Wednesday

فانتازيا الفمينيست!


من إمتي بقت فمينيزم أو النسوية كلمة مش كويسة؟

من ساعة ما بدأت أكتب على بلوجاتي وبعض الشباب المتغاظين, اللي عايزين يدايقوني بتعليقاتهم السخيفة, يرمولي كلمة "فمينيست" دي ف وشي وكإنها شتيمة!.. أنا فعلا مش فاهمة , إيه مشكلتهم؟.. أنا بطالب بالمساواة بين الجنسين. إيه اللي بيدايقك ف دا؟ وليه بتفترض إنك لما تقول إني فمينيست, ان ده بالضرورة هيزعلني أو هيجرحني بأي شكل؟ ف الواقع، أنا سعيدة إنه يتقال عليا فمينيست. وأتمني إني أكون كدا بجد (إني أكون ناشطة في مجال حقوق المرأة يعني).. إنه يتقال عليا إني بطالب بحقوق المرأة ف دا شرف وتكريم لي. تفتكروا ممكن حد يتدايق لما يشاوروا عليه ف الشارع ويقولوا: "دا واحد مؤمن بحقوق الإنسان؟".. معتقدش.. إيه بقى اللي بيخلي الرجالة تفترض إنه لما يتقال على واحدة إنها فمينيست فدا يتحسب علي إنه تعليق سلبي, أو تهمة؟!!

وأنا بحاول أدور على إجابة, إفتكرت موقف قديم.. من كام سنة كده, زمايلي رتبوا لخروجة كبيرة (متضمنة العيلة واﻷصحاب).. وكنا فعلا كتار, لدرجة إننا إحتلينا نص المطعم اللي إتقابلنا فيه. واحدة من زميلاتي كانت لسه مخطوبة جديد.. وخطيبها جه معاها. الشاب دا كان شايف نفسه ع اﻷخر. كان راكب عليه النوع اللي إتكلمت عنه في بوست قبل كده ... النوع اللي عارف كل حاجة.

المهم.. الكلام العادي بدأ لغاية ما شوية بشوية الكلام تطور لمناقشات. طبعا صاحبنا مقدرش يفوت فرصة وجود الجمهور الكبير دا, وقرر يكون نجم القعدة. فضل يعلق علي كل حاجة تتقال.. أنا فضلت أتابعه وكنت مبسوطة لإني بتسلي ببلاش.. أصل اﻷكل مكانش أد كده. بعد حوالي ساعة الساحة فضيتله تماما. أغلب اللي كانوا بيتكلموا إستسلموا عشان ميحرجهمش. أصله كان بيقول: "إنت/ي غلطان/ة" لكل حد يخالف رأيه ف أي حاجة.

ف العادة لما القعدة تسخف كده, بيبقى كل اللي بركز فيه هو إني أخرج بزوق وشياكة. كنت بحسب في مخي الحاجات اللي طلبتها عشان أمشي لما, خير اللهم اجعله خير، سمعت صاحبنا بيتكلم عن النكسة اﻷخلاقية ف مجتمعنا. ووفقا لتحليله العبقري، السب هو إن اليومين دول الأمهات بيشتغلوا ومش بيبقي عندهم وقت يقضوه مع أطفالهم. سمعت لكن مهتمتش أقول أي حاجة, لإني إفتكرت إن الباقيين هيتولوا الموضوع. كل اللي كان هاممني إني أخرج من المكان ده. بس إندهشت لما لقيت إن محدش إتكلم ولا رد عليه.. ولقيت نفسي بقوله "حضرتك غلطان". طبعا بصلي بصة من بتوع "وانتي تطلعي مين بقة".. ولا الهوا.. بصتله ف عنيه و قلتله عن كل الأسباب الإجتماعية والسياسية والإقتصادية اللي ورا تدهور الأخلاق اللي إحنا عايشينه.

طبعا كل اللي كانوا ساكتين دلوقتي إتبسطوا وما صدقوا يفشوا غلهم و يشمتوا فيه. أنا كنت حاسه إنه خلاص هيطلع دخان من ودانه.. وبدل ما يحاول يقنعني بوجهة نظرة، كل اللي عمله إنه بصلي بصة مريبة كده وقالي.. "هو إنتي لمؤاخذة فمينيست؟"

أنا (فطسانة من الضحك ف سري): أيوة أنا مؤمنة بحقوق المرأة
هو(متلخبط): يبقي إنتي فمينيست
أنا: مش شرط، مش شرط المؤمنة بحقوق المرأة تكون فمينيست، بس بالتأكيد كل الفمينيستس مؤمنين بحقوق المرأة والمساواة
هو(بيزغرلي بجد): ودا إيه ده؟.. فلسفة؟
أنا (ملاحظة ان الجو ابتدى يكهرب): ف الحقيقة الفكر المنطقي هو أحد عناصر الفلسفة، بس أنا مقصدتش أتكلم بشكل فلسفي.
هو(بإبتسامة ماكرة): إنتي فمينيست, متنكريش

عمري ما هنسي الطريقة اللي قالها بيها. وكإنه إكتشف واحد شيوعي ف أيام السادات الله يرحمه. أنا ساعتها مهتمتشي أفهمه خالص، دا واحد جاهل وأنا مش بحب أضيع وقتي مع الناس دي. لكن أنا إفتكرت الموضوع دا اليومين دول بسبب التعليقات الكتير اللي بتجيلي من نوع: "إنتي من اللي بيطالبوا بالمساواة.. انتي فمينيست". أنا مبسوطة من اللقب دا وشايلاه بكل فخر, ومش مكسوفة بإلصاقه بيا. ومن هنا ورايح أنا هكون فانتازيا الفمينيست. اسم جميل.. شكرا على اللقب ياشباب.

46 comments:

ملك الكبدة said...

بسم الله الرحمن الرحيم

جايزة اول تعليق

فيمينيست ولا موش فيمينيست

اعترفي الانكار موش هيفيدك

و انتي عارفة ان لا الاعتراف ولا انكار هيفيدوكي

ماعلينا

بغض النظر عن قضيتك

صاحبك ده فكرني بمحاكم التفتيش
و عموما انا بحب استمتع بمشاهدة الشخصيات دي

المهم ردي عالموضوع
او اتصور انك كنتي تردي و تقوليله
ايه بقى اللي اوجد الفيمينيست غير التخلف في معاملة الجنس الرقيق
ممكن نعتبر الفيمينيست زي المطالبين بحرية المواطنة
الفيمينيست يطالب ببعض من حقوق المواطنة و لكن اقنرح عليهن وعليهم
جعل هذه المطالبة جزء من مطالبة اكبر و هي الحريات بكافة انواعها
تحياتي

Samir Saad said...

نحن نحيا بمجتمع احادي الرؤية. يسود فيه الرجل فتكون المرأة عورة وكل ما يتعلق بها هو أمر مخجل ومشين. ويسود فيه تيار ديني معين جاعلا كل ما هو دونه كفرا وشركا. ولا نرى من الرجل نفعا أو من الدين رحمة لانهم انشغلوا بمحاربة الآخر حتى ذابوا في هذه الحرب. فيصير الأخر ومتعلقاته أمورا تدعو للاشمئزاز بينما نصير نحن بلا معنى ومجرد رد فعل. نحن مجتمع يفتقر الى القبول.

