لابد من الوقوف على أرض من المساواة والانسانية قبل كل شئ. أرض لا يكون فيها الرجل كثور يقود قطيع من الإناث هم مرتعا لشهواته. أرض لا يكون فيها الرجل هو رأس المرأة كما لو كانت بلا رأس.
أرض لا تكون فيها المرأة ناقصة عقل.
للأسف نحن نفكر في مشاكل واقعنا بحسب معطيات الزمن الجاهلي.
تحياتي
Dear Fantasia...Pls let me Just Remind the the ( innocent) that what he/she talks about is not the Legeslations of Islam...and that Islam liberated women and made them equal.. as humans...Islam is a one thing and how we practise Islam is another thing...
as U know..the Era in which Islam was delivered women in all places on earth were slaves and fellows..and Men in Euroup had burned about 600 000 women .., pretending that they R witches magicians)...this practice lasted tell about 1700
and I advice U ..not 2 B affected with Holywwod films...as women in the west R not living in the Paradise...as most of them R single mothers who support their Families alone
and if U know ..getting a divorce there is much more harder comparing 2 here in our system.
so such Generalizations,,,about a whole complicated Issue is not the right way 2 Judge upon a whole Religion..
thx Dear Fantasia...with my best Regardes..)
العزيز انوسنت
انا بحاول اعمال عقلي علشان مفيش حل تاني غير كدة
لو قفلت عقلي, هل فيه حاجة هتتغير؟
هل الرجالة هيبطلوا اعمال عقلهم في تفسير الدين على هواهم ومسح حقوق المرأة من الدين؟
ما انا لازم اعمل حاجة ايجابية
حضرتك شايف العيب ف الدين نفسه, ودي وجهة نظر
لكن لو افترضنا ان دا فعلا الوضع, هل دا هيوصلنا لنتيجة في ظل الواقع؟
انا مؤمنة ان كل الاديان بتخضع لتفسير مجتمعها. يعني لو المجتمع متقدم الدين بيكون تقدمي, والعكس صحيح
يعني حقوق المرأة ف مصر الفرعونية كانت هايلة, وكان فيه دين برضه
حقوق المرأة في اوروبا دلوقتي غير زمان, مع الدين هو هو, لكن تفسيره اختلف
نفس الشيء ف الدين الاسلامي. من وجهة نظري الدين الاسلامي ف الأصل كان من أهدافه اثبات حقوق المرأة (بمعطيات الزمن وقتها). لكن الراجل السيد اللي بيتحكم ف المجتمع فسر الدين على هواه وبما يخدم مصلحته
زي السلفيين بتوع دلوقتي, اللي كل دماغهم ف تفسير الدين بشكل يضعف وضع المرأة ويقلل مشاركتها الايجابية ف الحياة العامة, لان ده هيخلق شعبية للفكر السلفي بين صفوف الرجالة المهيمنين على المجتمع ودايما هدفهم المزيد من السيطرة
انما هو هو نفس الدين من 30 سنة بس كان تقدمي جدا بالنسبة لمراحل سابقة ومراحل لاحقة.. وكان ممكن جدا لو الوضع دا كان استمر ان الوضع الثقافي والحضاري العام يحسن جدا من وضع المرأة ف المجتمع المصري
الدين في شكله النصي المكتوب شيء بديع, لكن الدماغ اللي بتتفاعل مع النص هي المشكلة, لانها هي اللي بتفسر واللي بتفعل النص ف الحياة
الدماغ دي لو فيها مشكلة, يبقى اكيد الدين كتطبيق ف الواقع هيكون فيه مشكلة
مشاكل واقعنا ملهاش حل غير بمعطيات الواقع يا سيدي
خالص تحياتي
يا فانتازيا:
في مصر الفرعونية كانت الأنثى إلهة. هذا كان مجتمعا مختلفا تماما. مجتمع قريب إلى الحضارة الأمومية حيث كانت المرأة لها الفضل. وفي أوروبا الدين تراجع، وبمعنى آخر قامت العلمانية بتقليم أظافره وتهذيبه.
اما هنا في الشرق، حيث الإله يعامل معاملة المذكر، وحيث الانبياء ذكور، ورجال الدين ذكور، ومصالح الدين مع الذكور، لن يكون للدين دور في إعطاء المرأة شيء من حقوقها - على الأقل في المستقبل القريب.
لذا أنا أرى أن جميع هذه المشاكل يُفضّل أن تُناقش على أرض من العقل والمنطق، كأن يكون لدينا قوانيين مدنية - قد نستفيد من تجارب الدين في وضعها - ولكن لا يكون الدين مرجعا لها.
أحترم إعمال عقلك
تحياتي
تحياتي
اولا الاعلام هو من شوه صورة المطلقات..و هناك افلام عديدة حول هذا الموضوع.
المطلقة هي اخت او قد تكون الام...او الخالة او العمه...قد يكون الطلاق بسبب منها و قد لا يكون كذلك..
هي في الاخر بشر تخطيء و تصيب ...كما كل البشر.
بالنسبة للخلع...اود ان أوضح انه يمكن ان يتم بدون سبب اللهم الا ان الزوجه لا ترغب في الاستمرار و تخشي الا تقيم حدود الله...علي ان ترد للزوج ما أعطاه أياها من شبكه ومهر....