وبخصوص المناقشات والحورات، للأسف عادة اجد من أمامي يناقشي كما لو كنا في معركة لابد وان تنتهي بانتصار طرف وبالتالي اقتناع الآخر برأيه. لذلك نجد كلمات مثل "انت غلطان" تتردد دون وعي من اطراف النقاش. للأسف نحن لا نقدر قيمة الحلول الوسط والأراضي المشتركة.

وبالنسبة للحقوق، فإن حقوق المرأة هي جزء من حقوق الانسان. وليس معنى ذلك أن حصول الانسان عل حقوقه سيمنح المرأة حقوقها. وهذا لان كيان الانسانية بدون المساواة هو كيان ممزق وعاجز عن المطالبة بأي حقوق. في مثل هذه الأمور تبدأ عمليات الاصلاح من أسفل. وعليه فأنا اعتقد ان حصول المرأة على المساواه هو شرط لوجود مجتمع صحي قادر على المطالبة بالحقوق الانسانية. وقد شملت دائرة الانسانية الجميع رجالا ونساءا.

تحياتي

سلوى said...

إيه التصنيفات الغريبه دي

فيمنيست .. فيمنيست .. هذا لا يقلل منك شئ
بل يزيدك تميزا

بوستك حلو بجد

وبمناسبه الفيمنيست

خدي المفاجأه دي

عملت مدونه جديده اسمها

كلام البنات

ياريت تشرفينا

http://kalamalbanat.blogspot.com/

تحياااااتي

love said...

Fantasia
هذا يذكرنى بما قاله أستاذنا "أنيس منصور" فى تعريفه للمرأه من أنها"مبولة للرجل"أو هى "مبولة الرجل" أينما ووقتما شاء يجدها جاهزة لتلقى مايريد؟؟؟؟
لاأستطيع أن أفهم فلسفة هذا الفيلسوف بشأن المرأ÷،ولكن فهمت ماردده الفلاسفه السابقون عن المرأه وقالوا فيها كلام وكلام وكلام
تسمحى لى أن أكون منتسبآ للفيمينستيزم بالرغم عن وجهى الذى ينطق بالذكوره،ولكنها ذكوره مهذبه متحضره تسعى للعيش مع ألآخر فى هدوء وسلام

تحياتى

a Dreamer with feet on the Floor said...

Dear fantasia, ...the Proplem..I think comes from the Ignorance of the real meanings of some Terminologies as if we created Easy arabic meaning it can make it closer 2 each one..
2nd...yes ..when the human rights as a whole will B respected..the human no matter men or women will B looked at as Valuable creatures ..and equls..
U know the interpretation of the Violence...it comes mostly from ones who suffer from their low Positions in society where They R mistreated at work..so they express their blocked anger in the Weaker Partneres..or kids..
so when all will B Respected this problem will B eliminated..
and 3rd.
it is not Only limited 2 Our Eastern Society...as many thinks...women R treated so bad in the western ...Men come home drunk and act so violent..against women..and I had a neighbour who used 2 beat his wife so hard nearly each night( Euroupian couple)
4th...the Phenomina of the of the single Motheres..

U can hardly C a complete family there..as when the woman get a child the man go a way letting that poor woman a lone 2 Support herself and her kids..
and that happen here so rarely..

look ..I do not defend the conditions here ..but I want 2 Reflect the whole Image...2 B fair and 2 B subjective..
accept my best Regareds...

Anonymous said...

فكرتيني بحمايا
هو دكتور جامعة إخواني متكلس
أنا و زوجتي نتجنب الالتقاء به و لو صدفة
مرة كان بيتناقش معايا فقلتله إن مراتي اللي هيا بنتك رأيها إن الأمومة مش بالضرورة تكون غريزة و إنها ممكن تكون ضغوط اجتماعية بتتزرع في البنت من ولادتها زي اللون البمبي و العروسة و كده
لقيته بيقول هي بقت فيمنست, قوللي, علشان لو مش عارف تعدلها سيبني عليها و أنا أربيها
الحقيقة أنا ماقدرتش أمسك نفسي من الضحك

Fantasia said...

malek elkebda,
estefta7ak fol ya m3alem :)
ana tab3an kan lazem anhar w a3teref.. bas lel2asaf makanshy hyefham bardo ya3ni eih feminist. 3ala ra2yak koloh m7asal ba3doh ma3a el3alam btoo3 ma7akem eltafteesh dol.. ya offff ya3ni!! elnas di 7'anee2a kedda leeh? w law elfeminists dol we7sheen masalan, hal da ma3nah en raddy 3aleeh kan 3'alat?
akeed tab3an elmotalbah b 7o2oo2 elmar2ah hya noo3 mn 7o2oo2 el2ensan. laken fi ra2yy elmotawade3, el2ensan dah myestahelshy ykoon leeh 7o2oo2 tool ma howa beyzlem ensan tani lmogarad enoh gensoh mo7'talef! ay ensan mo2men b elmosawah been elbashar howa b elfe3l feminist. w ay feminist (7a2ee2y) akeed mo2men b elmosawah been elbashar. yeb2a eltawagoh el3am wa7ed.
argo ykoon e3gabak b elmodawanah rege3 zy el2awel. kol e7teramy.

Fantasia said...

innocent,
ya ta3lee2atak ya innocent! begad mot3ah enny mogarad 2a2ra ra2yak fi ay post w 3ala ay blog.
2o7adeyet elro2ya di moseeba kbeera lel2asaf btasood f elmogtam3at elmota7'alefa faqat. ya3ni eih nas btetna2esh yeb2a lazem yetla3 feehom wa7ed 3'altan?? w leeh lazem ykoon el3'altan howa elsha7's eltany dayman?
da mesh mogtama3 yaftaqer 2ela elqobool.. da yaftaqer 2la el3a2l. elnas di 3andaha 3ama 2alwan.. mesh shayfeen 3'eer abyad w eswed bas. w tab3an homa kol elli by2olooh abyad, w ay 7ad tany kol kalamoh eswed w mnayel b seteen neela. 7ata law feeh manteq saleem fi kalam el2a7'ar, lazem yetala3oloh el2otat elftsanah. lazem yelawenooh eswed w 7'alas. zy mawdoo3 enty feminist, aw enta shyoo3y, aw enta 3almany, aw aw..
esma7lly a7ayeek 3ala fekrak elmostaneer, w asagel e3gaby elshadeed b ro2yetak lqadeyet elmar2ah w 2ahamyet mosawatha b elragol:
كيان الانسانية بدون المساواة هو كيان ممزق وعاجز عن المطالبة بأي حقوق. في مثل هذه الأمور تبدأ عمليات الاصلاح من أسفل. وعليه فأنا اعتقد ان حصول المرأة على المساواه هو شرط لوجود مجتمع صحي قادر على المطالبة بالحقوق الانسانية.
ashkorak 3ala elresalah el2ensanya elnabeela w argo en kol elnas tastaw3eb kalamak.

Fantasia said...

elgameela salwa,
ashkorek 3ala kalamek elmoshage3 w sa3eeda geddan en elpost 3agabek..
2alf mabroot 3al blog elgdeed.. akeed hykoon gamed awi w shaklak kedda htnafesny ya gameel :)
akeed htabe3oh b 2ehtemam. atmna leeki kol eltawfee2.

Fantasia said...

love,
ahlan beek w ashkorak 3al ta3lee2. kaleem anees mansour b kol ma ya7mel mn baza2ah f eltashbeeh, 2ella ennoh lel2asaf yo3aber 3an waqe3 7al elmar2ah w wad3aha elmoheen k tabe3 lelragol.
mawqef elfalasfah elregal mn elmar2ah howa mawqef zokoory fi a3'lab el2a7yan.. l2n elmar2ah k kayan to7ayar elfaylasoof elma3'roor.. bte3meloh noo3 mn elta7ady l3adam qodretoh 3ala fahm tabee3et takwenha elnafsy w dawafe3ha. 3alashan kedda mo3zam elfalasfa dol by7agmo elmar2ah badal m ye3terfo b fashalhom fi estee3ab tabee3et e7'telafha.
yes3edny endemamak lelfeminism, w ra3'betak f elta3ayosh ma3a el2a7'ar. el2e7'telafat been elbashar hya mn qanoon el7ayah. 3alashan kedda labod enenna nestaw3eb dah, w na7tarem e7'tlaf el2a7'ar mn 3'eer mo7awlet e7'da3oh b elqahr aw 3azloh w eqsa2oh mn elwaqe3.
argo dawam elmotaba3ah. t7yaty.

Fantasia said...

a dreamer,
akeed tab3an mawdoo3 elmostala7 el3araby 3amel moshkella.. ana 3an nafsy mesh ba7eb este7'dam kelmet elnasawyah di. 3lashan kedda esta7'demt kelmet feminism. bas ana mesh shayfa en dah sabab kafy yobarer elgahl b ma3na elmostala7 nafsoh.. feeh tashweeh mota3amad lelfekr elnasawy.. zy ma feeh tashweeh mota3amad lel3almanyah masalan. 7atta mabda2 elmosawah w 7o2oo2 el2ensan ba2a bye7saloh tashweeh delwa2ty.
belnesba lmawdoo3 en 7o2oo2 el2ensan hya elli htgeeb 7o2oo2 elmar2ah, f ana a7'talef ma3ak.. zy m 2olt lmalek elkebda w akedt 3ala kalam innocent, h2olak en 7o2oo2 el2ensan lan yakoon laha wogood qabl 7osool elmar2ah 3ala 7o2o2ha.. mesh bas b 2e3tebarha nos elbasharyah, laken l2n el2ensanyah lan to7taram talama nesf elbashar byomareso elqahr ded elnesf el2a7'ar. lazem elbashar k kol yagma3hom mabda2 elmosawah 3alashan yeb2a feeh 7aga esmaha 7o2oo2 ensan w ba3deen 7o2oo2 2aqalyyat.
elmosawah been elgenseen hya elbedaya el7a2ee2ya mesh el3aks.. el2ensan lessa byosanaf 3ala enoh elragol, w elmar2ah hya mogarad tabe3, nos ensan, aw ensan ella 7etta fi afdal el2a7wal. lama ne3raf eih ma3na el2ensanyah neb2a ndafe3 3an 7o2oo2ha. laken tool ma nos te3dad baladna fi elwad3 dah, yeb2a e7na b3eed awi 3an mafhoom el2esanyah.
elnamoozag elli 7adretak shoftoh fi europah mesh momken ta3meemoh. ya3ni akeed elfar2 wade7 been elset el2europyah w elset elmasryah. laken b elmoqarnah b elshakl elmesally lelmosawah, akeed elset fi kol el3alam ad3af mn elragel. w dah l2n 7araket ta7reer elmar2ah taree7'ha 7adees nesbeyan. da 3'eer en elqowah elmo3arqella leeha aktar w akbar bkteer mn elqowah elli kanet bto3arqel ta7reer el3abeed masalan. l2n el3abeed kano bye7'demo el2a3'nya2 bas, w dol 2aqallyah. laken elset bt7areb 3ala gabhah da7'mah geddan.
sa3eeda b mosharakatak w motab3etak. ta7yaty.

Fantasia said...

anonymous,
begad allah ykoon f 3oon meratak. da akeed waraha elweil. laken 7aga hayla enha ba2alha fekr mostaqel w el2a7la kaman enha la2et shareek ytafaham fekraha w ya7taremoh.
7amak da ba2a mesh 3arfa ezay howa ostaz game3y w byfakar kedda! howa elta3leem baz mn showyah! ya 3eeny 3al talabah elba2eseen elli b ydareslohom.
as3adny tashreefak w mosharketak.. 7'ally balak mn meratak w balash teften 3aleeha 3and 7amak dah. ana momken 2ab3atloh 2a7'eena elli 7akeet 3annoh f elpost ya7'od ma3ah kors f elfeminism w kayfeyet moqawmetoh :) ta7yaty leek w lelmadam.

Dr. Diaa Elnaggar said...
This comment has been removed by the author.
Dr. Diaa Elnaggar said...
This comment has been removed by a blog administrator.
Dr. Diaa Elnaggar said...

على فكرة بقى يا فانتازيا هانم،

قطعي كده كلمة فيمينست حتلاقيها كلمة حلوة قوي:

في مين ست؟ وبعدين مش عايزه أخينا "المسقف"، أي مسقف العقل، أقصد المثقف، ما يزعلش؟ كان ناقص يقوللك زي ما مرة سمعت من إحدي أعضاء هيئة التدريس في الجامعة وقد اختلط عليها الأمر في كلمة البرجوازية، أن قالت لي:

شوف يا دكتور، المشكلة اللي انت بتتكلم عنها، دي موجودة في كل طبقات الشعب: من أدنى طبقة إلى الطبقة البرجوازية !!!!! 0

وقد استطعت أن أكتم ضحكتي وقتها بالعافية. ممكن اسألك حاجة بدافع الفضول: صاحبتك دي اتجوزت اخينا ده واللا إيه اللي حصل ؟؟؟؟؟

موضوع هايل يا فانتازيا هانم، وتقبلي تحياتي من واحد مش عارف دينه، أي فيمينست والعياذ بالله.

ضياء

Fantasia said...

dr. diaa,
ta3lee2atak dayman todeef bahgah mn noo3 7'as.. elprof fawzya elbourgoisya di da7aketny moot ana kaman :)) di btdares eih ya doctor? mana 2olt bardo elta3leem mabazshy mn showyah!
elragel ba2a bta3 "enty lamo2a7'zah feminist?" dah kan 7'ateb wa7da zemelty f elsho3'l.. mesh sa7bety ya3ni.. law kanet sa7bety makontesh sebtaha tetgawezoh. 3al 3omoom hya ba3d elgawaz bkam shahr sabet elsho3'l w ma7adesh 3aref 3anha 7aga delwa2ty. bas hya kanet far7ana beeh awi elsera7a.. kan mefahemha enoh wala mawsoo3et britannica kedda. 7ata hya 3omraha m fata7et bo2aha w howa ma3aha. w rasha kanet bteb2a 3amla zy elsostah w howa byetkalem.. t2olshy btesma3 elset om kalthoum :))
ahlan beek fi nady asdeqa2 elfeminism ya doctor. ana sha7'syyan mesamyah nady elqella elmondassah.. 3alashan ektashaft enenna manboozeen..
sa3eeda bmosharaktak leena f el7ewar.. w tab3an sharaf lkol elfeminists en 7adretak teb2a wa7ed menhom. ta7yaty.