نحن في حاجة الي تصحيح الكثير من مفاهيمنا غير الصحيحة و ايضا غير متوافقة مع الدين.
تحياتي و دمتي بالف خير
للاسف الناس معندهاش ثقافة ولا وعى
فى مفهومهم ان طالما الست دى ملطقة يبقى مش كويسة
ولو مجرد ما شخص عرف ان الانسانة اللى قدامه دى مطلقة بيتعامل معاها وكانه بيتعامل مع فتاة ليل
وتناسوا ان فى طرف اخر يعنى كان فى زوج
تناسوا ان الست المطلقة دى انسانة وممكن تكون سبب طلاقها بسبب زوج مفترى لا يتقى الله فيها فاختارت ابغض الحلال
محتاجين تصحيح للمفاهيم علشان الست تقدر تعيش
المطلقة ينظر لها على انها فتاة ليل
المتأخرة فى سن الزواج وممكن يكون بسبب رفضها لاء يبقى ى بنت مش كويسة علشان كدا العرسان مش بيهوبوا جنبها
المتزوجة وعايشة حياة تعيسة لو فكرت تشتكى يبقى السبب فى التعاسة دى هى ومفيش حاجه اسمها زوجها
شغل البنت عيب
خروج البنت حرااااااام
مفاهيم غلط × غلط
والبركة فى اللى بينادوا برجوعنا لورا مئات السنين
عزيزي انوسنت
انا معاك تماما ان القوانين لازم تكون مدنية بشرية قابلة للتعديل والتبديل والالغاء اذا لزم الأمر
الدين هو مرجعية فكرية للسواد الاعظم من الناس, والجواز باعتباره رباط مقدس بيخضع لهذه المرجعية
مصر مفيهاش جواز مدني
دورنا احنا اننا نثبت ان الدين مفيهوش لا مذكر ولا مؤنث
فيه رب بيخاطب انسان, خالق ومخلوق
ولا يفرق الخالق بين مخلوقاته على أساس الجنس, ولكن هؤلاء المخلوقات هم من يصنعون هذه التفرقة ويضفون عليها صفة التقديس من خلال تلاعبهم بالتفسير واستغلال جهل الجنس المستضعف, النساء, واخضاعهم لتنفيذ ارادة بشرية ذكورية يدعون انها مقدسة
اشكرك على طرحك المميز
خالص تحياتي
الربان
سعيدة بتعليقك الرائع
الاعلام عليه مسؤلية كبيرة بلا شك
ولكن لا نغفل دور المجتمع وافراده
الفن مرآة هذا المجتمع, فهو في كثير من الاحيان يعكس ما هو موجود بالفعل
هناك مسؤلية تقع على عدم مواكبة الاعلام لتطور العصر
اعلامنا المحلي دائما يقوم برد الفعل ويتحرك ببطء للحاق من سبقوه
وهذا ليس دور الاعلام الجيد النشط الذي يمكن ان يلعب دورا فاعلا في تطور المجتمع
اتفق معك اننا في حاجة الي تصحيح الكثير من مفاهيمنا غير الصحيحة والتي لا تتوافق مع الدين الصحيح
نحن في امس الحاجة الي ثورة ثقافية وفكرية شاملة
المجتمع يتهاوى تحت راية التماسك الوهمي
بينما لا يوجد اي تماسك حقيقي او تعاون بين افراد المجتمع
الكثير من الاسر مفككة بالرغم من انها تعيش تحت سقف واحد
التعاسة وغياب التراحم وتراجع القيم وانتشار الفوضة وتفشي الامراض النفسية, كل هذه الظواهر تعلن اننا واهمون
نتخيل اننا نقف على ارض صلبة بينما هي فوهة بركان
العلاقة بين الرجل والمرأة ليست فقط علاقة حقوق وواجبات
انها تفاعل افراد المجتمع من الجنسين في جميع أوجه الحياة
البشر نوعان, نصفان, وحين يجور نوع على آخر ينهار توازن الحياة وينهار المجتمع
شكرا جزيلا سيدي على زيارتك الكريمة
خالص تحياتي
الجميلةdesert cat
تعليقك هايل وفيه تلخيص لنقط كتير
نظرة المجتمع لأي مرأة بلا رجل هي نظرة ظالمة, قاصرة, دونية, طامعة, محقرة, مشككة, متخلفة, قاسية, لا انسانية
وهذا عار علينا جميعا
متى تتغير هذه المعاملة الوحشية؟
متى يشعر الناس بمعاناة الغير كما يشعرون بمعاناتهم الشخصية؟
متى نتحلى بحسن الظن والرحمة وحب الغير؟
متى نتوقف عن ظلم الآخرين؟
متى نكره ان نتسبب في جرح انسان؟
متى يعي الناس ان لا فضل لهم فيما خلقوا عليه؟
المفاهيم الغلط للاسف بتحيط بينا من كل ناحية
ولازم نعترف ان فيه مننا اللي بيسقفلها ويهللها
لو اللي بينادوا برجعونا لورا مئات السنين ملقوش حد يرد عليهم وويوافق على كلامهم, اعتقد مكناش وصلنا للي احنا فيه انهاردة
تحياتي يا احلى قطة
Post a Comment