Dr. Diaa Elnaggar said...

عزيزتي فانتازيا هانم

شرف لي أن أكون فينمنست لكي أكون إنسانا ، وسعيد بمدونتك أيما سعادة. وبمناسبة الزميلة اللي حكيت ليك عنها فهي المشكلة إنها كانت مدرس مساعد في كلية رياض الأطفال قسم الرسم والتصوير. ممكن تعرفي حال المدرسين عندنا لماذا لا يصر عدو ولا حبيب.

يبقى بصي على المدونة عندي، فيها موضوع أظن حيعجبك، لأني بيهمني قوي رأي الفيمنستات المنبوذات المذنبات.

عميق تحيتي وخالص مودتي واحترامي

ضياء

اسامة يس said...

وكأني حين قرأت كلامه وتصورت نظراته تذكرت قول الله تعالى وهو يصف قول قوم لوط .. وهو مندهشون ان هناك انسان طاهر يدافع عن الطهر .

"فما كان جواب قومه الا ان قالوا اخرجوا ال لوط من قريتكم انهم اناس يتطهرون"

فكأن الدفاع عن الحقوق اصبح تهمه في ذاته ينظر له باستهجان ونفور ...

موضوعاتك تتميز بروح وذكاء في العرض .. يجعلني اعيش السطور.. وانفعل معها..
دمت بكل ود..
خالص تحياتي

Unknown said...

فاتنازيا القمر

الاول وحشتيني جدا و وحشتني موضوعات و آرائك الجميله المفيده
اي موضوع ليكي اكيد بستفيد منه انتي فعلا انسانه واعيه جميله

بس ايه الحكايه هي حقوق المرأه و الانسان بقت شتيمه ولا ايه
يعني لما احب اشتم حد بعد كده اقوله يا ديموقراطي و هو يقولي يا فيمنست يا وحشه

عارفه يا جميله هما بيستغلوا بساطة الناس و ان ماحدش بيقرا و لا يدور تلاقي بيتكلم زي مايكون الفيمنست ده كفر ولا حاجه عيب
و يقنعك انك المفروض تتكسفي من نفسك و من عمايلك

ماحدش اتعود يحاور و يناقش و يقول رأيه بشجاعه زيك

بجد انا فخوره و سعيده بيكي

Fantasia said...

dr. diaa,
ya3ni begad ana nefsy delwa2ty amsa7 elpost bta3y koloh w a7ot gomlet 7adretak di:
شرف لي أن أكون فينمنست لكي أكون إنسانا
ana kan kbeery awi 2a2ool: law lam akon feminist lwadadto an akoon feminist.. laken kalam 7adretak begad sabetny. (gyya mn eltasbeet.. mostala7 shababi yo3aber 3an el2enbhar elshedeed)
ba2a elprof tel3et btdares rasm w tasweer f kolyet riyad atfal! ya 3eeny.. da elgeel elgdeed hydee3 badry badry. mesh hyel7a2o yet3alemo ay 7aga ya weldah :(
tayeb elnas di 7alaha eih? ana elsera7a kan 3ala ayamy 2asatzah 3amalqah.. laken bardo kan feeh kam ostaz kedda kont btkeseflohom ya3ni. ana fakra wa7ed feehom kan yefta7 elketab l2awel marrah f elmo7adrah!! bas kol dah koom, w elli kano mesh fahmeen elmada elli bydaresooha aslan dol koom tani. elwa7ed et3a2ad mn elli shafoh elsera7a. ana kont b7'af 3ala dma3'y tbooz law 7adart mo7adrat elnas dol.
tayeb mafeesh 7al lelnas di? mafeesh ay noo3 mn eltaqyeem byt3emel l2ostaz elgam3a 3andena?
ya reet ya doctor tekteb post 3andak 3an elmawdoo3 dah.
shokran w taqabal 7'ales t7yaty.

Fantasia said...

osama,
howa elragel dah law kan 3aref en hayyigy 3aleeh youm w yetshabeh b qawm lout, kan fakar 1000 marrah 2abl m y2olly elkalam dah :)
ashkorak ya osama mn 2alby begad. 3al 3omoom da qadar kol elnas elli btdafe3 3an el7a2 w el7'eer w elgamal fi kol zaman w makan. yakfeeny ta2deer elnas elmo7tarmah amsal 7adretak w kol elli bytab3o ketabaty w byshaga3oony.
e3gabak b mawdoo3at elmodawanah da shee2 afta7'er beeh w shehada mo3tamadah mn mawheba adabyah nadrah w qalm motamayez fi 3alam eltadween. shokran 3ala tawagodkom elkareem w 2ara2kom el3'alyah. t7yaty

Fantasia said...

el7abeeba emy,
argo enek tkoony fi a7san se77ah. wa7ashteny ta3lee2atek el7elwa w dammek el3asal. bkoon mestanyah ta3lee2ek dayman w elsera7a 3omrek m faweteeli post. mt7eremshy mn kalamek elgameel ya emy.
ana elli fa7'oora fe3lan b wa3yek w zaka2ek w mawhebtek. shokran 3ala tashgee3ek w kalemat elmadee7 elli fe3lan bt2asar beeha geddan.
2ama b7'osoos mawdo3na.. ezaher ya emy en mosta2bal elsheteema hykoon kedda :)) demokraty tam fe3lan este7'damha k sheteema 2abl kedda.. lama a3da2 a7mad lotfy elsayyed aqna3o gomoo3 elnas en eldemokratyah zy elkofr, w 2alolhom 7ata es2alooh enta demokraty wala la2.. elragel ya 3eeny b7osn neyyah 2alohom tab3an ana demokraty.. bas.. w feen yewga3ak ba2a.
elgahl ya emy.. allah yel3an abu elgahl. bas w7yatek mesh hyhemeny.. feminist, feminist.. w maloh! 7'aleehom yewala3o f nafsohom.. mana feminist ba2a, mafeesh 7aga tehemeny wala kalam yelemny :))
agmal ta7yyah l2a7la emy.

على باب الله said...

هو أيه المشطلة في كلمة فيمينيست ؟

ليه يعني معتبرينها شتيمة ؟

---

و حكاية أن الستات اللي بيشتغلوا بيطلعوا أطفال نص كم دي حكاية تضحك


--


يا ريت تشرفيني في مدونتي و تشوفي البوست الأخير .. و تشوفي قد أيه الملكة ( عا حوتيب ) الفرعونية كانت ملكة و محاربة و زوجة و أم عظيمة

بدون أي تعارض بين المهام دي كلها

---

Desert cat said...

فيمينست ولا مش فيمينست هو ماله
كل واحد حر فى نفسه
طالما مش اتعديت على حريته الشخصية
يبقا مش من حقه يقحم نفسه داخل حياة اى انسان
الواحد بيستغرب للناس اللى بتكون معينة من نفسها وصية على شئون الآخرين
بالنسبة لمعلقين المدونة
فكل مدونة لازم تلاقى فيها واحد عامل نفسه ابو العريف
والنوع ده فى اقرب باسكت وارمى
مودتى يا قمر

Hoda said...

العزيزه/ فانتازيا
انا بحب اعلق فى الاخر فى مدوناتك دايما مش عارفه ليه بحب اكتب كلمة النهايه او اجيب درافها يعنى من الاخر اما بقى بالنسبه لموضوع خير اللهم اجعله خير الفيمينست دا الاخ اللى بيتلاعب بالالفاظ دا وفاكر نفسه فكيك قوى حاسه انه بيشوف الناس اللى مش واخده بالها من حاجه ويتفزلك قدامهم علشان يعنى ممكن تكون الكلمه على وزن كلمات كتير الناس مش بتحبها وبنتهى بنفس ال suffix زى مثلا كلمة communist,fascist,zionist
يعنى من لنوع والناس نايمه طبعا فى البلاله ومش فاهمه حاجهفمعنى انه ينعتك بفيمينست هيخلى الناس تقول يالهوى استغفر الله العظيم ليه يا بنتى كده حرام عليكى ارجعى الى دين اباءك اقتباساً من فيلم ظهور الاسلام والله حاجه تحزن واللى زى دا فى ناس كتير فقساه وانا بشوف زيه كتير قوى كل يوم وفاكر انه فاهم كل حاجه وهو للاسف بيكشف غباؤه على العموم الفيمينست دى احلى حاجه فى الدنيا ولا ايه
خالص تحياتى يا جميل

Dr. Diaa Elnaggar said...

عزيزتي قطة الصحراء،

بعد إذن طبعا فانتازيا هانم

مش متفق معك في طرحك بخصوص التعامل مع الراي المخالف لنا بأن يكون مصيره الباسكت، على حد تعبيرك، حتى لو كان مستفزا لأقصى درجات الاستفزاز، فأي رأي، مهما كان، لا يتم التعامل معه بالتجاهل، بل بالرد عليه بحجة قوية تسكته، ليس هنا فقط، بل في أي معرض حديث مشابه، وأكاد ازعم أن فانتازيا تفعل ذلك باقتدار تستحق عليه كل التقدير.

عميق تحياتي

ضياء

Dr. Diaa Elnaggar said...

عزيزتي فانتازيا

بوست ايه اللي تمسحيه، طب وانا كنت حاسمحك تفتكري؟؟؟؟؟ بس هو فعلا كده، شرف لأي إنسان أن يكون نصيرا للمرأة لأنني أرى هذا أيضا الأقرب لمقاصد الله من خلقه لنا ذكرا وانثى. ربما اقول لك شيئا آخر من اعجاز اللغة العربية في كلمتي آدم وحواء: آدم من الأديم، أي القشرة الخارجية، وحواء من الإحتواء، وكأن الله وضع في كلمة حواء معاني النبل والبذل والعطاء فجعل المرأة القائمة بالاحتواء وجعل آدم المتستقبل له.

بالنسبة للتعليم فهذا جرح مفتوح ولا أعلم طريقة لتطويره إلى الأحسن سوى أن نؤمن حقيقة بان التعليم هو خيار استراتيجي وأمن قومي، ولكني أراهن أيضا على الديمقراطية وعلى دورها في جعل العلاقة بين الطالب واستاذه ليس علاقة فوقية، بل علاقة احترام وايمان بأن الفرق بين الطالب والاستاذ في الوظيفة المنوط بها كل منهما، وليس في القيمةالإنسانية.

خالص تحيتي وعميق تقديري

ضياء

Fantasia said...

3ala bab allah,
homa elli by2olooly feminist 3ala enha shteema, fakreen en elkelma ma3naha en elset teb2a zy elragel.. da ba2a belnesba leehom yeb2a elkofr b3eenoh! yemken fakreen en elfeminists 3ayzeen yetgawezo 4 regalah wala 7aga!! mesh 3arfa ba2a dma3'hom weslet l3'ayet feen.. bas elwade7 enohom fakrenha kelma 2abee7a aw feeha noo3 mn el2edanah. dayman b7es enohom motawaqe3een enny anfy eltohma di w adafe3 3an nafsy! lama abtesem aw arod 3ady y2ala2o menny.. w momken ybosooly bassah mn btoo3 a7'eena elli 7akeet 3annoh f elpost :))
elnas etganenet bayen wala eih?! tayeb feeha eih law ay wa7ed menhom kalef 7'atroh w fata7 ay qamoos 3alashan ye3raf elfeminist di tetla3 eih? 3al 3omoom yestahlo.. adeeny fada7tohom fedee7a b glagel. 7'ally wa7ed tani ba2a ye3melly feeha fetek w y2olly enty feminist!
shokran 3al da3wa elkareema lqera2et mawdoo3ak elra2e3. estamta3t 7a2ee2y b thaqaftak w osloobak w fekrak elmostaneer. nefy kol elmasryeen, w elmasryat 2ablohom, ye2ro elpost elgameel dah. t7yaty w e7teramy.

Fantasia said...

desert cat,
la2 malhom ezay ya cat?.. dol lazem yo7shoro mana7'erhom fi kol 7aga, 7'osoosan law wa7da set hya elli bt2ool ra2yaha.. lesan 7alhom yeb2a by2ool "walla w ba2olkom soat"! kol wa7ed 7or tab3an.. laken mafeesh 7aga esmaha wa7da (shayla ta2 elta2nees) 7orrah. ezay ya3ni 3ayza elset teb2a 7orrah? di 2elet adab.. walla 3eshna w shofna.. setat a7'er zaman!
da ana kont katba mawdoo3 esmoh "7'atwa l2odam w 7'atweteen lwara" btkalem feeh 3an 7alna ba3d 7arakat ta7reer elmar2ah.. la2etlak kemeyet shatayem.. mesh enty feminist ba2a.. la2 7agat yo3aqeb 3aleeha elqanoon ya3ni. kol dah 3alashan ba2ool en elsetat btoo3 delwa2ty dya3o elli fedlet agyal te7areb 3alashanoh. ana ya 2o7'tshy 2olt 7aga 3'alat?!.. laken ezay w ezay ba2a.
w ba3d kedda t2oleleeli homa malhom ana feminist wala mesh feminist? tayeb yeseebona ntnafess bas.. tayeb yeseebona f 7alna we7na mashyeen f elshare3.. tayeb yeseebona nfadfad bkelmeteen badal m nta2!!! offffffffff.
elnas elli bteshtem dol tab3an broo7 zy elshatrah kedda 3amla click 3ala safee7et elzebala elli ta7t ta3le2hom.. myestahloosh aktar mn kedda. laken elmo7'talef f elra2y.. 7ata law kalamoh sazeg.. 7ata law byestafezeny, mafeesh moshkella. dayman bftared f el2awel ennoh 3ayez yetna2esh w yefham. f el7etta di ana motafeqah ma3 dr. diaa 100%.. 3alashan ana bkteb aslan lelnas elli ra2yohom mesh kedda.. b7awel aqne3hom en feeh moshkella w en elmogtama3 lazem fekroh yet3'ayar.
tab3an bkoon mabsoota geddan lama elnas elli motafeqeen ma3aya f elra2y yetab3o ketabaty w yeshaga3oony w y2olooly weghet nazarhom.. howa da elli by7'aleeny asta7mel razalet eltanyeen w asbor 3aleehom. w howa da elli bydeeny 2amal w 7afez 3alashan astamer.
sa3eeda awi lmotab3etek w mosharaktek b elta3lee2. w ashkorek 3ala ehtemamek w tadamonek ma3aya. mawadetek fe3lan wesletny. w a7eb atamenek, ana gamda awi w ma7adesh ye2dar 3alaya.. da ana feminist w el2agr 3alallah :)) t7yaty ya agmal cat.

Fantasia said...

3azezty haneen,
tab3an elfeminists agda3 nas.. it's enough that we are putting up with this patriarchal society with all its injustice, pompousness, shallowness and aggressiveness. probably, as you said, this guy thought the word feminist has a negative meaning because it shares its suffix with other notorious terms. that's why he decided to knock me down with it in a pathetic attempt to terrorize me! i feel pity for those people.. they can never see that they are harming themselves by avoiding knowledge. and you are right, we meet those people all the time. they can never admit that there are things that they don't know, although it is pretty normal! how is it possible for a person to know absolutely everything in the world?! but they like to live in this sweet illusion, even if they don't really know much.
i am so happy for your presence, so come whenever you feel like it.. just always drop me a line and give me a piece of your mind. thanks for your support. best regards.

Fantasia said...

dr. diaa,
ya fandem elblog koloh ta7t amrak. da sharaf lyya en 7adretak tesharek f elrad 3al ta3lee2at.. di lwa7daha da3aya lelmodawanah b 1,000,000 genneh.
ashkorak geddan ya doctor 3ala eshadtak byya w tashgee3ak elmostamer. atmna akoon dayman fi mostawa tawaqo3atak el3alya di.
ta7leel 7adretak lma3any el2esmeen adam w 7awa2 badee3 fe3lan. ello3'ah fe3lan ka2en 7ay w 7assas kaman. laken nazret 7adretak elmota3ameqah hya elli btozher leena elgamal f elkalimat w tad3oona lelta2amoul fi ma3aneeha. meen ya doctor delwa2ty by7awel yodrek elgamal?.. meen ta3neeh roo7 el2ensanyah w falsafet el7ayah?.. meen ye3raf 3an 7awa2 ay 7aga 3'eer enha et7'ala2et mn del3 adam w 7'aragetoh mn elgannah?
ya doctor ana mesh mondaheshah en feminist ba2et kelma saye2et elsom3ah. fi zel elthaqafa el7aliyah kol shee2 gameel bytem tashweehoh w kol ma3na ensany bytem mas7'oh (ay ta7weeloh lmas7'). zy elta3leem kedda.. 7aloh mn 7al elthaqafa elsayda.
ana ya doctor mesh shayfa en eldemocracy tenfa3 fi wad3ena el7ali. hya lazem tkoon matlab tab3an.. laken meen elli hyestafeed beeha law ba2et mawgooda delwa2ty? feeh ay ro2ya wad7a w mo7adadah lema ba3d eldemokratyah? feeh ay noo3 mn elfekr momken yemakenna mn ta7'ayol 2ahdaf yogme3 3aleeha elsha3b elmasry fi zel eldemokratyah? hnroo7 feen? hne3mel eih? ya3ni eih yeb2a feeh ente7'abat 7orrah w mafeesh a7zab syasyah begad?.. w mafeesh thaqafah syasyah mn 2ay noo3.. w mafeesh etgah 3am motafeqeen 3aleeh. ezay maseer elbalad ykoon fi 2eid 2a3'labya gahla? tayeb law el2e7'wan masalan kesbo el2ente7'abat el7orrah eldemokratyah di, yeb2a eih el3amal? tani youm elsob7 mafeesh 7aga esmaha demokratyah, w elnas htsa2af w tenbeset. w ba3d m ye3rafo elmoseeba elsooda elli ba2o feeha, hykoon mafeesh ay amal lelta3'yeer.
ana mesh 3ayza demokratya ya doctor.. ana 3ayza sha3b.. 3ayza masryeen begad.. lama da ye7sal, eldemokratya hteegi hteegi.
laken homa feen? mesh bashofhom 3'eer hena bas. t7yaty w kol e7teramy.

Hoda said...

العزيزه/ فانتازيا
والله انا اللى لى الشرف بجد ان اتواجد فى مدونه رائعه زى دى بجد وانا على فكره ما بعرفشى اجامل لان من الصعب ان الواحد يقابل ولو مره واحده فى حياته عقليه متفتحه ومثقفه وعاقله وفى نفس الوقت روح جميله رقيقه كلها حس ورقى وفى نفس الوقت مناضله ومتأسده فى الدفاع عن الحقيقه انا اللى بشكرك انك ادتينى الفرصه فى المشاركه انا اتمنى من الله ان يستمرالتواصل بكل ود فيما بيننا وانا برضه افكارى بس تيجى ايه امام تلك العبقريه الجباره حقيقى والموهبه اللى قريب جداً تكون اشهر من تشارلز ديكنز وشكسبير والله بستمتع فعلا لما بقرا ليكى مقال بالانجليزيه وبرجع لايام اما كنت بقرا زمان ايام الكليه بقى ادب انجليزى وقصص قصيره بس دلوقتى بيكون نادر بجد حاسه انى بلاقى فيكى نفس الروح وفخوره انى وجدت كنز بستفاد منه وبستمتع بيه بجد كل اما اقرا ليكى يا رب ما يحرمناش من كتاباتك وتزيدى تألق ونجاح دايما ودمتى لينا بكل ود وحب
خالص تحياتى واحترامى

Desert cat said...

العزيز دكتور ضياء النجار
انا كان قصدى من الناس اللى تترمى فى الباسكت الناس اللى بتكون داخله علشان تشتم وبس مش هدفها تتناقش
انا لاحظت فى كذا بلوج كل لما ادخل الاقى واحد داخل دون اى شارة للموضوع لا من قريب ولا بعيد
داخل علشان يشتم ويكيل اتهامات للكاتب فقط لا غير
اتمنى اكون وضحت وجهة نظرى
بالمناسبة يا فندم
حضرتك ليك تاج عندى
احترامى وتقديرى لشخصك الكريم

Desert cat said...

فانتازيا
كلامك عين العقل
ويارب دايما موفقه
محبتى يا قمرى

Dr. Diaa Elnaggar said...

عزيزتي فانتازيا هانم،

متفق معك تماما أننا عندنا انحسار شديد في الحس الجمالي، ومتفق معك أيضا أن الشعب المصري في عمومه غير ناضج بالشكل الكافي لتحمل أعباء الديمقراطية، حتى على مستوى من نسميهم بالنخبة المثقفة، ومن أبرز أمثلتهم المدونون مثلا، فكثير منهم غير قليل لا يتحمل الرأي الآخر المخالف له، وليس لهم في الممارسة الديمقراطية الحقيقية برغم تشدقهم في مدونتاهم بها وتباكيهم عليها، لكنهم عند الممارسة الحقيقية تجدينهم لا يفرقون كثيرا عن السادة الديكتاتوريين الذين هارينهم انتقادا في مدوناتهم.

إحدى صاحبات المدونات تحذف تعليقي عندها ليس لأن به ألفاظ خارجة، ووقتها كان سيبقى عندي تفهم لذلك، ولكن فقط لأنه يفضح ما قامت به من سطو على أفكار الغير بدون الإشارة إليهم ولو بكلمة واحدة، ثم تضع خاصية عدم اظهار التعليق إلا بعد موافقة صاحب المدونة عليه، لكي تستطيع مراقبة ومصادرة أي تعليق لا يروق لها، وقد قامت مؤخرا أيضا بالسطو على تقرير للأمم المتحدة دون الإشارة إليه في معرض حديثها وعرضت أهم النقاط الواردة في التقرير وكأنها أفكارها الشخصية، ثم بعد ذلك تجدينها تتحدث عن الديمقراطية السليبة وحقوق الإنسان المهدرة للرعية تحت قدمي السلطان الحاكم !!!!

لذلك اجد جملتك : "في أي رؤية واضحة ومحددة لما بعد الديمقراطية؟" تستحق بوست مستقل في حد ذاته وأرها جملة مفصلية وهيكلية للتعبير عن واقعنا المصري الملئ بالنفاق والمنافقين والجهلة كما اشرت، ولعلي أتذكر كلمة للإمام حسن البصري عندما سئل عن اليهود وقولهم إنهم أحسنوا الظن بالله، فقال الإمام حسن البصري:

وقد كذبوا، فلو أحسنوا الظن لأحسنوا العمل

هذا هو الحال لدينا، نحسن الظن ولكننا لا نحسن العمل، إنه الكذب بعينه ونفاق مرفوع لإس مليون. وعندما نتخلص من هؤلاء الكذبة واللصوص ونفضحهم سنكون قد قطعنا أولى الخطوات على طريق تحقيق الشفافية التي هي أهم مقومات أي حكم ديمقراطي حقيقي.

سعيد جدا بتساؤلاتك وكان نفسي تفردي لها بوست مستقل، فمالموضوع حيوي ويستحق.

عميق تحيتي وخالص مودتي

ضياء

Dr. Diaa Elnaggar said...

عزيزتي قطة الصحراء،

شاكر لك على التوضيح، بس استضياح جديد، ماذا تعني هذه الجملة التي وردت في تعليقك:

بالمناسبة يا فندم
حضرتك ليك تاج عندى

تاج ايه؟ يا ريت توضحيلي معناها لإني بجد مش قادر افهمها.

شاكر لك على الإيضاح السابق مرة أخرى ومستني الايضاح الجديد

عميق تحياتي

ضياء

Guevara said...

فانتازيا
انا مش عندي كلام اقولة ليكي اكتر من الي انا بشوفة في كل دقيقة
بس يا فانتازيا كلنا بحبك وكلنا بتحترمك وكلنا بقدر كلماتك
فانتازيا اوعي حد يحاول يطفي النور الي جواكي

انا اسف علشان انا مش بكتب ليكي بس صدقني انا الي خسران مش حد تاني

Fantasia said...

haneen,
rabenna y7'aleeky ya 7abebty. thank you so much for all what you said about me and about my writings. hope that i truly deserve your wonderful praise and be always up to your expectations. my deep appreciation and my best regards.

Fantasia said...

dr. diaa,
ana mo3tamedah 3ala 7adretak fi tar7 elmawdoo3 dah, w mota2akeda enoh hykoon momtaz.
ana ya doctor dma3'y feeha 1,000,000 7aga. law katabt 3an kol elli 3ayza 2a2oloh lazem a3tekef w ma3melshy 7aga 3'eer kedda. 3alashan kedda 7ally elwa7eed kan elta7'asos fi qadyyah mo7adaddah.
ashkorak ya doctor 3ala 2arak elqayyemah w tashgee3ak elmostamer. 7'ales t7yaty.

Fantasia said...

guevara,
la2 ba2a ana el7'asrana 3alashan 7aremny mn elkalam el7elw dah. ashkorak geddan 3ala mosandetak w sho3oorak eltayyeb. bas ya reet mt3'ebshy 3aleena awi kedda. t7yaty.

العقل اولاً said...

بالرغم من كوني رجل يعيش في مجتمع يعطيه بأكثر مما يطلب إلا أنني في النهاية أرفض مجتمعي هذا مفضلا عليه مجتمع أكثر إيمانا بالإنسان والإنسانية قبل أن يؤمن بالتفرقة بين الجنسين ولو جاءت تلك التفرقة لصالحي, كم من مرات طالبت فيها بإعطاء المرأة حقوقها كاملة بلا نقصان مساواةً بالرجل ووجدت الهجوم من جميع الجوانب كأنني طالبت بتسليم سيناء لإسرائيل ! بل والادهى والأمر أن يأتي هذا الهجوم الشنيع من جانب الجنس اللطيف نفسه ! هذه كانت الطامه الكبرى, فقد إنبريت مرات للدفاع عن حقوق المرأة ومساواتها بالرجل في كل شيء فلم أجد من بعض نون النسوة سوى رد دفاعي عنهم بهجوم ساحق ماحق كأن خائن غرس في ظهري خنجر مسموم, وكم أًتهمت مرات كثيرة بإنعدام النخوة وفقدان الرجولة الشرفية بسبب دفاعي عن حق المرأة في أن تعيش حياتها بنفس القدر من الحرية التي يجياها الرجل, وأن تملك رأس مالها بنفسها, وأن تشترط على الرجل ألا يتزوج عليها, وأن تُلغى تماماً مسألة العصمة والطلاق ثلاث مرات, وأن تخوض المرأة تجاربها العاطفية بل والجنسية دون أي خجل أو شعور بالذنب كما يفعل الرجل الذي يتفاخر بكثرة علاقاته العاطفية والجنسية ودون أدنى مراعاة لمشاعر المرأة ....

ما الإختلاف بين الرجل والمرأة ؟ الإختلاف في النهاية بيولوجي ليس أكثر ولا أقل, نحن جميعاً بشر, ومن يعامل البشر بتفرقة لا يستحق سوى القبوع في مزبلة التاريخ مهان منفي محتقر من بنو جنسه, فإلى الأمام يا نساء الشرق, إلى الأمام بعد طول خضوع وخنوع وذل وإنكسار, إلى الأمام ولا ترجعن إلا بالنصر على مجتمعكم الذكوري المتخلف ..

Dr. Diaa Elnaggar said...

العزيز العقل أولا

بعد إذن فانتازيا هانم أولا،

متفهم تماما لماهية تعليقك، فلقد تعرضت لما تعرضت انت له كثيرا، ولكن هناك عبارة قلتها ذات مرة واعتبرها شخصيا منهجا لي في التنوير، أريدك أن تتأملها لأني ألحظ عندك أحيانا بعض الحدة اللفظية في التعليق، تقول العبارة:

إذا أردت ان تعبر بالناس إلى ضفة العقل فهيأ لهم أنت نفسك العقل مركبا يعبرون به

عميق تحياتي

ضياء

Fantasia said...

al3aql awalan,
sa3eeda geddan btashreefak lyya w atmna tkoon elmodawana elmotawad3a di 7azet 3ala e3gabak 3lashan tesharafny 3ala tool. tab3an ana asfa eny bkteb b 7roof lateeny, w argo en da mykonshy bysa3ab qera2et kalamy.
ashkorak 3ala ta3lee2ak elmoshage3 w elshoga3 fi nafs elwa2t. ana fahma kowyess elli 7adretak bt7awel t2oloh, w lel2asaf da waqe3. elmar2ah hya aswa2 a3da2ha 3ala el2etlaq, tamam zy elsho3oob elfa2eera, elda3eefa w elgahla mahi aswa2 a3da2 nafsaha.
o7ayeek 3ala gor2etak 7'osoosan fi وكم أًتهمت مرات كثيرة بإنعدام النخوة وفقدان الرجولة الشرفية بسبب دفاعي عن حق المرأة
ana shayfa en di akbar moseeba.. hya di elfaza3ah elli elmogtama3 el2abawy 7arees 3ala wogodha 3alashan yo7bet ay mo7awla mn elragol lelta3atof aw mosandet elmar2ah f el7osool 3ala 7o2oo2ha. howa da elli by2etel elnaz3a el2ensanyah da7'el el2ensan, zy kol anwa3 el2erhab elfekry w el3aqa2edy.
zyartak elkareema shadat 3ala yadi mn 2agl el2estemrar w modawamet elmo7awalah. kol e7teramy w taqdeery.

Fantasia said...

3azeezy dr. diaa,
ya fandem enta sa7eb makan. mafeesh ay da3y lel2este2zan. ana elli 3ayza asta2zen 7adretak fi 2eq7am nafsy f elmawdoo3, l2noh yehemny ana kaman.
tab3an mola7zet 7adretak fi ma7alaha, w ana kaman b7awel bqadr el2emkan a7ot elmawdoo3 da f el2e3tebar wana bkteb. b elra3'm mn enny awel marrah ashoof elta3beer elgameel dah 3an elfkrah:
إذا أردت ان تعبر بالناس إلى ضفة العقل فهيأ لهم أنت نفسك العقل مركبا يعبرون به

laken hal momken yoltamas lyya el3ozr law 7abeet enny atkalem b2e7sassy elsha7'sy ma3a el2ash7'as elli byashtareko ma3aya f elfekr w elqana3at? ya3ni at7arar mn momarset dor elmarkeb showaya bas, 3alashan a3abar 3an far7ety w ertya7y lwogood mn yastatee3 fahm afkary bshaklaha elmogarad, el3afawy, el3aneef, w el3'eer moqawlab?
ya3ni ana ya doctor kont fakrah eltadween dah 7orryah motlaqah.. laken tanazalt 3an goz2 mn el7orryah di lra3'betty fi ta72ee2 hadaf, howa belnesbaly aham mn 7orreyetty elsha7'syah. sa7ee7 ana elli 7ateet elqoyood 3ala nafsy w qarart b ma7d eradty enny altezem beeha.. laken akeed bkoon 3ayza motanafas so3'ayar awi, akoon feeh nafsy mn 3'eer 7esabat, mn 3'eer qoyood. 2a2ool elli fi 2alby w 3a2li lmogarad elfadfadah mesh eltawgeeh aw elta7leel. f hal dah momken ykoon loh ta2seer salby?
argo elnos7 l2e3tezazy w theqaty elkbeera fi ra2y 7adretak. gazeel shokry w e7teramy.

Dr. Diaa Elnaggar said...

عزيزتي فانتازيا

هو لولا إني حاسس ومتأكد إني صاحب مكان كنت أزعجتك كل شوية بتعليقاتي حتى على معلقين آخرين؟ لكن يعلم الله كم ارتاح للتنزه في مدونتك الجميلة واشعر في ارجاءها بالراحة النفسية والتيقظ الفكري.

السؤال اللي انت طرحتيه سؤال فيصلي في إي إصلاح، نهج الإصلاح. وأنا شايف شخصيا أنك تستطيعين تحقيق كثير من النتائج الطيبة إذا كان الخطاب هادئا وإنسانيا، و كما قال الرسول: ما كان الرفق في شيء إلا زانه ولا نزع من شيء إلا شانه.

بالنسبة لتحررك من دور المركب أحيانا طبعا لا بأس بهذا وخصوصا إذا كنت مركب العقل تسير في نفس النهر الفكري بينك وبين الآخرين، لكن هذا التحرر مع المخالف لك منهجك الفكري قد يودي بالعملية التنويرية التي تستهدفينها إلى الغرق. أنا أعرف ان هذا الامر مجهد جدا ومستنزف للطاقة النفسية، لكنه قدرنا يا فانتازيا، وهو أمر نثاب عليه من الله كما احسب واعتقد. ومتفق معك تماما فيما كتبتيه ان سمو الهدف يرتبط ببعض التضحيات والتنازلات، ولكن إذا احسست بضغط شديد على ذاتك فلتأخذي راحة لبعض الوقت، او اتكلمي بشكل شخصي مع من تثقي انه لن يفهك بشكل خاطئ ولن يقيم من نفسه مصلحا اخلاقيا لخواطرك العفوية. على العموم لما بس توصلي للحالة دي، حالة الرغبة في الكلام بلا قيود حتلاقي كثير من الناس مستعدة لفعل ده بكل سعادة. :)

وافكرك بس بحاجة صغيرة جدا: الإسلام صنف البشر من ناحية قيمتهم الإنسانية بمعادلة غريبة جدا: القيمة الإنسانية ترتبط طرديا بالقدرة على العطاء في ظل الضغط، وهو عين ما تفعليه يا فانتازيا هانم.

آه يا ريت تبقى تبصي على الموضوع الجديد بتاعي حتى لو ما علقتيش عليه.

عميق تحياتي

ضياء

hartaka said...

ازيك يا فانتازيا عاملا اية
حلو البوست دة وكوميدى جدا

الناس فى مصر بتحب تصنف الناس قوى بكلمة
علشان تريح نفسها دايما, تقولك دة شيوعى , دى فيمنست , دة عميل وهكذا

فكرتينى بموقف حصلى فى الشغل , واحد جاهل اد ابويا فى السن شاف معايا كتاب اسمة عصر التنوير , قالى انت شيوعى ومن ساعتها الكلمة لزقت فى دماغ الناس فى الشركة , حاجة تكسف

تحياتى